Professional Documents
Culture Documents
260 Standardet e Shkencave Shoqërore
260 Standardet e Shkencave Shoqërore
TRAJNIMIT
STANDARDET E SHKENCAVE
SHOQËRORE
PËR KLASAT 1012
TIRANË, SHTATOR 2008
1
Hyrje
Shkencat shoqërore përbëjnë një studim të integruar që synon të nxisë dhe të zhvillojë
aftësitë qytetare. Ato sigurojnë një studim të bashkërenduar, sistematik të lëndëve
të tilla, si qytetaria, historia, gjeografia, ekonomia, shkencat politike, filozofia etj.,
duke integruar dhe përmbajtjen e duhur nga shkencat humane, natyrore dhe
matematika.
Qëllimi kryesore i shkencave shoqërore është të ndihmojë nxënësit të zhvillojnë
aftësinë e tyre për të marrë vendime të arsyeshme dhe të mirinformuara për të mirën e
përbashkët, si qytetarë të një shoqërie shumëkulturëshe demokratike në një botë
gjithnjë e më të ndërvarur.
1. Shkencat shoqërore kanë si qëllim kryesor të zhvillojnë njohuritë, aftësitë,
qëndrimet dhe prirjet që janë të domosdoshme për një shoqëri demokratike.
2. Shkencat shoqërore integrojnë njohuri, aftësi dhe qëndrime në dhe ndërmjet
lëndëve të ndryshme. Shkalla dhe format e integrimit ndryshojnë në varësi të niveleve
moshore, të tematikave ose të çështjeve të ndryshme.
3. Shkencat shoqërore ndihmojnë nxënësit të ndërtojnë njohuri dhe qëndrime përmes
lëndëve të ndryshme, të cilat ofrojnë mënyra dhe këndvështrime të ndryshme të
trajtimit të realitetit.
4. Shkencat shoqërore reflektojnë ndryshimet e njohurive, duke lëvruar metoda të
reja integruese për të zgjidhur çështjet themelore të shoqërisë njerëzore.
Standardet e fushës së shkencave shoqërore të hartuara në këtë kontekst, përshkruajnë
fushat ose linjat kryesore dhe arritjet e pritshme të nxënësve në këto fusha. Ato
shërbejnë, ndër të tjera, si udhëzues për:
· Zhvillimin e përmbajtjes së disiplinave lëndore.
· Përcaktimin e arritjeve të të gjithë nxënësve në fushën e njohurive, aftësive,
qëndrimeve në fund të një cikli shkollimi.
· Për vlerësimin e arritjeve të nxënësve etj.
Ato shërbejnë si kritere për të marrë vendime në fushën e kurrikulës së lëndëve
shoqërore dhe për të përzgjedhur jo vetëm çështje të ndryshme për t’u trajtuar në
klasë, por edhe për të përzgjedhur mënyrën më të mirë të trajtimit të tyre.
Organizimi i standardeve
Standardet e shkencave shoqërore në këtë dokument janë organizuar në dhjetë linja,
të cilat përmbajnë edhe arritjet e pritura nga nxënësit në secilën prej tyre në fund të
klasës së 12.
Linjat janë ndërlëndore dhe si të tilla ato lidhen dhe priten natyrshëm me njëratjetrën.
2
Linjat kryesore të standardeve të shkencave shoqërore janë:
Standardi 1. Kultura
Standardi 2. Koha, vazhdimësia, ndryshimi
Standardi 3. Njerëz, vende dhe mjedise
Standardi 4. Zhvillimi individual dhe identiteti
Standardi 5. Individë, grupe, institucione
Standardi 6. Pushteti dhe autoriteti
Standardi 7. Prodhimi, shpërndarja, konsumi
Standardi 8. Shkenca, teknologjia, shoqëria
Standardi 9. Lidhjet globale
Standardi 10. Ideale dhe praktika të qytetarisë
3
Standardet e shkencave shoqërore për klasat 1012
Fusha e shkencave shoqërore është një studim i integruar i shkencave shoqërore dhe
humane dhe përfshin një studim sistematik dhe të integruar të disiplinave të tilla, si
edukimi qytetar, ekonomia, historia, gjeografia, sociologjia, psikologjia, si dhe
elemente të shkencave humane. Qëllimi i shkencave shoqërore si fushë është t'i pajisë
nxënësit me njohuri, aftësi dhe qëndrime që atyre u nevojiten për të qenë qytetarë
aktivë, të informuar, të përgjegjshëm dhe anëtarë të komuniteteve të tyre. Pra:
Studimi i shkencave shoqërore synon krijimin dhe zhvillimin e:
· Njohurive dhe aftësive të nevojshme për të marrë pjesë në mënyrë të
përgjegjshme në zhvillimet e vazhdueshme demokratike në një botë gjithnjë e
më të ndërvarur.
· Njohurive, aftësive dhe vlerave dhe prirjeve që çojnë në vetëpërmbushjen e
interesave ekonomike dhe personale.
· Bazave të qytetarisë, duke siguruar kuptimin e ligjshmërisë, të proceseve
politike dhe të çështjeve që lidhen me to, përmes studimit të gjithë përvojës
njerëzore.
· Aftësive të të menduarit kritik, të cilat aftësojnë të nxënit gjatë gjithë jetës.
· Njohurive bazë në disiplinat kryesore të shkencave shoqërore, si dhe aftësive
për t’i zbatuar ato në jetën e tyre të përditshme si qytetarë.
· Aftësive për të marrë pjesë në aktivitete që ndihmojnë në të mirën e
përbashkët dhe në arritjen e mirëqenies së përgjithshme.
Përshkrimi i standardeve
A Emri i linjës Kultura
8.12.A Standardi i linjës Qeniet njerëzore krijojnë dhe përshtatin kulturën. Kultura na
ndihmon të kuptojmë veten njëherazi si individë dhe anëtarë
të një grupi të caktuar. Kultura njerëzore shfaq si
ngjashmëritë, ashtu edhe ndryshimet. Për shembull, ne të
gjithë kemi sistemet tona të besimit, të njohurive, të vlerave
dhe të traditave. Çdo sistem është në të njëjtën kohë unik dhe
i veçantë. Në një shoqëri demokratike me shumë kultura,
nxënësit duhet të kuptojnë këndvështrimet e ndryshme që
rrjedhin nga kulturat e ndryshme. Ky kuptim do t’i lejojë ata
të hyjnë në marrëdhënie me njerëzit në vendin e tyre dhe me
ata që jetojnë botë.
Objektivat e Nxënës/i,ja:
linjës
4
· të analizojë dhe të shpjegojë mënyrat, në të cilat grupet
shoqëritë dhe kulturat trajtojnë nevojat dhe interesat
njerëzore;
· të parashikojë se si mund të interpretohen përvojat dhe
të dhënat nga njerëz dhe këndvështrime të ndryshme
kulturore dhe sisteme të ndryshme referimi;
· të analizojë modelet shoqërore për ruajtjen dhe
transmetimin e kulturave, krahas përshtatjes së tyre ndaj
ndryshimeve mjedisore dhe shoqërore;
· të interpretojë modelet e sjelljeve që reflektojnë vlerat
dhe qëndrimet që ndihmojnë ose pengojnë mirëkuptimin
ndërkulturor;
· të argumentojë vlerën e larmisë kulturore si dhe të
kohezionit brenda dhe ndërmjet grupeve;
· të parashikojë reagime të mundshme të kulturave ndaj
çështjeve njerëzore;
· të shpjegojë dhe të zbatojë ide, teori dhe mënyra të
kërkimit në shqyrtimin e çështjeve të problemeve
shoqërore;
· të analizojë dhe të interpretojë këndvështrimet e
ndryshme aktuale dhe historike brenda një kulture dhe
ndërmjet kulturave për çështje të ndryshme shoqërore;
· të shpjegojë lidhjet e tyre personale me sistemet
shoqërore dhe kulturore në kohë dhe hapësirë;
· të vlerësojë ndikimet që kulturat e ndryshme historike
dhe bashkëkohore kanë në jetën e përditshme të individit;
· të shqyrtojë ndërveprimin e ndikimeve kulturore,
kombëtare dhe etnike në ngjarje dhe situata të veçanta
jetësore.
B Emri i linjës Koha, vazhdimësia, ndryshimi
8.12.B Standardi i linjës Lëndët shoqërore duhet të sigurojnë mundësinë e studimit të
mënyrave, në të cilat njerëzit e shohin dhe e kuptojnë veten
në kohë.
Qeniet njerëzore kërkojnë të kuptojnë rrënjët e tyre historike
dhe në të njëjtën kohë duan të kuptojnë dhe të vendosin veten
e tyre në një kohë të caktuar reale. Një kuptim i tillë kërkon
zbulimin e ligjësisë së ndryshimit dhe të zhvillimit të tyre në
kohë. Njohja dhe rindërtimi i kësaj rruge zhvillimi të
ndihmon të zhvillosh perspektivën historike dhe ta përdorësh
atë në përgjigjet e pyetjeve të tilla, si: Kush jam unë? Pse jam
ky që jam? Çfarë ka ndodhur në të kaluarën dhe si lidhem unë
me të? Si ka ndryshuar bota dhe si mund të ndryshojë ajo në
të ardhmen? Pse ndryshon edhe ndjenja e përkatësisë dhe e
varësisë sonë nga e kaluara? Në ç’mënyrë mund të vlerësohet
këndvështrimi që ne kemi për përvojën tonë personale në
kuadrin e tablosë së përgjithshme botërore në ndryshim? Në
ç’mënyrë jeta jonë personale dhe ngjarjet e historitë e
ndryshme të saj pasqyrojnë këndvështrime të ndryshme dhe
në të njëjtën kohë ofrojnë informacion për pikëpamjet dhe
veprimet e sotme?
