Orasyon / Angelus

℣. (+) Sa ngalan ng Ama, at ng Anak, at ng Espiritu Santo.

℟. Amen.

℣. Ang Anghel ng Panginoon ay nagbalita kay Santa Maria

℟. At siya'y naglihî lalang ng Espíritu Santo.

℣. Abá Ginoóng María, napupunô ka ng grasya, ang Panginoóng Diyos ay

sumasaiyo. Bukód kang pinagpalà sa babaeng lahat, at pinagpalà rin naman ang
iyong Anak na si Hesús.
℟. Santa María, Ina ng Diyos, ipanalangin mo kaming makasalanan, ngayon at
kung kami'y mamamatay. Amen.

℣. Nárito ang alipin ng Panginoón.

℟. Maganap nawâ sa akin ayon sa Wikà mo.
℣. Abá Ginoóng María …
℟. Santa María …

℣. At ang Verbo ay nagkatawáng-tao,

℟. At nakipamayan sa atin.
℣. Abá Ginoóng María …
℟. Santa María …

℣. Ipanalangin mo kami, O Santang Ina ng Diyos,

℟. Nang kami ay maging dapat na makinabang sa mga pangakò ni Hesukristong
Panginoón.

℣. Manalangin tayo.
Panginoón, aming Diyos, kasihan Mo nawâ ang aming mga káluluwâ ng Iyong
mahal na grasya at yayamang dahilan sa pamamalità ng Anghel ay nakilala namin
ang Pagkákatawang-tao ni Hesukristong Anak Mo, pakundangan sa mahal Niyang
pagpápakasakit at pagkamatay sa Krus ay papakinabangán Mo kami sa Kaniyang
Pagkabuhay na mag-uli sa kaluwalhatian sa Langit, alang-alang kay Hesukristo
ring Panginoón namin. Amen.

(3x)
℣. Luwalhati sa Ama, at sa Anak, at sa Espíritu Santo,
℟. Kapara noong sa unang-una, ngayon at kailanman, at mágpasawaláng-
hanggán. Amen.