ASSUMPTION OF OUR LADY

SHRINE-PARISH
Dauis, Bohol

SUMMER CATECHESIS
MODULE

I. MGA PAG-AMPO/PAGDAYGON SA USA KA KRISTIANO

AMAHAN NAMO
1
AMAHAN NAMO nga anaa sa mga langit, pagdaygon ang Imong ngalan,
umabot kanamo ang Imong gingharian, matuman ang Imong pagbuot,
dinhi sa yuta maingon sa langit. Ang kalan-on namo sa matag
adlaw, ihatag kanamo karong adlawa, ug pasayloa kami sa among mga
sala, ingon nga nagapasaylo kami sa nakasala kanamo, ug dili Mo
kami itugyan sa panulay, hinonoa luwasa kami sa dautan. Amen.

MAGHIMAYA KA MARIA

MAGHIMAYA KA MARIA, puno ka sa grasya ang Ginoo maanaa kanimo,

bulahan ka sa mga babaye nga tanan, ug bulahan man usab ang bunga
sa tiyan mo nga si Hesus. Santa Maria, Inahan ka sa Dios, iampo
mo kaming mga makasasala, karon ug sa takna sa among kamatayon.
Amen.

HIMAYA

HIMAYA sa Amahan, ug sa Anak, ug sa Espiritu Santo, maingon sa

sinugdan, karon ug sa gihapon, hangtod sa kahangturan. Amen.

ANG CREDO SA MGA APOSTOL

NAGATOO ako sa Dios, ang Amahan, ang makagagahum sa tanan,

Magbubuhat sa langit ug sa yuta. Nagatoo ako kang Jesu Kristo,
Ang Iyang bugtong Anak, atong Ginoo. Gipanamkon Siya sa lalang sa
Espiritu Santo ug natawo gikan ni Maria nga Ulay. Nagaantos siya
sa sugo ni Poncio Pilato, gilansang sa Krus, namatay ug gilubong.
Mikunsad siya sa mga minatay. Sa ikatulong adlaw nabanhan Siya.
Misaka Siya sa langit, ug nagalingkod sa tuo sa Dios, ang Amahan,
makagagahum sa tanan. Mobalik siya aron paghukom sa mga buhi ug
sa mga minatay. Nagatuo ako sa Espiritu Santo, sa Santos ug
Katoliko nga Simbahan, sa kaambitan sa mga santos, sa kapasayloan
sa mga sala, sa pagkabanhaw sa mga lawas ug sa kinabuhing walay
katapusan. Amen.

SALVE

Maghimaya Ka Rayna Inahan sa kalooy kinabuhi ug kinatam-is ikaw

gilauman namo, maghimaya ka; nagapanawag kami kanimo nga

2
gihinginlan nga mga anak ni Eva, nagapanghupaw kami dinhi niining
walog nga luhaan. Nan, among mag-alampo, ilingi mo kanamo kanang
Imong mga mata nga maloloy-on ug kon ubos na kining panghingilin
ipakita Mo kanamo ang Imong Anak nga si Jesus. Ay, maaghup! Ay
maluluy-on! Ay matam-is nga Birhen Maria!

AKTO SA PAGHINULSOL

GINOO KONG JESUKRISTO, nagabasol ako sa tibuok kong kasingkasing

tungod kay nakasala ako Kanimo, ug naligutgut ako sa tanan kong
mga sala, tungod sa kahadlok nga mawala ko ang langit ug tungod
sa kasakit sa impyerno, apan labaw sa tanan tungod kay nahigugma
ako Kanimo, akong Dios. Nagasaad na ako sa paghimo’g pinetensya,
ug pag-usab sa akong kinabuhi. Amen.

ANGELUS

LIDER: Ang anghel sa Ginnoo nagpahibalo kang Maria

KATAWHAN: Ug nanamkon Siya sa lalang sa Espiritu Santo

Maghimaya Ka Maria…

LIDER: Ania ang sulugoon sa Ginoo

KATAWHAN: Matuman kanako sumala sa Imong pulong.

Maghimaya Ka Maria…

LIDER: Ug ang pulong nagpakatawo

KATAWHAN: Ug nagpuyo Siya uban kanato.

