Namulat ako sa mundong ito noong ika – 3 ng Setyembre taong 1993,
mula.sa pagmmahalan ng aking mga magulang na sina Noel Mendoza at Jelma Paliza. Bagamat walang basbas ng nakatataas, naging matatag pa rin ang kanilang pagsasama kaya ang isang supling ay nadagdagan pa ng isa at ng isa pa hanggang sa naging anim ang biyayang ibinigay ng Diyos sa kanila. Dahil malaki ang aming pamilya, namhuay kami ng simple sa kadahilanang ang aking ama lamang ang nagtatrabaho para sa amin. Natapos ko ang aking pag – aaral ng elementarya at sekundarya sa tulong niya. Ngunit dala ng kahirapan at laki ng aming pamilya ay hindi ako nagkaroon ng pagkakataon para makapagpatuloy ng pag aaral sa kolehiyo dahil may lima pa akong kapatid na kailangang pag-aralin kaya nagbigay ako ng daan para sa kanila. Hindi ko kaagad natanggap ang desisyon ng aking mga magulang tungkol rito pero sa huli ay tinanggap ko na rin ito. Dahil hindi nag – aaral, napagdesisyunan kong maghanap muna ng trabaho. Sa pamilihang bayan ng aming lugar ako nakahanap ng trabaho – isang tindera sa tindahan ng coldcuts ang aking naging trabaho. Sa aking pagtatrabaho, naging masaya ako at nalimutan ko na ang kagustuhan kong mag – aral. Mas ginusto kong magtrabaho na lamang kaysa mag – aral.dahil bukod sa nakakatulong ako s gastusin sa bahay ay nagkakaroon din ako ng pagkakataongbilhin ang mga gusto ko. Hanggang sa isang araw nagising na lang ako na kailangan kong makatapos ng pag – aaral para maipagmalaki ako ng aking mga magulang. Pitong taon ang lumipas bago nabuksan ang aking isipan na dapat kong tapusin ang aking pag – aaral at matupad ang aking pangarap.