“Ako ay Ikaw Rin” “Ako’y Kamanlalakbay Mo”
(Ikatlong Hakbang) (Ika-Apat na Hakbang)
Nakalimot pagkatao nati’y magkaiba
At dahil sa Agape ng walang hanggang Ama
Pinag-isang kaluluwa tayo sa Iglesia
Ang noon ay siya ring ngayon dito sa lupa.
SELAH:
KAISANG ESPIRITU, KAISANG KALULUWA
SA TIPAN NG AGAPE ANG LAHAT AY NAGKITA
WALANG MAGKAIBA, SA HALAGA AY IISA
TUNAY ANG IKAW AY AKO, ANG AKO AY IKAW.
Laman mo at laman ko ay kapwa sangkap lamang
Sa katawan ng Ama tunay na espiritual
Tinubos ng dugo naging Kabanalbanalan
Tayo’y pantay-pantay paano ngang hahatulan.
CODA:
Tayo’y binabantayan ng Amang mapagmahal
Sa Agape ng Hari tayo ay nabubuhay
Ang ukol sa akin ay sa iyo inilaan
Mahal kita kailanman’y hindi kita iiwan.
FINALE:
Tunay ang ikaw ay ako, ang ako… ay… ikaw...
Sakdal 6 & 10 2019
Ako’y kamanlalakbay mo
Kailangan kita, kailangan mo ako
Isang pangarap ang ating tinutungo
Dahil magkasama ay hindi mabibigo
Ako’y kamanlalakbay mo
Lakas na kasiping, kayakap na saklolo
Isang pag-asa ang nasa ating puso
Sa pagtutulungan, ang mithi matatamo
Selah:
Magkamanlalakbay ikaw at ako
Oo magka-agape, magkaisang espiritu
Pagkakaiba ay pinapaglaho
Sa daang matuwid na doon nagtagpo
Magkamanlalakbay
na may dakilang pintuho
Ako’y kamanlalakbay mo
Aking kasiglahan, pag-ibig mong totoo
Ikaw yaong himig sa hakbang kong imno
Walang kagalakan na hindi sa piling mo
Ako’y kamanlalakbay mo
Kauri, kapantay, ako ay kapatid mo
Magkapit agape naging isang hukbo
Ang magtatagumpay na sasakop sa mundo
Sakdal 13 & 17 2019
“Ang Pito ay Isa”
(Ikalimang Hakbang)
Kasakdalang nahagkan sa unang paghakbang
Nahayag ang ‘di kawasang agapeng kalakasan
Isa na walang anuman, ginawang pitong sakdal
Ang nilagom na pito ay naging isang ganap
Pitong haligi ng tahanan, pasan ang buong bahay
Isang matibay na moog, naging kanlungan ng bayan
Pitong patak ng tubig na kaloob ng langit
Isang bakas na iniwan sa lupa’y isang halik ng
kababaan
Selah:
Magbunyi, magbunyi, bayang iniibig
Paghihintay ay tapos na,
ang bahagya ay lipas na
Ang pito ay isa na, kasakdalan ay narito na
May ganap na kaisahan
S’yang kasakdalan ng kagandahan
Coda:
Bulaklak na umusbong sa hardin ng Hari
Lumalaging sariwa sa hamog na biyaya
Pitong sakdal na talulot,
samyo’t ganda ay ligaya
Isang alay ng Hari sa irog na Hephzi-bah
Aah...
Sakdal 20 & 24 2019
 “Kagayakang Hari”
(Ika-Anim na Hakbang)
Ang kagayakan na aking nakamtan
Nagdulot ng ‘di kawasang katapangan
Upang harapin ang duwag na si satan
Ngayon at kailan man ‘di sya uurungan
Sa digmaang ito ay ating pakinggan
Hindi pa nag-uumpisa ang laban
Harapin ang kaaway, babagsak na tunay
Ang Kabanalbanalan ay matatanghal
Sakdal 27 & 31 2019
S’ya ang anak... na salamin ng kagandahan
“Anak”
(Ika-Pitong Hakbang)
Damit Niya ay mahiwaga
May damdaming kahanga-hanga
Hinanap ang sa Kanya’y mapag-upasala
Buong pag-ibig na Siya ay nagsalita
Halikayo sa kulandong ng kalinga
Pusong may agape, bukal ng biyaya
Sa Kanyang sabbath magpapahinga
Selah:
Nagmula sa kalangit-langitan
Narinig ang Kataastaasan
Ito ang aking anak na kalarawan
Siyang tangi Kong kinalulugdan
Ang tanging dapat na pakinggan
Sa pag-akyat sa kawalang hanggan
Finale:
Kapara’y Kataastaasan
Likha ng Kabanalbanalan
S’ya ang anak... na sinag ng kal’walhatian
Kagilagilalas n’yang kaliwanagan
Itinakdang maghari sa sanlibutan
Hephzi-bah 3 & 7 2019
Hanggang doon sa aking paghimlay... paghimlay...
“Sangkap ng Kasakdalan”
Maraming wika akong narinig
Na pumukaw sa aking damdamin
Ngunit isa lang ang sasabihin
“I Agape You Kapatid”
At sa Agape ng ating Ama
Batik sa balat ay mawawala
Sa langit tayo’y ipagsasama...
Aahh... ipagsasama...
Ako’y inaring Kanyang anak
Sa Kanyang bethel ako’y kasama
Si Nanay Tipan na ating Ina
Mabuting bantay at mapagpala.
Ako’y tatahan sa Kanyang bahay
Sa lahat ng aking kaarawan
Ako’y magbabanal, mangangaral
Upang Siya ay maligayahan.
Kung mabigat ang iyong pasanin
Sa balikat ko’y iyong isalin
Kung mata ng puso ay may piring
Puso ko’y hayaan mong tumingin.
Pagkakilala’y ipaglalaban
Ipagtatanggol si Nanay Tipan
Ihahayag ang katotohanan
Mayroon mang pangako o wala
Kaligayahan ko ang magbanal
Sa mga kamay Mo aking Ama
Nakalapat ang aking kaluluwa.
Nakalapat ang aking... kaluluwa...
Hephzibah 10 & 14, 2019
Source: Pastulan Biyraniyth
 “Saanman Kailanman Ika’y Paglilingkuran”
Intro:
Kay dakila ng iyong kalooban
Ako ay isa sa iyong kinahabagan
Binigyan ng napakadakilang kapalaran
Tinawag na maging anak na kalarawan
1st stanza:
Habang buhay kitang paglilingkuran
Aking pangako buhay sa ‘Yo ilalaan
Saanmaan makarating aking iingatan
Lahat ng Iyong bilin ay masikap na susundin
Refrain:
Pag-ibig sa’Yo, oh Dios sa puso ay pangunahin
