KAMATAYON BA ANG KATAPOSAN SA TANAN?

Pahinumdom sa mamumulong:
Tabangi ang mga mamiminaw sa pagsabot nga wala gayod untay paglaom ang tawo kon wala pa itagana ni
Jehova ang lukat ug ang Gingharian. Ipasiugda nga kinahanglang ipakita ang bug-os nga pagtuo sa mga
kamatuoran nga gihisgotan sa Memoryal

“ANG KATAPOSAN SA TANANG TAWO” (7 min.)

Matag tuig, minilyon sa tibuok kalibotan ang mamatay
Daghan ang nagtuo nga ang mga patay nagkinabuhi sa laing kalibotan; makita kini sa ilang paagi sa paghupay
sa mga nagbangotan
Magkalahi ang maong mga pagtuo sa lainlaing dapit sa kalibotan (w99 4/1 9-10, par. 1-7)
Bisan kadtong nagtuo nga normal lang ang kamatayon nalisdan sa pagdawat nga ang kamatayon mao ang
kataposan sa tanan
Gihisgotan sa Bibliya ang kamatayon sa usa ka tawo ingong ‘pagkatapos’ (Jer 20:18; Eze 5:12)
Sa pagkatinuod, ang kamatayon mao “ang kataposan sa tanang tawo” [Basaha ang Ecclesiastes 7:2]
Unsaon nato kini pagsabot? Kamatayon ba gayod ang kataposan sa tanan?
UNSA BA GAYOD ANG KAMATAYON? (7 min.)
Ang kamatayon maoy kasukwahi sa proseso sa kinabuhi nga gihubit sa Genesis 2:7 [Basaha]
Ang pagginhawa mohunong; ang puwersa sa kinabuhi mawala; ang hunahuna mahanaw (Sal 146:4)
Ang kamatayon sa tawo dili labaw sa kamatayon sa hayop; sila managsama ra (Ecc 3:19, 20)
Diha sa kamatayon, matapos ang tanang komunikasyon, emosyon, panghunahuna ug kinabuhi (Ecc 9:5, 6, 10)
Kini makapalibog gayod nato kay kita gidisenyo man nga mabuhi sa walay kataposan (Ecc 3:11)
Ang mga kamatuoran nga atong nadunggan niadtong pagsaulog sa kamatayon ni Kristo naghatag kanatog
paglaom
KON NGANONG WALA MATAPOS ANG KINABUHI NI JESUS DIHA SA KAMATAYON (9 min.)
Kamatayon ang silot sa sala (Rom 6:23)
Si Jesus wala makasala
Busa ingong tawo, nahuptan niya ang katungod nga magpadayong buhi sa walay kataposan (Ju 10:18; Buh 2:24;
w09 9/15 29 par. 15; w81 1/15 29 par. 25)
Human banhawa ingong espirituhanong linalang, gipresentar ni Jesus ang bili sa iyang hingpit nga tawhanong
kinabuhi ngadto kang Jehova (1Pe 3:18)
Busa ang atong utang nga sala kang Jehova nabayran na (2Co 5:14, 15)
Tungod niini, mahimo nang wagtangon ang epekto sa napanunod nga sala
Ang tanang makasasala ba awtomatikong pasayloon ni Jehova pinasukad sa lukat?
Dili; gikinahanglan ang pagkamasinugtanon (Ju 3:36)
Padayon sa pagkuhag kahibalo bahin kang Jehova nga Diyos ug kang Jesu-Kristo, ug ipadapat kini (Ju 17:3)
Ang pagbanhaw ni Jehova kang Jesus gikan sa lubnganan maoy “garantiya ngadto sa tanang tawo” bahin sa
pagkatinuod sa Adlaw sa Paghukom sa Diyos sa umaabot ug nagpasalig nga aduna gayoy pagkabanhaw (Buh
17:31; 24:15)
UNSAY KAHULOGAN SA KAMATAYON ALANG KANIMO? (7 min.)
Kamatayon ba ang kataposan sa tanan?
Mao gayod kanay mahitabo kon dili pa tungod sa gibuhat sa Diyos ug ni Kristo
Bisan pa sa pag-uswag sa teknolohiya sama sa nanotechnology, ang mga tawo dili makalalang ug kinabuhi ni
makapasig-uli niini (w99 10/15 5 par. 3-4)
Si Jehova lang ang makahimo niini
Ang mga alagad sa Diyos sa karaang panahon naglaom sa pagkabanhaw (Job 14:7-15; Dan 12:13)
Madayag sa gihimo ni Jesus ang tinguha ug katakos sa Diyos sa pagbanhaw sa mga patay (Luc 7:11-17; 8:49-56;
Ju 11:38-44)
Karon nga milabay na ang igong panahon nga makita sa tanan ang sangpotanan sa pagsupak sa mga balaod sa
Diyos, hapit na ang tinudlong panahon nga tul-iron niya ang mga butang dinhi sa yuta
Lakip niini ang pagbanhaw sa mga patay ug paggiya sa mga tawo aron mabuhing walay kataposan ibabaw sa
yuta (w07 5/15 26-30)
Tinuod gayod ang katuyoan ni Jehova nga banhawon ang iyang mga alagad nga tungod niana sila giisip nga buhi
(Mat 22:31, 32; cf 106-107 par. 20-21)
Ang kinabuhing walay kataposan maghatag kanatog walay kinutobang kahigayonan sa pagkat-on ug dugang
bahin kang Jehova nga Diyos ug sa pagpakigsuod sa tanan nga nahigugma kaniya (Job 26:14; Ecc 3:10, 11;
w11 5/1 27)
Magmaunongon kang Jehova, ug ikaw makadawat ug mga panalangin karon, ug sa umaabot “kinabuhing walay
kataposan” (Rom 6:22)
(Sunda pag-ayo ang gilaraw nga materyal, ug sunda ang gitakdang oras sa matag bahin. Dili kinahanglang
basahon o komentohan ang tanang teksto nga gisitar. Tan-awa ang Tunghaan sa Ministeryo, p. 52-54, 166-169)
Num. 184-CV 7/12 KOBREHAN SA 30 MINUTOS
˘ 2012 Watch Tower Bible and Tract Society of Pennsylvania