BAHAN SERMON EPISTEL MINGGU 14 OKTOBER

SARESORT HKBP IMANUEL HUTAGURGUR

Turpuk : 2 Tessalonika 3:1-5

I. Patujolo

Tongon mangadopi parungkilan do huria Tesalonik, ala ni parpoda halilon. Marnida namasa i
di apaio si Paulus ma nasida, paboa parpoda haliluon i holan si paotooto sambing. Di paingot
sipaulus do nasida asa totong manjamothon haporseaon na be manjagahon parsaoran dibagasan
nasida nang maradophon halak na asing. Debata do haroroan ni apulapul, benget ni roha jala
margogoihon nasida assa hot tongtong maniop nahinaporseaonna. Ndang tuk gogo dohot bisuk
bisuk ni jolma mangadopi parpodahaliluon i, dibahen i ma asa tontong mangido pangurupion
sian Debata, ai Debata do namarhuaso pahothon roha na denggan dibagasan nasa ulaon
(2Tes.2:17).

II. Hatorangan ni Turpuk

Ndang sude luat ungkap manjalon haroro ni si Paulus jala torop tahe ndang manjalo barita na uli
na binaritahonna, godang do paraloan dompak ibaana sian na jat dohot na jengkel (ay.2) na so
olo marhamubaon jala naso olo porsea tu Debata. Ragam do cara dipatudu angka na so
manghalomohon hararat ni barita na uli i, sipata na marhite mangelaela halak naung manjalo
barita na uli i. Borhat sian angka namasa i, Paulus mangapoi jala paposhon roha ni huria i, paboa
satia do Debata, patoguonNa jala ramotanNa do nasida maralohon angka na jahat (ay.3). asa
manghirim do nang si Paulus di nasida, tung songon dia pe hamaolon na ni adpoan ni huria i, asa
totong mangasahon Tuhan i, unang tarelaela jala unang sumurut sian angka poda pangajarion
naung pinasahat ni si Paulus (ay.4)

Dibagasan tangiang ni si Paulus di hirim ibana do asa anggiat di togutogu Tuhan i roha ni
huria i tu holong ni roha ni Debata jala anggiat ditogutogu Tuhan i roha nasida tu habengeton ni
Kristus (ay.5). Martangiang dohot mangula ndang boi siarang i sian ngolu ni jolma lumobi halak
Kristen si ihuton Kristus i. dinalaho pararaton harajaon ni Debata marhite barita na Uli i,
dipangido Apostel Paulus tu ruas ni huria Tesalonika asa ditangiangkon nasida, ala di haporseai
Apostel Paulus i do tangiang ni huria mangalehon gogo tu nasida mangulahon ulaon i jala
margogoihon angaka hasahatan ni barita i gabe denggan manjalo barita na uli i, ndanda holan i,
marhite tangiang ni huria i di haporseai Paulus do tangiang i paluahon nasida sian nasa ragam ni
parmaraan, i ma halak na jengkel dohot na jat.

Sian pengalaman haposreaon ni si Paulus di parhatopot do ndada holan gogo dohot

hapistaran sambing umbahen marimpola pangulaon na di huria i, jala ndada ala huaso nijolma
marparbue angka na ni ulana, alai gogo dohot pangurupion ni Debata do na patauhon ngoluna
dohot pasauthon panghobasionna.

III. Panimpuli

Marhite turpukon tarjou ma sude angka naporsea i asa mangharingkothon ngolu

namartangiang dohot mangula songon nanidok si Martin Luther unang ma masohot hita mangula
angka ulaonta tarlumobi ma unang mansohot martangiang ala tangiang i do par hosaan (nafas
kehidupan) ni angka naporseai. Tangianghon angka na niulam, jala ulahon angka tangiang mu.
Tahaporseai ma bahwa satia do Debata managaramoti jala patauhon huriaNa mangadopi nasa
hamaolan. Ibana do haroroan ni nasa gogo dohot habisuhon jala namamsumasu asa marparbue na
ni ula ni hriaNa. Amen.