Professional Documents
Culture Documents
BC 199 First Paper - Research Relationship Paper 1
BC 199 First Paper - Research Relationship Paper 1
2016-90074 BC 199
Relasyon sa isang ina, sa isang pagkain, at sa isang taong sinisinta-sa mga konseptong gaya nito
iniugnay ng karamihan sa aking mga kaklase ang kanilang relasyon sa pang-akademikong pananaliksik.
Noong nakaraang Martes, Agosto 6, 2019, naatasan ang aming klase sa BC 199 upang pag-usapan sa
pagitan ng dalawang tao kung ano ang estado ng aming ugnayan sa larangan ng pananaliksik. Mula
dito aking napulot ang ideya karamihan sa amin ay may matibay at malapit na pananaw ukol sa paksa,
di lamang bilang mga iskolar ng bayan, kundi maging bilang mga alagad ng midya. Sa palitan namin
ng mga opinyon, napagtanto ko na sa apat na taon o higit pang pananatili namin sa kolehiyo,
Sa aming pagbabahagi ng aking naging kapareha na si Josh Camo, nagtagpo ang aming mga ideya
sa tatlong malalawak na punto. Una, para sa amin, hinahayaan ng pananaliksik na magkaroon tayo ng
mas malalim na pag-unawa sa mga bagay-bagay. Binibigyan tayo nito ng pagkakataong mas halukayin
ang pinagmulan ng isang konsepto, ideya o penomenon upang mas maintindihan kung bakit, paano, I
kailan ito nangyari. Pangalawa, ito ay nagbibigay daan upang mas ma-appreciate pa natin ang mga
media content na ating kinokonsumo at mas mapagtibay pa natin ang pundasyon ng ating mga nililikha.
Bilang mga alagad ng midya, tungkulin natin maging responsable at kritikal sa ating mga kinokonsumo
tayo ay ibinabalik sa tunay nating layunin na maging mas maingat, sigurado, ngunit magkaroon pa rin
ng tindig sa ating mga nilalabas sa telebisyon, radyo, dyaryo o internet man. Pangatlo at panghuli,
nagtuma rin kami ni Josh sa puntong palaging tandaan sa bawat pananaliksik kung kanino nga ba natin
ito ginagawa. Hindi na lingid sa atin na sa akademiya, ang mga iskolar ay may tiyansang kaligtaan na
lumubog sa mismong mga paksa ng mga isyung kanilang tinatalakay sa kanilang mga pag-aaral.
Madalas ay ating nakakaligtaang ihulma ang ating mga pag-aaral sa paraang maaabot ang mas
malawak ng masa. Nawawala sa ating mga isipan kadalasan ang pinakamahalagang bahagi sana ng
pananaliksik-ang maiparating sa mas malaking dami ng tao ang ating mga natutunan.
Bagama’t aking nabanggit ang pagiging malapit sa pang-akademikong pananaliksik, ako, bilang
isang indibidwal ay itinuturing bahagya ang aking relasyon dito bilang isang “love and hate” na
relasyon. Maging hanggang ngayon, ako ay nasa proseso pa rin ng pagdadalubhasa at pag-aaral nito.
Marami pa ring pagkakataon na dapat ay aking mas matutunan pa ang wastong pagsasagawa, proseso,
o pagsulat ng isang papel. Aaminin ko na minsan o madalas pa rin akong nahihirapan dito. Ito ay
marahil na rin siguro sa aking mahinang pundasyon sa pananaliksik noong hayskul. Sa aming mga
asignatura, halos wala kaming natalakay ukol sa pananaliksik. Ang konseptong ito ay mas napakilala
lamang sa akin noong ako ay tumuntong na sa kolehiyo. Sa kolehiyo ko mas naunawan ang halaga nito,
lalong-lalo na sa natatangi naming larangan, ang midya. Mas binibigyang diwa nito ang mga
produksyon na aming nililikha. Mas binibigyang bigat nito ang mga kuwentong aming nakakalap at
ibinabahagi. At, mas iminumulat nito ang aming mga mata at isipan sa isang larawang sagisag ay
katotohanan.
Ang pagbabahagi na aming ginawa sa klase ay nakatulong upang ipaalala ang aming mga
pananaw at pagtrato sa larangan ng pananaliksik. Para sa akin, hinayaan ako nitong harapin ang mga
pagsubok na aking kinakaharap ukol dito, at pinag-iisip ako ngayon pa lang ng mga paraan upang ito
ay bigyang solusyon. Ilan na sa mga solusyong aking naisip ay ang mas matiyaga at malalim pang
pagbabasa ng mga akda ukol sa pananaliksik. Naniniwala akong mas matindi pang eksposyur sa
mundong ito ang tutulong sa akin upang mas magkaroon pa ng kumpiyansang ito ay gawin. Ang
klaseng BC 199 ay nakikita ko bilang isang avenida upang mas hasain ko pa ang aking kaalaman sa
pananaliksik. Inaasahan kong ang aking mga kaklase at propesor ay magiging maunawain, lilikha ng
‘safe space’ sa pagbabahagi ng mga opinyon ng bawat isa, at magiging ‘support system’ ng bawat isa.
Sa ganitong paraan, higit na mas mapalalalim at mapapagtibay pa ang kani-kaniya naming mga