Langkung tipayun hayu urang sasarengan manjatkeun puji sinareng sukur ka kersaning Gusti Allah SWT, anu parantos masihan nikmat sehat jasmani sareng rohani, kalayan tiasa kempel dina dinten ieu. Teu hilap sholawat sareng salam mugi tetep ngocor ka junjunan urang Kanjeng Nabi Muhammad SAW. Ka kulawargina, ka para sohabatna, sareng ka urang sadaya anu insya Allah turut kana ajaranna. Nu dipikahormat Bapa Pupuhu Sakola, sareng Bapa/Ibu Guru SMPN 1 Luragung, teu hilap rerencangan sadaya anu ku simkuring dipikadeudeuh. Salanjengna abdi cumarios didieu bade ngawartoskeun sakedik ngeunaan “ Ngamumule Budaya Sunda Kawajiban Urang Sadaya” Saderek sadayana anu ku sim kuring dipikahormat. Basa Sunda sareng budaya Sunda mangrupakeun hiji hal anu raket pisan hubungannya anu teu tiasa dipisahkeun jadi sewang-sewangan. Lamun urang nyaritakeun basa Sunda hartina urang nyaritakeun budaya sunda. Sanajan ngara netepkeun basas Indonesia jadi basa nagara, basa daerah tetep dipiara jeung dimekarkeun ku nagara. Tapi eta teh lain tanggung jawab nagara atawa pamarentah wungkul, rakyatna oge kudu tanggung jawab. Salah sahiji cara pikeun nanjeurkeun kabudayaan daerah daerah nyaeta ku jalan ngamumule basa sunda, babakuna mah ku para rumaja.
Saderek sadayana anu kusimkuring dipikahormat,
Lamun ku urang dibandingkeun dina kahirupan sapopoe, katingalina para rumaja ayeuna loba nu kurang wanoh kana basa sunda. Memang henteu sakabeh rumaja ngabogaan sikep saperti kitu. Tapi hal ieu kudu jadi kaprihatinan urang sarerea. Sabab saha deui anu bakal miara basa sunda teh iwal ti urang sadayana, para rumaja. Ulah nepi ka urang sunda teu wawuh kana basa sunda. Kacida teungteuingeunana lamun hal eta karandapan ku urang sunda Salah sahiji sabab nu matak rumaja ayeuna asa kurang reueus kana basa sunda nyaeta ayana anggapan yeh basa sunda teh hese diulik. Hese dilarapkeun dina kahirupan sapopoe. Dina kasempatan ieu kurin umajak ka para saderek sadaya hayu urang babarengan miara basa sunda, nya rumaja ayeuna nu boga tanggung jawab pikeun ngamumulena.
Saderek sadaya anu ku simkuring dipikahormat
Rupina mung sakieu anu tiasa abdi tepikeun, hapunten anu kasuhun pami aya cariosan anu kirang merenah. Hatur nuhun ka sadayana, dipungkas