Tandang tanda ko pa..

Tandang ko pa yung mga araw na masaya tayong dalawa

Magkahawak kamay na tila ba walang pakialam sa sasabihin ng iba
Na tila ba tayo lang ang karakter sa istoryang sabay nating binubuo

Tandang tanda ko pa..

Tandang tanda ko pa yung mga araw na sasamahan mo ko sa silong ng mangga
Doon tayo uupo at pag uusapan ang mga bagay na sati'y mahalaga

Tandang tanda ko pa
Tandang tanda ko pa yung mga ngiti mong ako ang nagpinta
Yung pag kislap ng mga mata mong nangungusap
Yung pagbitaw ng mga labi mo sa mga katagang
Mahal, mahal na mahal kita.

Ngunit sa paglipas ng mga araw

Mahal, bakit tila ba nagbago na?
Yung mga ngiti na dating ako ang nagpipinta bakit tila ba kinukulayan na ng iba?
Yung pagkislap ng iyong mga mata bakit tila ba sa iba na nangungusap?

Yung dating masayang pag uusap sa silong ng mangga

Bakit napuno na ng luha't pagtatalo?
Yung mga katagang madalas mong bitiwan na sa aking tainga'y naging isang musika
Bakit ngayon tila ba naging isang barenang sa kaloob looba'y bumbara
Ang dating mahal, mahal na mahal kita bakit napalitan ng mahal, mahal ko parin siya.

Mahal, ako nga ba'y minahal mo ng tunay o naging pampalipas oras lamang
Sa mga panahong nangungulila ka sa kanya
Mahal, ako nga ba'y naging prayoridad mo o isa lamang sa mga pinagpipilian mo habang hinihintay mo
siyang magbalik?

Tinanong kita
Ah sandali mas mabuting sabihing pinapili kita
Mahal, sino ba sa aming dalawa? Ako ba o siya?
Bumilis ang pintig ng dibdib
Na tila ba may mga dagang nag uunahan sa kesong nakahain

Bumuka ang iyong bibig

Walang pag aatubilang inusal mo ay SIYA
Pinili mo siya.

Ang sakit isipin na dinurog ka niya noon, dumating ako upang buuin ka
Ngunit ikaw rin pala ang dudurog sa akin ngayon.
Ngunit mahal, mahal na mahal parin kita. Nawa'y sa pagkakataong ito maging masaya ka sakanya.
Dahil mahal, malaya ka na!