Maghimaya Ka Maria

LIDER: Iampo Mo kami, santos nga Inahan sa Dios

KATAWHAN: Aron kami mahimong takus sa gisaad kanamo ni

Hesucristo.

LIDER: Mag-ampo kita.

TANAN: Nagamuyo kami, Ginoo, nga Imong ibubu sa among

kasingkasing ang Imong grasya, aron sa pag-ila namo, tungod sa
pagpahibalo sa anghel, sa pagkatawo ni Kristo nga Imong Anak,
madangat namo, tungod sa Iyang pagpasakit sa krus, ang himaya sa
Pagkabanhaw. Tungod sa maong Kristo nga among Ginoo. Amen.
3
 MGA MISTERYO SA KALIPAY

1. Ang pagpanamkon sa Mahal nga Birhen sa Anak sa Dios sa

lalang sa Espiritu Santo.

2. Ang pagduaw ni Maria Santisima kang Santa Isabel.

3. Ang pagkatawo sa Anak sa Dios.

4. Ang paghalad sa Diosnong Bata didto sa templo.

5. Ang pagkawala ug pagkakaplag sa Diosnong Bata didto sa

templo.

MGA MISTERYO SA KASAKIT

1. Ang pag-ampo ni Hesus didto sa tanaman sa Hetsemani.

2. Ang paghampak kang Hesus nga ginaid sa haliging bato.

3. Ang pagpurongpurong kang Hesus ug purongpurong nga tunokon

4. Ang pagpas-an ni Hesus sa Krus.

5. Ang pagkamatay ni Hesus nga linansang sa Krus.

MGA MISTERYO SA HIMAYA

1. Ang pagkabanhaw ni Hesus

2. Ang pagsaka sa langit ni Hesus.

3. Ang pagkunsad sa Espiritu Santo kang Maria ug sa mga

apostoles

4. Ang pagpasaka sa langit kang Maria Santissima

5. Ang pagpurongpurong sa Mahal nga Birhen nga Reyna sa tanang

binuhat.

MGA MISTERYO SA KAHAYAG

1. Pagbunyag ni Kristo didto sa Jordan.

2. Pagpadayag ni Kristo sa Iyang kaugalingon didto sa kasal sa

Cana.

3. Pagsangyaw ni Kristo sa Gingharian sa Diyos, uban sa tawag

sa paghinulsol.

4. Pagkausab sa panagway ni Kristo.

4
 5. Pagmugna ni Kristo sa Eukaristiya (isip timaan sa Misteryo
sa Paskwal)

Inigkatapos sa matag Misteryo

Himaya (Glory be)

(O Maria gipanamkon nga walay sala)

O HESUS KO, pasayloa kami sa among mga sala, luwasa kami sa

kalayo sa impyerno, ug dad-a ang tanang mga kalag sa Purgaturyo
ngadto sa Langit, labi na kadtong magkinahanglan kayo sa Imong
kalooy ug panabang.

I. ANG MGA PAGTULUN-AN SA SIMBAHAN

MGA PAGTULUN-AN MAHITUNGOD SA DIYOS

a. May usa lamang ka Diyos nga matuod nga makagagahum sa tanan.

b. Nga kining Dios mao usab ang Amahan

c. Nga ang Dios magbubuhat sa tanan

d. Nga ang Dios mao ang maghahatag sa grasya ug magpasaylo sa

mga sala.

e. Kining Dios mao usab ang magabulahan sa mga Santos didto sa

langit.

MGA PAGTULUN-AN MAHITUNGOD SA PAGKATAWO SA ATONG GINOONG

JESUKRISTO

a. Ang atong Ginoong Hesukristo sa iyang pagkatawo, gipanamkon

sa lalang sa Espiritu Santo

b. Siya gianak ni Santa Maria Birhen, kinsa gipanamkon nga

walay bulin sa salang panulondon

c. Siya gilansang gisakit ug namatay sa Krus tungo sa

pagpanubos sa atong mga sala.

d. Siya mikunsad sa mga minatay aron pagdala ngadto kanila sa

mensahe sa kaluwasan ug sa kinabuhingg dayon nga gidala ni
Kristo alang sa mga nagatoo Kaniya
5
 e. Siya nabanhaw sa ikatolo ka adlaw human sa iyang kamatayon.

f. Misaka siya sa langit ug nagalingkod sa too sa Amahan ang

makagagahum sa tanan.

g. Siya mobalik pag-usab aron paghukom sa mga buhi ug sa mga

minatay.

