BAHAN SERMON EPISTEL 18 NOVEMBER

SARESORT HKBP HUTAGURGUR

Turpuk : 1 Musa 15 :12-16

I. Patujolo

Di aprdalanan ni ngolu si Abrham dipatudhon ibana do haporseaonna, haunduhona tu Debata, na dijou

Debata ibana bungkas sian tano hagodanganna dohot sian hatubuonna dohot sian bagas ni amana Ur Kasdim tu
tano na naeng si patuduon ni Debata tu ibana, ndang pola di paboa Debata tu dia ibana lao alai unduk do ibana
tu parsuruon i, di suru Debata do si Abraham mamelehon anak na si Isak unduk do tong ibana disi, ala ni
haunduhononna di dok do ibana ompu ni na porsea , ale ale ni debata (Jak.2:23). Jala turpuk 1 Musa 15:12-16
on ima taringot tu na diparata Debata padanNa tu si Abram. Dison di dok Debata tu si Abram na Jahowa do na
paruarhon ibana sian parhatobanan i jala namangalehon tu si Abraham tano bahen teanteanan ni si Abraham.
Marhite turpuk di paboa Jahowa tu si Abram taringot aha na naeng masa tu pinompar na sogot.

II. Hatorangan ni Turpuk

Di ayat 12 on mangahtai do Debata tu si Abraham di tingki manihir mata ni ari (menjelang matahari
terbenam) tarnenep modom ma si Abraham, gabe songgot ma tu ibana hasonggoton dohot haholomon bolon,
mangahatai Debata marhite nipi tujuanNa ima laho paboahon sangkapNa, si Abraham pe dipilit Debata asa saut
sangkapNa di tano on. Dipilit Debata si abraham jala dilehon tanggungjawab, manjalo pasupasu sian Debata
jala gabe habaoran ni pasupasu ibana tu saluhut jolma.

Ayat 13-14 padan ni Debata tu si Abraham na naeng lehononNa tano kanaan ndang gabe mambahen
Abraham langsung sebagai warga negara penuh, asli, jala merdeka alai parjolo do Debata manogunogu ibana
masuk tu parhatobanan jala paporsuhonNa saleleng 400 taon. Bangso na marhatobanhon bangso Isarel pe
uhumon ni Debata do, lapattanna adong do tindakan ni Debata tu bangso na marhatobanthon nasida. 400 taon
lelengna bangso i diperbudak alai adong do tingkina Debata bertindak laho manguhum na paporsukporsuk
bangsoNa i. Di uhum Debata do si ula hajahaton di tingkina, ai mardalan do uhum ni Debata. nang pe sipata sai
hira na dipasombu Debata si ula hajahatoni mangolu, na hona uhum do i ditingkina jala hombar tu na ni ula na.

Ayat 15 molo di dok sari matua (sampai putih rambut mu) patuduhon usia lanjut jala umur na ganjang
dilehon Debata tu ibana jala di dongani Debata ibana. Marpadan do Debata na so pasombuon ni Debata
pinompar ni si Abraham tinggal gabe hatoban di tano Mesir. Ndang ta antusi sangkap ni Debata di bagasan
ngolunta.

III. Panimpuli

Dang ta antusi sangkap mananpe rencana ni Debata di pardalanan ngolunta, laho patulushon sangkap ni
Debata adong do proses na maragam laho sulahonon. Buni do sangkap ni Debata di bagaan ngolunta, boi do
tulus sangkap ni Debata marhite ragam cara, saguru di Debata do sandok ngolu ni jolma i, “ai songon timbo ni
angka langit sian tano on, songoni do tumimbo angka dalanHu sian pingkiranmuna i (Yes.55:9). Amen