An Santos nga Rosario

NATOO AKO
(Apostles Creed)

Natoo ako/ sa Dios Amay/ nga makagahum san ngatanan,/

magburuhat san langit ug san tuna.// Ug kan Jesukristo/ iya bugtong nga
Anak/ nga aton Ginoo,/ nga iginpanamkon/ sa larang san Espiritu Santo/
igin anak/ ni Santa Maria Birhen,/ ginsakit/ sa sugo ni Pontio Pilato,/ igin
raysang sa krus,/ namatay ngan igin lubong,/ linusad sa mga impierno;/ sa
ika tulo ka adlaw/ nabanhaw liwat dida san mga minatay;/ sinaka sa langit/
nalingkod sa too sa Dios Amay,/ nga makagarahum san ngatanan;// tikang
didto/ makanhi liwat/ kay maghukom/ san mga buhi/ ug san mga
minatay.// Natoo ako/ sa Dios Espiritu Santo;/ nga may Santa Iglesia
Katolika,/ nga may pagka-angbitan san mga santos;/ nga may ikawawara
san mga sala;/ ngan may pagkabuhi san mga lawas;/ nga may kinabuhi/
nga waray katubtuban./ Amen.//

(Nicene Creed)

Natoo ako sin uusa la nga Dios Amay, nga makagarahum, magburuhat
san langit ug san tuna, ug san ngatanan nga mga kinikita ug diri kinikita.
Natoo ako sin uusa la nga Ginoo, Jesucristo, bugtong nga Anak san Dios nga
tikang san Amay nahimugso san waray pa an katuigan. Dios nga tikang sa
Dios, kapawa tikang san kapawa. Tutuo nga Dios tikang san tutuo nga Dios:
Nahimugso diri kay hinimo, kausa san kinaiya san Amay. Pinaagi sa iya an
ngatanan nahimo. Tungod sa aton, an mga tawo, ngan tungod san aton
katalwasan, linusad siya tikang sa langit. Igin panamkon san Birhan Maria,
sa gahum san Espiritu Santo, ngan nahimo nga tawo. Iginraysang sa krus
tungod sa aton, sa ubos san sugo ni Poncio Pilato, ginsakit, namatay, ug
iginlubong, ngan nabanhaw sa ikatulo ka adlaw, sumala san Santos nga
1
Kasuratan. Sinaka sa langit, nalingkod sa tuo san Amay. Makanhi liwat nga
mahimayaon, paghukom san mga buhi ug san mga minatay, ngan iya
ginhadian waray katapusan. Natoo ako san Espiritu Santo Ginoo, ug
taghatag san kinabuhi, nga natikang san Amay ug san Anak, ngan nagyakan
pinaagi san mga manaragna. Natoo ako sin uusa la, santos, katoliko ug
apostoliko nga singbahan. Nagtutug-an ako sin uusa la nga bunyag, nga
nagwawara san mga sala. Namumulat ako san kabanhaw san mga minatay,
ngan san tiarabot nga kinabuhi sa kadayunan. Amen.

AMAY NAMON

Amay namon nga aada Ka sa mga langit, pagdayawon an Imo ngaran,

ikanhi Mo sa amon an Imo ginhadi-an, ipasunod an Imo pagbuot dinhi sa
tuna sugad san pagsunda didto sa langit.
Tagan Mo kami niyan san karan’on namon sa ikina-adlaw, pagwad’on
Mo an amon mga sala sugad san pagwara namon san nakasala sa amon
ngan diri Mo kami bayaan basi diri kami pagdag’on san mga panulay kundi
bawi-a kami sa mga karat’an. Amen.

MAGHIMAYA KA, MARIA

Maghimaya ka, Maria nga napuno ka sin grasya, an Ginoo nga Dios
aada sa imo, gindadayaw ka labi san mga babaye ngatanan, ngan
gindadayaw man an imo anak nga si Jesus.
Santa Maria, Iroy sa Dios, ig-ampo mo kami an magpakasasala, niyan
ug sa oras sa amon ikamatay. Amen.

HIMAYA
Himaya sa Amay, ug sa Anak, ug sa Espiritu Santo, sugad sadton
tinikangan, niyan, ug sa kadayunan ug sa ngatanan nga katuigan. Amen
2
 O HESUS KO
O Hesus ko, pasayloa kami san amon mga sala ngatanan, gawsa kami
sa kalayo san impyerno, dad-a sa langit an mga kalag ngatanan, labi na gud
adton nagkikinahanglan san Imo pagkaluoy.
MAGHIMAYA KA REYNA
Maghimaya ka Reyna, Iroy san kalooy, kinabuhi, kinatam-is, nga
ginlalauman namon. Maghimaya ka, nagpapanawag kami sa imo, nga
pinanghingilinan nga mga anak ni Eba. Kami sa Imo nagbabakho,
nagngongoyngoy, nananangis. Dinhi sinin kalibutan nga luhaan, tara
Señora nga mag-arampo ka namon, ilingi mo sa amon an imo mata nga
maloloy-on. Ngan kon tapos na an paghingiling. Ipakita mo sa amon, an Imo
anak nga si Hesus. Ay maaghupon, ay maloloy-on, ay matam-is nga Birhen
Maria.

GINOO KO JESUCRISTO
Ginoo ko Jesucristo, matuod nga Dios ug matuod nga tawo,
Magburuhat ngan Manunubos ko, nagbabasul ako nga gayud san akon mga
sala ngatanan sa bug-os nga kasingkasing ko, kay nahigugma ako sa Imo
labi san ngatanan kay Dios Ka man. Nagtutuyo ako sin diri na pakasala
liwat; igkokompisal ko an akon mga sala ngatanan; naglalaum ako nga
pagwawad’on Mo an akon mga sala ngatanan tungud san mahal nga
pagkasakit ug pagkamatay Mo sa Krus tungod sa akon. Amen.

PAGBASUL
O, Ginoo ko! sa bug-os nga kasingkasing nabibido ako nga naglaris ako
sa Imo, ngan ginbabasulan ko an ngatanan nga mga sala ko, kay nahadlok
ako sin diri pakasangput sa langit ug sin kahulog sa infierno; kundi labi na
tungud kay ini nga mga sala iginpasipara ko sa Imo, Dios ko, an waray
katapusan nga kamaupay, ngan labi katakus san akon higugma. Yana hugot
3
an akon higugma. Yana hugot an akon pagtinguha sin pagkompisal ug
pagbalhin san maraut ko nga kinabuhi. Amen.

AN LIMA NGA MISTERYO SAN NGA SANTO ROSARIO

AN MGA MISTERYO SAN KALIPAY

(Lunes ngan Sabado)

1. An kahimo nga tawo san Dios Anak didto sa putli nga tiyan ni Maria
Santisima.
2. An pagduaw ni Maria Santisima kan Santa Isabel.
3. An pagkatawo san Anak san Dios didto sa Belen.
4. An paghalad sin putli ni Maria didto sa templo san Jerusalem.
5. An kawara san Diosnon nga Bata nga didto hiagihi sa templo.

AN MGA MISTERYO SAN KAPAWA

(Huebes)

1. An pagbunyagi kan Jesus didto sa salog san Jordan

2. An pagkakilala ni Jesucristo san iya kalugaringon didto san kasal sa
Cana
3. An pagpasamwak san ginhadian san Dios upod an panawagan san
pagbag-o.
4. An pagbalhin san dagway ni Jesus sa Bukid Tabor.
5. An pagtindog san Santos nga Yukaristiya tigaman san mistrerio
paskwal.

4
 AN MGA MISTERIO SAN KASAKIT
(Martes ngan Byernes)

1. An pag-ampo ni Jesucristo didto sa Getsemani.

2. An paghampaka san aton Ginoo Hesukristo.
3. An pagpudungpudongi san aton Ginoo sin mga tunok.
4. An pagpas-an ni JesuCristo san mabug-at nga Krus.
5. An pagraysanga ug pagkamatay san aton Ginoo Jesukristo didto sa
Krus.

AN MGA MISTERIO SAN HIMAYA

(Mierkules ngan Domingo)

1. An pagkabanhaw san aton Ginoo Jesukristo.

2. An pagsaka sa Langit san aton Ginoo Jesukristo.
3. An pagkunsad san Espiritu Santo ngada kan Maria Santisima ug san
mga apostoles.
4. An pagsak-an sa langit kan Maria Santisima.
5. An pagpodung-pudongi kan Maria Santisima sin pagkareyna san langit
ug tuna.