Hindi iwawaglit, aking pagyayamanin
Sa lahat ng panahon, anumang pagkakataon
Maipakilala Ka, mapapurihan Ka, ang aking layon
Selah:
Magbubunyi, aking iparirinig sa buong daigdig
Aking sasaysayin ang kadakilaan ng Iyong pag-ibig
Aking ituturo sa lahat ang himig na makalangit
Ang himig ng Iyong pag-ibig sa lahat ay iparirinig
Coda:
Saanman kailanman Ika’y paglilingkuran
Saanman kailanman, mabubuhay sa kabanalan
Saanman kailanman, Ika’y pararangalan
Saanman kailanman, hanggang magpasa-walang
hanggan
Hephzibah 17 & 21, 2019
Source: Pastulan Geshem
“Dakila” “Kahariang Kay Ganda”
Dakilang kapalaran ay nakamtan
Ng Ika’y dumating at natagpuan... Ah... Isang panaginip sa ‘ki’y gumising
Pagdakila ay nararapat dahil sa dakilang tinanggap... Ganda ng buwan kislap ng bituin
Bughaw na langit sa ’k’iy nakamasid
‘Di kawasang kapayapaan
Pinadama ang Kanyang pag-ibig.
Ang sa puso’y nararamdaman
T’wing nasa piling Mo tila alapaap ang kinalalagyan
Selah:
Walang anumang kalungkutan ang ‘di
pinagtatagumpayan
OH KAY GANDA
Salamat... salamat... salamat sa dakilang
KAHARIAN NG ATING DIOS AMA
kapayapaan
DI KO IPAGPAPALIT KAHIT ISANG SAGLIT
Kagilagilalas na liwanag ang ibinigay Mong tanglaw KALUWALHATIANG AKING MAKAKAMIT.
Upang sa araw-araw na paglalakbay ay hindi maligaw
Walang anumang kadiliman sa katapangan ay
pupusyaw Lahat ng bagay na Kan’yang nilikha
Salamat... salamat... May aral na dala aking naunawa
Salamat sa dakilang liwanag na tanglaw Mga langgam kung ating pagmamasdan
Sikap at tiyaga ay matutuhan.
Tapat na pagmamahal sa aki’y ‘Yong lubos na inialay
Pangakong kaligtasan
Pangakong walang hanggang buhay Doo’y walang hirap at kamatayan
Walang anumang yaman ang makahihigit, Sa paraiso tayo ay mananahan
makapapantay Kapiling sa t’wina di ka mag-iisa
Salamat... salamat... salamat sa dakilang kaligtasan Haring ELELYON palaging kasama.
Selah:
Hangarin ng puso, Ika’y dakilain
Upang dakilang pagpapala’y gantihin
Ngalan Mo’y pupurihin, dadakilain
Habang taglay dakilang buhay na angkin
Finale:
Dakila, dakilang kapalarang nakamtan
Nag-uudyok sa puso ng dakilang hakbang
Kapayapaan, kaliwanagan, kaligtasan
Itatanghal sa buong sanlibutan
Upang maging alagad lahat ng nilalang
Hephzibah 24 & 28, 2019 Jeshurun 1 & 5, 2019
Source: AC/MNZ Source: Old I.E.
 “Kilalanin ang Sakripisyo ng Dios”
Nagturo na magpatawad
Umibig at magpakababa
Magtiwala, mamag-asa, tumalima
Iniwang halimbawa ng Ama.
Tunay na makapangyarihan
Gawang nagdulot ng kaligtasan
Itinalaga sa dugo at kamatayan
Upang maghari ang kapayapaan.
Selah:
SAKRIPISYO NIYA AY ATING KILALANIN
KAPANGYARIHAN NG PAG-IBIG NIYA SA ATIN
MAGPATAWAD, MAGSISI, MAGPAKUMBABA
MAGMAHALAN, MAGTIWALANG BUO SA AMA
MAMAG-ASANG MAKAKASALO TAYONG LAHAT
NA KAMTIN ANG PANGAKONG PAGTATAGUMPAY.
Coda:
Maghawakan tayo aking kapatid
Magpatuloy na sundin ang Kanyang bilin
Dakilain Siya at ating itanghal
At maglingkod hanggang sa kamatayan
Jeshurun 8 & 12, 2019
Source: Pastulan Biyraniyth
“Hindi Magbabago”
Ikaw ang may-ari ng aming puso
Sa’ming isip, Ikaw ang nakatimo
El Elyon, Ikaw ang aming Hari
Na laging susundin at iibigin
Selah:
Hindi magbabago, Hindi hihinto
Sa Iyo ay maglilingkod Hindi susuko,
Hindi mabibigo Ang mithi ng aming puso
Dumanas man kami ng mga hirap
Luha sa’ming mata ay pumatak
Agape, gabay sa’min at lakas
Hindi magbabago ang aming Sikap
Coda:
Hindi magbabago, Hindi hihinto
Sa landas na aming tinutungo
Hanggang sapitin ang langit na pangako
Sakdal gandang buhay at Paraiso
Tayo ay magdiwang, tayo ay magpasalamat
Finale:
Ang mithi… ang mithi… ng aming puso…
Isang hakbang na lang at atin nang sasapitin
Jeshurun 15 & 18, 2019
Source: Pastulan Chenaniah
“Ang Kaluwaluwalhating Tagumpay”
Selah 1:
Kahanga-hangang pagtatagumpay
Kagilagilalas na pakpak ay ikinampay
Lumaban, lumakas, tumatag ang bayan
Natanghal, hinagkan ang kasakdalan.
Tagumpay! Tagumpay! Tagumpay! – 2x
Masdan ang bunga ng ating pagpapagal
Tunay na kayganda, isang kaharian
Bunga ng pagbabata at pagmamahal
Sa panahong takda, mithi ay nakamtan.
Sa paglawak ng Kanyang nasasakupan
Binhi’y naging isang matibay na bayan
Ligaya ng Hari, Kabanalbanalan
Bansang itinangi, kinahabagan.
Selah 2:
Dahil sa atin ay itinakda,
ang mula pa nang una’y panukala
ang kaluwaluwalhating tagumpay.
Magkapit kamay na ating tunguhin
Ang luklukan ng Haring mairugin
Siya’y naghihintay, atin nang salubungin
Higit pa sa mapagtagumpay
(ang kapalarang) ibinigay.
Finale:
Magalak Ka oh Bayan,
Tagumpay Mo’y di na kaiinipan
Sapagka’t sa’Yo’y inilaan
Ang kaluwaluwalhating tagumpay
Ang kaluwaluwalhating tagumpay...
Jeshurun 22, 26, Agape 2, 2019
Source: Pastulan Geshem
 “Ngayong Ako’y Malaya Na”

