 Sa survey na isinagawa ng Social Weather Stations (SWS) noong Setyembre 23-27, 47 porsiyento

ng mga respondent ang nagsabing itinuturing nila ang kani-kanilang pamilya bilang maralita.
Tumaas ito ng tatlong puntos sa 44 na porsiyentong naitala sa huling survey noong Hunyo. Ang
47 porsiyento na itinuring ang kani-kanilang sarili na mahirap noong Setyembre ay tinukoy ng
SWS sa 10.9 na milyong pamilya — nadagdagan ng 800,000 pamilya simula noong Hunyo.
Sa kasalukuyan nating kakapusan sa larangan ng kaunlaran, dapat nating tanggapin na marami sa ating
mga kababayan ang hanggang ngayon ay naghihikahos sa buhay. Pinasilip na sa atin ng survey ang bilang
— 10.9 na pamilya. At ang mga pamilyang ito ang bumubuo sa 47 porsiyento ng mamamayan sa ating
bansa.
Nang bumoto ang bansa para sa pagbabago sa huling halalan, ang kahirapan sa bansa ang
pinakamalaking nag-udyok sa panawagan para sa pagbabago. May iba pang mga bagay na ikinonsidera,
siyempre pa. Marami ang naghangad ng pagbabago mula sa rehimen ng kurapsiyon na nakikita nila sa
gobyerno. Ang iba naman ay nagnais ng pagbabago mula sa karaniwan nang krimen at kaguluhan sa
kani-kanilang komunidad.
Nabuhay ang kanilang pag-asa sa nakamamanghang pag-alagwa ng Gross Domestic Product (GDP) na
sumusukat sa pangkalahatang produksiyon ng bansa, subalit ang pagtaas na ito ng GDP ay ramdam
lamang sa mataas na antas ng ekonomiya. Hindi ito napagiginhawa sa anumang paraan ang nasa
mababang antas.
Tinutukan ng bagong administrasyon ang matinding paraan ng pagsugpo sa isa sa mga problema ng
bansa — ang banta ng ilegal na droga. Nagawa rin nitong mapigilan ang pagtatangka ng mga rebelde, sa
suporta ng pandaigdigang teroristang grupo na Islamic State, na magtatag ng pangrehiyong “caliphate”
sa Mindanao. Kumikilos ito ngayon upang maiwasto ang tinatawag ni Pangulong Duterte na “historic
injustice” sa mamamayang Moro sa pagbibigay sa kanila ng higit na awtonomiya.
Lahat ng ito ay mahahalagang hakbangin ng gobyerno. Subalit dapat na ipaalala sa atin ng SWS survey
ang isang suliranin na matagal nang gumigiyagis sa buhay ng mga ordinaryong Pilipino — ang kahirapan.
Sa katunayan, lumubha pa nga ito sa huling bahagi—mula sa 10.1 milyong pamilya ay 10.9 na milyon na
ang apektado nito.
May mga plano ang pamahalaan para sa mahihirap na pamilyang ito. Ang malawakang programang
pang-imprastruktura ng gobyerno sa mga susunod na taon ay hindi lamang magpapatayo ng mga
kinakailangang imprastruktura para sa ating ekonomiya; magkakaloob din ito ng mga trabaho sa daan-
daan libo na ang mga pamilya ay kabilang sa 47 porsiyento na itinuturing ang kanilang sarili na mahirap,
batay sa SWS survey.
Kahit para na lamang sa milyun-milyong mahihirap na ito, umaasa tayong ang problema sa hindi
pagkakasundo ng Kamara de Representantes at ng Senado sa pambansang budget para sa 2018 ay
tuluyan nang mareresolba sa Kongreso. Hindi natin maaaring balikan ang lumang budget sakaling hindi
talaga magkasundo ang ating mga mambabatas.
Maraming programa ang sisimulan sa 2018 gamit ang mga pondong nasa ilalim ng bagong budget. Ang
resulta ng SWS survey noong Setyembre ay dapat na isaisip ng ating mga opisyal habang ipinatutupad
ang maraming programa ng pamahalaan, partikular ang mga makatutulong nang malaki sa milyun-
milyong pamilya na umamin sa SWS na hikahos sila sa buhay.
Ang paksa na ito ay sumasalakay tungkol sa kahirapan
na nadadanasan ng mga pilipino sa Pilipinas, Base sa
aking nabasa, sumusunod ito kahit papaano’y sa mga
etika ng pagsulat at nagampanan ng manunulat ang
kanyang mga responsibilidad. Gaya ng pag iwas sa
plagiarism lahat na nakatalata na mga datos ay may
mga sariling site ng pinagbatayan, ikinilala ang bawat
organisasyon na pinanggalingan ng imporsyon at hindi
inangkin, makakatotohanan ang sulating sapagka’t
ito’y naglalahad ng mga impormasyon sa kasalukayan,
may saktong gamit ng wastong gramatika sa pagsulat,
at hanggang sa maari iniiwasan niyang sabihin ang
kanyan sariling opinyon tungkol sa topikong tinalakay.

Ang manunulat ay nagtatalata ng mga datos na nakuha

sa mapapagkatiwalaan na “source”, hindi niya ito
minanipulahan kundi nilagay niya ang tapat na mga
survey tungkol sa paksa. Tinataglay niya ang tamang
inugali ng isang responsabling at may tamang gabay
na siyensa na manunulat. Bilang isang manunulat,
dapat marunong tayo at alam natin ang tamang etika
at responsibilidad ng manunulat, pati na rin ang mga
tungkulin at gampanin natin. Sapagka’t tayo ay
nakakatulong upang malaganap ang mga
impormasyon at mga kaalamat, dapat natin gamitin sa
wastong pamamaraan.