Chua, Kirsteen Nichole P.

IS220 PHL01
Mahal kita, pero ako muna
Ano ba ang pagmamahal?
Bakit parang ‘di ko naramdaman ‘to ng ‘kay tagal?
Ganun ba ko kahirap mahalin?
Aminin mo, napapangitan ka ba sakin?

Sabi nila matalino ako, sabi nila maganda ako.

Pero bakit kapag pinagmamasdan kita, tila kulang parin ako para sa’yo
Kapag kausap mo ‘ko ‘di ko kayang pagmasdan ng maayos ang mga mapupungay mo’ng mata
Hindi ko kayang bumitaw ng mga salitang pag-ibig, dahil alam ko iba ang iyong iniibig.

Hindi ko na alam ‘kung paano ako haharap sa’yo, kung pano ako magsasalita, at kung pano ko
sasabihin.
Alam ko iba ang sinisigaw ng iyong puso , pero isa akong martyr na nagbabakasakali.
Napapangiti ako habang sinusulat ko ito at natatawa ako sa sarili.
Kahit alam ko na walang tayo, pinipilit ko pa ‘ring magmahal ng todo.

Tulad mo, labis din akong nagdadalamhati

Dahil alam ko’ng parehas lang tayo’ng nakikihati.
Nakikihati ako sa oras mo
Nakikihati ka naman sa puso ko.

Ang pagmamahal sa’yo ay hindi madali.

Alam ko naman na hindi mo ‘ko maaaring mapili.
Kaya’t sinubukan ko’ng itago ang mga luha.
Tulad ng pagpitas ng rosas, dadanak ang dugo bago ito makuha.

Sinubukan ko namang lumayo at tanggalin ka sa isipan ko,

 Sinubukan ko ring alisin ang pagmamahal ko sayo.
Hindi ko na kayang pigilan pa ang bugso ng aking mga damdamin,
Dahil ang nasa isip at puso ko ay ikaw pa rin.

“Ako’y sayo at ika’y akin.”

Isusulat ko ito sa mga bituin,
Para kapag binalutan ng ulap ang langit,
Maaari ko na sayo sabihin.

Nanunumpa ako na ang puso ko’y tapat,

Mamahalin kita ng sobra pa sa sapat.
Araw-araw kitang yayakapin,
Gabi-gabi kitang haharanahin.

Ibibigay ko sayo ang lahat lahat,

Ang ninanais ko lang ay ang pag-ibig mong tapat.
Alam ko naman na balang araw maghihilom ang mga sugat.
Alam ko naman na balang araw ako’y magiging sapat.

Sa paglubog at pagsikat ng araw,

Pinapangarap ko ay ikaw,
Wag mo nang habulin ang taong sinaktan ka.
Dahil naririto na ‘ko para mahalin ka.

Pero wag mo’ng isipin na maaari mo ‘kong lokohin

Dahil pinakaayaw ko sa lahat ay mga sinungaling.
Kahit na sabihin ko sa harap mo na mahal kita,alam ko ang sagot mo “mahalin mo ay iba”.
Kaya’t ako’y nagpasya, ang mamahalin ko ngayon ay ako muna .