Wasta : Budi Purnomo

Kelas : 3B

NIM : 1804457

Sajarah Literasi

Literasi mangrupa istilah umum pikeun nunjukeun kana kamampuan jeung

kaparigelan maca, nulis, nomong, jeung ngitung. Dina bahasa latin, istilah literasi
disebut ogé literatus nu hartina jalma nu belajar. Lila ka lilaan literasi gé teu ngan
saukur kamampu maca jeung nulis hungkul tapi berkembang jadi aya literasi informasi,
digital, teknologi, jeung komunikasi.

a. Literasi informasi
Literasi informasi nyaéta kamampuan hiji jalma pikeun ngaidéntifikasi
informasi anu dibutuhkeun, ngaaksés tur néangan informasi , ngaévaluasi
informasi jeung ngagunakeun informasi sacara éféktif jeung étis.
Kamajuan téknologi informasi jeung komunikasi anu gancang teu
mawa kauntungan hungkul pikeun masarakat. Poharana informasi anu bisa di
aksés ngaliwatan internet kalah nimbulkeun kabingungan pikeun nu
ngaaksésna. Ku lantaran kitu diperlukeun kamampuan anu bisa ngawilah wilah
informasi anu saluyu jeung pangabutuh. Didieu peran literasi informasi
dibutuhkeun sangkan masarakat kudu mikir kritis jeung boga kahayang dianjar.
Dipakéna literasi informasi ngajadikeun masarakat boga kaparigelan
dian berkompetisi di éra informasi, salain ti éta, jalma anu melék informasi
bakal leuwih babari meunagkeun jeung ngaaksés informasi sacara éféktif jeung
éfisién, mampu ngaanalisis informasi sacara kritis jeung ngagunakeun
informasi sacara akurat.
b. Literasi media
Literasi média dimulai ti taun 1964 pas UNESCO ngembangkeun
prototype modél program pendidikan média nu diterapkeun diunggal nagara.
Ditaun sakitu karék aya dua nagara anu maké literasi média, nya éta Inggris
jeung Australia. Ayana literasi média piekun barudak rumaja bisa ngabédakeun
mana anu alus jeung goréng dina média.
Taun 1970-an di nagara-nagara Amérika latin dipakéna literasi média
pikeun ngaleungitkeun kesenjangan sosial lantaran teu ratana aksés dina
meunangkeun informasi. Awalna literasi média ngan saukur diperhatikeun ku
LSM jeung tokoh-tokoh masarakat hungkul. Literasi média pas jaman éta ngan
saukur ditinggali tina masalah pulitik hungkul teu ditinggali tina sudut pandang
pendidikanna.
Intina, literasi média mangrupakeun salah sahiji upaya pikeun nyaring
dampak négatif média massa, lantaran literasi média ngabutuhkeun khalayak
média pikeun ngaévaluasi jeung mikir kritis kana pesan anu aya dimédia sosial.
c. Literasi digital
Literasi digital mangrupa kamampuan pikeun maham sarta
ngangunakeun informasi dina rupa-rupa bentuk. Tapi, lain saukur kamampu
maca hungkul tapikudu bida maham makna anu aya di jerona.
Istilah literasi digital pernah digunakeun di taun 1980-an anu sacara
umum miboga harti kamampuan pikeun berhubungan jeung informasi
hipertekstual anu hartina maca ngagunakeun komputer. Istilah literasi digital
mulai popular di taun 2005 konsép literasi digital nyaéta kamampu maham
jeung naggunakeun informasi tina sagala sumber digital.
d. Literasi téknologi
Literasi téknologi nyaéta kamampuan maham kalengkepan téknologi
saperti hardware jeung software, sarta étika jeung étikét dina ngamanfaatkeun
téknologi. Terus kamampuan diana ngapreséntasikeun, ngaaksés internét, jeung
ngagunakeun komputer.
Taun 1980, kamampu ngagunakeun téknologi ngaharuskeun urang
kudu bisa kumaha bentuk kode program. Taun 1995 dituntut kudu apal kumaha
kumaha cara gawé jeung alat dasar higah penggilahan kata jeung spreadsheet.
Ayeuna wangenan literasi téknologi jauh leuwih jembar jeung leuwih
kompléks sabab aya informasi anu leuwih loba tibatan baheula.