5
Objektivat e Nxënës/i,ja:
linjës
· të shpjegojë që njohuritë historike dhe koncepti i kohës
janë produkte shoqërore dhe ndikojnë në zgjedhjet që
njerëzit u bëjnë çështjeve që duan t’u përgjigjen dhe në
faktet që përdorin për to;
· të analizojë dhe të shpjegojë lidhjet ndërmjet modeleve
të ndryshimit dhe të vazhdimësisë historike, duke zbatuar
koncepte të tilla si koha, kronologjia, ndryshimi, konflikti
dhe kompleksiteti;
· të analizojë modele ndryshimi kulturore dhe
ndërkulturore, si zhvillimi i kulturave dhe civilizimeve të
ndryshme, formimin e qyteteve dhe të ndryshimeve (edhe
të revolucioneve) ekonomike, shoqërore dhe politike);
· të përdorë në mënyrë sistematike proceset e hulumtimit
kritik për të shpjeguar, interpretuar ngjarjet historike,
çështjet e diskutueshme, duke përdorur burime të
ndryshme informacioni dhe të dhënash dhe duke
kontrolluar në mënyrë të vazhdueshme besueshmërinë e
tyre;
· të hulumtojë, të interpretojë dhe të analizojë
këndvështrimet e ndryshme historike dhe aktuale brenda
dhe ndërmjet kulturave që lidhen me çështje të
rëndësishme shoqërore, duke dyshuar e në të njëjtën kohë
gjykuar në mënyrë kritike;
· të zbatojë në mënyrë sistematike ide, teori dhe mënyra të
hulumtimit historik për të analizuar zhvillimet historike
dhe bashkëkohore dhe për të informuar për të vlerësuar
veprimet që lidhen me çështjet publike
C Emri i linjës Njerëz, vende, mjedise
8.12.C Standardi i linjës · Përparimet teknologjike i lidhin nxënësit e të gjitha
niveleve më botën pavarësisht lokalizimeve të tyre
personale. Ata studiojnë njerëzit, vendet dhe ndërveprimet
njeri mjedis mbështesin të mësuarit e tyre për të krijuar
këndvështrimet hapësinore dhe perspektivat gjeografike
të botës. Sot, ndryshimet sociale, kulturore, ekonomike
dhe qytetare u tregojnë nxënësve nevojën e njohurive, të
aftësive dhe të të kuptuarit të botës, për të pyetur dhe për
t’ju përgjigjur pyetjeve të tilla, si: Ku janë lokalizuar
gjërat? Pse ne jemi vendosur aty ku janë lokalizuar ato?
Cilat janë zakonet që kanë ndikuar në grupimin e gjërave?
Si kanë ndryshuar vendet dhe mjediset në rajon dhe më
gjerë? Si ndikojnë ndryshimet mjedisore? Kjo fushë
studimi i ndihmon nxënësit të bëhen më të informuar dhe
të marrin vendime kritike rreth marrëdhënieve midis
qenieve humane dhe mjedisit. Në shkolla, kjo temë
shfaqet e lidhur me fusha të ndryshme të studimit.
Objektivat e Nxënës/i,ja:
6
linjës
· të shpjegojë karakterin relativ të vendndodhjes, drejtimit,
madhësisë dhe formës përmes përpunimit të hartave
mendore të vendeve të botës;
· të interpretojë, të zbatojë dhe të krijojë informacione të
ndryshme që shprehin botën në përmasa dhe aspekte të
ndryshme të saj;
· të shpjegojë se si mjediset publike dhe private që njerëzit
ndërtojnë, pasqyrojnë kulturën, nevojat njerëzore,
politikën vlerat dhe idealet e tyre aktuale;
· të shqyrtojë, të interpretojë dhe të analizojë modelet
fizike, kulturore dhe bashkëveprimin e tyre;
· të analizojë dhe të vlerësojë mënyrën se si ngjarjet
historike kanë ndikuar dhe janë ndikuar nga faktorët
ekonomikë e shoqërorë, rajonalë e globalë;
· të analizojë dhe të të vlerësojë ndikimet ekonomike dhe
shoqërore që shkaktojnë ndryshimet dhe krizat mjedisore;
· të vlerësojë dhe propozon politika alternative për
shfrytëzimin e burimeve të ndryshme në komunitet, shtet,
rajon dhe botë.
D Emri i linjës Zhvillimi individual dhe identiteti
8.12.D Standardi i linjës Identiteti personal është i formuar nga ndikimet e kulturës së
grupeve dhe të institucioneve. Si mësojnë njerëzit? Pse
njerëzit sillen në këtë apo po atë mënyrë? Ç’gjëra ndikojnë në
mënyrat sesi njerëzit mësojnë, fitojnë dhe rriten? Si ja bëjnë
njerëzit për të përmbushur nevojat e tyre bazë në kontekste të
ndryshme? Pyetje të tilla janë të rëndësishme për studimin
sesi zhvillohen individët nga fëmijëria deri në moshë të rritur.
Ekzaminimi i formave të ndryshme të sjelljeve humane
përforcon të kuptuarin e marrëdhënieve midis normave
sociale dhe lulëzimit të identiteteve personale, proceseve
sociale që ndikojnë në formimin e identitetit dhe të parimeve
etike që kushtëzojnë veprimin individual. Në shkollë kjo temë
shfaqet e lidhur ngushtë me fushat e psikologjisë dhe
antropologjisë.
Objektivat e Nxënës/i,ja:
linjës
· të analizojë lidhjet e tij personale me kohën, hapësirën
dhe sistemet socialkulturore;
· të vlerësojë ndikimet e kulturave historike dhe
bashkëkohore në jetën individuale;
· të shpjegojë mënyrat se si familja, feja, gjinia, etnia,
kombësia, statusi socialekonomik e faktorë të tjerë
kulturorë ose të grupeve ndikojnë ndaj zhvillimit të
ndjenjës së identitetit personal;
· të zbatojë në mënyrë sistematike koncepte, metoda dhe
teori për studimin e rritjes dhe të zhvillimit njerëzor, si:
zhvillimi fizik, të nxënit, motivimi, sjellja, perceptimi dhe
7
personaliteti;
· të analizojë ndërveprimin e ndikimeve kulturore, etnike
ose kombëtare në dukuri ose situata të veçanta;
· të analizojë rolin e perceptimeve, qëndrimeve, vlerave
dhe bindjeve në zhvillimin e identitetit personal;
· të vlerësojë ndikimin që ushtrojnë stereotipat,
konformizmi, altruizmi dhe sjellje të tjera tek individët
dhe grupet;
· të shpjegojë faktorët që ndikojnë në zhvillimin ose
dëmtimin e shëndetit mendor; të analizojë çështjet që
lidhen me shëndetin mendor dhe çrregullimet e sjelljes në
shoqërinë bashkëkohore.
E Emri i linjës Individët, grupet dhe institucionet
8.12.E Standardi i linjës Institucione të tilla si shkolla, familja, feja, institucionet
qeveritare etj. luajnë rol të rëndësishëm në jetën e secilit. Këto
dhe institucione të tjera ushtrojnë një ndikim të madh në jetën
tonë. Megjithatë, ato nuk janë më shumë se organizime që
shërbejnë për të çuar më tej vlerat shoqërore të anëtarëve të
tyre. Për këtë arsye që nxënësit duhet të njohin mënyrën e
formimit të tyre, kush i kontrollon ose ushtron ndikimin e
tyre në to, se si vetë ato ushtrojnë kontroll ose ndikojnë në
jetën e individëve dhe në kulturë, dhe se si mbahen dhe
ndryshojnë institucionet në fjalë. Studimi i individit, grupeve
dhe institucioneve i përgatit nxënësit të t’u japin përgjigje
pyetjeve të tilla, si: Cili ka qenë dhe cili është roli i
institucioneve në shoqëri? Sa dhe në ç’mënyrë jeta ime
ndikohet nga roli i institucioneve? Si ndryshojnë ato? Cili
është dhe cili duhet të jetë roli im në ndryshimin e tyre?
Objektivat e Nxënës/i,ja:
linjës
· të zbatojë sistematikisht koncepte të tilla, si roli, statusi
dhe klasa shoqërore për të përshkruar lidhjet dhe
ndërveprimin e individëve, grupeve dhe institucioneve në
shoqëri;
· të analizojë ndikimin e grupeve dhe të institucioneve te
njerëzit, ngjarjet dhe elementet e ndryshme kulturore në të
kaluarën dhe sot;
· të shpjegojë zhvillimin e institucioneve në kohë dhe
hapësirë;
· të analizojë shembuj të kontradiktave ndërmjet shprehjes
së individualitetit dhe përpjekjeve që bëhen për të nxitur
konformizmin shoqëror nga grupet dhe institucionet;
· të shqyrtojë sistemet e besimeve që qëndrojnë në themel
të traditave dhe ligjeve në shoqërinë e sotme dhe gjatë
historisë;
· të vlerësojë rolin e institucioneve si në drejtim të
trashëgimisë dhe vazhdimësisë, ashtu edhe në drejtim të
ndryshimit;
8
· të analizojë shkallën në të cilën grupe dhe institucione
plotësojnë interesat e individëve dhe interesat e
përbashkëta në shoqërinë e sotme dhe në atë të së
kaluarës.
F Emri i linjës Pushteti dhe autoriteti
8.12.F Standardi i linjës Të kuptuarit e zhvillimit historik të strukturave të pushtetit,
autoritetit dhe qeverisjes dhe përmirësimi i funksioneve të
tyre në shoqërinë e sotme shqiptare, po aq sa dhe në pjesë të
tjera të botës, është esencial për zhvillimin e kompetencave
qytetare. Në zbulimin e kësaj teme, nxënësit përballojnë
pyetje të tilla, si: Ç’është pushteti? Çfarë formash merr ai?
