MY EXTENDED FAMILY

Mayor Dexter Uy's Inaugural Speech

I am humbled, honored and grateful that so many distinguished

guests could join us in this special moment not just for me but for
the entire city of Catbalogan. Ha akon atubangan aadi yana an
mga representative han iba-iba nga ahensiya han gobyerno, an
aton Vice Mayor, an aton mga Konsehal, an mga trabahante ha
LGU, ngan an pinaka importante ha tanan, aadi yana an aton mga
gamhanan nga mamburutos! Ini nga adlaw diri ini para ha akon
kundi para ha iyo! Nakakagyakan ako yana didi ha stage tungod
ha iyo.

Please give me the opportunity to say thank you to the following.

Una, karuyag ko pasalamatan an aton Makagarahum nga Amay
han pabor nga iya ginhatag. Lord, padayun ako nga maaro
guidance haim ha kada hihimuon ngan kada desisyon ko hini nga
bag-o nga chapter han akon kinabuhi. Unta ma-glorify ka ha
tanan ko nga bubuhaton. Next, to the PDP-LBN team, I thank you
for your countless hours of hard work during the recent election.
Magpapadayun an kauswagan han Catbalogan tungod ha iyo.
Thank you to my friends who were with me through thick and
thin. Ungod gudman an kasabihan, makikita mo la kun hino an
imo mga ungod nga sangkay ha panahon han kakurian. To my
classmates in law school who campaigned for me, damo nga
salamat panyeros and panyeras. Ha aton mga gamhanan nga
mamburutos, waray katapusan iton akon pasasalamat ha iyo. Diri
hi ako kundi kamo an ungod nga nag-daog hini nga naglabay nga
eleksiyon. A very special thank you to my family, who has
supported me throughout my life’s journey. Kun ano man ako
yana, tungod ini ha akon pamilya. Hira an nagtutdo ha akon kun
paano makisama nga waray pinili maski ano pa man iton estado
hit usa nga tawo. Hira an nagtutdo ha akon nga maging
mapinaubsanon permi maski ano pa iton umabot ha akon
kinabuhi. Maski ginlalabay-labay ka na hin kun anu-ano nga
hugaw, maski gintatamak-tamakan na an imo pagkatawo, maging
mapinaubsanon la dapat gihapon an ira tutdo ha akon. Hira an
nagtutdo ha akon kun paano magserbi ha mga tawo ha ungod-
ungod ngan kinasing-kasing nga pamaagi. Hira an rason kun kay
ano mas humilarum an akon paghigugma hini nga aton mabaysay
ngan progresibo nga siudad han Catbalogan. Pero yana nga
adlaw, karuyag ko ipasabot ha tanan nga it akon pamilya diri la
natatapos ha mga tawo nga konektado ha akon dugo ngan
apelyido. Tanan nga tawo dinhi ha Catbalogan, bumutos man ha
akon o waray, maruyag man kamo o madiri, basta para ha akon,
tikang yana nga adlaw, parte na kamo han akon pamilya. As the
newly elected father of the City...aw anay daw, baga diri naangay
an termino nga "father" kay diri pa man kita sugad ka lagas.
Siguro mas maupay an termino nga Big Brother? Kuya. Ako an iyo
magiging kuya ngan an Ginoo an aton magiging tatay. Kumo iyo
kuya, responsibilidad ko nga bumulig pagtaguyod hini nga aton
dako nga pamilya. Hingyap ko nga mahingadto kita tanan ha
kaupayan ngan maging malipayon ngan empowered an kada usa
ha iyo nga miyembro hini nga aton pamilya. Ini an rason kun kay
ano maniniguro ako nga maimplementar ine nga akon mga
plataporma.

*discuss platforms/plans for Catbalogan*

It's already 2019 and our city is growing and changing and so is
its people. Being a millennial leader is an advantage because I am
more socially and politically aware of what's happening around us.
Mas maaram ako han mga hingyap han mga tawo ha yana nga
mga panahon amo mas maaram ako kun hain nga mga programa
ngan aktibidades ako magfo-focus. Diri ngatanan nga ginyakan
ko, madali ma-achieve. Pero diri gihapon ini imposible labi na kun
magbuburoblig kita.

Yana nga human na an eleksiyon ngan nagyakan na an mga tawo,

naghahangyo ako nga magkaurusa kita tanan para ha kaupayan.
Of course, I know there will always be critics. We can't please
everybody. Maaram ako nga diri ngatanan ma-agree ha akon all
the time. I just want everyone to know that I welcome criticisms
with open arms labi na kun constructive. Diri ko kamo pupugngan
nga magyakan han iyo mga opinion kay freedom of expression ito
niyo. Karapatan ito niyo ngan papamatian ko kamo. It akon la
hangyo ha mga kritiko, please be fair. Danay ha sobra naton nga
pagiging one-sided, diri naton gina-acknowledge an mga mag-
upay nga nabuhat han usa nga tawo o administrasyon ngan
focused la kita han mga negatibo nga butang. Again, I welcome
criticisms with open arms. Kun it aton hingyap maging mas
maupay pa an siudad han Catbalogan, diri naton kinahanglan
mag-araway kay paprehas manla la kita karuyag. Walang bagay
ang 'di nadadaan sa mabuting usapan. Abrido iton akon opisina
para mamati hiton iyo criticisms, comments, ngan suggestions.
That's what family do. We sit down together and solve our
problems together.

The task given to me is gargantuan but I am up for the challenge!

Diri masayon ngan ha kamatuoran la, makulba duro ini nga akon
responsibilidad. But I am incredibly privileged to serve you.

Kalipayan ko nga magserbi ha iyo.. kay pamilya ko kamo.

Maniniguro ako para ha iyo.. kay pamilya ko kamo.
Magsasakripisyo ako para ha iyo.. kay pamilya ko kamo.

Tanan ini, ginhihimo ko tungod hiton akon paghigugma ha iyo..

kay pamilya ko kamo.

Damo nga salamat ngan maupay nga adlwa ha aton ngatanan.