NASANTOAN A MISA

Padi: Intay rugyan daytoy nasantoan a misa iti nagan ti Ama ken ti Anak
ken ti Espiritu Santo.
Gimong: Amen.

Padi: Ti Apo adda koma kadakayo.

Gimong: Kasta koma met kenka.

Padi: Kakabsat bigbigentay koma dagiti basbasoltayo tapno maikaritay a

makiranod kadagiti nasantoan a misterio.

G & P: Agkonfesarak iti Dios Ama a mannakabalin amin. Ken dakayo met
kakabasat ta siak nakabasolak iti panunut, sao, aramid ken liwayko. Basol
ko, basol ko, basol ko unay. Isu nga agpakpakaasiak ken Santa Maria nga
agnanayon a Virjen kadagiti amin nga Anjeles ken Sasantos ken kadakayo
met kakabsat ta ikakaasidak koma iti Apo tayo a Dios.

P: Kaasiannatay koma ti Mannakabalin a Dios ket kalpasan iti pannaka-

pakawan dagiti basbasol tayo ket ipannatayo ti biag nga agnanayon.
G: Amen.
(Apo Mangaasika)

P: Gloria iti Dios ti Kangatoan.

(Gloria)

KARARAG TI GIMONG:

P: Kumararagtayo. Mannakabalin ken agnanayon a Dios, idi sakbay a

nagpasngay ni Naingasatan a Virjen Maria, pinaltiingam tapno mapanna
suknalan ni Sta. Isabel. Ipaaymo kadi ta surotenmi met dagiti paltiing ti
Espiritu Santo, tapno makikad-duakamto met iti Virjen nga agdaydayaw nga
agnanayon Kenka. Gapu ken Kristo nga Anak mo ken Apomi.

G: Amen.

1
 LITURGIA TI SAO TI DIOS
DAGITI MAIBASA:
Umuna a Maibasa: ZEP 3:14-18A

Ti maibasa naadaw iti libro ni profeta Sofonias.

Agkanta ken agriawkayo iti rag-o, dakayo nga Israelita!

Agragsakka iti amin a pusom, Jerusalem!
Impanawen ti Apo dagiti gumurgura kenka;
Inikkatna amin a kabusormo.
Adda kenka ti Apo nga ari ti Israel;
Awan itan ti gapu ti pagbutngam.
Dumtengen ti tiempo nga ibagada iti Jerusalem,
“Dika agbuteng, siudad ti Jerusalem!
Dimo ipalubos a malpay dagiti imam!
Adda ti Apo a Diosmo iti dennam;
Ti bilegna ti mangted kenka iti balligi.
Agrag-onto ket sika ti pagragsakanna,
Ikkannakanto iti baro a biag ta ay-ayatennaka.
Agkantanto a siraragsak gapu kenka,
Naragsak a kas kadagiti tao a makifiesta.”

Lektor: Ti sao ti Apo.

Gimong: Agyamantay ti Dios.

Salmo Responsorio: Toy pusok idaydayawna ti Apo ket agragsak toy

kararuak gapu ta insalakannak.

Alleluia: “Iti Puso Intay Luktan”

EBANGHELIO: LK 1:39-56

P: Ti Apo adda koma kadakayo.

G: Kasta koma met kenka.
P: Toy sumaganad naadaw ti nasantoan nga ebanghelyo kas insurat ni San
Lucas.
G: Gloria ti maipaay kenka, O Apo.
Iti saan a mabayag, nagrubbuat ni Maria ket nagdardaras a napan iti
maysa nga ili iti kabambantayan ti Judea. Napan iti balay ni Zacarias ket
kinablaawanna ni Elisabet. Apaman a nangngeg ni Elisabet ti kablaaw ni
Maria, naggaraw ti ubing iti tianna.
Napno ni Elisabet iti Espiritu Santo. “Sika ti kagasatan kadagiti amin
a babbai!” impukkawna. “Nagasat ti ubing nga ipasngaymonto. Anian a

2
pannakapadayawko, ta umaynak sarungkaran ti ina ti Apok! Ta apaman a
nangngegko ti kablaawmo, naggaraw ti ubing iti tianko gapu iti ragsakna.
Wen, nagasatka ta mamatika a matungpalto ti insao kenka ti Apo!”