MGA KASAYURAN SA PAGTULON_AN SA KINABUHING KRISTOHANON

P. Unsay kahulogan sa ngalan nga kristiano?

T. Ang tawo nga binunyagan nga mingtuo sa mga pagtulon-an ni

Jesucristo ug sa Simbahan nga iyang gitukod.

P. Unsay timaan sa mga kristiano?

T. Ang Santa Krus, kay mao may gikamatyan sa atong Ginoo.

P. Unsay katungdanan sa kristiyano nga unahon gayod pagtuman?

T. Ang paghibalo niya nga gibuhat siya sa Dios niining kinabuhi

aron magsilbi mag-alagad kaniya ug unya sa katapusan mahiuban sa
Iyang gingharian sa Langit.

P. Unsay misyon sa us aka Kristyano dia sa iyang kinabiuhi?

T. Ang pagtuo sa Dios, paglaum, paghigugma Kaniya u gang pag-

alagad sa iyang isigkatawo.

P. Unsay Dios?

T. Alang kanatong mga kristiyanos, ang Dios mao ang Amahan nga
makagagahum sa tanan ug magbubuhat sa tanan lakip ang tawo. Siya
ang tuburan ug sinugdanan sa kinabuhi ug pinaagi Kaniya, nahimo
ang tanang butang.

P. Pipila ba ang Dios?

T. Ang Dios usa lamang.

6
P. Pipila ang personas diha sa Dios?

T. Diha sa Dios, May totolo ka mga personas. Sila mao ang Amahan,
Anak, ug Espiritu Santo.

P. Unsay Santisima Trinidad?

T. Ang Santisima Trinidad maoy Dios nga tulo ka personas.

P. Niining tulo ka personas nga Diosnon kinsa ba ang nagpakatawo?

T. Sa tulo ka personas nga Diosnon, ang Ikaduha nga mao ang Dios
nga Anak maoy nagpakatawo ug Siya mao si Jesucristo.

P. Sa unsang paagi kita makatabang sa kalag sa Purgatoryo?

T. Makatabang kita sa mga kalag sa Purgaturyo tungod pinaagi sa

atong mga pag-ampo, sa mga maayong buhat, paghalad sa santos nga
Misa ug uban pa nga buhat sa kalooy.

P. Unsay himaya sa langit?

T. Ang langit us aka kahimtang o estado diin ang mga kalag

makasinati sa kapuno sa kinabuhing Diyosnon (deatific vision).
Diha sa kahimtang sa langit, anaa ang kapuno sa grasya ug gugma
sa Diyos.

P. Unsay Santa Iglesia Katolika?

T. Ang Santa Iglesia Katolika mao ang katilingban sa mga

binunyagan nga mitoo kang Hesus nga bugtong Anak nga pinadala sa
Amahan ug ingon man miila sa Santo Papa sa Roma isip sumusunod ni
San Pedro, ang punoang bato sa Simbahan ni Kristo.

P. Unsay kaambitan sa mga Santos (Communion of Saints)?

T. Mao kini ang katilingban nga gilangkuban sa tulo ka hut-ong:

a. mga santos nga nagmadaugon na didto sa langit,

b. sa mga kalag sa purgatory

7
c. katilingban natong mga buhi pa nga nagpadayon sa atong panaw
niinning kinabuhi-

Kining tulo ka pundok maoy naglangkob nianang gitawag ug

Simbahan, an gang katilingban sa mga binunyagan ug matuohon ni
Kristo.

P. Kinsay anaa sa ostiyas diha sa Santisimo Sacramento sa Altar?

T. Ang lawas nga buhi gayod sa atong Ginoong Hesucristo, matuod

nga Dios ug matuod nga Tawo, maoy anaa sa sakramento sa altar
diha sa bayhon sa pan ug bino.