Kush e mban atë? Si është fituar ai, si përdoret dhe si
justifikohet? Çfarë është autoriteti legjitim? Si krijohen,
strukturohen, mbahen dhe ndryshohen qeverisjet? Si mund ta
mbajmë qeverisjen përgjegjëse kundruall nevojave dhe
interesave të qytetarëve? Si mund t’i mbrojmë të drejtat e
njeriut në kontekstin e rregullave të shumicës? Nga
ekzaminimi i qëllimeve dhe i karakteristikave të sistemeve të
ndryshme të qeverisjes, nxënësit zhvillojnë të kuptuarit sesi
grupet dhe kombet përpiqen të zgjidhin konfliktet dhe të
vendosin rregull dhe siguri. Përmes studimit të marrëdhënieve
dinamike midis të drejtave dhe përgjegjësive individuale,
nevojave të grupeve sociale dhe koncepteve të një shoqërie të
drejtë, nxënësit bëhen problem zgjidhës dhe vendimmarrës
më efektivë kur ju drejtohen çështjeve të përhershme dhe
problemeve sociale që shtrohen në jetën publike. Në shkolla,
kjo temë shfaqet në kapitujt që lidhen me qeverisjen, politikat,
shkencat politike, historinë, ligjet dhe shkenca të tjera sociale.
Objektivat e Nxënës/i,ja:
linjës
· të shpjegojë qëllimin e qeverisjes; të analizojë rrugën si
si fitohet, ushtrohet dhe justifikohet pushteti;
· të shpjegojë idetë dhe mekanizmin që duhet për
plotësimin e nevojave dhe dëshirave të qytetarëve, për të
rregulluar territorin, për të menaxhuar konfliktet, për të
vendosur rendin dhe sigurinë dhe balancën e koncepteve
për një shoqëri të drejtë;
· të analizojë mënyrën se si kombet dhe organizatat e
ndryshme u përgjigjen konflikteve ndërmjet forcës së
unitetit dhe të diversitetit;
· të krahasojë sistemet e ndryshme politike (ideologjitë,
strukturën, institucionet, proceset dhe kulturat politike)
me sistemin shqiptar;
· të analizojë dhe të vlerësojë kushtet, veprimet dhe
motivimet që ndihmojnë në konfliktet dhe bashkëpunimin
brenda dhe ndërmjet kombeve;
· të shpjegojë dhe të zbatojë sistematikisht ide, teori dhe
mënyra të hulumtimit të shkencave politike për
9
shqyrtimin e çështjeve të rëndësishme dhe të problemeve
shoqërore
G Emri i linjës Prodhimi, shpërndarja dhe konsumi
8.12.G Standardi i linjës Njerëzit kanë dëshira që shpesh herë i tejkalojnë burimet që
ta kanë në dispozicion për plotësimin e tyre. Për këtë arsye
njerëzve u duhet të marrin vendime për çështje të tilla, si:
Çfarë duhet të prodhojmë? Si duhet të jetë mënyra e
prodhimit? Si do të shpërndahen të mirat dhe shërbimet? Cila
është mënyra me e mirë dhe e efektshme e shpërndarjes së
faktorëve të prodhimit (toka, puna, kapitali, menaxhimi)?
Shpërndarja e pabarabartë e burimeve bën të nevojshëm
ekzistencës e sistemeve të shkëmbimit, përfshirë tregtinë, për
të përmirësuar mirëqenien e ekonomisë, ndërkohë që roli i
qeverive në marrjen e vendimeve në fushën ekonomike
ndryshon në kohë dhe hapësirë. Këto vendime gjithnjë e më
shumë po marrin karakter global dhe për këtë arsye ato
shtrojnë nevojën e studimeve sistematike për një ekonomi
botërore të ndërvarur dhe për rolin e teknologjisë në
vendimmarrjet ekonomike.
Objektivat e Nxënës/i,ja:
linjës
· të shpjegojë pse pamjaftueshmëria e burimeve
prodhuese (njerëzore, kapitale, teknologjike dhe natyrore)
kërkon zhvillimin e sistemeve ekonomike që marrin
vendimet për prodhimin dhe shpërndarjen e të mirave dhe
shërbimeve;
· të analizojë rolin që luajnë kërkesa, oferta, çmimi,
shpërblimi dhe fitimi, kosto etj. në prodhimin dhe
shpërndarjen e të mirave dhe shërbimeve në një sistem
konkurrues tregu e të shpjegojë marrëdhëniet ndërmjet
tyre;
· të shpjegojë rëndësinë që ka kosto dhe fitimi për
shpërndarjen e të mirave dhe shërbimeve në sektorin
privat dhe atë publik;
· të analizojë dhe të shpjegojë marrëdhëniet ndërmjet
institucioneve të ndryshme ekonomike që përbëjnë
sistemet ekonomike, si prodhimi i vogël (edhe ai
familjar), firmat prodhuese, bankat, institucionet
qeveritare, sindikatat dhe korporatat;
· të zbatojë sistematikisht konceptet dhe arsyetimet
ekonomike për vlerësimin e zhvillimeve dhe të çështjeve
shoqërore aktuale dhe historike;
· të shpjegojë sistemet ekonomike të brendshme dhe ato
globale dhe bashkëveprimin ndërmjet tyre;
· të zbatojë vazhdimisht njohuritë për prodhimin,
shpërndarjen dhe konsumin në analizën e çështjeve
shoqërore; harton një plan për plotësimin e kërkesave
shoqërore të dëshirueshme që lidhen me to.
10
H Emri i linjës Shkenca , teknologjia dhe shoqëria
8.12.H Standardi i linjës Teknologjia është e vjetër sa dhe gozhda e vjetër e shpikur
nga njerëzit parahistorikë, por sot teknologjia formon bazën e
disa prej zgjedhjeve sociale më të vështira. Jeta moderne,
ashtu sikurse në të tërë e dimë, është e pamundur pa
teknologjinë dhe shkencat që e mbështesin atë. Por
teknologjia sjell me vete shumë pyetje: A është teknologjia e
re gjithnjë më mirë sesa ajo të cilën e zëvendësojmë? Çfarë na
mëson e kaluara rreth asaj sesi rezultatet e teknologjive të reja
sjellin ndryshime të gjera? Si mund ta menaxhojmë
teknologjinë e re në mënyrë që numri i njerëzve që do
përfitojnë prej saj të jetë sa më i madh? Si mund të ruajmë
vlerat dhe besimet në një botë që me ritme të shpejta po
shndërrohet në një fshat të lidhur me teknologjinë? Kjo temë
shfaqet në kapituj që lidhen me edukimin qytetar dhe
qeverisjen, ekonominë, historinë, gjeografinë. Ajo lidhet edhe
me lëndë, si shkenca e fizikës, shkencat sociale dhe shembuj
të veçantë të çështjeve dhe të njohurive bazë që lidhen me
shkencën dhe teknologjinë.
Objektivat e Nxënës/i,ja:
linjës
· të analizojë, nga historia dhe aktualiteti shembuj të
bashkëveprimit dhe të ndërvarësisë së shkencës,
teknologjisë dhe të shoqërisë në mjedise të ndryshme
kulturore;
· të gjykojë për mënyrën se si shkenca dhe teknologjia
kanë transformuar mjedisin fizik dhe shoqërinë njerëzore,
si dhe mënyrën e të kuptuarit të kohës, hapësirës dhe të
bashkëveprimit njerëzor;
· të analizojë se si shkenca dhe teknologjia kanë ndikuar
dhe ndikojnë në vlerat, bindjet dhe qëndrimet themelore
të shoqërisë dhe se si vlerat, bindjet dhe qëndrimet e
shoqërisë kanë modeluar ndryshimet shkencore dhe
teknologjike;
· të vlerësojë politikat e ndryshme që janë propozuar për
trajtimin e ndryshimeve shoqërore që kanë qenë rrjedhojë
e teknologjive të reja, si inxhinieria gjenetike për bimët
dhe kafshët; propozon në mënyrë krijuese politika për
trajtimin e ndryshimeve shoqërore që kanë qenë rrjedhojë
e teknologjive të reja;
· të pranojë dhe të interpretojë këndvështrimet e
ndryshme për shoqërinë njerëzore dhe botën fizike duke
përdorur vazhdimisht njohuritë shkencore, standardet
etike dhe teknologjitë që vijnë nga kultura të ndryshme
botërore;
· të formulojë strategji dhe politika zhvillimi për të ndikuar
në diskutimet publike për çështje të marrëdhënieve
ndërmjet teknologjisë dhe shoqërisë, si për shembull, për
11
çështjen e efektit serrë.
I Emri i linjës Ndërvarësia globale
8.12.I Standardi i linjës Realiteti i ndërvarësisë globale kërkon gjithnjë e më shumë
kuptimin e lidhjeve globale gjithnjë e më të rëndësishme
ndërmjet shoqërive botërore. Analizat e kontradiktave
ndërmjet interesave kombëtare dhe përparësive globale
ndihmon në zhvillimin e zgjidhjeve të mundshme për çështjet
aktuale dhe atyre reja globale në fusha të tilla, si kujdesi
shëndetësor, zhvillimi ekonomik, cilësia e mjedisit, të drejtat
e njeriut dhe të tjera. Duke analizuar modelet dhe
marrëdhëniet brenda dhe ndërmjet kulturave, të tilla si
konkurrenca dhe ndërvarësia ekonomike, armiqësitë e vjetra
etnike, aleancat politike dhe ushtarake etj., i jepet mundësia
nxënësit të shqyrtojë me kujdes alternativat politike që kanë
ndikim si në nivel kombëtar, ashtu edhe në nivel global. Kjo
temë në mënyrë të veçantë trajtohet në lëndët e edukimit
qytetar, ekonomik dhe gjeografik, por mund të trajtohet si
çështje globale edhe në lëndët e tjera.