5
 AN LITANIYA SAN BERHIN MARIA
Ginoo, kalooye kami.
Ginoo, kalooye kami.
Cristo, kalooye kami..
Cristo, kalooye kami.
Ginoo, kalooye kami.
Ginoo, kalooye kami.
Cristo, dungga kami.
Cristo, dungga kami.
Cristo, pamatia kami.
Cristo, pamatia kami.
Dios Amay sa mga langit,
Kalooye kami.
Dios Anak, Manunubos sa kalibutan,
Kalooye kami.
Dios Espiritu Santo,
Kalooye kami.
Santos nga Trinidad uusa la ka Dios,
Kalooye kami.
Santa Maria,
Ig-ampo mo kami. (*)
Santos nga Iroy sa Dios, *
Santos nga Birhen san mga Birhen, *
Iroy ni Cristo, *
Iroy san Diosnon nga grasya, *
Iroy nga labi kauray, *
Iroy nga labi kaputli*
Iroy nga waray hilabti, *
Iroy nga waray hidum-iti, *
Iroy nga hirigugmaon, *
Iroy nga orosahon, *
Iroy san maupay nga kasalagdonan, *
6
Iroy san Taglarang, *
Iroy san Manunubos, *
Birhen nga labi ka but’anon, *
Birhen nga talahuron, *
Birhen nga igsarangyaw*
Birhen nga gamhanan, *
Birhen nga maloloy’on, *
Birhen nga matinumanon, *
Salaming san katadungan, *
Lingkuran san kinaadman, *
Tinikangan san amon kalipay, *
Baso nga espirituhanon, *
Baso nga dungganan, *
Baso nga hamili san kamainampuon, *
Bukad nga kalagnon, *
Lantawan ni David, *
Lantawan nga tipuso, *
Balay nga bulawan, *
Hinipusan san ginsaaran, *
Ganghaan san langit, *
Bitoon nga kaagahon, *
Kinabuhi san magsinakitnon, *
Darangpan san magpakasasala, *
Magliliaw san magbiduon, *
Hinabang san mga kristianos,*
Hadi san Anghelesan, *
Hadi san mga Patriarcas, *
Hadi san mga Profetas, *
Hadi san mga Apostoles, *
Hadi san mga Martires, *
Hadi san mga Confesores, *
Hadi san mga Birhenes, *
7
Hadi san mga Santos, *
Hadi nga ipinanamkon nga waray sala nga panorondon, *
Hadi nga iginsaka sa langit, *
Hadi san gisasantosi nga rosaryo, *
Hadi san kadaet, *

Kordero sa Dios nga nagkukuha ka san mga sala sa kalibutan,

Talwasa kami, Ginoo.
Kordero sa Dios nga nagkukuha ka san mga sala sa kalibutan,
Dungga kami, Ginoo.
Kordero sa Dios nga nagkukuha ka san mga sala san kalibutan,
Kalooye kami.

V. Ig-ampo mo kami santos nga Iroy sa Dios.

R. Basi kami matakus pagsangput san mga saad ni Jesukristo. Amen.

PAG-AMPO
O Dios, kay inilukat man kami san imo bugtong nga Anak, piaagi san
iya kinabuhi, kamatayon, ug pagkabanhaw, san mga balos san kinabuhi nga
dayon, nangangamuyo kami sa imo nga kami an nag papamalandong san
mga misterio san gisasantosi nga Rosaryo san baraan nga Birhen Maria,
maka sunod unta kami san mga tutdo sini nga mga mesterio ug makadangat
kami san ira mga iginsasaad. Tungod kan Hesucristo nga amon Ginoo.
Amen.
***

8
9
 BOROHATON SA NGATANAN NGA ADLAW
Sa tigaman san Santos nga Krus(+), sa amon mga kaaway(+), bawion
Mo kami Ginoo, Diyos namon(+).
Sa ngaran san Amay(+), san Anak(+), ug san Espiritu Santo(+). Amen.

Pagdayawon ug pag-udgon sin dayon an Giuuraye ug Putli nga

Pagpanamkon kan Maria Santisima, Iroy sa Dios ug Ginoo naton, nga waray
hilabti san sala nga panurondon.

PAGHINULSOL

Ginoo ko Jesukristo/, Dios ug tawo nga totoo/, nga gintutuohan ko/,

ginlalauman ko/, ngan hinihigugma ko/ labi san ngatanan nga mga butang/
ky Diyos ka man/, ginbabasulan ko/ sa bug-os ko nga kasingkasing/ an
pagpakasala ko sa Imo,/ tungod la kun sin-o ka,/ nga hinsal-an ko,/
kaupayan nga waray sanglit.// Sugad man/ nagbabasul ako/ tungod kay
papatukan Mo ako/ san mga kasakitan/ san impierno.// Sanglit/ nagsasaad
na ako/ sin diri na pagbalik/ sin pagpakasala sa Imo/ ug tungod sini/
pinangangaro ko/ an panabang/ san Imo santos nga Iroy,/ nga buot ko
paghalaran/ sin mga bukad/ sa ngatanan nga adlaw/ sinin akon kinabuhi/
ug labi na/ sinin bulan sa Mayo.// Matuman Kunta//.

PAG-AMPO NI SAN BERNARDO

Hinumdumi,/ O mahinuklugon kaupay/ nga Birhen Maria,/ nga waray

pa gud hibatii/ nga imo ginpabay-an/ an bisan sin-o/ nga dinangup sa imo/
nga panabang,/ nangaro san imo tambulig/ ug nangamaya/ san imo mga
kalooy.// Sa ka-aghat ko sini/ nga pagtapud,/ nadangup man ako sa imo,/
O Birhen,/ Iroy san mga Birhen/ ug sa ungod nga pagbakho,/ dara san
kabug-at/ san akon mga sala,/ nangahas ako/ sin pag-atubang sa imo/
10
hadianon nga atubangan.// O Iroy sa Dios!/ Ayaw gad isikway/ inin akon
mga pangaraba,/ kundi/ lugod pa ngani/ pamatii ngan karawata/ sa dako
nga pagkapaid.// Matuman kunta.//

(Basahon an pag-ampo para sini nga adlaw)

MGA PANGAMUYO

O Maria, Iroy sa grasya, Iroy sa pagkalooy, iplan mo kami dinhi sinin

kinabuhi ug tabangi kami yana ug sa takna san amon kamatayon. Matuman
kunta.
Ngan basi mo kami pamation, hahalaran ka namon sinin masunod nga
mga pangamuyo ug mga Maghimaya ka Maria:

O Iroy ko nga mahigugmaon, sa ngatanan nga takna san akon kinabuhi,

hinumdumi ako, an makalooy nga makasasala.

(kakantahon an Maghimaya ka Maria . . . )

Aragian san Diosnon nga grasya, itugot sa akon an damo nga luha sa
pagtangis san akon mga sala.

(kakantahon an Maghimaya ka Maria . . . )

Hadi san langit ug tuna, Ikaw magin mananabang ug salipdanan sa

mga pagsulay san akon mga kaaway.

(kakantahon an Maghimaya ka Maria . . . )

Hamili ug hinigugma nga anak ni Joaquin ug ni Ana, idangat mo ako

san imo gisasantosi nga Anak san mga grasya, nga kinahanglanon san
katalwasan san akon kalag.

(kakantahon an Maghimaya ka Maria . . . )

11
 Mananabang ug dangpanan san magpakasasala, tambungi ako sa takna
san akon kamatayon ug buk-a an ganghaan san langit basi ako sa Dios
makakita.

(kakantahon an Maghimaya ka Maria . . . )

Himaya sa Amay, sa Anak ug sa Espiritu Santo; sugad sadton

tinikangan, niyan ug sa kadayunan sa ngatanan nga katuigan. Amen.

(Maghahalad an may-ada dara nga Bukad, kakantahon an angay nga kanta sa paghalad san Bukad
kan Maria Santisima, katapos, maluhod an ngatanan para san masunod nga mga pag-ampo.)

PAGHALAD SAN BUKAD NGA ESPIRITUHANON NIYAN NGA ADLAW,

KAN MARIA SANTISIMA

O Maria,/ bukaran nga patag,/ san mga kalipayan/ san uusala nga
Dios,/ tanaman nga sinadhan/ ug puno sin mga bukad;/ naluhod ako/ sa
tumbanan/ san imo hadi-anon nga mga rapadapa,/ ngan iginhahalad
namon/ an bukad nga espirituhanon/ sini nga adlaw;/ ug tungod sini,/
nakikimalooy kami sa imo,/ nga paangbiton mo kami/ san kahamut/ san
imo magtahum/ nga mga birtudes,/ ngan itanum mo/ sinin amon
magpakalolooy nga mga kasingkasing./ Ngan pinangangaro namon sa imo,/
Iroy namon/ nga imo unta baribi-an/ san tun-og/ san imo Diosnon nga
grasya,/ basi humatag/ sin bunga san katadungan/ ug san pagkasantos,/
nga takus ipahayag namon/ didto san lamesa/ san hadi nga langitnon,/ nga
ginlalauman namon/ nga amon tatangkaan,/ sin san-o la nga adlaw,/ upod
sa imo,/ kay basi kami mabusog/ san himaya san Dios Amay,/ Dios Anak/
ug Dios Espiritu Santo,/ nga uusala nga Dios/ sa ngatanan nga mga
katuigan./ Matuman unta.//

(Babasahon an “An bukad nga espirituhanon niyan nga adlaw”)

12
 AN SIYAHAN NGA ADLAW

Pamalandong: An pagpanamkunan sin waray dum-it kan Maria

Santisima

Hunahunaon ta nga katapus san Dios pag-pilia kan Birhen Maria, nga
magigin Iroy san Iya bugtong nga Anak, ginrayandayanan Niya sin dagko
nga mga kaudnganan, ngan gintagan sin kadam-an nga mga grasya, nga
mahihimo kabahinbahin sin uupat kalain:

Siyahan: An pag-gawsan kan Maria Santisima san sala nga

panurundon; an ikaduha, an pag-kuha-i sa iya san FOMES PECCATI, nga an
gamut, gahi ug tubong san sala, nga pagsupil san lawas patok san kalag; an
ikatolo, an pagpakarig-una dida sa iya san grasya; ug an ikaupat, an pagpun-
a sa iya, tikang san tinikangan, sin kaupayan, paghigugma, ug iba nga mga
kaudnganan o mga birtudes ug mga hatag san Espiritu Santo; ngan an
kahitaas ug kadamo sini nga mga grasya linabaw pa san mga Angeles ug
mga Serapines sa langit, agud la siya matakus nga Iroy sa Dios.