P. Unsay buhaton ta aron takos ta nga mokalawat?

T. Maghinulsol gayod kita sa atong mga kasl-anan pinaagi sa

pagkumpisal ug mangayo kita sa grasya ug kalooy sa Ginoo aron
maandam ang atong kaugalingon sa pagdawat sa espirituhanong
kalan-on.

P. Unsay sala nga Venial?

T. Ang paglapas ta nga dyutay nga dili makamatay sa kalag apan

ikasakit gayud niya ug dili kahimut-n sa Dios.

P. Unsay sala nga mortal?

T. Mao kini ang klase sa sala nga makapahilayo ug makapahimulag

sa tawo gikan sa grasya sa Dios.

P. Diin ba nagpakatawo si Jesucristo?

T. Si Jesucristo nagpakatawo sa Mahal nga Ulay nga tiyan ni Santa

Maria Birhen.

P. Giunsa niya pagpakatawo?

T. Gipanamkon siya ni Maria nga Birhen sa lalang sa Espiritu

Santo, ug gianak didto sa Bethlehem.

8
P. Ngano man nga nagpakatawo ang Anak sa Dios

T. Aron mapadayon ug mapakita ngari kanato ang iyang ddakong

gugma nagbuot ang Diyos nga magpakatawo ug mopuyo uban kanato ug
ingon man mo-ambit sa atong pagkatawo.

P. Giunsa niya pagpanubos kanato?

T. Gihalad niya ang iyang kaugalingon alang kanato. Kining maong

paghalad sa kaugalingon gipakita sa hingpit pinaagi sa iyang
pagpalansang ug pagkamatay sa krus.

P. Nabanhaw ba ang atong Ginoong Jesukristo?

T. Human sa tulo ka adlaw ang atong Ginoong Hesukristo nabanhaw.

Ang Iyang pagkabanhaw nagpadayon nga Siya nagmadaugon batok sa
sala ug sa dautan. Kini nagpadayag usab nga ang Iyang kamatayon
sa Krus dili kapildihan, kondili kadaugan.

P. Moanhi pa ba ang atong Ginoong Jesukristo dinhi sa yuta?

T. Sakatapusan sa panahon, mobalik pag-usab ang atong Ginoong

Hesukristo aron paghukom sa mga buhi ug sa mga minatay ug aron
pagpadayag sa hingpit nga paagi sa hustisya sa Diyos.

P. Unsa ang impyerno?

T. Ang impyerno us aka KAHIMTANG o estado sa kinabuhi diin ang

kalag nahilayo sa grasya sa Diyos ug nahimulag sa iyang diyosnong
grasya ug kalooy.

P. Unsa ang Purgatoryo?

T. Ang purgatory us aka KAHIMTANG o estado sa kinabuhi diin ang

kalag nga namatay sa grasya sa Dios kinahanglan pa ug dugang
paglimpyo tungod sa mansa ug buling sa sala nga wala pa mapapas.
9
Sila ang mga kalag nga nanginahanglan pa sa dugang pag-ampo gikan
kanato.

P. Pipila ka mga butang ang ikatuman sa pagkompisal nga maayo?

T. Lilim. Paghunahuna ug pag-isip sa atong mga sala ngatan,

paghinulsol kanila, pagsaad sa Dios nga dili na magpakasala pag-
usab, pagsugid sa Pari nga gikompisalan nato sa atong mga sala,
ang pagbag-o sa atong kaugalingon.

P. Unsay angayang buhaton aron pagawad-on sa Dios ang atong mga

sala?

T. Kinahanglan ang tumang pagpaubos ug pagbag-o sa kkaugalingon

inubanan ang tumang pagsalig sa pasaylo ug kalooy sa Ginoo.