Objektivat e Nxënës/i,ja:
linjës
· të shpjegojë me shembuj ndërvarësinë globale, lidhjen e
së kaluarës, të tashmes e të ardhmes dhe ndërvarësinë e
sjelljeve dhe veprimeve të individëve me sistemet globale;
· të argumentojë me shembuj se këndvështrimet për botën
ndryshojnë në varësi të faktorëve të tillë si mosha,
besimi, kultura, konteksti gjeografik, gjuha, kombësia,
raca etj;
· të shpjegojë me shembuj ndikimin (lehtësues ose jo) e
elementëve kulturore si gjuha, arti, muzika, besimet etj.
në mirëkuptimin ose keqkuptimin në nivel global;
· të shpjegojë kushtet dhe motivet që ndihmojnë në
nivelin e bashkëpunimit, të ndërvarësisë dhe të
konflikteve ndërmjet individëve, grupeve ose kombeve;
· të analizojë dhe të vlerësojë ndikimin e ndryshimeve
teknologjike në komunitetin global;
· të analizojë shkaqe, pasoja dhe zgjidhje të mundshme të
disa prej problemeve bashkëkohore, të trashëgueshme ose
të reja, si: shëndeti, sigurimi, shpërndarja e burimeve,
zhvillimet ekonomike dhe cilësia e mjedisit etj;
· të analizojë marrëdhëniet dhe kontradiktat ndërmjet
sovranitetit kombëtar dhe interesave globale në çështje të
tilla, si territori, zhvillimi ekonomik, armët bërthamore
dhe ato në përgjithësi, përdorimi i burimeve natyrore dhe
shqetësimet lidhur me të drejtat e njeriut;
· të analizojë ose formulon qartë deklarata politike që
dëshmojnë në praktikë nivelin e të kuptuarit të çështjeve,
standardeve dhe konflikteve lidhur me të drejtat e njeriut
dhe çështje të tjera globale;
· të vlerësojë rolin e organizatave ndërkombëtare dhe
12
ndërshtetërore në nivel global;
· të analizojë dhe të parashikojë ndikimin e mundshëm të
veprimeve individuale dhe kolektive në të tashmen dhe ta
ardhmen globale.
J Emri i linjës Idealet dhe praktikat e qytetarisë
8.12.J Standardi i linjës Të kuptuarit e idealeve dhe praktikave të qytetarisë ka
rëndësi për pjesëmarrjen e plotë dhe aktive në shoqëri dhe
për këtë arsye përbën një ndër objektivat qendrorë të
edukimit qytetar. Të gjithë njerëzit duhet të marrin pjesë në
shqyrtimin e idealeve dhe të praktikave të qytetarisë në
mënyrë të vazhdueshme dhe kudo, si dhe në përpjekjet e tyre
për të ngushtuar hendekun që qëndron ndërmjet praktikave
aktuale dhe idealeve që qëndrojnë në themel të shoqërisë së
sotme demokratike. Në këtë kuadër, nxënësve duhet t’u jepet
mundësia t’u përgjigjen pyetjeve të tilla, si: Çdo të thotë
pjesëmarrje dhe si mund të përfshihem në të ? Si është
zhvilluar koncepti i qytetarisë? Cili është raporti ndërmjet të
drejtave dhe përgjegjësive? Cili është roli i qytetarëve në
komunitetin dhe vendin ku jetojnë si dhe si pjesëtar i
komunitetit botëror? A mundem unë të ndryshoj diçka në
botën ku jetojmë dhe si mund ta realizoj atë? Si të arrij që
ndryshimet e mia të jenë pozitive?
Objektivat e Nxënës/i,ja:
linjës
· të shpjegojë origjinën dhe të interpretojë ndikimin e
vazhdueshëm të idealeve themelore demokratike, si
dinjiteti njerëzor, liria, drejtësia, barazia dhe shteti i së
drejtës në jetën e përditshme;
· të analizojë, të interpretojë dhe të vlerësojë burimet dhe
shembujt e të drejtave dhe përgjegjësive të qytetarëve;
· të vlerësojë larminë e këndvështrimeve të ndryshme;
· të ushtrojë në praktikë dhe të drejtojë forma të
diskutimit dhe të pjesëmarrjes qytetare në përputhje me
idealet e qytetarisë demokratike;
· të analizojë dhe të vlerësojë ndikimin e formave të
ndryshme të veprimit qytetar në politikën publike;
· të analizojë larminë e madhe të politikave dhe çështjeve
publike nga këndvështrimi i aktorëve të ndryshëm që
ndikojnë në politikën kombëtare dhe krijon qëndrimin e
tij për to;;
· të vlerësojë shkallën në të cilën politikat publike dhe
sjelljet qytetare pasqyrojnë ose ndihmojnë në formimin e
idealeve të shpallura të qytetarisë demokratike.
13
8.1 QYTETARIA
Bashkëjetesa e përgjegjshme dhe aktive qytetare kërkon njerëz me njohuri dhe aftësi
intelektuale, të domosdoshme për të kuptuar, analizuar dhe për të ndikuar në politikat
sociale dhe në mënyrat e zbatimit të tyre.
Ajo kërkon aftësi të pjesëmarrjes së përgjegjshme qytetare të çdo individi dhe rritjen
e përfshirjes së tyre të vetëdijshme dhe të kualifikuar në zgjidhjen demokratike të
problemeve të komunitetit.
Ruajtja, zhvillimi dhe konsolidimi i demokracisë kërkon zhvillimin e përkushtimit
qytetar në respektimin e vlerave, të parimeve demokratike dhe rregullave e ligjeve të
domosdoshme për bashkëjetesë në një shoqëri demokratike
Objektivat e Nxënës/i,ja:
linjës
· të shprehë dhe të shpjegojë me shkrim dhe me gojë
idetë dhe pikëpamjet e veta për çështje që ndikojnë në
jetën e tij/saj dhe të shoqërisë;
· të pranojë vlerën e tij/saj si individ, duke dalluar
aspektet pozitive për veten dhe arritjet vetjake, duke
kërkuar gabimet dhe duke plotësuar dhe korrigjuar
objektivat personalë;
· të mbledhë informacion, të kërkojë ndihmë, të bëjë
zgjedhje të përgjegjshme dhe ndërmerr veprime
konkrete për arritjen e objektivave personalë e
shoqërore;
· të shpjegojë ndryshimin e emocioneve të njeriut në
kohë dhe në hapësirë dhe mënyrën e trajtimit pozitiv të
ndjenjave në raport me veten, me familjen dhe me të
tjerët;
· të përshkruajë llojet e ndryshme të punëve që kryhen
aktualisht në shoqëri dhe tregon mënyrën e zhvillimit të
aftësive vetjake për zhvillimin e karrierës së tij/saj të
mundshme në të ardhmen.
B Emri i linjës Qytetaria aktive
14
Objektivat e Nxënës/i,ja:
linjës
· të bëjë kërkime të pavarura, të diskutojë dhe të
debatojë për çështje, probleme dhe ngjarje të
rëndësishme për vete dhe shoqërinë;
· të shpjegojë rëndësinë e hartimit dhe zbatimit të ligjit
dhe të rregullave në fusha të ndryshme të jetës dhe të
veprimtarisë njerëzore dhe mënyrën e pjesëmarrjes në
procesin e bërjes dhe të ndryshimit të ligjeve;
· të shpjegojë pasojat e sjelljeve të dhunshme e
diskriminuese te individët dhe shoqëria;
· të përshkruajë dhe të shpjegojë llojet e ndryshme të
përgjegjësisë, të të drejtave dhe detyrimeve të individit
në shtëpi, shkollë, shoqëri dhe si këto shpeshherë hyjnë
në konflikt me njëratjetrën;
· të reflektojë për vlerat shoqërore, morale, shpirtërore
dhe kulturore vetjake dhe të të tjerëve;
· të zgjidhë konfliktet duke shqyrtuar alternativat, duke
marrë vendim dhe duke shpjeguar zgjedhjet e bëra;
· të shpjegojë thelbin dhe natyrën e demokracisë dhe
institucionet që e mbështesin atë në nivel vendor dhe
qendror;
· të përshkruajë rolin e grupeve të ndryshme vullnetare
dhe atyre të presionit në mbarëvajtjen e demokracisë;
· të vlerësojë grupet dhe identitetet e ndryshme etnike,
kulturore, fetare etj., në bashkësinë ku jeton dhe më
gjerë;
· të shpjegojë mbledhjet dhe mënyrat e ndryshme të
shpërndarjes së burimeve dhe ndikimin që zgjedhjet
ekonomike kanë te individët, bashkësitë dhe te zhvillimi
i qëndrueshëm i mjedisit;
· të zbulojë dhe të shqyrtojë mënyrën sesi media e
përpunon dhe e paraqet informacionin.
