Tagapag-ulat: Peloton, Rovamae L.

BSEd Filipino II
FIL 52A (CSED)

Tula sa Panahon ng mga Hapones

(Written Report)

Kaligirang Kasaysayan

Ipinagbabawal ng mga namumunong Hapon ang paggamit ng wikang

Ingles at tinaguyod ang pagpapayaman sa panitikan gamit ang mga
katutubong wika ng bansa. Pinasunog din ang mga aklat na nasusulat sa
Ingles upang masigurong hindi mababahiran ng kanluraning ideya ang
panitikang nililikha.
Sa madaling salita, sumibol nang lubos ang panitikan ng bansa sa
panahon ng Hapon dahil higit na Malaya ang mga Pilipino sa pagsulat ng
panitikan at pagsanib ng kultura, kaugalian at paniniwalang Pilipino. Kaya’t
tinaguriang “Gintong Panahon ng Panitikang Pilipino” ang panahon na ito.

Mga Paksa:

-buhay lalawigan o nayon -pananampalataya

-pag-ibig -sining

-kalikasan -pagkamakabayan

Tatlong uri ng tula na lumaganap:

1. Haiku (5-7-5)

-17 pantig, 3 taludtod

-matalinghaga at masining ang pagpapahayag

Mga halimbawa ng Haiku ni Gonzalo K. Flores:

 Pag-ibig Tutubi

Hatid ay saya Hila mo’y tabak,

Sa pusong sumisinta Ang bulaklak nanginig

Irog, halika. Sa paglapit mo.

Kalikasan Anyaya

Biyaya’y taglay Ulilang damo

Kaloob ng Maykapal Sa tahimik na ilog

Anyaya’y buhay. Halika, sinta.

2. Tanaga (7-7-7-7)

-7 pantig bawat taludtod

-may sukat at tugma

Mga halimbawa ng Tanaga ni Idelfonso Santos (Liwayway, Oktubre 10, 1943):

Palay Kabibi Tag-init

Palay siyang matino Kabibi ano ka ba? Alipatong lumapag

Nang humangi’y May perlas maganda ka Sa lupa—nagkabitak,

yumuko
Kung idiit sa tainga Sa kahoy nalugayak,
Ngunit muling tumayo,
Nagbubuntunghininga. Sa puso—naglagablab!
Nagkabunga ng ginto.

3. Karaniwang anyo

-may sukat (wawaluhin o lalabindalawahin) at tugma

Halimbawa ay ang tulang “Pag-ibig” ni Teodoro Gener

Pag-ibig

Umiibig ako at ang iniibig

Ay hindi dilag na kaakit-akit

Pagkat kung talagang ganda lang ang nais

Hindi ba nariyan ang nunungong langit?

Lumiliyag ako at ang nililiyag

Ay hindi ang yamang pagkarilag-rilag

Pagkat kung totoong perlas lang ang hangad

Di ba’t masisisid ang pusod ng dagat?

Umiibig ako’t sumisintang tunay

Di sa ganda’t hindi sa ginto ni yaman

Ako’y umiibig sapagkat may buhay

Na di nagtitikim ng kaligayahan.

Ang kaligayahan ay wala sa langit

Wala rin sa dagat ng hiwang tubig

Ang kaligayaha’y nasa iyong dibdib

Na inaawitan ng aking pag-ibig.

Tula ang isa sa mga anyo ng panitikan na nagkaroon ng higit na

pagbabago o impluwensiya noong panahon ng Hapon. Namayani rin ang
tulang may malayang taludturan. Isa sa mga manunulat ng tulang tulad nito
ay si Alejandro Abadilla (AGA), na siyang sumulat ng tulang “Ako Ang Daigdig”.
Ito’y walang sukat at tugma na di tulad sa karaniwang anyo ng tula.

Sanggunian:

Limdico, Magdalena P. et. al. “Panitikang Filipino, Kasaysayan at Pag-unlad

(Pangkolehiyo). Navotes Press, Nabotes Metro Manila. Karapatang-ari
1989 ng National Book Store, Inc.

Papa, Nerita P. et. al. “Panitikang Filipino (Pandalubhasa). Copyright 1997.

Katha Publishing Co., Inc.

http://www.slideshare.net/carelcarlos5/ang-panahon-ng-hapon-1942-
1945?next_slideshow=1