Masiram ang bawal
ni Marjorie Pana
Kadakol dakol bawal sa kinaban
Saro na an iba tang mga kinakakan
Minsan an satong mga kagibuhan
Pero kadalasan an satong mga namamatian
Kang nabisto ta ka saro ka lang sa mga pagkadakul dakol
na burak na magagayon
Kang nabisto ta ka bako ka man papansinon pero nakua
mo tulos ang sakong atensyon
Dai ko aram kung anong igwa saimo
Ang aram ko lang naiiba ka sa gabos na tawong nabisto
ko
Sa inot palang aram kong nakakamati na kong
pagkamoot
Kaya pinugulan ko, hinabuan, tinios ta ako natatakot
Natatakot ako ta sala ini sa mga mata kang nasa palibot
Natatakot ako ta suway ini sa kagustuhan kang Diyos na
mabooton
Nagkakagusto pa man ko sa mga barako
Nagpapapasyar pa man ko kadto
Kaya lang may ugali akong madali magsawa
Pag habo ko na harabuan na
Hanggang sa dai ko na kinaya
Su namamati ko gusto na magwala
An puso asin isip ko nagsaro sinda
Sabi ituga na ang haloy na namamati ko daa
May napadumanan ang tungkol sato
Napapangirit talaga ko
Ika si nagpasyar, ako si nagpasagot
Grabe ang pagkadesperado
Mayong aldaw na dai kita nag iwal
Mayong aldaw na dai ako napagal
Mayong aldaw na sa isip ko dai ka nagdalagan
Mayong aldaw na dai ta ka hinibian
Garo mayo ng mas mapagal sa arog kaning relasyon
Garo baga mayo na ning solusyon
Dai ko aram kong dapat pa ning seryosohon
Ta minsan maugmahon, kadalasan mamondoon
Nakakawara ng gana habang naghahaloy
Sa hiling ko dai naman ni dapat pang ipatuloy
Pinalaya ta ka, nagbutas ako
Sa paghunang magiging malaya na ko sa gabos na
kagabatan kang mundo
Sarong aldaw akong daing kakan
Sarong aldaw na makulog ang daghan
Sarong aldaw kahihibing mayong punduhan
Pero pagkatapos kayan sarong aldaw, kita nagkaulian
May mga nagbago, igwa man dai
Kababalik ta man sana sa dating gawi
Maiwal araatyan mabati
Garo baga mga aki
Mas naging maugma
Pirmi ta ka na kayang kaiba
Mas nagtibay na
Pag may iwal dai na pinapaaga
Totoong masiram ang bawal
Masiram sa pagmati
Itong pagmati na yaon sa langit
Ika man lang ang maurag igdi
Gustuhon ko pirming ipaalala saimo poon sa poon
Itong kang nabisto ta ka saro ka lang sa mga pagkadakul
dakol na burak na magagayon
Kang nabisto ta ka bako ka man papansinon pero nakua
mo tulos an sakong atensyon
Hanggang ngunyan dai ko aram kung anong igwa saimo
Basta naiiba ka sa gabos na tawong nabisto ko
Sana alalahanon mo
Ta maabot man satong duwa na lilingawan ta ka
Asin lilingawan mo man ako.