C Emri i linjës Sjellja e shëndetshme dhe e sigurt shoqërore
8.1.12.C Standardi i linjës
Objektivat e Nxënës/i,ja:
linjës
· të përshkruajë, duke u mbështetur në të dhënat e
shkencave të tjera, sjelljet e shëndetshme në fushat
kryesore të jetës dhe të veprimtarisë njerëzore dhe
përfitimet e gjithanshme për veten dhe shoqërinë, për të
bërë zgjedhjet e duhura shoqërore, morale e ligjore;
· të përshkruajë ndryshimet kryesore psikologjike,
intelektuale dhe shoqërore që shoqërojnë fëmijërinë;
· të përshkruajë disa prej substancave të paligjshme që
përdoren sot nga njerëzit dhe pasojat e tyre negative
për individin dhe shoqërinë;
· të dallojë dhe të përshkruajë rreziqet e ndryshme që
15
ndeshen në mjedise e në fusha të caktuara të
veprimtarisë njerëzore (si shtëpia, rruga, shkolla, vendi i
punës etj.), merr vendime të drejta për t’i parandaluar
ose për t’i shmangur ato;
· të dallojë trysninë e mjediseve të ndryshme për të
vepruar në mënyrë të rrezikshme ose të paligjshme dhe
kërkon ndihmë për t’i rezistuar kësaj trysnie;
· të marrë pjesë në hartimin e rregullave të ndryshme në
shkollë, bashkësi ose në vende të tjera për të rritur
sigurinë dhe shëndetin.
Objektivat e Nxënës/i,ja:
linjës
· të shpjegojë ndikimin e veprimeve të tij/saj tek të tjerët;
· të vlerësojë qëndrimet e tij/saj stereotip ndaj të tjerëve;
· të shprehë gjykimin e tij për gjendjen e drejtësisë ose
të barazisë në shkollë, në bashkësi e më gjerë;
· të shpjegojë që ndryshimet dhe ngjashmëritë ndërmjet
njerëzve lidhen me faktorë kulturorë, etnikë, gjinorë,
racorë, fetarë dhe aftësish;
· të shqyrtojë jetën e njerëzve, grupeve dhe të popujve që
jetojnë në vende të ndryshme dhe me vlera e zakone të
ndryshme;
· të përshkruajë dhe të shpjegojë larminë e madhe të
marrëdhënieve njerëzore, si: marrëdhëniet shoqërore,
familjare etj.;
· të shpjegojë thelbin dhe pasojat e sjelljeve
diskriminuese për individët dhe grupet dhe të shprehë
qëndrimin e tij për këto sjellje.
16
8.2.1 HISTORIA
8.2.1.1 Historia e qytetërimit botëror
Nxënës/ija do të zotërojë njohuri për historinë e qytetërimit botëror, në mënyrë që të
kuptojë jetën dhe ngjarjet e së shkuarës, si dhe lidhjen e tyre me të tashmen dhe me të
ardhmen.
A Emri i linjës Natyra e historisë
8.2.A Standardi i linjës Nxënës/ija do të vlerësojë që historia është një tërësi
ngjarjesh e personazhesh, që merr vlerën e shkencës
humane kur ndërtohet mbi bazën e shumëllojshmërisë së
burimeve historike, duke ruajtur linjën kronologjike.
8.2.12.A Objektivat Nxënës/ija:
e linjës · të kuptojë organizimin kronologjik të historisë dhe di të
vendosë njerëzit dhe ngjarjet në periudha të ndryshme,
për të kuptuar dhe shpjeguar marrëdhëniet historike;
· të shpjegojë se shoqëritë janë të ndryshme dhe me
kalimin e kohës janë ndryshuar dhe kanë evoluar;
· të argumentojë se si shkenca, teknologjia dhe aktiviteti
ekonomik janë zhvilluar, ndryshuar dhe evoluar dhe
kanë prekur shoqërinë në kohëra;
· të shpjegojë se si institucionet politike janë zhvilluar
dhe ndryshuar në kohë;
· të evidentojë se idetë fetare dhe filozofike kanë qenë
forcë madhore në histori;
· të vlerësojë historinë si një shkencë humane;
· të ndërtojë linjën e kohës, duke vendosur në të
periudhat historike dhe ngjarjet e rëndësishme historike;
· të shpjegojë ndryshimin dhe vazhdimësinë e ngjarjeve
historike, brenda dhe përtej periudhave historike;
· të krijojë një tabelë kronologjike të periudhave
historike, duke e pasuruar atë në vazhdimësi me
informacionin e ri;
· të analizojë ngjarjet historike në lidhjet e tyre shkak–
pasojë;
· të shpjegojë tipat e burimeve historike, si një
domosdoshmëri në punën e historianit;
· të kërkojë dhe të vlerësojë burimet alternative për
ndërtimin e ngjarjes historike;
· të argumentojë rolin e mjedisit në zhvillimin e
qytetërimeve, duke krahasuar vlerën e tij dje dhe sot;
· të shpjegojë se si dhe pse ngjarjet historike janë
interpretuar në mënyra të ndryshme;
· të interpretojë dhe të vlerësojë etapat historike dhe
ndryshimet fizike, ekonomike, sociale dhe kulturore, që
pësoi njeriu në parahistori.
B Emri i linjës Qytetërimet botërore në antikitet (mijëvjeçari IV pr.K.
– 400 ps.K)
17
8.2.B Standardi i linjës Nxënës/ija do të përshkruajë, do të analizojë dhe do të
vlerësojë kushtet, etapat dhe tiparet e zhvillimit të
qytetërimeve antike në Mesopotami, Egjipt, Greqi e Romë,
si dhe ndikimin e këtyre qytetërimeve në qytetërimet e
sotme.
18
qytetërimit antik dhe në lindjen e qytetërimit mesjetar.
C Emri i linjës Qytetërimet botërore në mesjetë (400 ps.K – 1450)
8.2.C Standardi i linjës Nxënës/ija do të përshkruajë, do të shpjegojë dhe do të
analizojë etapat kryesore nëpër të cilat ka kaluar zhvillimi i
shoqërisë mesjetare.
8.2.12.C Objektivat Nxënës/ija:
e linjës · të shpjegojë tiparet e qytetërimit bizantin, duke
argumentuar shkaqet e krijimit të tij;
· të krahasojë dhe të argumentojë qëndrueshmërinë e
Perandorisë Bizantine ndaj Perandorisë Romake të
Perëndimit;
· të krahasojë tiparet ekonomike dhe shoqërore të
qytetërimit bizantin me ato të qytetërimeve të
mëparshme;
· të argumentojë në mënyrë kritike shkaqet e ndarjes së
kishës kristiane;
· të analizojë tiparet e organizimit shtetëror të
Perandorisë Bizantine dhe legjistacionin e saj;
· të argumentojë, nëpërmjet diskutimit, pozitën e
territoreve arbërore midis Romës dhe Bizantit;
· të analizojë kushtet historike të përhapjes së islamit
dhe argumenton rëndësinë e qytetërimit arab në Europë;
· të shpjegojë dhe të analizojë tiparet e feudalizmit,
duke evidentuar ndryshimet në jetën ekonomike dhe
shoqërore;
· të analizojë strukturën ekonomike dhe shoqërore të
Europës mesjetare;
· të shpjegojë marrëdhëniet midis qytetërimit arab dhe
atij europian, duke evidentuar format e këtyre
marrëdhënieve;
· të krahasojë prirjet e zhvillimit të artit, të kulturës dhe
të arsimit në qytetërimin arab me ato në qytetërimin
perëndimor;
· të pasqyrojë dhe të evidentojë pasojat e kryqëzatave
në marrëdhëniet mes dy qytetërimeve;
· të përkufizojë konceptin shtet – komb;
· të shpjegojë procesin e kalimit nga copëtimi feudal në
shtet – kombe, duke analizuar faktorët e këtij procesi;
· të evidentojë rolin e fesë në jetën politike të Evropës
Perëndimore;
· të analizojë dhe të krahasojë pozitën e monarkut në
Angli dhe në Francë, duke nxjerrë përfundime për
trashëgiminë parlamentare në ditët e sotme;
· të krahasojë tiparet ekonomike dhe shoqërore të
Francës me ato të Anglisë;
· të vlerësojë dokumentin e Kartës së Madhe të Lirive si
bazë të parlamentarizmit botëror;
· të diskutojë për copëtimin feudal francez, duke e
krahasuar me atë anglez;
· të përcaktojë në hartë shtrirjen e Perandorisë Osmane
19
sipas periudhave të zhvillimit të saj;
· të tregojë kushtet historike të formimit të Perandorisë
Osmane;
· të analizojë karakterin dhe organizimin politik e
shoqëror të Perandorisë Osmane;
· të evidentojë tiparet e zhvillimit të artit, të kulturës dhe
të arsimit në qytetërimet mesjetare;
· të gjykojë për rolin e fesë në qytetërimin mesjetar.
D Emri i linjës Qytetërimet në agimin e historisë moderne (14501650)
8.2.D Standardi i linjës Nxënës/ija do të analizojë, do të vlerësojë dhe do të
përgjithësojë ndryshimet rrënjësore në jetën ekonomike,
politike, shoqërore, humane, kulturore, shkencore dhe fetare
që sollën fillimin e botës moderne dhe do të argumentojë
ndikimin e këtyre arritjeve në qytetërimin bashkëkohor.
8.2.12.D Objektivat Nxënës/ija:
e linjës · të gjykojë për vlerat historike të periudhës së Rilindjes
dhe kthesën e madhe që solli ajo në shoqërinë
evropiane;
· të analizojë zhvendosjen e tregut botëror nga pellgu i
Mesdheut në brigjet e Atlantikut dhe gjykojë për pasojat
që shkaktoi ajo në qytetërimin botëror;
· të diskutojë, të analizojë dhe të nxjerrë përfundime
për lëvizjet e mëdha sociale, kulturore dhe fetare në
Europën e shek. XVI;
· të përshkruajë, të analizojë dhe të nxjerrë
përfundime për shkaqet, rrugët dhe pasojat e lulëzimit
dhe të rënies së Perandorisë Osmane;
· të përshkruajë dhe të analizojë tiparet e zhvillimit të
formacioneve politike në Francë dhe Angli në plan
krahasues për të dyja shtetet;
· të diskutojë dhe të vlerësojë kontributin që dhanë për
shoqërinë europiane zhvillimet e mëdha në fushën e
shkencës dhe të artit, gjatë shek XVI dhe XVII.