Kinuna ni Maria:
“Toy pusok idaydayawna iti Apo,
Ket agragsak toy kararuak gapu iti Dios a Mangisalakan kaniak.
Ta nalagipnak, siak a nanumo nga adipenna,
Ket manipud ita, awagandakto a nagasat dagiti amin a tattao,
Gapu kadagiti naindaklan a bambanag nga inaramid kaniak
ti Mannakabalin a Dios.
Nasantoan ti nagana;
Kaasianna dagiti agbuteng kenkuana,
Manipud iti maysa a kaputotan
Agingga kadagiti sumarsaruno.
Imparangarangna ti pannakabalin ti takkiagna,
Ket winarawarana dagiti natangsit a tattao ken amin a gandatda.
Inikkatna dagiti mannakabalin nga ari iti tronoda,
Ket intan-okna dagiti nanumo.
Pinennekna dagiti mabisin kadagiti agkakaimbag;
Pinagtalawna nga ima-ima dagiti babaknang.
Tinungpalna ti karina kadagiti ammatayo;
Tinulonganna ti Israel nga adipenna,
Ket nalagipna a kaasian ni Abraham,
Ken ti amin a kaputotanna iti agnanayon.”

Agtallo a bulan a nakipagyan ni Maria ken ni Elisabet. Kalpasanna,

nagawid idiay balayda.

P: Ti Ebanghelyo ti Apo.
G: Dayaw ti maipaay kenka, O Cristo.
HOMILIA

Kararag a Sapasap: Apo, denggennakam kadi.

LITURGIA TI EUKARISTIYA

PANANGIDATON

G: Ti Apo awatenna koma dagitoy daton kadagita imam, a

pakaidaydayawan ken pakaiglorian ti naganna, ken kasta met a
pagimbagan tayo ken ti kadagupan ti nasantoan nga iglesiana.

3
 MAIPANGGEP KADAGITI DATON
P: O Dios kankanayun a nakaay-ayo Kenka ti panagayat ni Apo Santa Maria
nga ina ti Anakmo. Ipaaymo kadi ta makay-ayo met Kenka daytoy a
sakripisyo a maipaay ti pannakaysalakanmi. Gapu ken Cristo nga Anakmo
ken Apomi.
G: Amen.

P: Ti Apo Adda koma kadakayo.

G: Kasta koma met kenka.

P: Itag-ayyo dagita puspusoyo.

G: Addadan a sitatag-ay iti Apo.

P: Agyamantayo ti Apo a Diostayo.

G: Maikari ket rumbeng.

P: Pudno unay a maikari ket rumbeng annongmi ket pakai-salakananmi a

dakami iti amin a tiempo ken disso, agyamankam Kenka, Apo, Nasantoan
nga Ama, mannakabalin ket agnanayon a Dios: Ket iday-dayawdaka,
ibonannagdaka ken itantan-okdaka, iti daytuy a fiesta ni Inami iti Piat ken ni
nainggasatan ket agnanayon a Virjen Maria. Ta isu babaen ti aramid ti
Espiritu Santo, sinikugna ti bugbugtong nga Anakmo, ket idinto ta dina met
napukaw ti saddia ti kinavirjenna, impasngayna, iti lubong ti agnanayon a
Silaw, nga isu ni Apomi a Jesucristo. Anansata makidanggaykami kadagiti
Anjeles ken Arkanjeles, ken kadagiti amin a ejercito iti langit ket ikantami ti
imno ti pannakai-daydayawmo ket konami a di agsarday.
(Santo Santo)

(Consecration Prayer) (In Ivatan)

P: Iwaragawagtayo ti misterio iti pammati.

(Tungal iti daytoy…)

P: Iti ngarud panangilagipmi iti ipapatay ken panagungar ni Cristo, idatonmi

kenka, Apo, ti tinapay iti biag, ken ti kalis iti pannakai-salakan.
Agyamankam kenka ta impaaymo a maikari kami nga adda’t ditoy
saklangmo ket agserbi kam Kenka. Dawatenmi, Apo, ta dakami a makiranod
iti Bagi ken Dara ni Cristo, pagkaykaysaen-nakam koma iti Espiritu Santo.

