Bizup & William T. FitzGerald - The Craft of Research, Fourth Edition (Chicago Guides to Writing, Editing, and Publishing) 2016
INTRODUCTION:
Hindi lamang pangangalap ng impormasyon kaakibat ng pagiging
isang magaling na mananaliksik. Kakabit ng kaniyang trabaho ang kritikal na pag-eksamin o pagbasa sa mga datos at kaalamang kanyang nadidiskubre at maibahagi ito sa pinakamainam at pinakawastong paraan.
Ang pananaliksik ay mainam na instrumentong tumutulong sa atin
upang mas lubos na maunawaan ang katotohanang inihahain sa atin ng midya at produktong ating kinokonsumo.
Ang pagbibigay kasagutan ang mga katanungang umiinog sa ating
mga isipan at pagtuklas sa mga kaalamang di pa napagtatanto ninuman ay nabibigyang daan ng pananaliksik.
“And no matter how carefully you plan, research follows a crooked
path, taking unexpected turns, sometimes up blind alleys, even looping back on itself.”
CHAPTER 2
Isang kadalasan ay nakakaligtaan ngunit malaking batayan ng tagumpay
ng isang pananaliksik ay ang mga mambabasa nito. Inilahad ni Booth (2016) ang kahalagan ng pag-intindi at pagtukoy sa mga gampanin o “roles” ng isang mananaliksik at ng odyens sa larangan ng pananaliksik.
Bilang isang mananaliksik, ilan sa mga roles na tinutukoy ni Booth (2016)
na maaari mong gampanan ay ang (1) pagbibigay ng bago at interesanteng impormasyon, (2) pagbibigay ng solusyon sa isang problema, o (3) paghahanap ng kasagutan sa isang mahalagang katanungan o kuro-kuro. Dagdag pa niya, ang mga roles na ito ay nakadepende sa iba’t-iba ring mga roles na ginagampanan ng iyong mga odyens gaya ng
CHAPTER 3
Kaakibat ng bawat pagsisimula ng isang pananaliksik ang pagbuo ng
research question o research problem na nangangailangan ng masinsinang pagmumuni-muni at pagpaplano. Sa proseso ng pagbuo nito makatutulong kung iyo munang aalamin kung ano ang paksang nais mong talakayin habang isinasangalang-alang ang oras na mayroon ka, ang mga ebidensyang maaari mong makalap ukol dito, at sa anong paraan mo ito maaaring mahanap. Mainam na magkaroon ng pangkat o grupong makakasama sa iyong pananaliksik na maaari mong bahagian ng mga kuro-kuro at plano at tunguhin ng iyong pag-aaral.