PABLO KADAGITI TAGA CORINTO, PASET 15, BINNATOG 10-20. ITA, YANTANGAY TA IKASKASABA MI TI PANNAKAPAGUNGAR NI CRISTO, APAY A KUNA TI SUMAGMAMANO KADAKAYO A SAAN A MAPAGUNGAR DAGITI NATAY? NO SAAN A MAPAGUNGAR DAGITI NATAY, SAAN NGARUD A NAPAGUNGAR NI CRISTO. KET NO SAAN A NAPAGUNGAR, AWAN NGARUD TI SERSERBI TI IKASABAMI, KASTA MET TI PAMMATI YO. MAIPAKITA PAY NGA ULBOD KAMI A SAKSI TI DIOS, TA IMBAGA MI A PINAGUNGAR NA NI CRISTO- NGEM DINA MET GAYAM PINAGUNGAR, NO PUDNO A DI MAPAGUNGAR DAGITI NATAY. TA NO SAAN A MAPAGUNGAR DAGITI NATAY, SAAN MET NGARUD A NAPAGUNGAR NI CRISTO. NO DI NAPAGUNGAR NI CRISTO, AWAN SERSERBI TI PAMMATIYO KET AGTURAY PAY LAENG TI BASOL ITI BIAGYO. KAIPAPANAN NA PAY A SAWEN A NAPUKAWEN DAGITI NATAY A NAGTALINAED ITI PAMMATI DA KEN NI CRISTO. NO AGPAAY LAENG ITI DAYTOY A BIAG TI NAMNAMA TAYO KEN CRISTO, KET AWANEN SABALI, DATAYO DAGITI NAKAKAASI UNAY KADAGITI AMIN A TAO DITOY LUBONG. NGEM ITI KINAPUDNO NA, NAPAGUNGAR NI CRISTO KAS UMUNA A BUNGA KEN PAMMATALGED A MAPAGUNGAR TO MET DAGITI MATMATUROG TI TANEM. READER: TI SAO TI APO ALL: AGYAMAN TAY TI DIOS EVANGELIO READER: TI APO ADDA KOMA KADAKAYO ALL: KASTA KOMA MET KENKA (1) TI MAIBASA NAADAW TI EVANGELIO NI LUCAS, PASET 12, BINNATOG 35-40 “MASAPUL A SISASAGANA KAYO LATTA ITI URAY ANIA A MAPASAMAK KEN SIGAGANGAT DAGITI PAGSILAWAN YO A KAS KADAGITI ADIPEN A MANGPASPASUNGAD ITI AMONGDA A NAPAN NAKIBODA, NO SUMANGPET KET AGTUGTOG DAGDAGUSENDA NGA ILUKAT TI RIDAW. ANIAN A RAGSAK DAGITI KAKASTA NGA ADIPEN A SIRIRIING KEN SISASAGANA A MASANGPETAN TI AMONGDA, IBAGAK KADAKAYO, AGKAWESTO ITI PAGSERBI, PAGTUGAWENTO IDA ITI PANGANAN, KET SERBIAN NANTO IDA. ANIAN A RAGRAK DA NO MASANGPETANNA IDA A SISASAGANA, URAY NO SUMANGPET ITI TENGA TI RABII WENNO NALADLADAW PAY. AMMOENYO DAYTOY; NO AMMO ITI AMA TI FAMILIA TI ORAS A YAAY TI MANNANAKAW, DINA ITULOK A SERKEN TI MANNANAKAW TI BALAYNA. KASTA MET KADAKAYO, MASAPUL A SISASAGANA KAYO LATTA, TA UMAYTO TI ANAK TI TAO ITI ORAS A DIYO IPAGPAGARUP. READER: TI EVANGELIO TI APO ALL: DAYAW TI MAIPAAY KENKA O CRISTO READER: TI APO ADDA KOMA KADAKAYO ALL: KASTA KOMA MET KENKA (2)TI MAIBASA NAADAW TI EVANGELIO NI SAN MATEO, PASET 5, BINNATOG 1-12. IDI MAKITA NI JESUS DAGITI ADU A TATTAO, SIMMANGAT ITI BANTAY. NAGTUGAW, KET IMMASIDEG KENKUANA DAGITI ADALANNA. INSURONA IDA, KINUNANA; “NAGASAT DAGITI MANGBIGBIG A NA-PANGLAW DA ITI IMATANG TI DIOS, TA KUKUADA TI PAGARIAN TI LANGIT. “NAGASAT DAGITI AGLADINGIT, TA LIW-LIWAENTO IDA TI DIOS. “NAGASAT DAGITI NAPAKUMBABA, TA MA-ITEDTO KADAKUADA TI DAGA. “NAGASAT DAGITI NASGED TI TARIGAGAYDA A MANGTUNGPAL ITI PAGAYATAN TI DIOS , TA MAPNEKDANTO. “NAGASAT DAGITI MANANGAASI, TA KAA-SIANTO IDA TI DIOS. “NAGASAT DAGITI NADALUS TI PANAG-PUSPUSODA, TA MAKITADANTO TI DIOS. “NAGASAT DAGITI MAMAGKAKAPPIA, TA MANA-GANANDANTO NGA ANAK TI DIOS. “NAGASAT DAGITI MAIDADANES GAPU ITI PANAGTUNGPALDA ITI PAGAYATAN ITI DIOS, TA KUKUADA TI PAGARIAN TI LANGIT. “NAGASAT KAYO NO MAPABPABAINAN, MAI-DADDADANES KEN MAPADPADAKES KAYO GAPU KANIAK. “AGRAG-O KEN AGRAGSAK KAYO, AGSIPUD TA DAKKEL TI GUNGUNAYO SADI LANGIT. TA KASTOY TI PANANGI- DADDADANES DAGITI TATTAO KADAGITI PROFETA NGA IMMUN-UNA NGEM DAKAYO.
READER: TI EVANGELIO TI APO
ALL: DAYAW TI MAIPAAY KENKA O CRISTO READER:TI APO ADDA KOMA KADAKAYO ALL: KASTA KOMA MET KENKA (3) TI MAIBASA NAADAW TI EVANGELIO NI SAN MATEO, PASET 11, BINNATOG 25-30. ITI DAYTA A TIEMPO, KINUNA NI JESUS, “AGYAMANAK KENKA, AMA NGA APO TI LANGIT KEN DAGA, TA IMPAKITAM KADAGUITI AWAN ADALNA TI INLEMMENG MO KADAGUITI MAMASIRIB KEN KADAGITI NASARIRIT. “WEN, AMA, NAARAMID DAYTOY TA ISU TI PAGAYATAM. ‘INTED KANIAK NI AMAK TI ISU AMIN A BANAG. AWAN TI MAKAAM-AMMO ITI ANAK NO DI LAENG TI AMA. AWAN MET TI MAKAAM-AMMO ITI AMA NO DI LAENG TI ANAK KEN DAGITI KAYAT TI ANAK A PANGIPAKAAMOAN KENKUANA. “UMAY KAYO KANIAK, DAKAYO AMIN A NABANOG KEN MADAGDAGSENAN KET PAGINANAEN KAYO. ALAENYO TI SANGOLKO, KET AGSURSURO KAYO KANIAK AGSIPUD TA NAEMMA KEN NAPAKUMBABAAK, KET MASARAKAN YON TO TI INANA. TA NANAM-AY TI SANGOL NGA ITED KO KADAKAYO, KET NALAG-AN TI AWIT NGA IPABAKLAY KO KADAKAYO. READER: TI EVANGELIO TI APO ALL: DAYAW TI MAIPAAY KENKA O CRISTO