Professional Documents
Culture Documents
Ang Lawas Ni Josephine Ortega Nga 39
Ang Lawas Ni Josephine Ortega Nga 39
Ang lawas ni Josephine Ortega nga 39-anyos ang pangidaron kay nahikaplagan nga wala
gitibuuk paglubong sa likurang bahin sa usa ka Condominium sa Barangay Kasambagan, Cebu
City pag Biyernes sa Gabie, Marso 22.
Nadiskobrehan kini sa Security Guard ug sa mga construction workers nga misulay sa
paghibalo kung unsa ang hinungdan sa bahong alisngaw nga mikatag didtong dapita.
Ang mga tiglilihok nga gikan sa Estasyonan sa Pulis didto sa Mabolo kay midakop sa ka
puyo-puyo ni Ortega, ang 35-anyos nga si Cristiano Martinez, pinaagi sa usa ka follow-up
operation.
Matud pa sa PNP Crime Lab, nga maoy mi-usisa sa iyang lawas, hapit na mo semana nga
gilubong si Ortega, base sa kadugayon sa pagkadugta, matud pa ni Chief Insp. Dindo Alaras, hepe
sa Mabolo Pulis. Sa ilang pag imbestigar, ilang nahibaw-an nga si Martinez ang pinaka ulhing
tawo nga nakit-an kauban ang biktima katung buhi pa siya, matud ni Alaras.
Ang mga pagmatuod sa ka puyo-puyo
Sa panahon sa pagpangutana, si Martinez nga nagtrabaho sa Condominium isip usa ka
maintenance personnel, miangkon sa paglubong kang Ortega, apan siya milimud sa pagpatay
kaniya. Miingon siya nga nag hikog si Ortega pinaagi sa pagdunggab sa iyang kaugalingon.
Sa usa ka pakighinabi sa radio dyHp pag Sabado, Marso 23, si Martinez kansang miangkon
nga ka puyo-puyo ni Ortega, misugilon nga iyang nakit-an si Ortega nga nagkadugo sa salog
human siya miabot sa ilang balay luyo sa Condominium.
Miingon siya nga nakugang siya sa iyang pagkakita kang Ortega nga nagbuy-od didto nga
patay na, mao nang iyang gidali-dali og lubong didto sa likurang bahin sa ilang balay. Misulti siya
nga dili siya ganahan nga makahuna-huna ang mga awtoridad nga iya siyang gipatay.
Miingon si Martinez nga gikuha ni Ortega ang iyang kaugalingong kinabuhi tungod kay
dili niya kaya nga mabuhi kuyog ang kasaypanan human nasakpan ni Martinez nga nanglimbong
uban ang iyang laing laki.
“Nakahuna-huna siya nga magbigti kay dili siya ganahan nga kasab-an nako siya human
nako siya masakpi nga natulog uban sa akong silingan. Bisan kahibalo siya nga nasakpan nako
ang iyang gibuhat, iya gihapong gilimud ang iyang sayop.”
Gilimud ni Martinez ang pagpatay kang Ortega, misugilon nga wala siya’y bisan gamay
nga aligutgut batok kaniya. Miingon pud siya nga siya daw mismo ang nangayo'g pasaylo kang
Ortega tungod sa iyang pagkasakop kaniya ug sa nangulitawo niya.
Mopasaka og mga kasong pagpatay ang Pulisya batok kang Martinez karong umaabot nga
Lunes, Marso 25. Ang Korte na ang mag-igo kung ang iyang alibi kay mutapot pa ba gihapon,
matud ni Alaras. . /GIKAN SA AYB NGA GIPANAG-IYA SA SUPERBALITA CEBU/JKV
S
SunStar March 24, 2019 (Sunday) issue.
Gabert I. Ricafranca April 1, 2019