ANG MGA SUGO SA DIYOS

1. Higugmaon mo ang Diyos labaw sa tanan.

2. Dili mo gamiton ang ngalan sa Diyos sa pagpasipala.

3. Pagsantoson mo ang mga Domigo ug mga Pista nga iglilihi.

4. Tahuron mo ang imong mga amahan ug inahan.

5. Dili ka magpatay

6. Dili ka manapaw

7. Dili ka mangawat

8. Dili ka magbutangbutang ug dili ka manganak

9. Dili mo kaibgan ang asawa sa imong isigkatawo.

10. Dili mo panghinautan ang kabtangan sa imong isigkatawo.

ANG MGA SUGO SA SIMBAHAN

10
 1. Ang pagsimba sa Misa sa Domingo ug pista nga iglilihi

2. Ang pagkompisal ug pagkalawat makausa sa usa ka tuig

3. Ang pagpuasa ug paglikay pagkaon ug karne sa mga adlawng

tiniman-an (Miyerkules sa Balis ug Biyernes Santo).

4. Ang pagtabang sa mga kinahanglanon sa Parokya/Simbahan

5. Ang dili pagminyo nga nahasupak sa balaod sa Santa Iglesya.

I. ANG PITO KA SAKRAMENTO SA SIMBAHAN

Unsa man ang sakramento?

Ang sakramento mao ang us aka balaan ug makitang timaan diin

ang Diyos nagpadayag sa kaugalingon ngadto sa katawhan aron sila
makasabot ug makaila sa Iyang laraw ug pamaagi. Si Hesus mao ang
Sakramento sa Amahan, Siya ang nakitang timaan sa gugma sa Diyos
alang kanato. Pinaagi kaniya makasinati ug makaila kita sa Dios.
Si Hesus nagpasaylo, nahigugma, nagluwas, nagpakita ug kalooy,
nagpakaon sa mga gigutom. Naghupay sa mga masulub-on ug gisakit
ug uban pa. Kinsa kadtong nakakita kang Hesus, nakakita sa
Amahan.

1.Bunyag- ang bunyag maoy unang sakramento nga atong madawat ug

kinahanglang dawaton aron ang ubang sakramento madawat usab. Ang
adlaw sa bunyag maoy unang adlaw din nasinati ang Diyos Amahan
uban ni Kristo nga atong ighsoon ug ang espiritu Santo nga maoy
tinubdan sa pagkasantos.

Diha sa bunyag kita natawo pag-usab sa kinabuhi uban sa Dios

isip sakop sa dakong banay nga mao an Simbahan.

Ang bunyag naghaw-as kanatao sa tanang sala ug naghatag sa

bag-ong kinabuhi sa kaluwasan diha ni Kristo aron magpuyo sama
Kaniya. Walay siga ug walay kahayag nga gikan sa Diyos ang atong
kalag, tungud kay namansahan kini gika sa sala ni Adan, busa
kabus kita sa Diyos ug tungud sa kadaku sa maong gugma gipadala
ang bugtong anak aron pinaagi kaniya, kita usab mahimong iyang
mga anak.

2.Kompirma- Ang kopirma mao ang sakramento nga diin, pinaagi sa

gahum sa espiritu Santo ang tawo nga binunyagan makabig sa tumang

11
kasuod ug pagkahiubsa sa simbahan ug maghata ug kusog aron mabtik
ug magdasig sa pagsangyaw sa ebanghelyo. Ang kompirma gitugyan ug
gihatag pinaagi sa pagpandong sa mga kamot sa Obispo ibabaw sa
ulo sa kandidato, uban sa pagdihog sa balaan nga lana ‘Holy
Chrism’ sa agtang sa kandidato uban sa pag-ampo; “Dawata kining
timaan sa hatag sa Espiritu Santo”

Diha sa sakramento sa kopirma, atong gikahinagbo si Kristo

kinsa naglig-on kanato diha sa pagpaningkamot nga motubo sa
kahibalo ug gugma kaniya ug ang pangandoy nga mahimong hamtong
sakop sa Simbahan. Diha sa kompirma, atong gibag-o ang saad
ngadto kang Kristo ug sa iyang Simbahan. Pinaagi sa Kopirma, ang
kristiyano misaad sa kaugalingon nga motubo ngadto sa
pagkahamtong nga kristiyano. Usa usab kini na timaan sa espesyal
nga gugma sa Diyos samtang nagbubo siya dinhi kanato sa mga gasa
sa Espiritu Santo: kaalam, kahibalo, pagsabot, hustong pag
timbang kaisog, pagtahod aron motubo ngadto sa pagkahamtong nga
Kristiyanos.

