“St.

Augustine, TEACHER OF LOVE TOWARDS COMMUNION AND SOLIDARITY”

“San Agustin, Manunudlo Sang Gugma Padulong Sa Pagpa Ambitanay Kag Paghiliusa”

Ginapangabay ang tanan, nga mamati kag magpungko,

Indi na sagay tanga-tanga,indi na sagay duko-duko
Ang mga kamot ibutang sa kilid,ang tiil sa salog Ilapak
Antes ako magsugod, mahimo bala nga mabatian ang inyo palapak?

sa tanan nga nagplastar sa tunga,

para klaro ko nila nga makita,
sa tanan nga ara likod,
kay gusto lang nila maggahod

sa tanan nga ara sa kilid

kag sako ang balikid-balikid
kag sa mga hurado nga ara sa atubangan
maayong adlaw sa inyo,akon mga kaabyan

ako subong magapautwas sang akon mga kasubo

indi lang kay tungod, sa grado ko nga kanubo-nubo
nahanungod ini sa gakalatabo sa aton palibot
nga kung aton paminsaron,daw kalain gid sa buot

sa sini nga mga tini-on,masami nyo na nga mabati-an

kag kon kaisa,aton pa ini, ginahimo nga kaladlawan
ang mga tinaga nga “bulag,pagbulag,ginbulagan,kag bulagay”
aton pagaistoryahan ini, sa akon nga binalaybay

bulag sa pagtuo, lain-lain nga pagsalig

isa sa mga rason sang ilinaway kag pagpangakig
ang iban nagapati nga yara sila sa husto nga dalan
kag para sa ila, ang iban yara sa tiko nga alagyan

siya ginbulagan, wala nahibaluan ang rason

wala na sya nagpabatyag, nga daw si tito Anderson
siya natingala, indi man Bea iya pangalan
apang ang “A-Bea”, indi sya “pag Bea-an”.

Sa pagpili sang lider, bulagay man ang aton nga panan-aw

Bulag ang aton mga mata,namian pa mamati sang ila pamumuyayaw
Suno sa ila plataporma, para sa kadam-an ang ila gina-ubra
Apang ngaa ang gakatabo,daw para sa kadam an gale sang ila kwarta

Mga utod,daw gaburon nagid ang aton panulok

Ang gugma sa kada isa,natubuan na sang tuktok
San o pa bala naton binagbinagon kag makit an,
Nga ang paghili usa ,amo ang aton nga kinanlan
 ang kasanag sa kadudulman kay sin o magahalin?
Wala ng sang iban,kundi sa aton maestro nga si San Agustin
Siya sa aton nagatudlo,nga ang tanan mag ambitanay
Sa tiempo sang pagtilaw,ang aton kamot dapat gakapyotanay

Batunon ang kinalain sang kada isa

Paghangop kag pag-intiende sa mga nabuhat nila
Dungan nga pagpangamuyo,para sa kaayuhan sang isig ka taho
Ang dumot sa tagipusuon,dulaon na ninyo

ang pagkahisa sa iban aton na nga kalimtan

wala gid ini mayo nga resulta,ukon manami nga madangatan
sa mata sang ginoo,wala gid sang law-ay,gani indi kinanlan magpa indisanay
indi lang ako ang pamangkota, kay indi ako ang ginoo,inday

Gani mga utod ko nga agustino, sa aton nga huna-huna pirme gid isulod
Imbes nga kita magbinulagay, kita tingob nga magluhod
Mamalandong kita, sa mga pamaagi ni San Agustin
Kag sa iya mga tinudlo,indi na maghalin halin

Tama na ining istoryahanay sa pagbinulagay

Kung kita tanan ululupod,ang kalibotan daw katawhay
Tanan nagayuhom, ang tanan nagakalipay
Kag tapuson ko naman ini,kay daw mala na akon nga laway

Antes ini matapos, may igabilin lang ako mensahe

Indi ini ubra-ubra,indi man ini papati
Pag ang mga gagmay nga damang,kung imo ululupdon
Bisan ang maisog nga leon,kaya nila nga putson.