Professional Documents
Culture Documents
Shrikameshvarastotram: November 10, 2018
Shrikameshvarastotram: November 10, 2018
श्रीकामेश्वरस्तोत्रम्
shrIkAmeshvarastotram
sanskritdocuments.org
श्रीकामेश्वरस्तोत्रम्
Location : doc_shiva
Author : sachchidAnanda-shivAbhinava-nRisiMhabhAratI
stotrasankhyA 225
This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.
sanskritdocuments.org
shrIkAmeshvarastotram
श्रीकामेश्वरस्तोत्रम्
श्रीगणेशाय नमः ॥
ककाररूपाय करात्तपाशसृणीक्षुपुष्पाय कलेश्वराय ।
काकोदरस्रग्विलसद्गलाय कामेश्वरायास्तु नतेः सहस्रम्॥ १॥
कनत्सुवर्णाभजटाधराय सनत्कुमारादिसुनीडिताय ।
नमत्कलादानधुरन्धराय कामेश्वरायास्तु नतेः सहस्रम्॥ २॥
कराम्बुजातम्रदिमावधूतप्रवालगर्वाय दयामयाय ।
दारिद्र्यदावामृतवृष्टये ते कामेश्वरायास्तु नतेः सहस्रम्॥ ३॥
कल्याणशैलेषुधयेऽहिराजगुणाय लक्ष्मीधवसायकाय ।
पृथ्वीरथायागमसैन्धवाय कामेश्वरायास्तु नतेः सहस्रम्॥ ४॥
कल्याय बल्याशरसङ्घभेदे तुल्या न सन्त्येव हि यस्य लोके ।
शल्यापहर्त्रै विनतस्य तस्मै कामेश्वरायास्तु नतेः सहस्रम्॥ ५॥
कान्ताय शैलाधिपतेः सुतायाः धटोद्भवात्रेयमुखार्चिताय ।
अघौघविध्वंसनपण्डिताय कामेश्वरायास्तु नतेः सहस्रम्॥ ६॥
कामारये काङ्क्षितदाय शीघ्रं त्रात्रे सुराणां निखिलाद्भयाच्च ।
चलत्फणीन्द्रश्रितकन्धराय कामेश्वरायास्तु नतेः सहस्रम्॥ ७॥
कालान्तकाय प्रणतार्तिहन्त्रे तुलाविहीनास्यसरोरुहाय ।
निजाङ्गसौन्दर्यजिताङ्गजाय कामेश्वरायास्तु नतेः सहस्रम्॥ ८॥
कैलासवासादरमानसाय कैवल्यदाय प्रणतव्रजस्य ।
पदाम्बुजानम्रसुरेश्वराय कामेश्वरायास्तु नतेः सहस्रम्॥ ९॥
हतारिषट्कैरनुभूयमाननिजस्वरूपाय निरामयाय ।
निराकृतानेकविधामयाय कामेश्वरायास्तु नतेः सहस्रम्॥ १०॥
हतासुराय प्रणतेष्टदाय प्रभाविनिर्धूतजपासुमाय ।
1
श्रीकामेश्वरस्तोत्रम्
shrIkAmeshvarastotram
pdf was typeset on November 10, 2018
2 sanskritdocuments.org