Concelebrant 1: Laglagipem kad, Apo, ti Iglesiam a naisaknap iti

sangalubongan, ket pagrayrayem ti ayatna a nadiosan. Laglagipem met ni

4
Francisco a Santo Papa mi, ni Luis Antonio nga Obispomi, ken dagiti amin
a papadi.

Concelebrant 2 or 1: Laglagipem pay Apo, dagiti kakabsatmi a matmaturog

a si-inanama iti panagungardanto ken amin dagiti pimmusayen iti sidong ta
kaasim. Awatem kad ida iti sidong ti raniagmo a paka-kitaanda Kenka iti
rupan-rupa. Dawatenmi, Apo, ta ipaaymo met ta kaasim kadakami.
Aramidem koma a maikarikam amin iti agnanayon a biag ken mai-
ranodkamto ken naingasatan a Virjen Maria nga Ina ti Dios, ni San Jose nga
esposo na, kadagiti nagasat nga Apostoles, ken kadagiti amin a sasantos,
isuda a nakapudno a nagserbi Kenka ditoy daga. Maki-kadduakamto kad
met kadakuada a mangitantan-ok ken mangidaydayaw Kenka. Gapu ken
Kristo nga anak Mo.

P: Gapu ken kristo, sikakaysa ken Kristo, ken iti sidong ni Kristo, iti timpuyog
ti Espiritu Santo, iruknoymi Kenka, mannakabalin nga Ama, ti amin a dayaw
ken Gloria, iti agnanayon nga awan ti inggana.
(Great Amen)

P: Datayo a nabalakadan kadagiti Makai-salakan a pamagbaga, ken

naadalan kadagiti nadiosan a panursuro, turdantayo ti agkanta.
(Amami)

P: Dawatenmi Kenka, Apo, ta isalakannakami iti amin a pagdaksanmi. Itdem

kad a si-aayat ti kappia kadagiti aldawmi, ket babaen ti pannulong ta kaasim
kadakami, kankanayon koma laeng nga iti basol mailisikami, ken ti amin a
riribuk maikanawa kami, kabayatan ti panagur-uraymi iti kinagasat a
namnamaenmi, ken ti yaay ni Jesu Cristo a Nangisalakan kadakami.

G: Ta kukuam ti turay ti pannakabalin ken dayaw, iti agnanayon a dinto

agsarday.

P: O Apomi a Jesu Cristo, kinonam kadagiti Apostolesmo: “Kappia iti ibatik

kadakayo, kappia nga aggapu Kaniak ti itedko kadakayo.” Saan kad a dagiti
basbasolmi iti mingmingam nu di ket ti pammati iti Iglesiam. Ket kas
mayannurot iti pagayatam, ipaaymo kad a si-aasi kenkuana ti kappia ken
panagkaykaysa. Sika ti agbiag ken agari iti agnanayon nga awan inggana.
G: Amen.

P: Ti kappia iti Apo, kankanayon koma nga adda kadakayo.

G: Kasta koma met Kenka.

P: Ipaayyo ti kappia iti maysa ken maysa kadakayo.

5
 KAPPIA, KAPPIA, KAPPIA
(KORDERO TI DIOS)

P: Adtoy ti kordero ti Dios, adtoy ti mangikkat kadagiti basbasol ti lubong,

nagasat dagiti naayaban ti padayana.
G: Apo, diak maikari nga umay Ka kanyak, ngem iti maysa laeng a saom,
mapa-imbag ton toy kararuak.

COMMUNION
P: Kumararagtayo. O Dios, itantan-oknaka koma ti Iglesiam, ta inaramidmo
dagiti naindakklan a banbanag kadagiti mamati Kenka. Nupay adda pay
laeng idi ni Cristo itay tian ni Apo Santa Maria, nabigbigen ni San Juan ket
kinabbla-awanna a sira-ragsak. Ipaaymo kadi ta bigbigenmi met a
siraragsak ni Cristo nga adda nailimed iti Eukaristia. Isu nga agbiag ken
agari ti agnanayon nga awan inggana.
G: AMEN.
P: Ti Apo adda koma kadakayo
G: Kasta koma met Kenka.
P: Bendisionan nakay koma ti agnanayon a Dios: Ti Ama, ken ti Anak, ken
ti Espiritu Santo.
G: AMEN.
P: Nalpasen ti Misa, inkayon ti kappia iti Apo.
G: Agyamantay ti Dios.
(RECESSIONAL)
SURUTENKA