TI PAMILIAMI

Dumngegkayo ita, ta adda innak ibaga

Pakasaritaan ti pamiliami
A naragsak ken natalna.

Daytoy ni Tatangko, nagaget a pudno

Inaldaw a mapan idiay taltalon
Tapno agmula ken agarado.

Daytoy met ni Nanangko, ayat na’t napalalo

Agriing nga masapa
Taraonmi ti isagana.

Daytoy ni Manongko
Kanayon a kadua ni Tatangko
A mapan idiay taltalon

Ni Manang Anie isu’t agaw-awir ti buridekmi

Bassit ngem nasalun-at
Isu’t mangted liwliwa ti pamiliami.

Daytoy ti pamiliami pudno a naragsak

Sangsangkamaysakami nga agkararag
iti Dios Namarsuatayo.