Hunahunaon ta dinhi an dako nga kalipayan san Gisasantosi nga

Trinidad, sa pagtan-aw san pagkahitaas kaupay sini nga babaye nga labi sin
kabaraan, nga asay magigin-Iroy sin waray sanglit nga Anak. Pagdayegon ug
pag-udgon ta ini nga Mahal nga Birhen, tungod san pagkadaku ug
pagkahitaas san iya pagkasantos.

Palandungon ta nga an pagpanamkon san Birhen sin waray sala,

kaangayan gud tungod san katakusan ug kadarayawan sa Dios,
kadarayawan nga Iya minangnuan sin maupay.

(Palandongon sin maupay an nabasa ug mangaro an tagsatagsa san mga grasya nga
ginkikinahanglan kan Maria Santisima.)

13
 An bukad nga espirituhanon niyan nga adlaw: Tulo ka Maghimaya ka
Maria, agud magbalik sa Dios an mga mag palamadyaon ug magbuyayawon
sa Iya.

O Maria, nga ipinanamkon ka sin waray sala, ig-ampo mo kami an mga

nadangop sa imo.

***

IKADUHA KA ADLAW

Pamalandong: An pagkatawo ni Maria Santisima nga aton Iroy nga

dayon

Palandungon ta an daku nga kalipayan, nga inabut san kalibutan,

tungod san katawo ni Maria. Daw sugad san namamalasibas nga kaagahon,
sa butnga san kapaw-an ug san kasisidman, o sa butnga san Dios ug san
tawo. Siya an mag-arampo ug mananabang san mga tawo sa atubangan sa
Dios. Sanglit an mga kalag nga santos nanhihipausa sa pagkita sin sugad nga
kabaysayan ug nalugos sin pagsiring, sugad san esposa dida siton Awit san
mga Awit: “Sin-o ini nga nagawas, sugad sin andarahaw sa kaagahon,
mabaysay sugad san adlaw, makalilisang sugad sin rinumbay nga panon sin
kasundalohan?”

Hunahunaon ta liwat ini nga kalipay san kalibutan, dara sini nga
pagkatawo san Birhen, kay tigaman ini san hiraniay na nga pag-abut san
Manunubus san kalibutan. Adton kasingkasing liwat, nga may-ada
pagdebosyon kan Maria Santisima, mao an tinikangan san dako nga
kalipayan san kalag, kay amo ini an tigaman nga an Dios makada sini nga

14
kalag sin pagbawi sa iya, kay pulong ni San Anselmo, an pagkadebotos ni
Maria nga Birhen tigaman nga ini usa ka tawo ikaradto sa himaya sa langit.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria basi mamalik an mga tawo nga namulag san matuod nga tuluohan.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKATOLO KA ADLAW

Pamalandong: An paghalaran san Birhen didto sa Singbahan

Palandungon ta nga an Espiritu Santo nagpili san baraan kaupay nga

Birhen sin pagka Iroy sa Dios, ngan iya pinaayop san kamingawan san
templo. Sini Iya iginpapakita an Iya panimangno nga inamay, kay gin kuha
niya dida san kasamukan ug kaaringas-an san kalibutan, ngan gindara
ngadto san balay sa Dios, kay basi an Birhen magin singbahan nga buhi san
Dios nga nagpakatawo.

Hunahunaon ta an debosyon ni San Joaquin ug ni Santa Ana, nga

tungod sa ira kasantos, waray nira pag-ulanga an mga mag-upay nga
tinguha san ira anak, kundi lugod ira gin-agbay dida san mga tutdo nga
Diosnon, ngan ira iginhalad sa Dios an bunga san ira gugma, diri ubos san
debosyon san usa nga Ana, nga iroy ni Samuel nga naghalad san iya anak ug
igin-uli niya sa Dios an iya kinarawat sa iya mga kamut.
15
(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad na espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san mga tawo nga waray pagtoo.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKAUPAT KA ADLAW

Pamalandong: An pagkasal kan Maria Santisima

Palandungon ta nga an Dios nga aton Ginoo, san pag-abut na san takna
san pagpanamkonan san Berbo, nagbuot nga an Birhen nga Putli, nga
ginpamatuod na nga diri hilalabtan an iya pagka Birhen, magpakasal sin usa
nga matadong nga lalake nga gin ngangaranan kan San Jose. Ini nga sugo
gintuman san Birhen sin waray gud paglanganlangan.

Hunahunaon ta nga bisan kon an Birhen linabaw sin birtud ug

pagkasantos sa iya bana, iya ginsugot ug gintatahud ngan gin-uurog, sugad
sin iya labaw kay dida kan San Jose, iya kinikita an Dios nga naghatag sa iya
nga asawa. Bisan kon si Maria Santisima mahigugmaon san pag-ampo ug
san pamalandong, diri siya nalilimot san panimangno san iya panimalay. Ini
nga mga butang nakakahatag kan San Jose sin paghitingala ug sanglit si
Maria Santisima iya dinayeg gud nga asawa.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)
16
(Mga pangamuyo sugad san siyahan nga adlaw.)
(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, agud an bug-os nga kalibutan magbalik ngada san tuluohan nga
katoliko.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***
IKALIMA KA ADLAW

Pamalandong: An pagbuot sa Dios sin pagkatawo dida sin usa nga

babaye nga Birhen nga gisasantosi

Palandungon ta nga an Dios sa pagpakatawo makakahimo sin pagpili

san lawas sin usa nga hingpit nga tawo sugad kan Adan kundi binuot Niya
an pagkatawo dida sin usa nga babaye, sugad san pulong san Genesis, kay
pagpahitaas ug pag-urog san lalake, dida san pagpahimtangan niya san
kaudganan nga waray sugad san pagka Anak sa Dios, ug san usa nga babaye
dida san kaudganan sa pagka Iroy sa Dios, ngan sa usa ka bahin ini nga
pagka Iroy sa Dios, kaudganan liwat nga waray sukol. Dida sini, kanan Dios
iginpapahayag an Iya waray sukol nga pagkamahigugmaon. Kay an aton
pagkahulog san karat-an tinikang sin usa nga lalake ug sin usa nga babaye,
an aton man katalwasan kaangayan man nga matikang sin usa nga lalaki ug
sin usa nga babaye nga dagdara san aton mga kasakitan. Sa katapusan,
binuot san Dios an pagpakabata ug pagpili sin Iroy dinhi sa tuna nga Iya
pagsusugton kay an paghatag sa aton sin susbaranan sa pagpaubos ug
pagsugut nga hingpit.

17
 Hunahunaon ta nga an pagkapili kan Maria Santisima sa butnga san
mga kababayen-an ngatanan, sa pagka-iroy sa Dios ug pagkamananabang
san mga tawo, tikang gudla san daku nga grasya sa Dios, ug sanglit bisan an
mao nga Anak sa Dios nagsusugut kan Maria.

Hunahunaon ta liwat an daku nga pag-ataman ni Maria sini nga hatag

sa iya nga waray sugad, kay an Dios makakahimo sin pagpili sin lain nga
babaye dida san mga kababayen-an ngatanan. Igmamalipay ko, upod sini
ngahaw nga Birhen, ug igpapasalamat ko sa Dios ini nga daku ug hitaas nga
kaudganan.

(Palandongon sin maupay an nabasa ug mangaro an tagsa-tagsa san mga grasya nga iya
ginkikinahanglan kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san aton pinanhihiutangan sin buot.

O Maria, nga ipinanamkon ka sin waray sala, ig-ampo mo kami an mga

nadangop sa imo.

***

IKAUNOM KA ADLAW

Pamalandong: An pagpahibaro san anghel San Gabriel kan Maria

Santisima nga ginpili nga iroy san manunubos

Palandungon ta nga an kamaligdong ug an kamatinahoron san anghel

san iya pagpakita kan Maria Santisima, amo liwat an kamaligdong ug
kamatinahoron nga igin tututdo sa aton kon kita maatubang sa Dios ug sa
Iroy Niya.
18
 Paghunahunaa ta an mga pulong sa pagyukbo ug pag-amoma nga
igintutdo san gisasantosi nga Trinidad. An siyahan amo ini: MAGHIMAYA
KA. . . An kahulugan sini nga pulong diri iba kundi: An pagdait ngada sa imo:
maglipay ka kay tungod kay inin sumat nga dara ko sa imo, sumat nga
makalilipay. PUNO SIN GRASYA . . . Karuyag sidngon nga puno sin pagtoo,
sin paglaum ug paghigugma. AN GINOO AADA SA IMO. . . Ini nga mga pulong
naghatag nga gayud sin daku nga kalipay sa kasingkasing ni Maria.
GINDADAYAW KA SAN MGA BABAYE NGATANAN. . . Karuyag nga siya
pinalabi sa Dios ngan pun-an san ngatanan nga mga parabol, ngan Birhen
gihapon bisan kon Iroy. An mga kaanghelisan ug an mga tawo ngatanan, an
mga magtadong ug an mga magpakasasala, kay nakaangbit ngatanan sini
nga bunga san imo tiyan, maghahalad sa imo sin diri maisip nga mga
pagdayaw.

