Sa pagitan ng ingay at katahimikan

Ingay, tunog, musika, kalampag

Sa kalsada, eskwela sinehan
O sa bunganga ni Vice Ganda
Ingay, kakaiba ka.
Tila baga ginigising mo ako
Binibigyang sigla.
Ang aking dugo
Binubuhay mo,
At itinutulak mong sige gawin mo ito…

Walang buhay kapag walang ingay

Nakakaboring ang bawat araw
Gusto ko laging pumapalahaw
Nakaliligaya, nakakatuwa,
Mas masaya kapag sumisigaw!

Pssst.. Ang ingay mo

Katahimikan sa akin ibigay
Hindi ako makapag isip
Sobra kang magulo

Hindi mo ba alam na kapag mundo ay tahimik

Ang mga tao’y mas malalim na nakakapag isip
Kung paano bibigyang solusyon ang mga suliranin
Suliraning kay bigat sa utak at damdamin.

Haha...Kung ikaw ay mayroon na ngang pasanin

At tatahi tahimik sa sulok, luluha’t maninindim
Mundo mo’y lalong magdidilim
Mag-ingay nang mabuhay, maniwala ka sa akin.

Kaya magulo ang mundo

Ay dahil sa taong maiingay tulad mo
Kung umakto parang sila ang tao
Kung humalakhak daig pa ang ingay ng gong ni jong hilario

Alam mo ba kung bakit may mga nababaliw

Naglalaslas, nagbibigti
Iyon ang dahil hindi nila alam ibulalas
Ang bigat sa pusong karapat-dapat ilabas

Huwag kang pakasiguro

May nagpakamatay din na kakilala ko
Puro ingay... hanap ay laging gulo
Pero humantong din sa sementeryo.

Subukan mong magreview

At magdamag na kakahol ang aso ng kapitbahay mo
Matutuwa ka pa kaya?
Sige nga sagutin mo ako.

Kahit gaano ka katalino

Kung di mo isisigaw ang prinsipyo mo
Walang maniniwala sayo
Dahil ang ganda nga ng paniniwala mo
Sarili mo lang naman ang bilib sa’yo.

Hindi lahat ng bagay Kailangang isigaw

Hindi pwedeng sa lahat ng pagkakataon sarilinin ang suliranin

Tanggap ko na minsan makulay din ang ingay

Pansin ko na nakakakilig din pag pag minsan tahimik ang mundo

Duet: Respeto lang sa bawat tao

Kung minsan na kailangan niyang mapag isa, hayaan mo muna siya
Kung maligaya siya at kailangan niyang sumigaw, pagbigyan siya
Dahil sa pagitan ng ingay at katahimikan, basta may pagmamahalan, makulay ang buhay..