HILING

Parati kong naririnig na masakit ang pag-ibig

Ngunit napagtanto kong hindi pala iyon ang masakit

Hindi masakit ang pag-ibig

Hindi masakit ang magmahal

Ang masakit ay ang pag-iisa

Masakit ang maiwanan

Masakit ang mapalitan

Ika'y natagpuan sa lugar kung saan naging tayo, sa lugar na ating paborito

Nakatayo, basang-basa ang mga pisngi at leeg

Namumula ang iyong mga mata--teka

Umiiyak ka ba?

Para saan ang iyong mga luha?

Para ba sa mga masasayang alaala? O para sa mga nawala sa ating dalawa?

Sinabi mong iniwan mo ako dahil lubos ang pagmamahal ko sayo

Iniwan mo ako dahil hindi ko makakamit ang tagumpay

Iniwan mo ako dahil sa tingin mo'y ako ay lulubog kung ikaw ang nasa tabi ko

Iniwan mo ako dahil sa tingin mo ikaw ay isang lason na unti-unting papatayin ako

Kaya ba iniwan mo ako noon dahil hindi ko kayang makamit ang tagumpay?

Paano naging ikaw ang dahilan ng paglubog at pagbagsak ko noon kung ikaw lang naman ang tangi kong
kinakapitan?

Paano naging ikaw ang dahilan para mabigo ako kung kaw lang ang tangi kong kayamanan?
Ikaw lang ang inaasahan ko noon ngunit tinulak mo lang ako papalayo

Na wasak na nga ako, dinikdik mo pa ng husto

Ngayon, hinihiling ko na

"kung ang landas man natin ay magkatagpo

Wag kang lilingon at hihinto

Para tuluyan na kitang makalimutan, mahal ko"