E Emri i linjës Koha e ndryshimeve thelbësore(16501914)
8.2.E Standardi i linjës Nxënës/ija do të vlerësojë ndryshimet rrënjësore, që
shkaktuan revolucionet politike, industriale dhe ideologjike
në qytetërimin evropian dhe botëror, ndryshime të tilla si:
· lindja e shteteve të reja,
· ekuilibri i brishtë evropian,
· ndarja e botës,
· krijimi i aleancave politiko – ushtarake,
dhe do të gjykojë për ndikimin e këtyre ndryshimeve në
qytetërimin e mëvonshëm.
8.2.12.E Objektivat Nxënës/ija:
e linjës · të përkufizojë dhe të shpjegojë konceptin revolucion,
të përshkruajë pasojat e revolucionit në qytetërim dhe
tipologjinë e revolucioneve, duke analizuar veçoritë e
secilit prej tyre;
· të shpjegojë dhe të krahasojë karakteristikat e
revolucioneve politike gjatë shek XVII – XVIII në
20
Angli, në kolonitë angleze të Amerikës dhe në Francë,
duke vlerësuar ndikimin e tyre në qytetërimet e
mëvonshme;
· të përcaktojë rolin e elitave politike në revolucionet
politike (Angli, Amerikë, Francë), të përshkruajë
tiparet e personalitetit të udhëheqësve të këtyre
revolucioneve dhe të analizojë ndikimin që patën ata në
ecurinë e revolucioneve;
· të përshkruajë premisat që paraprinë revolucionet
industriale (shek. XVIIXIX);
· të shpjegojë ecurinë e revolucioneve industriale,
evidenton ndryshimet që ato sollën në jetën ekonomike,
sociale e politike dhe gjykon për pasojat e tyre;
· të përshkruajë rrymat e mendimit në shek. XIX
(iluminizmi, romantizmi dhe nacionalizmi) dhe të
analizojë ndikimin e tyre në lëvizjet nacionaliste të
shek. XIX (Austri, Gjermani, Perandori Osmane);
· të gjykojë për ndryshimet e thella që pësoi shoqëria
europiane pas proceseve revolucionare.
F Emri i linjës Periudha e tronditjeve të mëdha (19141945)
8.2.F Standardi i linjës Nxënës/ija do të analizojë shkaqet e fillimit të luftërave
botërore, do të gjykojë për pasojat e paqes së gabuar të
arritur në përfundim të Luftës së Parë Botërore dhe do të
vlerësojë trashëgiminë e luftërave botërore në jetën
ekonomike, politike dhe shoqërore të qytetërimit botëror.
8.2.12.F Objektivat Nxënës/ija:
e linjës · të tregojë shkaqet që çuan në fillimin e Luftës së Parë
Botërore dhe përcakton në hartë frontet kryesore në të
cilat u zhvillua Lufta I Botërore;
· të analizojë dhe të gjykojë për ndryshimet politiko
territoriale, që ndodhën me vendosjen e rendit të ri
botëror në Europën e viteve 1920 – 1930;
· të përshkruajë, të shpjegojë dhe të krahasojë sistemet
kryesore politike në Europë midis dy luftërave botërore,
si dhe të analizojë zhvillimet kryesore politike të
shteteve europiane;
· të përcaktojë rolin e elitave politike në zhvillimet
politike europiane, të përshkruajë tiparet e
personalitetit të udhëheqësve të shteteve europiane dhe
të analizojë ndikimin që patën ata në ecurinë e
zhvillimeve politike;
· të krahasojë sistemet ekonomike kapitaliste me ato
socialiste, duke evidentuar industrializimin si tipar të
përbashkët të tyre;
· të evidentojë treguesit e krizës ekonomike botërore në
vitet 1929 – 1933, duke analizuar dhe gjykuar për
rrugët që shfrytëzuan shtete të ndryshme për të dalë nga
kjo krizë;
· të evidentojë rritjen e rolit të shoqërisë civile dhe
karakteristikat e artit dhe të kulturës, gjatë gjysmës së
21
parë të shek. XX;
· të shpjegojë shkaqet që çuan në fillimin e Luftës së
Dytë Botërore dhe të analizojë karakterin
shumëdimensional të saj;
· të analizojë pasojat dhe trashëgiminë e Luftës së Dytë
Botërore;
· të krahasojë dhe të gjykojë procesin e vendosjes së
paqes në përfundim të dy luftërave botërore.
I Emri i linjës Qytetërimet bashkëkohore (1945 – sot)
8.2.I Standardi i linjës Nxënës/ija do të analizojë arsyet e bipolarizimit të botës në
përfundim të Luftës së Dytë Botërore, pasojat e tij në
zhvillimet politike, ekonomike e shoqërore dhe në prirjet e
zhvillimeve të mëvonshme.
8.2.12.I Objektivat Nxënës/ija:
e linjës · të përkufizojë konceptin Luftë e Ftohtë, përcakton
origjinën e saj, të shpjegojë arsyet e bipolarizimit të
botës dhe të analizojë zhvillimet kryesore të Luftës së
Ftohtë;
· të analizojë dallimet ndërmjet sistemit demokratik të
bllokut perëndimor dhe atij komunist të bllokut lindor
dhe të krahasojë vlerat dhe antivlerat e tyre;
· të analizojë ndryshimet politike, ekonomike dhe
shoqërore në qytetërimin botëror në vitet 1945 – 1985;
· të analizojë karakterin e lëvizjeve sociale në gjysmën e
dytë të shek. XX dhe gjykon për ndikimin e tyre sot;
· të krahasojë pozitën e gruas në jetën ekonomike,
politike dhe shoqërore në vitet 19451985, duke gjykuar
për pozitën e saj në dy sistemet e qeverisjes;
· të pëcaktojë dhe të analizojë karakteristikat e
ekonomisë pas luftës, duke evidentuar arsyet e bumit
ekonomik;
· të tregojë ndikimin që pati revolucioni i tretë industrial
në jetën ekonomikosociale dhe të analizojë zhvillimet
e vrullshme dhe cilësore në shkencë e në art;
· të shpjegojë shkaqet e dobësimit të regjimeve
komuniste në shtetet e Evropës Lindore dhe të analizojë
ndikimin e tyre në shembjen e këtyre regjimeve;
· të shpjegojë, të analizojë dhe të gjykojë ndryshimet
politike, ekonomike dhe shoqërore të shteteve të
Europës Lindore në tranzicionin e tyre për në
demokraci;
· të tregojë etapat e integrimit europian, liston në mënyrë
skematike institucionet kryesore vendimarrëse të
Bashkimit Europian dhe të analizojë epërsitë e
integrimit europian si garant i paqes, i sigurisë dhe i
prosperitetit;
22
8.2.2 Historia e popullit shqiptar
Nxënës/ija do të njohë rrënjët historike të kombitshtet shqiptar të cilit i përket; do të
kuptojë ligjësitë themelore të organizimit, të funksionimit dhe të zhvillimit të
shoqërisë shqiptare; do të analizojë ngjarjet dhe personalitetet që i dhanë tiparet
kryesore, përshpejtuan dhe thelluan proceset politike, ekonomike, shoqërore dhe
kulturore në periudha të ndryshme historike të popullit shqiptar; do të vlerësojë
ndikimin e ndërsjellë të kulturave dhe të ngjarjeve historike të popullit shqiptar me ato
të popujve të tjerë rajonalë dhe më tej; do të shfrytëzojë rolin pragmatik të historisë
për të shpjeguar zhvillimet e sotme dhe për të bërë prognoza për zhvillimet e
ardhshme të shoqërisë shqiptare.
A Emri i linjës Ilirët në antikitet deri në shek. V
8.3.A Standardi i linjës Nxënës/ija do të përshkruajë, do të analizojë dhe do të
vlerësojë kushtet, etapat dhe tiparet themelore të zhvillimit
të qytetërimit antik ilir si dhe ndërveprimin e tij me
qytetërimet e njëkohshme fqinje.
8.3.12.A Objektivat Nxënës/ija:
e linjës · të interpretojë dhe të analizojë tezat për gjenezën e
ilirëve dhe për etimologjinë e emrit ilir, duke sjellë
argumentet përkatëse për këto teza, bazuar në burime
alternative;
· të analizojë ndërtimin shoqëror, ekonomik dhe shtetëror
në shtetet e krijuara në territorin ilir, duke evidentuar të
përbashkëtat dhe veçantitë e tyre;
· të vlerësojë kulturën materiale e shpirtërore të ilirëve
dhe ndikimet e ndërsjella me kulturën grekoromake;
· të përshkruajë përhapjen e Perandorisë Romake në
territoret ilire dhe të analizojë pasojat e saj në territorin
ilir;
· të evidentojë dhe të argumentojë ndikimin e arritjeve
të qytetërimit ilir në qytetërimet e mëvonshme.
B Emri i linjës Arbërit në mesjetë. Shek. VI – XIV.
8.3.B Standardi i linjës Nxënës/ija do të përshkruajë, do të analizojë dhe do të
vlerësojë kushtet, etapat dhe tiparet themelore të zhvillimit
të qytetërimit mesjetar arbëror; do të dëshmojë dhe do të
vërtetojë vazhdimësinë dhe ndikimin e qytetërimit ilir në
qytetërimin arbëror, si dhe ndërveprimin me qytetërimin
bizantin.
