PRÁCTICAS DE TRADUCCIÓN (Módulo 10) (2018-2019)

Latín para hispanistas

Selección de oraciones para traducir

1) Aedui primis nuntiis ab Litavicco acceptis nullum sibi ad cognoscendum

spatium relinquunt. Impellit alios avaritia, alios iracundia et temeritas, quae
maxime illi hominum generi est innata, ut levem auditionem habeant pro re
comperta.

2) Hostes, nuntiis impulsi, suos concitaverunt subitoque ad castra venerunt. Cum

celeriter nostri arma cepissent vallumque ascendissent, desperata re, hostes suos
ab oppugnatione reduxerunt. Tum suo more conclamaverunt ut aliqui ex nostris ad
conloquium prodirent.

3) Dum in his locis Caesar navium parandarum causa moratur, ex magna parte
Morinorum ad eum legati venerunt, qui se de superioris temporis consilio
excusarent, quod homines barbari et nostrae consuetudinis imperiti bellum populo
Romano fecissent.

4) C. Fabium legatum cum legionibus III, quas Narbone disposuerat, in Hispaniam

praemittit celeriterque saltus Pyrenaeos occupari iubet, qui eo tempore ab L.
Afranio legato tenebantur. Fabius, ut erat imperatum, adhibita celeritate,
praesidium ex saltu deiecit.

5) Interea ne propius se castra moveret petiverunt. Ne id quidem Caesar ab se

impetrari posse dixit. Cognoverat enim magnam partem equitatus ab iis aliquot
diebus ante praedandi frumentandique causa ad Ambivaritos trans Mosam missam
esse; hos equites exspectari atque eius rei causa moram interponi arbitrabatur.