ANG PILIPINAS UG AKO
ni Charliemaigne L Cadiz
Pilipinas, lugar na ako nagdako.
Abunda kaayo sa maayong tao.
Kugihan, buotan, pinoy! kami jud to.
Maong ang mga dayo ganahan namo.
Mga bisita, among pag-atimanon.
Ilang gustohon among pagatumanon.
Di sila magmahay sa among pagkaon.
Mga isda presko, lami jud tulahon.
Among mga prutas asta jud lamia.
Tanan pwede mukaon tiguwang bata.
Kung ikaw mukaon pirti ka sariwa.
Cge na! palit na! basin mahutdan ka!
Dagat, bukid, suba, sapa ug uban pa.
Ginabalik-balikan gayud sa masa.
Tanan imoha na gayud na Makita.
Diri amoang pinakagwapong nasod.
Ang pinoy specialty namo ang adobo.
Ikaw makatilaw mura kag mulobo.
Mao kami mga gwapa ug gwapo.
Tungod sa kalami sa among adobo.
Pinas, mao na ang "Pearl of The Orient
Seas"
Mga tao, ngisi japon bisag krisis.
Unya unsa paman inyong gihulat miss?
Dali namo! ayaw nalang gud ug tabis.
BAHANDI SA NASOD
Ni Hiroshi P. Estubio
Garbo ko kay ako naay dugong Pilipino
Kay kita mga isog ug utokan nga tawo
Sama lang ni Jose Rizal na usa ka henyo
Miski patay na siya, nagpabiling ilado.
Pag abot sa mga bahandi sa atong nasod
Ang Pilipinas dili magpa-ulahi gayod
Ang mga tao diri wala lang gyud nasayod
Na kini maoy hatag sa atoang balaod.
Klase-klaseng isda diri naa kay makita
Nindot nga bulak sa lasang naa usab kita
Mga bukid na pirting dagkua ug tag-asa
Labi na ang atong dagat na pagka tin-awa.
Dili mabayran ang kabut-an sa Pilipino
Mahigugmaon ug manggihatagon nga tawo
Mao nang usahay kitang tanan maabuso
Kay kini ginabalewala man nato kuno.
Daghan ang gustong mangawat sa atong bahandi
Kining taga laing nasod kung maibog pirti
Mao naghimo sila’g dautang plano diri
Aron sila mudato ug kita ang mapobri.
Ngano pag kita mubisita sa laing nasod
Pinulongan nila, kita ang dapat mutakod
Pero pag sila bitaw naa sa atong nasod
Kita diri man gihapon ang maoy mag sunod.
Asa na karon gibutang ang maong hustisya?
Ngano gipasagdan lang kining mga butanga?
Kanus-a pa man ta manglihok mga higala?
Kung kitang tanan mga Pilipino sakop na?
Kining mga opisyales na murag bungol man
Asa na karon inyong mga panaad tanan?
Imbis na atong nasod maoy inyong tabangan
Gisamutan ra man hinuon ninyo ug dut-an.
Kung ang Pilipinas kay usa ka datung nasod
Ngano akong makita puro lang man kalisod?
Kinsa nagbuhat ug problema na murag balod?
Kita ba kaha o ang mga dayuhan gayod?
Atong angay ampingan kining mga bahandi
Kay ako nasayod nga dakong tabang gyud kini
Kung kitang tanan magkinahi-usa lang diri
Sigurado ko na walay magpabiling pobri.