8.3.12.B Objektivat Nxënës/ija:
e linjës · të përshkruajë, të analizojë dhe të interpretojë të
dhënat burimore për vazhdimësinë iliroarbërore, duke
evidentuar ngjashmëritë dhe dallimet midis dy
qytetërimeve;
· të përcaktojë në hartë lëvizjen dhe shtrirjen e sllavëve
në territorin iliroarbëror;
· të analizojë ndikimin e dyndjeve sllave në
vazhdimësinë iliroarbërore;
· të përcaktojë tiparet kryesore të administrimit të
Perandorisë Bizantine në territoret arbërore;
23
· të lokalizojë në hartë zonat e sulmeve bullgare, serbe
dhe normane në territoret arbërore dhe të evidentojë
rrjedhojat e sistemeve të pushtimit që ata vendosën;
· të analizojë ndërtimin shoqëror, ekonomik dhe shtetëror
të Principatës së Arbrit dhe të Despotatit të Artës në
shek. XII XIV, duke evidentuar të përbashkëtat dhe
veçantitë e tyre;
· të analizojë ndërtimin shoqëror, ekonomik dhe shtetëror
të principatave të pavarura arbërore në shek. XII XIV,
duke evidentuar të përbashkëtat dhe veçantitë e tyre;
· të evidentojë dhe të vlerësojë kulturën materiale e
shpirtërore të arbërorëve;
· të diskutojë pozitën e territoreve arbërore midis Romës
dhe Bizantit dhe nxjerr përfundime për rrjedhojat që ajo
ka pasur në zhvillimet e brendshme dhe të jashtme të
arbërorëve.
C Emri i linjës Shqiptarët në periudhën moderne (shek. XV – XIX )
8.3.C Standardi i linjës Nxënës/ija do të përshkruajë etapat e shtrirjes së
Perandorisë Osmane në territoret shqiptare, do të analizojë
ndryshimet ekonomike, politike, shoqërore dhe fetare të
shqiptarëve nën sundimin osman dhe do të evidentojë
qëndrimin e shqiptarëve ndaj tij.
8.3.12.C Objektivat Nxënës/ija:
e linjës · të përcaktojë në hartë lëvizjen e ushtrive osmanë në
territorin abëror;
· të periodizojë fazat e vendosjes së sundimit osman në
territorin arbëror;
· të analizojë qëndrimin e princërve arbër ndaj dyndjeve
osmane në fund të shek. XIV – XV;
· të analizojë karakterin e qëndresës (rezistencës) së
arbërve ndaj sunduesve osmanë nën drejtimin e
Skënderbeut (1443 – 1468);
· të gjykojë për rëndësinë e luftërave të Skënderbeut
kundër osmanëve, si në planin e brendshëm, ashtu dhe
në atë ndërkombëtar;
· të analizojë ndërtimin shoqëror, ekonomik dhe
shtetëror të shtetit të Skënderbeut, duke evidentuar
marrëdhëniet e tij me shtetet evropiane;
· të lokalizojë në hartë ndarjen administrative të
territoreve shqiptare nën pushtimin osman (shek. XVI
deri në fillim të shek. XIX);
· të përshkruajë dhe të analizojë ndryshimet ekonomike,
politike, shoqërore dhe sidomos fetare të shqiptarëve nën
sundimin osman;
· të gjykojë rrjedhojat e sundimit osman për qytetërimin
arbërorshqiptar;
· të analizojë shkaqet e formimit të pashallëqeve
shqiptare, veçoritë e organizimit të tyre si formacione
politikoshtetërore autonome brenda Perandorisë
Osmane;
24
· të përshkruajë dhe të analizojë veçoritë e jetës
ekonomike, politike, kulturore dhe shoqërore të
pashallëkut të Shkodrës dhe atij të Janinës, duke
evidentuar të përbashkëtat dhe dallimet midis tyre;
· të identifikojë individualitetin e fuqishëm të drejtuesit
të çdo pashallëku, rolin e tij në administrimin e
pashallëkut, ndërthurjen e tipareve shqiptare dhe osmane
në formimin e këtyre liderëve.
D Emri i linjës Rilindja Kombëtare Shqiptare (vitet ‘30 të shek. XIX–
fillimi i shek. XX)
8.3.D Standardi i linjës Nxënës/ija do të kuptojë dhe do të analizojë Rilindjen
Kombëtare Shqiptare si një lëvizje me karakter kulturor,
arsimor dhe politik, e cila solli zgjimin kombëtar të
shqiptarëve, si parakusht i domosdoshëm për shpalljen e
Pavarësisë.
8.3.12.D Objektivat Nxënës/ija:
e linjës · të përcaktojë konceptin Rilindje Kombëtare Shqiptare
(RKSH);
· të analizojë etapat e RKSHsë, përmbajtjen dhe
karakteristikat e saj, dhe të evidentojë rolin e rilindësve
shqiptarë;
· të tregojë dhe të analizojë fazat nëpër të cilat kaloi
emancipimi kulturor dhe arsimor i shqiptarëve,
rëndësinë që ai pati në zgjimin politik të tyre, dhe të
evidentojë rolin e gruas në arsim;
· të evidentojë Lidhjen Shqiptare të Prizrenit, si
organizatë politikeushtarake dhe si momentin kulmor të
emancipimit kombëtar;
· të përshkruajë zhvillimin e arsimit dhe të kulturës,
hapjen e shkollave të para kombëtare e të shoqërive
kulturore dhe botimin e teksteve, të revistave e të
gazetave në fund të shek. XIX dhe në fillim të shek. XX;
· të shpjegojë ndryshimet e reja politike në Perandorinë
Osmane në fillim të shekullit XX dhe ndikimin e tyre në
Lëvizjen Kombëtare Shqiptare në planin organizativ dhe
të propagandës;
· të analizojë karakterin e Kryengritjes së Përgjithshme
Shqiptare të vitit 1912 dhe rrjedhojat e saj;
· të analizojë faktorët e brendshëm dhe ndërkombëtarë që
përcaktuan mbledhjen e Kuvendit të Vlorës dhe
shpalljen e Pavarësisë së Shqipërisë më 28 nëntor të vitit
1912;
· të argumentojë rëndësinë që pati për Shqipërinë dhe
shqiptarët shpallja e Pavarësisë dhe të evidentojë rolin e
Ismail Qemalit në këtë ngjarje madhore për historinë e
popullit shqiptar.
E Emri i linjës Shteti shqiptar gjatë shekullit XX
8.3.E Standardi i linjës Nxënës/ija do të vlerësojë ngjashmëritë dhe ndryshimet e
etapave, përmes të cilave kaluan shteti dhe shoqëria
shqiptare në periudhën bashkëkohore 1912 – sot dhe do të
25
gjykojë për perspektivat e shtetit dhe të shoqërisë shqiptare
në të ardhmen.
8.3.12.E Objektivat Nxënës/ija:
e linjës · të analizojë sfidat e brendshme dhe të jashtme, nëpër të
cilat kaloi shteti shqiptar në periudhën 1912 – 1914,
veçanërisht çështjen shqiptare në Konferencën e
Ambasadorëve në Londër më 1913 dhe njohjen
ndërkombëtare të shtetit të pavarur shqiptar;
· të evidentojë rolin e personaliteteve shqiptare në
ngjarjet kryesore të kësaj periudhe;
· të analizojë ndikimin që pati Lufta e Parë Botërore në
procesin e shtetformimit shqiptar dhe gjykon për
rihapjen dhe diskutimin e çështjes shqiptare në
Konferencën e Paqes të Parisit, më 1919;
· të analizojë sfidat e brendshme dhe të jashtme, nëpër të
cilat kaloi shteti shqiptar në periudhën 1920 – 1924 dhe
të evidentojë figurat historike që lanë gjurmë në këtë
periudhë;
· të shpjegojë dhe të analizojë vështirësitë e jetës politike
dhe parlamentare në vitet 1920 – 1924;
· të gjykojë për ndryshimet në jetën shoqërore, arsimore
dhe kulturore në vitet 1920 – 1924;
· të përcaktojë dy etapat e organizimit shtetëror shqiptar
në vitet 1925 – 1939 (republikë dhe monarki) dhe të
analizojë rolin e A. Zogut si burrë shteti në këtë
periudhë;.
· të përshkruajë, të shpjegojë dhe të analizojë rrugët e
konsolidimit të shtetit shqiptar në vitet 1925 – 1939,
duke u ndalur në reformat administrative, ekonomike,
shoqërore, kulturore, arsimore dhe fetare;
· të analizojë politikën e jashtme të shtetit shqiptar në
vitet 1925 – 1939;
· të analizojë karakterin shumëdimensional (çlirimtar,
ideologjik, qytetar) të Luftës së Dytë Botërore në
Shqipëri dhe rolin e rezistencës së popullit shqiptar në
konfliktin botëror;
· të shpjegojë dhe të analizojë faktorët të cilët ndikuan në
vendosjen e regjimit komunist në Shqipëri, etapat e
konsolidimit, tiparet themelore të tij dhe rolin diktatorial
të E. Hoxhës;
· të analizojë ndikimin e modelit sovjetik në organizimin
ekonomik, politik dhe shoqëror të Shqipërisë;
· të evidentojë, të analizojë dhe të shpjegojë pasojat e
luftës së klasave, të shkeljes së të drejtave të njeriut, të
mohimit të besimit dhe të vetizolimit ndërkombëtar në
jetën e përditshme të shqiptarëve;
· të konstatojë ndryshimet dhe mospërputhjen midis
realitetit, vendimeve dhe propagandës së partisështet në
regjimin komunist në Shqipëri;
· të përcaktojë dhe të përshkruajë etapat e politikës së
26
jashtme të shtetit komunist shqiptar;
· të shpjegojë shkaqet e dobësimit të regjimit komunist
dhe të analizojë faktorët që ndikuan në rënien e këtij
regjimi;
· të shpjegojë, të analizojë dhe të gjykojë ndryshimet
politike, ekonomike dhe shoqërore të Shqipërisë në
periudhën postkomuniste;
· të përshkruajë etapat e integrimit të Shqipërisë në
strukturat euroatlantike dhe gjykon për perspektivat e
këtij integrimi;
· të analizojë rolin e gruas në politikë dhe në shoqëri dje
dhe sot.
