Professional Documents
Culture Documents
Epistula Commendaticia Novi Cursus - 2013 PDF
Epistula Commendaticia Novi Cursus - 2013 PDF
Crucis
Seminarium litterarum classicarum – MMXIII-MMXIV
Duae vero prae ceteris totius orbis terrae eminent linguae, quibus hic
prorsus thesaurus sapientiae nobis traditus est, quarum alteram Romani,
alteram Graeci coluerunt, multis ante adventum Christi saeculis, unde maxima
ex parte ortus est cultus et humanitas praesertim occidentalium hominum. Tum
doctrina catholica in utraque lingua invenit perfugium, praesidium et auxilium,
ut ita dicam, atque, ut Evangelium prioribus hominibus traderetur, illis linguis
expressa est. Itaque floruere inter patres atque ecclesiasticos scriptores Latinos,
Tertullianus, Lactantius, Boethius, Cassiodorus, Sanctus Isidorus Hispalensis,
Sanctus Thomas Aquinas, Sanctus Bernardus Claraevallensis plurimique alii,
quorum doctrina penitus perpendi non potest nisi ipsorum lingua,
quemadmodum clave, eorum opera leguntur.
Haec est causa cur nunc vobis huius universitatis studentibus utique
praebeantur scholae secundum methodum, ut aiunt, naturalem, ut maiorem
peritiam Latine legendi nanciscamini, quam facultatem acquiretis si Latinam ut
quamlibet linguam in usum hominum tractaveritis. Quam ob rem proximis
scholis triplicem metam consequi nobis proponemus, scilicet Latine scribendi et
loquendi, eo consilio ut denique legendi facultatem polleatis.
Liber adhibendus
- Hans H. Ørberg, Lingua Latina per se illustrata, Pars prima: Familia Romana,
Edizione Accademia Vivarium Novum, Roma – 2010