MGA MADALAS NA NARARAMDAMAN SA PAGBUBUNTIS AT PAANO ITO MALUNASAN Hirap sa Pagdumi – kumain ng mga pagkain na matataas sa fiber; kumain ng mga prutas at gulay, mga tinapay na whole-wheat, oatmeal; uminom ng maraming tubig, gatas, at mga fresh fruit juice; makakatulong din ang maligamgam na tubig kapag innom sa paggising; kumain sa tamang oras; mag- ehersisyo araw-araw; limitahan ang pagkain ng mga matatabang pagkain; kapag nagpatuloy ang hirap sa pagdumi, magpakonsulta sa inyong doctor, wag uminom ng gamot na hindi nireseta ng doctor Pagkahilo at pagsusuka – kumain ng biskwit o tinapay pagkagising; dahan-dahan sa pagbangon at pagkilos pagkagising; kumain ng 5 hanggang 6 na beses sa isang araw, pero maliliit na parte ng pagkain, ngunit wag lumiban sa pagkain; piliin ang mga kinakain; kapag nahihilo, uminom ng apple juice, grape juice, o kalamansi juice; iwasan ang mga mamantika at mga pritong pagkain, kasama dito ang mga butter, margarine, mayonnaise, at mga pritong karne; kumain ng mga pagkain na hindi masyadong malasa, iwasan ang mga pagkain na may sili, bawang, at paminta; kapag ikaw ay nagluluto, buksan ang mga bintana para hindi makulob ang usok sa pagluluto; magpahinga; palaging magbaon ng pagkain at kainin ito kapag nahihilo Heartburn – kumain ng 5 hanggang 6 na maliliit na parte ng pagkain; iwasan ang matataba at pritong pagkain; iwasan ang paninigarilyo, at lumayo sa mga taong naninigarilyo; magsuot ng mga maluluwag na damit; iwasan ang mga maaanghang, maraming paminta, maraming bawang, at kape dahil ito ay sanhi ng heartburn; uminom ng maraming tubig; huwag humiga agad pagkatapos kumain; gumamit ng unan pagnatutulog Almuranas – Panatilihin ang regular na pagdumi at uminom ng maraming tubig, fruit juice at gatas; kamain ng mga pagkaing matataas sa fiber lalo na ang mga prutas at gulay; ilagay sa isang mababang upuan ang paa habang dumudumi; iwasan ang pag-upo ng matagal Vaginal Discharge – gumamit ng cotton panties at maluwag na damit; regular na maligo araw-araw; huwag gumamit ng sabon na may pabango; huwag gumamit ng mga feminine wash Mga pagbabago sa suso – hugasan ang utong gamit ang maligamgam na tubig lamang, wag sabunan, tuyuin ng maayos, at magsuot na bra na naaayon sa laki ng suso Pagbabago sa bibig – magsipilyo at magfloss ng ngipin dalawang beses sa isang araw; kumunsulta sa inyong dentista habang buntis Mga pagbabago sa likod – magsuot ng mga sapatos na may mababang taking; tumayo at umupo ng tuwid; iwasan ang pagbubuhat ng mabibigat Pamamanas at Varicose Veins – maglakad-lakad araw-araw hanggat kaya; wag manatili sa isang posisyon ng mahabang oras; wag magdekwatro; iwasan ang mga masisikip na pang-ibaba Pamumulikat ng paa – hilutin ang binti at ituro ang mga daliri ng paa sa itaas; maglagay ng mainit-init na bimpo o ibabad ang paa sa mainit-init na tubig; kumain ng mga pagkain na matataas sa calcium, kagaya ng gatas, keso, tokwa, at yogurt; kumain din ng mga pagkain na matataas sa potassium gaya ng saging, grapefruit, at orange Sakit sa tiyan – huwag manatili sa isang posisyon ng matagal na oras; kumunsulta sa doctor kapag hindi nawala ang sakit sa tiyan Pagkapagod at Pagkakapos ng hininga – magpahinga ng madalas at dahan-dahanin lang ang mga Gawain; uminon ng inyong mga gamot sa pagbubuntis na nireseta ng doktor; kumain ng pagkain na mataas sa iron,gaya ng itlog at karne, at mataas sa bitamina C, gaya ng patatas, orange at dalandan