F Emri i linjës Shqiptarët jashtë kufijve politikë (1912sot)
8.3.F Standardi i linjës Nxënës/ija do të përshkruajë dhe do të shpjegojë gjendjen
ekonomike, politike e shoqërore të shqiptarëve në ish
Jugosllavi e në Greqi, duke analizuar të përbashkëtat dhe
ndryshimet në politikat e shteteve përkatëse ndaj tyre dhe do
të vlerësojë krijimin e shtetit të pavarur të Kosovës.
27
8.3 GJEOGRAFIA
8.3.1 Gjeografia rajonale
Të gjithë nxënësit do të kuptojnë organizimin hapësinor të sipërfaqes së Tokës mbi
bazë rajoni, veçoritë e rajoneve, marrëdhënien e ndërsjellë ndërmjet mjediseve fizike
dhe atyre humane për shpjegimin e ndërveprimeve të shoqërisë njerëzore me mjedisin
gjeografik në vendet dhe rajonet e ndryshme në botë.
A Emri i linjës Mjetet gjeografike dhe vendndodhja
B Emri i linjës Vendet dhe rajonet
8.3.1.B Standardi i linjës Nxënës/ija do të analizojë tiparet fizike dhe humane që i
japin vendeve dhe rajoneve karakterin e tyre tipik.
28
kapërcimi i identiteteve rajonale, shkaqeve dhe
ndikimeve të aleancave rajonale, ndryshimit të
identiteteve rajonale).
· të përshkruajë rëndësinë e organizmave të ndryshëm
ndërkombëtarë (politikë, ekonomikë, kulturorë) për
ndërveprimin rajonal (si BE,G8, NAFTA, OPEC, OAS,
OAU).
C Emri i linjës Sistemet fizike
8.3.1.C Standardi i linjës Nxënës/ija do të kuptojë ndikimin e sistemeve fizike në
proceset dhe modelet në mjedisin fizik të rajoneve dhe
vendeve në botë.
8.3.1.12.C Objektivat e Nxënës/i,ja:
linjës
§ të përshkruajë se si mjedisi fizik ndikon jetën në rajone
të ndryshme (p.sh., densitetin e popullsisë, arkitekturën,
sistemet e transportit, industrinë, materialet e ndërtimit,
përdorimin e tokës).
D Emri i linjës Sistemet humane
8.3.1.D Standardi i linjës Nxënës/ija do të kuptojë se si proceset ekonomike, sociale,
politike, kulturore ndërveprojnë për formimin e modeleve të
popullsisë, ndërvarësisë, bashkëpunimit dhe konfliktit në
nivel rajonal e global.
8.3.1.12.D Objektivat e Nxënës/i,ja:
linjës
· të interpretojë veçoritë dalluese të popullsisë,
ekonomisë, si dhe traditave kulturore, të sistemeve
politike të vendeve dhe rajoneve të ndryshme të botës;
· të identifikojë prirjet e rritjes së popullsisë dhe të
migrimit në përgjigje të faktorëve mjedisorë, socialë,
ekonomikë dhe politikë;
· të analizojë modelet e vendbanimeve në rajone të
ndryshme urbane dhe rurale të botës;
· të analizojë modelet historike të lëvizjes së njerëzve
dhe mallrave të tyre dhe marrëdhënien me aktivitetin
ekonomik;
E Emri i linjës Ndërveprimi njerimjedis
29
8.3.2 Gjeografia e Shqipërisë dhe e trevave shqiptare
A Emri i linjës Mjetet gjeografike dhe vendndodhja
C Emri i linjës Sistemet fizike
30
8.3.2.C Standardi i linjës Nxënës/ija do të kuptojë ndikimin e sistemeve fizike në
proceset dhe modelet në mjedisin fizik të rajoneve dhe
nënrajoneve të RSH dhe të trevave të tjera shqiptare jashtë
kufirit.
8.3.2.12.C Objektivat e Nxënës/i,ja:
linjës
· të analizojë karakteristikat e përgjithshme fiziko
gjeografike të rajoneve e nënrajoneve të Shqipërisë dhe
trevave të tjera shqiptare.
· të shpjegojë veçoritë kryesore të ndërtimit gjeologjik, të
relievit, të klimës, të hidrografisë, të tokave, të botës
bimore e shtazore të Shqipërisë, të trevave të tjera
shqiptare e të rajoneve përbërëse si dhe ndërvarësinë
ndërmjet tyre.
· të përshkruajë se si mjedisi fizik ndikon në jetën e
rajoneve të ndryshme (p.sh., në densitetin e popullsisë,
në arkitekturë, në sistemet e transportit, në industri, në
materialet e ndërtimit, në mënyrën e përdorimit të
tokës).
D Emri i linjës Sistemet humane
8.3.2.D Standardi i linjës Nxënës/ija do të kuptojë si proceset ekonomike, sociale,
politike, kulturore ndërveprojnë për formimin e modeleve të
popullsisë, si dhe në bashkëpunimin në nivel kombëtar.
8.3.2.12.D Objektivat e Nxënës/i,ja:
linjës
· të identifikojë karakteristikat humane të rajoneve të
Shqipërisë dhe të trevave shqiptare (popullsinë,
ekonominë dhe sektorët e saj, turizmin, trashëgiminë
natyrore dhe kulturore) dhe marrëdhëniet ndërmjet tyre.
· të përshkruajë ndarjen administrative të Shqipërisë dhe
të trevave shqiptare.
· të interpretojë historikun e shpërndarjes hapësinore të
shqiptarëve në Ballkan, në Evropë e në botë.
· të analizojë ndikimin e vendeve dhe të kulturave të tjera
në shoqërinë shqiptare.
· të analizojë lidhjet ekonomike të Shqipërisë me vendet
e tjera.
E Emri i linjës Ndërveprimi njerimjedis
31
dukje disa nga lidhjet shkakpasojë;
· të shpjegojë strategjitë alternative që i përgjigjen
politikave të veçanta dhe programeve për përdorimin e
burimeve dhe menazhimin e tyre.
32
8.4 EKONOMIA
Nxënës/ija duhet të fitojë aftësinë e të arsyetuarit ekonomik. Ai duhet të kuptojë që
për shkak të pamjaftueshmërisë së burimeve ekonomike njerëzit duhet të bëjnë
zgjedhje që shoqërohen me kosto oportune; se mbajtja e një qendrimi rreth përdorimit
të burimeve, produkteve dhe shpërndarja e mallrave dhe shërbimeve ndikohet nga
sistemet e ndryshme ekonomike; kupton rezultatet e tregtisë, shkëmbimit dhe
ndërvarësinë ndërmjet individëve, në familje, në biznese, në sektorët ekonomik dhe në
shoqëri; nëpërmjet veprimtarive mësimore fiton aftësi për të qenë pjesëmarrës aktiv
në situata të ndryshme jetësore, si konsumator, prodhues, kursyes, taksapagues, apo
tregtues.
A Emri i linjës Burimet ekonomike, zgjedhjet dhe kosto oportune.
33
ka niciativa në ekonominë e tregut;
· të shpjegojë se si bizneset, pronësitë, ortakëritë,
shoqëritë aksionare etj., janë të organizuara dhe
veprojnë në kuadrin e ekonomisë së vendit;
· të evidentojë dhe të përshkruajë karakteristikat e
ndryshme të strukturave të tregut; konkurrimin e
thjeshtë, oligopolin, monopolin, dhe konkurrencën
monopolistike;
· të përshkruajë dhe të vlerësojë rolin ekonomik të
qeverisë në krijimin e politikave fiskale, në furnizimin
me mallra dhe shërbime publike, në mbështetjen e
konkurrimit, në përdorimin e burimeve, punësimin,
stabilizimin e çmimeve, mbështetjen racionale të
ritmeve të rritjes ekonomike;
· të shpjegojë se si matet norma e inflacionit dhe e
papunësisë, si dhe ritmet e zhvillimit të ekonomisë
kombëtare;
C. Emri i linjës Shkëmbimi i mallrave dhe shërbimeve
8. 4.C Standardi i linjës Nxënës/ija kupton rezultatet e tregtisë, shkëmbimit dhe për
pasojë ndërvarësinë ndërmjet individëve, familjarëve,
bizneseve, qeverive dhe shoqërisë.
8.4.12.C Objektivat e Nxënës/i,ja:
linjës
· të shpjegojë se shkëmbimi i mallrave dhe shërbimeve
promovon ndërvarësinë dhe zhvillimin ekonomik.
· të përshkruajë tregtinë që zhvillohet ndërmjet vendeve,
e cila ka në bazë metodat e ndryshme që ato aplikojnë
në përdorimin e burimeve, të produktivitetit dhe të
çmimeve.
· të krahasojë konkurrencën ekonomike ndërmjet
vendeve dhe të përshkruajë ndikimin e saj në sasinë e
prodhimit të mallrave e shërbimeve, në cilësinë dhe
çmimin e produkteve;
· të shpjegojë dhe jep shembuj se si sistemi monetar i
një vendi lehtëson shkëmbimin e të ardhurave;
· të gjykojë efektet e politikave monetare dhe fiskale, në
ritmet e shkëmbimit dhe në tregtinë ndërkombëtare;
· të vëzhgojë dhe të përshkruajë se çmimi i tregut është
në varësi të raportit ndërmjet blerjeve dhe shitjeve dhe
të vlerësojë efektet e kontrollit të çmimeve.
34