Selah:
Ngayong ako’y malaya na
May kaginhawahan aking katawan pati na kaluluwa
Ngayong ako’y malaya na
May kapanatagan ang puso, isip at diwa
Ngayong ako’y malaya na
May kalakasang handang lumaban sa kasamaan
Ngayong ako’y malaya na
May kapahingahan, may kapayapaan
Oo ngayong ako’y malaya na... malaya na!

Kasarinlang kinamtan, ipagbunyi ipagdiwang

Tapos na ang bahagya, bagtasin ang kasakdalan
Nagwakas na ang panahon ng kapanglawan
Ngayon ay araw ng kagalakan.
Mga kaluluwang pinalaya,
magtanghal ng pagmamahal
Ang mundo’y gamutin sa kanyang karamdaman
Inihandang pagpapala sa sangkatauhan
Sa pagkabihag ay bigyang kalayaan.

Coda:
Kasama ng ilan kami’y inilipad
Sa salimuot na dilim kami’y itinakas
Dinala sa tahanan ng liwanag
Kabanalbanalan, malinis Mong pamagat
Hindi na kami papayag pang magapi
At muling maalipin ng mga gawang mali.

Finale:
Pinalaya upang magkalag ng tali
Palayain ang mundong napipighati
Tuturuan ng katwiran ng Hari
Mabuhay na nagbabanal at nagpupuri
Sa Dios na maluwalhati.

Agape 5 & 8, 2019

Source: Pastulan Dikaios