Hunahunaon ta liwat an paghipausa san Birhen san iya pakabati sini

nga mga pulong nga nagpapahayag san iya birtud san pagkauray,
pagpaubos, kabuotan ug kamahilum, ngan an mga pagbaton san Birhen
upod in panulos nga mapinaubsanon.

Hunahunaon ta pa liwat, nga an anghel asay pagpalinaw san

kasingkasing san Birhen kay an katungdanan san anghel nga maupay, an
paglinaw san kasingkasing nga nasasamok. Palandongon ta adto nga mga
pulong: NAKAAGI KA SIN GRASYA SA ATUBANGAN SA DIOS. An grasya amo
an gidadako-i nga kalipayan sa kalag. Sanglit sa ngatanan nga takna
kinahanglan nga aton paghihingyapon ug pagbibilngon dida san mag-upay
nga binuhatan , labi na dida san birtud san pagpaubos, nga amo an iginlipay
ni Maria sa Dios nga aton Ginoo. Dida sini higugmaon naton ug atamanon ta
an Birhen kay dida san iya mga birtudes ug mag-upay nga binuhatan
makakaagi sin aton kalipayan.

19
(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria basi magpadayon an nga magtadong san ira mag-upay nga binuhatan
ngada sa kamatayon.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKAPITO KA ADLAW

Pamalandong: An pagpanamkon kan Jesus sa uray nga tiyan ni Maria

Santisima

Palandungon ta nga adto ngahaw nga takna san pagpabati san Birhen
san iya pag-uyon san kaburut-on nga Diosnon, nga siya magpapakatawo san
Anak sa Dios, an Espiritu Santo nga nag himo sa iya giuuraye nga dugo sin
usa nga lawas nga hingpit kaupay ug nagtuha sin kalag nga may-ada
sarabutan, nga gilalabawi san ngatanan, ngan dida sini nga lawas ug kalag
inusa an Persona san Berbo nga Dios nga dayon. Tungod sini an Dios
nahimu nga tawo ug an tawo nahimu nga Dios ngan an Birhen nahiundong
ngada san kaudganan san pagka Iroy sa Dios.

Pagkadako san kalipayan san Gisasantosi nga Trinidad sa pagkita Niya

nga natuman na an Iya saad! Nalipay liwat an gisasantosi nga Birhen sadto
nga takna san pagpanamkon niya, tungod san kahayag nga urosahon nga
igin pasabut sa iya san Dios, basi siya kumita kon matiunan-o man kaagi sini
nga misteryo dida san iya tiyan, ug san pagkita niya sa iya ngahaw nga
20
Birhen, ug Iroy manta sa Dios. An iya Anak, daw adlaw nga masiga
nagtubyan sa iya san mga rayandayan nga waray tanding.

Igmalipay naton liwat, duyog san Gisasantosi nga Persona, tungod kay
nagin urupod ta an Dios; ug tungod sini tatalinguhaon naton in
kasingkasing nga hamili, basi kon diri takus sin sugad nga igkaaanak.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san mga kalag sa Purgatorio.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKAWALO KA ADLAW

Pamalandong: An pagduaw ni Maria Santisima san iya patud si Sta.

Isabel

Palandungon ta nga si Cristo san iginpanamkon na ni Maria Santisima,

nagbantad san Iya Iroy nga sumaka sa bukid ngan kumadto san balay ni
Santa Isabel, sa paghatag sa aton sin susgaranan sa pagpa-ubos ug
paghigugma.

Hunahunaon ta an pagsugot san Birhen. Linakat siya gilayon, sin

waray paghulat, nga igpahayag, dara san putli nga tinguha, an sugo sa Iya,
ngan tungod kay waray iba nga tuyo niya kundi an himaya sa Dios ug an
21
pagtuman san Iya Diosnon nga kaburot-on. Inupdan pa ini nga pagsugot sin
ugkad nga paghigugma, pagpasensya ug pagpaubos, sin waray niya
pagdumdum nga an labaw asay magduduaw san ubos niya.

Hunahunaon ta an kamaligdong nga talagsaon san Birhen dida san iya

paglakat, sin waray niya paglibang-libang ug paglingi-lingi bisan ngain,
kundi an iya kasingkasing ug hunahuna nakadto an iya Anak, ngan iya igin
kakahiruhimangraw sin matam-is nga pakigpulong-pulong. Dida sini
ngatanan makukuha ta an mga kaupayan nga pagpupulsan san aton kalag
nga angay naton pagpapahigaraon sin sugad nga mga mag-upay nga
binuhatan.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimya ka

Maria, tungod san mga misyon.

O Maria, nga ipinanamkon ka sin waray sala, ig-ampo mo kami an mga

nadangop sa imo.

***

IKASIYAM KA ADLAW

Pamalandong: An Grasya nga dara san Birhen san Iya pagduaw kan
Santa Isabel

Palandungon ta an mga kaupayan nga dara san Birhen nga sinulod

sadto nga balay ni Santa Isabel; tungod san iya tingog nakuhaan si San Juan
22
nga iginmamgipon ni Santa Isabel, san sala nga panurundon, nahimo nga
santos, ginpuno san Espiritu Santo, nagdali an pakagamit niya san
pangatadungan, ginhimo nga manaragna, ginpasabut san misteryo san
grasya san pagkalipay dida san pagbantad niya sa sulod sa tiyan.

Pagkamakagagahum san Dios, kay dida sin gutiay nga panahon,

ginbuhat Niya in sugad nga dagko nga mga buhat nga makatitingala. Ngan
tungod liwat san gahum san pulong san Birhen, nalahing dayon an bunga
san tiyan ni Santa Isabel.

Hunahunaon ta nga an Birhen san paghunong sa balay ni Santa Isabel,

nga hirani sin tulo ka bulan, ginhiyasan adto nga panimalay sin mga grasya,
tungod san iya mga pulong ug santos nga susgaranan sin mag-upay nga mga
binuhatan.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria agud lumandaw ngan magdaug an tuloohan nga katoliko.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***
IKANAPULO KA ADLAW

Pamalandong: An pag-andam ni Maria sa pagkatawo ni Jesukristo

Palandungon ta an malaga nga mga hingyap san Birhen sin pagkita sa

iya kalugaringon nga mga mata, sadto nga iya Anak ug iya ngahaw Dios,
23
agud niya paghalaran, sumala siton iya pulong dida siton Awit san mga
Awit, (Kapitulo 8), pagkamakaruruyag, Anak ko siton, pagtan-aw sa Imo nga
tawo kana, kay makakag-ataman na ako sa Imo, ngan kay basi an kalibutan
makaangbit san kaupayan Niya, kay diri karuyag niya nga siya la an
magpulos, kundi an ngatanan. Upod sini nga mga paghingyap nga puno sin
paghigugma, aton man liwat buhion an aton mga paghingyap. Ug dinhi sini
nga aton mga pag-ampo, pangaruon ta nga an Ginoo mabuhi dida siton aton
mga kalag.

Hunahunaon naton an mga kabaraka san Birhen sa pag-andam san

mga birtudes dida sa iya kalag. Ngan ini nga mga birtudes kinahanglan nga
aton buhaton liwat basi si Jesukrito nga aton Ginoo malipay sin paghunong
sa aton mga kalag.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria basi mapoo na an mga erehiyas.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKANAPULO KAG USA KA ADLAW

Pamalandong: An pagbaktas san Birhen ug ni San Jose ngadto sa Belen

Palandungon ta adto nga paglakat san Birhen nga aton iroy an mga
birtudes nga iya binubuhat, an ira hiruhimangraw nga san iya bana si San
24
Jose, sugad man liwat an mga buhat nira sa dalan. Dida sini ngatanan
makukuha naton in damo nga himurolsan sa aton kalag ug pamatasan.

Hunahunaon ta liwat an pag-abut na nira sa Belen, nga waray sira

pakaagi sin ira sarak-an, nga nalugos nala sira sin pag-ayup didto san
sirungan san kamanampan. Pagbuot ini san Ginoo basi an pagkanhi Niya sa
kalibutan magmapinaubsanon dida san pakimalooy ug pag-antus, ug dida
san pagpili niya san gimararauti nga iya puroy-anan.

Hunahunaon naton an pagkahitaas san Ginoo nga nag biling sin

pagpapakatawohan ug waray pakaagi ug an ubus nga tawo sa tuna
nahunong ug natatawo dida sin hadianon nga mga balay. Pagkabuta san
tawo nga waray sa Iya nahatag. Kairo kay an mga kaupayan ni Jesus, diri
nira hikakaplagan.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, basi kumilala sa Dios an waray mga bunyag.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***
IKANAPULO KAG DUHA KA ADLAW
Pamalandong: An pagkatawo ni Jesukristo nga aton Ginoo

Palandungon ta an mga kalipayan san Birhen san pagkatawo san Bata

nga Dios nga dayon, upod sini nga mga kalipayan ug dida sin halarum nga
pamalandong igin anak niya an iya Anak nga bugtong.
25
 Pagkadako nga kalipay an iya binati liwat sa iya na pagkugos san Bata.
Hunahunaon ta an iya mga pagpasalamat ug pagkilala san daku nga
kaupayan nga ihinatag sa iya ug an ira manamit nga hiruhimangraw. Iya
ginputos sin pagpakalolooy kundi maglinis nga mga gabon ug hinulid niya
an hadi sa langit ug tuna dida sin usa nga balalong, kay nagpapakadiri-takus
siya sin pagsakmi sa iya nga butkon. Dayon niya luluhod sa atubangan san
Bata sa pagsimba san Dios ug Ginoo niya.

