ANG BUNGA SA PAGPASINGOT

Ni: Sem. Gabert Ricafranca

Team 1 Lannisters Balak Contest Piece

Misugilon kanako ang akong inahan

sa iyang pagpanganak, siya nasakitan.

Apan bisan pa sa kasakit nga iyang natagamtaman,

usa ka masuso natawo niining kalibutan.

Sa paglabay sa mga katuigan

ang batang masuso gibuhi sa iyang mga ginikanan.

Siya nagdako sa gugmang dili mabayran,

ug sa iyang mga gusto siya gitagaan.

Tungod sa ilang pag-atiman

ang bata midako sa pangisip ug kalawasan.

Apan may usa ka butang nga sa iyang mga ginikanan nalimtan

dapat sa pagkaon siya maghiman-himan.

Kaon dinhi, kaon didto.

Bisan unsang sud-ana, iyang ipaluto.

Apan ang iyang pinakapaborito

mga mantikaong sud-an kay lami daw kaayo.

 Sa usa ka adlaw, mokaon sa makatulo.

Mga lami-ang sud-an, permi anaa sa plato.

Sa iyang pagtubo kalit siya mitambok

kay ang iyang tiyan kalit nga midako.

Usa ka adlaw siya nag lakaw-lakaw

sa dihang kalit mituyok ang iyang kalimutaw.

Siya nakuyapan samatang daghang nagtan-aw.

Karon ang iyang mga damgo kuyaw mahanaw.

Sa ospital, siya gitambalan.

Ang doctor misugilon sa sakit nga napalgan

“Na highblood ang bata”, ang ginikanan giingnan.

Ayyy! Murag nahagba ang ilang kalibutan!

Ang pagsaka sa iyang dugo dili pa grabi

busa ang doctor sa iya masulti

“Dong pagpasingot aron dili nimo masinati

ang kasakit nga mura ka’g i-bigti”

Sa paglabay sa mga adlaw.

Sa lami-ang pagkaon, siya natalaw.

Ang pagpasingot ug pagpaniwang mao nay laraw

niining bataa nga sa kaugmaon may paglantaw.

 Dagan didto, dagan dinhi.

Ginikanan niya maoy saksi

nga ang pagpasingot, gihhimong binhi

niining bataa bisan sa kadaghanan wala nailhi.

Usa ka adlaw sa iyang pagpasingot

may mga seminaristang sa iya miduol

Sila misulti, “Dong ayaw kapungot,

sulod sa seminaryo, kita magbasketbol”

Ang iyang kasing-kasing milukso sa kalipay

kay gihigugmna niya ang Dios bisan sa mga pagsulay.

Sa seminaryo, ang pagpasingot, pwede diay

karon siya mosulod kay ganahan mo sulay.

Mga hinigugma, mao tu ang akong estorya.

Busa karon ang Dios atong e himaya

Kay kining inyong pari mo sulay sa pagpaningkamot

Sa pag-agni ninyo’ng mga batan-on ug kaninyong tanan sa pagpasingot!