Ako Na Ang Magpapaalam
Hindi ikaw ang aking mundo.
Ikaw ay parte lamang ng aking kwento.
Hindi ikaw ang kalawakan.
Ikaw, tayo, kahit pagkakaibigan ay may hangganan.
Hindi ikaw ang buwan
Na nagbibigay liwanag sa aking karimlan
Hindi ako isang puno
Na aasa, mananatili, at maghihintay na mapansin
mo.
Ang mga sugat na dulot ng ating mga sala
Ay hindi maghihilom basta- basta
Kaya ako na ang hihinto, lalayo,
Ang magsasara ng pinto.
Ako na ang susunog ng tulay,
Ang puputol ng nag-uugnay.
Ako na ang bibitaw
Sa pagkakaibigang nasira ng pagmamahal na nag-
uumapaw,
Ng bugso ng damdamin,
Ng tukso at mga tinagong saloobin.
Hindi naman maayos
Ang hindi sinusubukang i-ayos.
Kaya tama na nga siguro
Ito na ang dulo ng kayang tanggapin ng puso ko.
Paalam na sa mga tanong na kailanma'y hindi na
masasagot,
Sa puso kong puno ng takot
Sa paglisan at pagbitaw
Hanggang sa ikaw na mismo ang umayaw.
Paalam na sa mga pangakong napako,
Sa mga katagang "walang magbabago",
Sa mga salitang binitawan
Ngunit hindi mo napanindigan.
Paalam na sa titulong "matalik na
magkaibigan."
Paalam na sa lumabong pagkakaibigan,
Sa mga hinanakit at hindi pagkakaintindihan.
Paalam na sa sakit at pait
Na dala ng pag-ibig na hindi maaaring ipilit.
Paalam na sa labing-apat na taon.
Masasakit na alaala'y aking ibabaon.
Iiwan ka na sa nakaraan.
Papalayain ang sarili sa gapos ng nagdaan.
Sa pagiging estranghero nagsimula,
Estranghero rin akong lilisan.*
Ito na ang huli kong paalam.
Sino ka nga ba?
Sino ka nga ba't sa bawat panaginip
Ikaw ang laging nakikita.
Mistulang tinatanong sa akin sarili
kung bakit naroon ka.
Pinagmamasdan sa iyong kagandahan,
na ngayon tila'y nakakalimutan ko na.
Kalakip ang istoryang ubod ng saya,
Hindi magkubli ang pag-ngiti ng aking mata.
Subalit sino ka nga ba?
Alam mo bang hanggang ngayon hinahanap pa rin
kita?
Sino ka nga ba't halos may ilang buwan kitang
hinahanap?
Laging i-tinatanong sa aking sarili kung "Bakit nga
ba?"
Sino ka nga ba't sana'y makita na kita?
Kahit bilang isang estrangherong,
estrangherong hindi mo kilala.
Sino ka nga ba't bakit ako'y nanabik sa iyo pag-
dating?
Ngunit kung ikaw'y mananatili ka laman sa aking
panaginip,
Itatanong sa sariling "sino ka nga ba't sa akin
panaginip hindi ka ma-alis?".
Isa, dalawa, tatlo
'Pag 'di kita kausap kulang ang araw ko
Apat, lima, anim
Nararamdaman ko sayo'y lalong lumalalim
Hindi ko alam kung bakit ko nararamdaman ito
Siguro dahil napamahal na ako sa'yo
Tulad nga ng sabi ko hindi ako mawawala sa tabi
mo
Handang protektahan ka sa mga nakapaligid sa'yo
(Cell Membrane)
Oo! Marupok ako. Malambot kasi ang puso ko
Hindi gaya ng taong gusto mo na, na iba naman ang
gusto
Ako na sana, ako na sana ang magbibigay kulay at
magpaparamdam kung ano ba talaga ang proseso ng
buhay(Cytoplasm)
Nakakasakal, sobra na.
Mga katagang hinding hindi mo masasabi
kailanman
Pagka't sa piling ko, hahayaan kitang makapasok sa
buhay ng iba, tutulungan pa kita. Makita lang kitang
masaya (Nuclear Membrane)
Hindi ako 'yung taong ipagbabawal sa'yo ang lahat
Hindi ako 'yung taong paghihigpitan ka
Minahal lang kasi kita, pero hindi kita pag-aari
Kokontrolin ko ang mga bagay na sayo'y magiging
balakid (Nucleous)
Sabi nila, puso ang sinusunod sa pagmamahal
Pero pagmamahal pa rin ba kung puro sakit na lang
ang nararamdaman nating dalawa?
Wari ko'y hindi na, dahil sinasabi na ng utak ko na
tama na. Pagod na ako. Hindi ko na kaya.
Oo, nandito lahat ng sakit noong niloko mo ako.
Ang sakit noong sinabi mo na aantayin mo ako. Oo,
nandito lahat inipon ko. (Chromosomes)
Ikaw 'yung taong nagbibigay lakas at sigla sa akin
Ang dahilan kung bakit ako ginaganahan
Hindi mo ba napapansin? O sadyang nagiging bulag
ka na lang talaga? (Mitochondria)
Dahil sa'yo gumaan ang pakiramdam ko
Ginanahan ako sa lahat ng bagay
Nagbigay lakas sa panahong walang wala ako
Para bang may "tayo" sa aking palagay
Pero hindi naman daw tayo bagay(Ribosome)
Marami ang nagsasabing hindi tayo bagay
Pero, pero sandali lang
Ano na nga ba talaga ang basehan ng pagmamahal?
Bakit ka nagpadala sa sinasabi ng iba? Bakit ka
naniwala sa mga taong sisirain lang naman ang
tiwala mo? (Lysosome)
Ikaw ang naging mundo ko
Sayo umikot ang lahat lahat sa akin
Pero para akong nakasakay sa isang ferris wheel
Pinapasaya oo habang pinapaikot-ikot lang naman
(Endoplasmic Reticulum)
Alam kong masaya ka na kaya sana, sana talaga
sumaya na rin ako kahit wala ka na
Hindi madaling makalimot, alam ko
Lalo na kung mahal mo pa siya
Pero 'di rin madaling ipagsiksikan ang sarili
Kung ayaw niya na talaga
Mahal mo pa?
Bakit? Siya ba mahal ka pa?
Gusto mo pa?
Sa tingin mo ba ganun din ang nararamdaman niya?
Sa tingin mo ba maaayos pa?
Pipiliting makalimot, haharapin ang katotohanang
wala ka na
Pinakawalan kita pero 'di kita sinukuan
Napagod na ako at natauhan sa'yo
Ginawa ko na ang lahat pero ayaw mo na talaga
Handa na akong limutin ka
Magkita man ulit tayo, ngayon ay alam kong wala
na.