Sugad man liwat sini an binubuhat ni San Jose ug amo liwat iton aton
bubuhaton duyog sini nga mga santos, unay naton pagpasalamat ug
paghalad sinin aton lawas ug kalag.

(Palandongon sin maupay an nabasa ug mangaro an tagsatagsasan mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria basi magbalik sa Dios an magpapakasasala.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***
IKANAPULO KAG TULO KA ADLAW

Pamalandong: An Pagsimba san mga Pastores san Diosnon nga Bata

An mga pastores san kasumati ug katutdu-i la san mga kaanghelisan

mahitungod san Bata nga Dios nga natawo, nagdadlagan dayon tipakadto sa
pagduaw kan Jesus nga bata, sa kanay kahimo nagsisiga in kapawa nga
linagbas san ira sarabutan ngan asay nagpahayag sa ira, nakabuhi san ira
26
pagtoo, nga didto nakadto an Dios ug tawo nga iginsaad san mga
manaragna, sa pagtubos ug pagbawi san kalibutan nga bug-os.

Hunahunaon ta an kalipay san Birhen ug an mapinaubsanon nga mga

pagpasalamat tungod san pagduaw ug mga halad san mga pastores; sugad
man an mga paghitingala nira san hitaas nga pagkasantos sadto nga
diosnon nga babaye.

Ini ngatanan nga mga hinabu gintitimos san Birhen dida san iya
kasingkasing, sa pagtutdo sa aton san pagtipig ug pagmahal san mga butang
sa Dios.

(Palandongon sin maupay an nabasa ug mangaro an tagsatagsasan mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, tungodsan mga paghihingutas ug makarawat niyan san kamatayon.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKANAPULO KAG UPAT KA ADLAW

Pamalandong: An circumcision san Bata si Jesus

Hunahunaon ta an dagmit nga pagsugot ni Maria ug ni San Jose san

sugo san “Circumcision” bisan kon sinasanut nira nga makuri ug masakit sa
ira ug labi na san bata, nga ansya an gin bubuhatan sadto nga sakripisyo. Ini
pagsugut ginmahal gud nga gayud san Birhen, nga bisan pa asay siya
27
pakapton san sipul sin pagsamad san bata, iya binubuhat in sugad nga
halad.

Hunahunaon ta pa, nga binuhat san Birhen an pagbunyog ug pagkita

sadto nga makapapaid nga pagsamad ug pagpaturo san dugo kay basi siya
makagtambal sadto nga kasamdan, kay siya maaram ngadaan nga adto nga
lawas nga ginsasaad amo an lawas sa Dios ug adto nga dugo nga gin
papaturo amo an dugo san mao ngahaw nga Dios.

Palandungon ta nga tungod sini nga pagsamad sa lawas,

pinangangaruan kita sa Dios sin pagsamad nga espirituhanonsan aton mga
kalag, dida san mga butang san kalibutan, san mga kabantugan ug mga
kahimyangan san lawas, basi mamatay ug mapuo an mga bisyo ug magraut
nga mga binuhatan ug an ngatanan nga nahasusupak san kaburut-on sa
Dios.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, tungod san mg nagsasakay.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***
IKANAPULO KAG LIMA KA ADLAW

Pamalandong: An Pagduaw san mga Kahadian

Palandungon ta nga an bituon nga nagtutdo san tulo nga kahadian
ngadto san dapit nga hinuhunungan san bata nga bag-o nga natawo ug adto

28
nga mga pulong nga nasiring: “Hin-agian nira an bata upod san Iroy niya”
nagpapahayag nga diri ta hiaagian si Jesus kon diri upod an iya Iroy.

Palandungon ta liwat nga an mga kahadian nagluluhod sa tuna sa daku

nga pagtahud, nagsisingba san bata, sin pagsingba nga binubuhat ka sa Dios,
ug ira iginhalad an bulawan, an incienso ug an mirra, upod an bulawan sa
paghigugma, an incienso sa pagpaantus sa aton ngahaw.

Panumdumon ta an mga pakighiruhimangraw sadto nga mga kahadian

kan Maria Santisima: an daku nga paghipausa san iya pagpaubos ug
pagkasantos, ngan ira igin susumaton an nanhinabu sa ira dida sa dalan ug
sugad man didto sa Jerusalem.

Sugad man hunahunaon ta, an mga pulong san Birhen sa ira; an iya
mga pagpasalamat san ira gin-antus nga kakurian, ngan iya ginsaaran san
tangkud nga pagbalus san iya hinigugma nga Anak.
(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san mga binilanggo.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***
IKANAPULO KAG UNOM KA ADLAW
Pamalandong: An paghalad ni Maria san Iya Anak didto sa singbahan
sa Jerusalem
Hunahunaon ta nga an Birhen san pagkadto niya sa Singbahan sa
Jerusalem, nagtuman san sugo, bisan kon diri kinahanglan siya magtuman.
29
Dida sini iya ginbuhat in darayawon nga buhat sa pagsugot, hilarum nga
pagpaubos pagkapobre, waray tanding nga pagdebosyon ug pagtahud, upod
an pakimalooy niya san padi nga mag-ampo sa Dios tungod sa daku nga
gugma san pagkaputli ug kahawan sa kasingkasing, kay nagtalinguha pa sin
pagpadugang san iya kaupay ug kabaysay sa kalag.

Hunahunaon ta an hugut nga gugma san Birhen san iya pagbuhat sini
nga mga birtudes ug an debosyon nga igin pahayag niya san iya paghalad
san iya Anak ngadto sa Amay nga Dios, sa ngaran san mga tawo ngatanan sa
tuna, ug an mga pulong niya nga malumo ug matam-is dida san iya
paghalad.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san mga punuan.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

IKANAPULO KAG PITO KA ADLAW

Pamalandong: An Panagna san tigurang nga si Simeon

Hunahunaon ta nga an Espiritu Santo sa pagtuman san mga hingyap

san tigurang nga si Simeon, igin tugot an pagtan-aw san bata nga si Jesus,
nga amo an Manunubos. Dida sini makikita naton an dagko ug damu nga
30
mga kaupayan nga makukuha naton san pag-ampo ug san pagpadayon dida
sini nga buhat. Angay naton pagsub’don an mga birtudes sini nga santos nga
tigurang.

Pamalandungon naton an mga butang nga igintagna ni San Simeon

mahitungod san bata. Iginyakan niya san Birhen nga an kalag niya (san
Birhen) lalagbason sin matarum nga salsalon san kasakit. Dinhi
hunahunaon naton nga danay san Dios ginsasakut an katam-isan ug an
kapa-itan, basi an Birhen mabuhi sa kadayonan dida san pag-antos san krus
ug ini iya kinarawat sin huyayag nga kaburot-on.

Hunahunaon ta adto nga pinamulong ni San Simeon nga an bata nga si

Jesus igin pahimutang sa Dios nga tinikangan san kabanhaw sin damo nga
mga tawo ug diri ini iba an kahulugan kundi an pagbalhin tikang san sala
ngadto san hitaas kaupay nga pagkasantos; sugad man tinikangan san
kahulog sin kadam-an nga mga tawo, tungod kay waray pagpahimulos sini
nga Iya pagkanhi sa tuna. Pangaroa ta kan Jesus pinaagi san Birhen nga kita
makasangput man san pagkasantos tungod san pagkanhi sa tuna sinin aton
Manunubos.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad gna espirituhanon niyan nga adlaw: Tulo ka Maghimaya ka

Maria, basi magdamo in mag-upay nga kapadian.

O Maria, nga ipinanamkon ka sin waray sala, ig-ampo mo kami an mga

nadangop sa imo.
***

31
 IKANAPULO KAG WALO KA ADLAW

Pamalandong: An pagpalagiw sa Egipto ug an pagbalik nira san

kamatay ni Herodes

An anghel nagpahibaro kan San Jose dida sin inop nga si Herodes
nagpasugo sin pagpatay san bata, sanglit ipinalagiw an bata ug an Iroy
ngadto sa Egipto ug nagpuyo sira didto ngada san pagpabalika liwat sa ira.
Hunahunaon ta nga an Dios Amay amo an nag hatag sini nga sugo, sa
pagmantala san iya panimangno san Iya Anak. An Anghel asay nagpahibaro,
sa pagtutdo sa aton san katungdanan sin pagsugut san mga sinugo ug mga
ministro sa Dios. Ngan si San Jose an ginsugo kay amo an pangulo san
panimalay, ug minaupay san Birhen Maria nga siya magsusugut san iya
asawa.

