YEAR OF THE YOUTH OFFICIAL PRAYER

(Cebuano Version)

PAG-AMPO UBAN UG ALANG

SA KABATAN-ONAN

O Diyos, among Amahan, nagatigum kami isip Simbahan,

ang Lawas ni Kristo, ug pinaagi sa imong Balaang Espiritu
naga-ampo kami alang sa among mga batan-on niining Tuig sa Kabatan-onan.

Diha sa imong dakung kaluoy Imong gipadala si Jesus, Imong Anak. Siya mitubo nga
batan-on uban sa kabatan-onan; Nahimo siyang panig-ingnan alang sa mga batan-
on; Ug gikonsagrahan niya ang kabatan-onan nganha kanimo.

Patalinghogi ang among mga batan-on sa matag higayon nga sila nagasangyaw:

A: Kami mga hinigugma.

B: Nagadayeg kami kanimo tungod sa imong gugma nga nagaluwas kanamo ug
nagahatag og kahulugan sa among kinabuhi.

A: Kami mga ginasahan.

B: Nangalipay kami tungod sa daghanang mga gasa nga imong gihatag kanamo, nga
nakapaadunahan kanamo ug sa among mga katilingban.

A: Kami mga gitugahan.

B: Gidawat namo ang Imong Espiritu nga naghimo kanamong makaambit sa imong
gugma ug grasya ilabina ngadto sa ubang mga batan-on.

Niining Tuig sa Kabatan-onan, tabangi ang mga batan-on sa among nasud sa

paghimamat kang Kristo nga, uban sa gugma, kanunayng nagsud-ong kanamo,
maingon sa iyang gihimo uban sa batan-ong lalaki nga adunahan, uban sa mga
tinun-an diha sa dalan padulong sa Emmaus, ug uban kanila nga nangita sa Imong
Gingharian.

Umola kami pinaagi sa Imong Balaang Espiritu ngadto sa pagkamasaligan nga mga
giya alang sa among mga batan-on, sama ni Maria Magdalena, nga saksi ug
misyonera sa Pagkabanhaw, aron molihok kami sa MISYON: sa malipayong
pagsangyaw kang Kristo nga namatay ug nabuhi pag-usab.

Amomaha kami ug ang among mga batan-on

pinaagi sa Imong Pulong ug Eyukaristiya, aron kami unta sa kanunay
magpakahimong tighatag sa kinabuhi ilabina ngadto sa mga anaa sa ubos, mga
nangawala ug mga na-ulahi. Uban sa among mga batan-on. Sundon unta namo ang
panig-ingnan ni Maria nga among Inahan, kang kansang pag-OO nganha kanimo,
O Diyos, maoy agi-anan sa katumanan sa imong Diyosnon kabubut-on.
Kini among gipangayo pinaagi ni Kristo, among Ginoo. Amen.

San Pedro Calungsod, patron sa kabatan-onang Pilipino, ig-ampo mo kami.