Misa magkinasadya
MAGKINASADYA
*Magkinasadya, maghilinugyaw kita, ang kapupun-
an sang tion nag-abot na. May paghiusa may
paghigugma kita ang kaluwasan na angkon sang
tagsa-tagsa.
1. Ang naga-antus may kasulhayan, ang
nabilanggo may kahilwayan ang katilingban
gahiliugyon kay ini balaan nga tion.*
2. Ang ginapigos may katarungan mga
nadulman pagaiwagan magapabilin nga
nagalaum kay ang Dios kaupod naton.*
GINOO, MALUOY KA
Gino-o maluoy ka, maluoy ka sa amon.
Kristo malu-oy ka, malu-oy ka, malu-oy ka sa amon.
Ginoo malu-oy ka, malu-oy ka sa amon.
HIMAYA SA DIOS
ALELUYA
Aleluya, Aleluya, Aleluya, Aleluya. 2x
PASANTOSA
1. Ang daku nga paghalad ginahiwat naton, ang
pag-upod sang Dios sa panahon. Nangin
bahin siya sang aton kasaysayan sa pagdala
sa aton kaluwasan.*
*Pasantosa ining bino kag tinapay, ginahalad namon
sa Imo, O Amay. Pasantosa ang amon nga hilikuton
ginahalad sa tanan nga ti-on.
2. Tuytoyi gid ang amon nga tagipusoon nga
kami gid magmahigugmaon. Mangin
maalwan sa naga kinahanglan, magkabuhi
sing may pagkabalaan.*
SANTO
Santo, Santo ang Ginoong Dios sang mga ehersito.
Puno ang langit kag ang duta sang Imong himaya,
hosanna sa kahitaasan.*
*Hosanna, hosanna, hosanna sa kahitaasan. 2x
Dayawon ang nagakari sa ngalan sang Ginoo,
hosanna sa kahitaasan.*
©Most Holy Name of Jesus Parish Youth Choir, Buenavista, Guimaras.
AKLAMASYON
Si Kristo napatay, si Kristo nabanhaw,
magkari ka O Ginoong Jesus.
AMEN
Amen, Amen, Amen, Amen.
AMAY NAMON
Amay Namon nga yara ka sa langit,
pagdayawon ang imo ngalan. Umabot sa amon ang
imo ginharian, matuman ang Imo pagbuot diri sa duta
siling sang sa langit. Hatagan mo kami niyan sing
kan-on namon sa matag adlaw. Kag patawaron mo
kami sang mga sala namon, siling nga ginapatawad
namon, ang mga nakasala sa amon. Kag dili mo kami
ipadaug sa panulay. Hinunuo, luwason mo kami sa
kalaut.
Kay Imo ang ginharian, ang gahum kag ang
Himaya, sa mga tuig, sa mga katuigan.
KORDERO
Kordero sang Dios nga nagawala ka sang mga sala
sang kalibutan, maluoy ka sa amon. 2x
Kordero sang Dios nga nagawala ka sang mga sala
sang kalibutan, hatagan mo kami sang paghidait.
TALIKALA SANG PAGHIGUGMA
1. Ikaw kag ako may kinaiya, may kinatuhay sa
tagsa-tagsa. Pinasahi nga tinuga, ginpabakod
sang Iya grasya.*
*Sa talikala sang paghigugma ang katawhan
ginhugpong niya, ikabuhi ang paghiliusa sa pagtukod
sang iya banwa.
2. Ang aton tion kag kinaadman, ihalad naton
sing may kaalwan, ang aton Dios gingikanan
ipaambit naton sa tanan.*
3. Ikaw lamang ang amon dalangpan sa
kasaypanan kag kaayuhan, iwagi ang amon
dalan sa pagtib-ong sang katilingban.*