Didto sa Egipto nagpuyo sira sin pito katuig ug hunahunaon naton an

panimangno san Dios, sa pagsugo liwat san Anghel sa pagpabalik na san
Diosnon nga bata, san Birhen ug kan San Jose. Dida sini makakakuha kita sin
maupay nga hibabaruan, nga amo an pagtapud sa Dios dida san mga buhat
naton ug mga kakurian nga aton hidadat’ngan.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhon niyan gna adlaw: Tulo ka Maghimaya ka

Maria basi damu an sumulod san hugpo san mga religioso.

O Maria, nga ipinanamkon sin waray sala, ig-ampo mo kami an mga

nadangop sa imo.

32
 ***

IKANAPULO KAG SIYAM KA ADLAW

Pamalandong: An Kawara ni Jesus didto sa Jerusalem

Batasan san Birhen ug ni San Jose an pagsingba sa Jerusalem upod an

bata si Jesus, sa ikinatuig. san ikanapolo kag duha na an panuigon Niya
napabilib didto san ira paningba.

Hunahunaon ta an pagkamabidoon san Birhen sadto nga takna, ngan

waray hiunong san iya pag-ampo ug pakimalooy sa Dios nga iya hiagian.
Inupod siya kan San Jose ug sira nga duha asay binalik sin pamiling. Sadang
naton dinhi angbiton kan Maria Santisima ug kan San Jose an susgaranan
nga pamatasan sa pagbiling sa Dios sa daku nga binuhatan ug mga pag-
ampo.

Palandungon ta kon diin nira hiagi-i si Jesus. Diri sa iba na dapit kundi
didto sa Templo, nga mao an balay sa Dios, ug balay sa pag-ampo; diri didto
sa ira kauropdan, bisan kon ira liwat didto pinamiling. An iya igin
kakaharampang ug igin lalarulantugi amo an mga kamag-araman, bisan kita
katutduan nga, sa pagsunod san mga doctor ug mga kamag-araman san
Singbahan, hiaagian naton an Dios.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria ipapahinungod san aton Talahoron nga Obispo.

33
 O Maria, ipinanamkon sin waray sala, ig-ampo mo kami an mga
nadangop sa imo.
***

IKA KARUHAAN KA ADLAW

Pamalandong: An Birhen dida san Kamatay ni San Jose

Hunahunaon ta nga an Birhen nga aton Iroy sa pag-alagad san

kaborot-on sa Dios, nag-antus sa daku nga pag-ilub san kamatayon san iya
higugmaon ug tangkud nga asawa, kaupod nga tugud sin panimangno ug
kanay kinabuhinga susbaranan nakakahatag sin kalipay, kusog ug tambulig
sin pamiling san kinahanglanon san anak nga labi sin ka baraan.

Hunahunaon ta nga bisan kon siya kablas ug waray siya tagi sa Dios
sin halawig nga panuigon, waray niya araba ug sumbong sa Dios
mahitungod san iya kapalaran. An iya gud la pinaninimangno an mag-upay
ug darayawan nga mga binuhatan sa paglipay sa Dios, ug iya ginhihingpit an
iya kalag dida sini nga iya kahimtang. Naninimangno siya san mga butang sa
balay, kay iya man katungdanan, kundi waray gud siya pagpasibaya bisan
dawla magutiiay san mga buhat sa pagkakalagnon, kay diri nakakaolang an
mga buruhaton san kinabuhi san lawas, san mga borohaton sa pagkaupay
san kalag.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan gna adlaw: Tulo ka Maghimaya ka

Maria, tungod san Santo Papa.

34
 O Maria, nga ipinanamkon sin waray sala. Ig-ampo mo kami an mga
nadangop sa imo.

***

IKA KARUHAAN KAG USA KA ADLAW

Pamalandong: An Birhen nga aton Iroy san nakadto san Pungkay san
Kalbaryo

Hunahunaon ta an mga kasakitan san Birhen san pagkita san iya

gisasantosi nga Anak, nga patay na dida san krus; san pagbun’a sin bangkaw
sadto nga usa nga sundalo san Iya santos nga kagiliran. Ini nakakahatag sin
darudako nga kamasakit dida san kasingkasing san Birhen , kay dida san
lawas nga patay ni Jesus.

Palandungon ta an pagtangis san Birhen san nalaylay na sa iya mga

butkon an Anak niya; sa pagtan-aw ug pagharok niya sadto nga mga
kasamdan; ug sa iya pagka sa sadto nga pudongpudong nga tunok, adton
gimamahali nga lawas nahuhugasan san iya mga luha.

Hunahunaon naton an daku nga kabiduan nga babation sini nga Iroy
san Kasakit san iya pagtubyanan sadto nga mahal ug Diosnon nga bahandi,
kay igin lulubong na sadto nga mga tawo nga nalolooy sa iya.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san mga Amay sa panimalay.
35
 O Maria, nga ipinanamkon sin waray sala, ig-ampo mo kami an mga
nadangop sa imo.

***

IKA KARUHAAN KAG DUHA KA ADLAW

Pamalandong: An pagkita san Birhen Maria san Iya Anak nga

nabanhaw na

Palandungon ta nga an Birhen sa pagtan-aw san iya hinigugma nga

Anak nga mahimayaon, siyahan ginsingba niya kay iya Dios ug katapus iya
ginakus sa kalipay kay iya Anak, ug ginhinarukan niya an mga kasamdan,
diin nagikan in magpakaruruyag nga mga sirak. Dinhi hunahunaon ta an
pagtahud, paghigugma ug kalipay ni Maria Santisima, sadto nga mahal nga
mga tigaman, nga an iya mga luha san kabiduan nabalyuan san luha san
kalipayan.

Palandungon ta an mga manamit nga hirohimangraw san iroy ug san

Anak, diin nakikimalooy si Jesus nga hinumduman ug panimangnoon ni
Maria an singbahan ug an mga kristianos, dida sa mga kakurian nga
ihahatag sa ira, dida san mga burohaton nga ira inaatubang. Sugad man
palandungon ta an mga pakimalooy liwat ug mga pag-ampo san Birhen nga
kalooyan ni Jesus an mga pangaraba san mga nag hihimakuri.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

36
 An bukad nga espirituhanon niyan nga adlaw: Tulo ka Maghimaya ka
Maria tungod san mga ilo nga waray naninimangno.

O Maria, nga ipinanamkon sin waray sala, ig-ampo mo kami an mga

nadangop sa imo.

***

IKA KARUHAAN KAG TULO KA ADLAW

Pamalandong: An pagkamatay nga mahimayaon ni Maria Santisima

Pagbuot san Ginoo nga an Birhen umagi san kamatayon sugad san iba
nga mga anak ni Adan, agud siya makasubad san iya Anak, matakus sin
damo nga mga pahanungdan ug makagdaog san pagdiri nga kinaiya siton
tawo siton kamatayon.

Palandungon ta nga makatitingala ug orosahon adto nga pagkatitirok

san mga Apostoles ug san damo kaupay nga mga tinunan nga
nakagtambong san kamatayon san Birhen, nga nanagtangis sadto nga
pagbulag niya, upod an pakimalooy nga diri sira hikalimtan. Makikita naton
liwat an Birhen nga sa paglipay niya sa ira ginpabati san iya magtam-is nga
mga pulong, naghahatag sin mag-upay nga sagdon, nag-aampo tungod sa ira
ug nahatag man san iya bendisyon upod an mga panaad nga siya matabang
sa ira tikang sa langit.

Namatay an gugma, an Iroy san Mabaysay nga Gugma.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

37
 An bukad nga espirituhanon niyan nga adlaw: Tulo ka Maghimaya ka
Maria, tungod san mga magpakalolooy nga waray pinangangaon.

O Maria, nga ipinanamkon sin waray sala, ig-ampo mo kami an mga

nadangop sa imo.

***

IKA KARUHAAN KAG UPAT KA ADLAW

Pamalandong: An pagsak-an sa langit kan Maria Santisima

An gisasantosi nga Lawas san Birhen nag-ukoy sa lub’nganan sin tulo

ka adlaw nga waray pag-antus san kadunot, ug an Dios nga aton Ginoo
nagsugo san kalag san Birhen sin paglusad sa tuna basi tumig-ub liwat san
iya lawas.

Hunahunaon ta nga san nakadto sa lub’nganan an mahal nga lawas ni

Maria Santisima gin bantayan sin yinukot nga mga kaanghelisan nga nag-
awit sugad dida siton Salmo 131, nga nasiring: “Buhat Ginoo sa imo
pagpahuway, Ikaw ug an Kaban san Imo pagkasantos”, ug nagtikang sin
pagsaka ini nga bulahan nga kaban, sa butkon san mga kirubines ug mga
serapines. Iya gintatabas an kahanginan ug kalangitan, nga nakakaangbit
sin bag-o nga karanggat tungod san kabaysay ug kamasiga san Birhen nga
nasaka sa langit. Ginpalingkud siya dida san sancta sanctorum, nga amo an
gihataasi nga lingkuran didto sadto nga singbahan nga langitnon nga amo
an kahimayaan.

Dida sini, sugad sin nabag-o an iya kaanyag ug kapawa, tungod san
Dios nga amo ngahaw an adlaw nga nakakapawa, ug an mga kaanghelisan
ug mga baraan naglipay sin waray sama, tungod san ira pagtan-aw sadto
38
nga iroy, nga tungod sa iya nagdamo liwat an mga kalag ug mga baraan nga
tawo nga nakasangput san himaya sa langit.

Ikalipay naton nga ini nga mapinaub’sanon kaupay nga babaye,

nahimutang sin sugad ka hitaas ug daku nga katakusan. Sanglit
magtalinguha kita sin paghuput san pagpa-ubos, kay an mapinaub’sanon
san mga dagko nga santos didto sa Iya Ginhadian.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, tungod san mag pakalolooy.

O Maria, nga ipinanamkon sin waray sala, ig-ampo mo kami an mga

nadangop sa imo.

***

IKA KARUHAAN KAG LIMA KA ADLAW

Pamalandong: An panimangno ug panabang ni Maria sadton iya mga

debotos

Hunahunaon naton nga kon dinhi sa tuna an ngatanan nga mga

ginhadian ug mga lalawigan san mga kristianos may kalugaringon nga mga
ladawan san Birhen, nga tungod sini, binubuhat ni Maria Santisima in dagko
nga mga katingalahan kon mga milagro sa kaupayan san nakikitabang sa
iya, labi na sin kadaku san iya panimangno didto sa langit sadton iya mga
debotos. Didto, an iya himaya ug pagkadaku diri nakakaulang san iya
panumdum sadton nahigugma sa iya. Waray paghunong siton iya
39
panginano san mga tawo nga iya mga debotos, kay daku an iya paghigugma
sa ira.

Palandungon ta nga an Birhen makalilipay gud sa mga mata sa Dios

kay diri la nakakadara san mga grasya nga iya pinangangaro tungod san
kaupayan san mga tawo, kundi an mao ngahaw nga Dios nalilipay ug
paghatag sin mga kaupayan tungod san panabang san iya hinigugma nga
Iroy.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, basi mahisangyaw sin maupay an debosyon kan Maria Santisima.

O Maria, nga ipinanamkon sin waray sala, ig-ampo mo kami an mga

nadangop sa imo.
***

IKA KARUHAAN KAG UNOM KA ADLAW

Pamalandong: An Birtud san pagtoo dida kan Maria Santisima

Palandungon ta an susgaranan nga kanan Birhen Maria nga aton iroy

igin hatag sa aton dida sini nga birtud. Hugut an iya pagtoo san higtaas nga
mga misteryo nga waray pa igpasabut sin dayeg sa kalibutan; sugad
pananglit san misteryo san gisasantosi nga Trinidad, an pagpanamkonan
san Anak sa Dios dida san birilhon nga tiyan ni Maria ug an ngatanan nga
igin yakan sa iya san Anghel dida san Anunciacion, mga tututdo sa aton.

40
 Hunahunaon ta nga ini nga pagtoo san Birhen dida ungod siya kaupay
san takna san pagsakita san iya Anak. san nangangalagiw na an iya mga
kasangkayan ug namaya na sa iya an ngatanan, siya gud la an nagtug-an sin
mabaskug nga pagtoo, dida san tiilan san krus, nga an iya Anak amo an Dios
ug an Manunubos. Hugot kaupay an Iya pagtoo san pagkabanhaw, nga amo
na an katumanan san ngatanan nga kan Jesukristo igin yakan.

Kinahanalan gud nga pangaroon sa Dios nga aton Ginoo an birtud san
pagtoo, nga talinguhaon ta an pagtipig sini sin maupay, dida sin putli nga
kinabuhi ug mahawan nga kasingkasing.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, basi mahisangyaw an debosyon san Gisasantosi nga Kasingkasing ni
Jesus.

O Maria, nga ipinanamkon sin waray sala, ig-ampo mo kami an mga

nagdangop sa imo.

***

IKA KARUHAAN KAG PITO KA ADLAW

Pamalandong: An birtud san paglaum dida kan Maria Santisima

Palandungon ta an mga susbaranan dida sini nga birtud nga iginhatag

ni Maria Santisima san bug-os niya nga kinabuhi.

41
 Didto san kasal sa Cana sa Galilea, sa dako nga pagtapud nangaro sa
iya Anak nga ayawan an kakulangan san alaksiw, agud la diri mahamutang
sin kaalohan an mga kinasal. Iginpahayag pa niya ini nga birtud dida san iya
pagsugo san mga surogoon nga buhaton niya an ngatanan nga kanan Iya
Anak ig-susugo, bisan kon dida san Iya baton, nasiring nga waray labut nira
ug waray pa aabut an Iya takna.
Hunahunaon ta dinhi nga kinahanglan nga aton pagsusubaron ini nga
birtud dida san Birhen, bisan kon an mga butang danay nanhihinabu supak
san aton mga karuyag.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, basi ipangaro kita sa Dios san Birhen san mga birtud sa pagtoo,
paglaum ug paghigugma.

O Maria, nga ipinanamkon sin waray sala, ig-ampo mo kkami an mga

nadangop sa imo.

***

IKA KARUHAAN KAG WALO KA ADLAW

Pamalandong: An paghigugma sa Dios ni Maria Santisima

Hunahunaon ta nga bisan kon gintag-iya san Birhen an ngatanan nga

mga birtudes sa kahingpitan, dida san paghigugma sa Dios waray sa iya
matupong. Kay an gugma ginsusukol alagad san kadako san grasya. Tungod
kay tikang san pagpanamkon sa iya puno na nga daan siya san grasya, an
daku ug hingpit nga gugma nakada man liwat sa iya.
42
 Hunahunaon ta nga, tungod kay kinaiya san gugma an pag-usa san
kalag ug san Dios, waray putli nga binuhat san Makagagahum nga igin kausa
sa Dios kundi an Birhen Maria gudla. Sanglit an gugma ni Maria Santisima sa
Dios hitaas gud ug hingpit nga waray sanglit.

Ini nga gugma igin pakita liwat niya dida san dayuday nga pagtagam
ug pagpahirayo sin bisan ano nga butang nga maraot ug diri pag-asa san
mga pulong ug mga hunahuna nga waray pulos, tigaman ini nga hugot nga
ini usa ka tawo nahigugma sa Dios.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria tungod san mga kalag nga waray nag-aampo.

O Maria, nga ipinanamkon sin waray sala, ig-ampo mo kami an mga

nadangop sa imo.

***

IKA KARUHAAN KAG SIYAM KA ADLAW

Pamalandong: An gugma ni Maria Santisima san mga tawo

Hunahunaon ta nga ini nga gugma ni Maria Santisima igin pakita niya,
san katapus nasaka ni Jesukristo sa mga langit, dida san pagtutdo niya san
mga nasusubo, san pag-aghat san magluyahon, san panurat san mga higrayo
ug san paglaoy san mga igkasitawo, nga danay niya upod si San Juan. Sanglit
43
si Maria Santisima gin ngangaranan nga kalipayan san mga kristianos san
bag-o pala an singbahan.

Palandungon ta nga an iya gugma san mga kaaway ug mga kasankayan

dinugang dida san pagtubyanan sa iya kan San Juan basi niya mahimo nga
anak; ug dida sini nahimo kita nga mga anak niya ug nasiplat sa aton tikang
sa langit sin kanan Iroy nga mga mata. Sanglit ayaw kita pag-alang sin
pagdangop kan Maria, kay aton siya Iroy, sin pag-ataman sa iya,
paghigugma ug pagtahud man liwat sa iya.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

maria, agud kita makadangt san pagkasantos.

O Maria, nga ipinanamkon sin waray sala, ig-ampo mo kami an mga

nadangop sa imo.
***
IKA KATLOAN KA ADLAW

Pamalandong: an Pag-ampo ug mga pamalandong ni Maria Santisima

Hunahunaon ta nga ini nga birtud san pag-ampo dida san Birhen
hitaas gud liwat kaupay. Samtang nagtutubo siya san panuigon, nagtutubo
man ini nga birtud dida sa iya. Kinita naton ini dida san gutiay pa siya, kay
nagtuyo sin pagsulod sa Templo ug pagpahirayo san kalibutan basi siya
makagduruto sin pag-ampo sin maupay. Ug ini manta iginpapahayag san
mga tag-surat san Evangelio, sa pagsiring nira nga an Birhen nagtitinipig la
sa iya kasingkasing san mga misteryo san kinabuhi san iya Anak.
44
 Palandungon ta nga si Maria Santisima, sa pagtuman sa sagdon san iya
Anak nga nagsiring, dida siton Evangelio ni S. Lucas kap. 18: “Kaangayan an
pag-ampo sin dauyday basi diri kita maghiragumatay”, nag-aampo sa
ngatanan nga takna ug sa ngatanan nga dapit, sin waray gud paghunong
alagad san nahihimo sin usa nga binuhat sa Dios. Bisan ano an iya
nabubuhat ug bisan siya nakaturog nagmata an iya kasingkasing kay waray
hunong san iya paghigugma sa Dios.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimaya ka

Maria, tungod san mga tawo nga nagkikinahanglan san aton mga pag-ampo.

O Maria, nga ipinanamkon sin waray sala , ig-mpo mo kami an mga

nadangop sa imo.
***

IKA KATLOAN KAG USA KA ADLAW

Pamalandong: An debosyon kan Maria Santisima nga aton Iroy

Palandungon ta nga an Espiritu Santo naghingot (inspirar) san mga

kristianos basi magdebosyon kan Maria Santisima, ngan nagtutdo sin mga
buruhaton, basi buhaton ug igpahayag ini nga debosyon. Karuyag san
Espiritu Santo nga pagdayegon naton si Maria sin pagdayeg nga ubos san
pagsingba naton sa Dios, kundi labaw san pagdayeg naton san iba nga mga
santos. Ini nga pagsingba gin ngangaranan nga “Culto de Hiperdulia”.
Sanglit igin ngangaran naton in mga ngaran nga diosnon, sugad san: IROY
45
SAN PAGKALOOY, KINABUHI,KATAM-IS ug iba apa nga aada siton
MAGHIMAYA KA HADI. Igin hahalad sa iya in mga Singbahan ug ginsasalin-
urog in damo nga mga piyesta san Birhen dida hiton bug-os nga tuig.

Hunahunaon ta nga, sa ngatanan nga mga debosyon nga iginhahalad

san Birhen, sangyaw gud kaupay an santos nga Rosaryo ug dida hikakaplagi
san mga tawo an damo nga mga kaupayan. Sanglit, mga anak ni Maria,
gamiton naton ini nga debosyon sa iya ug pangadiea ta an santos nga
Rosaryo.

(Palandongon sin maupay an nabasa ug mangaro an tagsatagsa san mga grasya nga ginkikinahanglan
kan Maria Santisima.)

(Mga pangamuyo sugad san siyahan nga adlaw.)

(Paghalad san bukad nga espirituhanon.)

An bukad nga espirituhanon niyan nga adlaw: Tulo ka Maghimya ka

Maria, agud an Birhen magtambong sa aton sa kinabuhi ug sa takna sa
kamatayon.

O Maria, nga ipinanamkon sin waray sala, ig-ampo mo kami an mga

nadangop sa imo.

***

46
47
 MGA KARANTAHON SA FLORES DE MAYO

1. Kadi na Kita Paghalad

Kad’na kita paghalad

Sin bukad kan Maria
Nga magpakaruruyag
Kay Iroy ta, Iroy siya. (2x)

Mga bukad sa Mayo

Mag-amyon, mag-anyag,
mag-amyon
Sa kasingkasing namon
Sa imo iginhahalad.

Mga pag-ampo namon

Sugad san mga Rosas
Kawarta o Maria
Nga diri magkakalaya.

2. Paghalad Kan Maria

Solo:
Karawta gad Maria
Nin bukad nga amon, halad
Ug amon hul-os nga gugma
Gikan san kalag.

Coro:
An Mayo inabut na
Ug kami maglipayon
Ha imo pagdaraon
Ha paghalad sin bukad.
Himoa O Maria
An kasingkasing namon
48
 Ngan san gracia nga diosnon
Puroy-an ni Jesus.

3. Kadto Kita Kan Maria

Kadto kita kan Maria

Paghalad sa kalipay
Mga bukad magbaysay
Kay Iroy ta siya.
Babaye labi ka uray
Mabaysay pa san bulan
Kami sa Im’ naatubang
Nayukbo naluhod.
Dara namon sa Imo
Bukad labi ka amyon
Kay tinguha gud namon
Ha imo pag-urog.

4. Maghimaya Ka Maria

Maghimaya ka Maria
Nga puno ka sin gracia.
An Ginoo nga Dios
aada sa imo
Gindadayaw ka labi
san mga babaye ngatanan
Ug gindadayaw man an imo
Anak si Jesus.

5. Paghalad Kan Maria

Karawta gad Maria

‘Nin bukad nga amon halad
49
 : Ug amon hulos nga gugma
Gikan san kalag. :

An Mayo inabut na
Ug kami maglipayon
Sa imo pagdaraon
Sa paghalad sin bukad

Himoa O Maria
An kasingkasing namon
Nga san gracia nga Diosnon,
Puroy-an ni Jus.
Nga sus, puroyan ni Jesus.

6. Kadto Kita Kan Maria

Kadto kita kan Maria

Paghald sa kalipay
Mga bukad magbaysay
kay Iroy ta siya. Iroy ta siya.

Babaye labi ka uray

mabaysay pa san bulan,
Kami sa Im’na-a tubang
Dara namon sa Imo.
Bukad labi ka amyon

: Kay tinguha gud namon sa Imo pag-urog. :

7. Panamilit (Adios)

Adios, adios Maria,

Matam-is nga Iroy,
50
 aadios, bitoon kapawa
Mutya san Ngatanan

Aadios Iroy nga Uray,

Daw Lus-ay nga Dugos,
Aayaw, ayaw kami isikway
San ngaran ni Hesus.

Aadios Iroy nga Uray,

Daw Lus-ay nga Dugos,
Aayaw, ayaw kami isikway
San ngaran ni Hesus.

8. An Santa Iglesia Catolika

An Santa Iglesia Catolica

Amo an katilingban
San mga Kristyanos ngatanan
Nga nasugot san Santo Papa sa Roma
Tinuinan ni Jesucristo Panimangno san mga tawo
Basi an ngatanan,
Maka-ambit naman san gin hadian san ginhadian san Dios.

9. Los Valles

Ve-he-ne-vo aque Nostre ella

Puhuri-sima, dulce ella
Musque lahaluna vehella
Postra dos-a tus-que
Musque lahaluna vehella
Postra dos-a tus que

Vehene de Amos todos

Conflores a-aporfia
Con flores aaha-Maria
51
Que Madre nuestre-elles

Dulce-he-ce Ave Virgin

Delcie Lodelcie, ludielie esia
La flo-hor que tie-u-fris-esco
Receive profe esia
La flor-hor que tieu-fri-esco
Receive profe essia

*Dulce-ce mamadre, demi por a-mor

Receive Señora la miste ca flor
Lamiste ca flor, la miste ca flor

Los valles allegram

Lumi-ni-incoho-rahayo
Del sol-que, engalana
Las flores, las flores de Mayo

Receinia, se-aaabren
Yel cahalis
Azuma, yes fahahance eni-intorno
Vahahalsa, mequa-rohohoma
Yes fahahance eni-intorno
Vahahalsa, Mequa rohohoma.
(reapeat*)

52
 AN ANGELUS

V. An Anghel san Ginoo nagpasabot kan Maria.

R. Ug nagpanamkon sa larang sa Espiritu Santo.

Maghimaya ka Maria . . .

V. Iine ako nga uripon sa Ginoo,

R. Matuman dinhe sa akon sugad san imo mga pulong.

Maghimaya ka Maria . . .

V. Ug an Dyos anak nahimo nga tawo.

R. Ngan nag ukoy dinhi sa aton.

Maghimaya ka Maria . . .

V. Ig-ampo mo kami santos nga Iroy sa Dios.

R. Basi matakus kami sumangput san mga isinaad ni Jesukristo.

PAG-AMPO

Nangangamuyo kami sa imo, Ginoo, nga ibutang mo an Imo grasya

dinhi sa amon mga hunahuna; basi kami, an kinmilala dida san pagpasabot
san Anghel, san pagpakatawo ni Jesucristo nga imo Anak, tungud san iya
pagsakit ug san iya Krus, pagdad’on kami ngadto san Himaya san
pagkabanhaw. Tungod kan Jesucristo nga amon Ginoo. Matuman kunta.

Himaya sa Amay… (3x)

53
 REGINA COELI

(Liwan san ANGELUS kon panahon san Pasko Pagkabanhaw san aton Ginoo
Jesukristo.)

V. Rayna sa langit, paglipay

R. Aleluya.

V. Kay an imo gindara sin takus

R. Aleluya.

V. Nabanhaw, sugad san siring niya,

R. Aleluya.

V. Ig-ampo kami sa Dios,

R. Aleluya.

V. Pagsadya ug paglipay,
Birhen Maria, Aleluya.
R. Kay sa tinuod nabanhaw an Ginoo, Aleluya.

PAG-AMPO

O Dios, nga tungod san kabanhaw san Imo Anak, si Jesukristo nga
amon Ginoo, natakus ka sin pagpalipay san kalibutan, ihatag,
nangangamuyo kami, nga tungod san Iroy Niya, an Birhen Maria, hikaplagan
namon an mga kalipay san kinabuhi nga dayon. Tungod kan Jesukristo nga
amon Ginoo. Matuman kunta.

54
 Salve Regina

Salve Regina Mater misericordiae;

Vita, dulcedo, et spes nostra Salve.

Ad te clamamus exsules filii Hevae,

Ad te suspiramus, gementes et flentes in hac lacrimarum valle.

Eia ergo, advocata nostra, illos tuos misericordes oculos ad nos converte.
Et Jesum, benedictum fructum ventris tui, nobis post hoc exsilium ostende.
O Clemens O pia,
O ducis, Virgo Maria.

V. Ora pro nobis Sancta Dei Genitrix.

R. Ut digni efficiamur promissonibus Christi.

Oremus:

Omnipotence sempeterne Deus qui gloriosae

Virginis Matris corpus et animam,
ut dignum Filii tui habitaculum effici mereretur,
Spiritu Sancto cooperante praeparasti:
da, ut cujus comemortione laetamur,
ejus pia intercessione ab instantibus malis
et a morte perpetua liberemur.
Per eundum Christum Dominum nostrum. Amen.

V. Divinum auxilium maneat semper nobiscum.

R. Amen.

55