Mga Sangputananan o Epekto sa Kompirmasyon:

Ang labing dakong epekto sa sakramento sa kompirma mao ang

paghatag ug kalig-on ug pagmatuod (Confirm) sa grasya sa bunyag
kini nagpasabot sa labi ka mainitong pag-ambit sa misyon ni
Kristo, ug sa simbahan, paghatag ug gahum sa gikompirmahan nga
mahimong saksi sa atong pagtuo sa tanang katawhan.

3. Ang Sakramento sa Pagkighuli- Diha sa sakramento sa pagkighuli

(Reconcilation) mangayo kitag pasaylo sa Diyos pinaagi sa pari
nga maoy instrument sa Diyos dinhi sa yuta karon kita mapasaylo
sa atong mga sala nga nabuhat batok sa Diyos ug sa isig katawo.

Ang atong mangluluwas si Hesukristo nagtukod diha sa iyang

simbahan sa sakramento sa pagkighulo sa dihang iyang gihatag sa
iyang mga apostoles ug sa iyang mga sumusunod ang gahum sa
pagpasaylo sa mga sala.

4.Ang Santos nga Eyukaristiya- ang sakramento sa eyukaristiya mao

si Kristo mismo, tinuod nga Diyos ug tinuod nga tawo ubos sa
bayhon sa pan ug bino mga tinubdan sa kristohanong kinabuhi.

Ang Ginoo mitukod niining sakramento sa gugma sa gabii nga

wala pa siya mamatay, pinaagi niining mga solemne nga mga buhat.

12
 a.)Iyang gikuha ang pan ug bino, midayeg ug ipasalamat sa
Amahan.

b.)Mipikas-pikas sa pan ug mihatag niini ngadto sa iyang mga

apostoles.

Ang Santos nga Eyukaristiya gitawag usab nga santos nga

pagkalawat kay diha sa atong pagdawat ni Hesukristo mahiusa
kita uban kaniya. Pinaagi sa gahum sa Espiritu Santo ang pan
ug bino (mausab) ngadto sa kang Kristong lawas ug dugo
pinaagi sa pulong sa kongrasyon nga ilitok sa pari.

5.Hilog sa mga Masakiton- Kini maoy us aka gamhanang pakigtagbo

sa gugma sa Diyos ilabi na sa makalilisang panahon sa atong
kinabuhi. Nagdala kinig kaayohan sa lawas ug naghatag usab kinig
espirituhanong kalig-on, kahupayan aron makabuntag sa mga
pagtintal nga mahiaguman sa us aka tawng masakiton ug himalatyon.

Pinaagi sa sakramento sa, ang kinatibuk-an sa usa ka tawo

mahibalik ngadto sa kabaskog ug kaayuhan , ang tiunay nga pagtuo
ngadto sa Diyos kinsa maoy naghatag ug kaayohan sa lawas ug
kalag.

Mga anay timan-an bahin sa sakramento sa paghilog:

A.) Ang pahilog dili kanang himation sa kondili, kanang

dili pa grabe ug makatingog pa, kanang makakompisal pa sa
iyang mga sala. Ang paghilog dili paniwas sa masakiton,
kondili aron pagayo sa iyang sakit sa lawas ug kalag,

B.) Diha sa masakiton nnga gihilog gikinahanglan gayod ang

iyang pagtuo sa maong sakramento. Gikinahanglan usab ang
iyang pag-ampo sa sakop sa pamilya, mga higala ug mga
silingan sa maong masakiton.

C.) Tagaan ug dakong hinungdan si Hesukristo, ang

Mananambal, nga maoy nag-usab sa kahulogan ug kahinungdanon
sa balatian sa maong ngadto sa pakig-ambit sa iyang
kaugalingong buhat sa pagluwas kanato.

6.Sakramento sa Kasal- kini mao ang bug-os nga pananghiusa sa usa

ka lalaki ug babaye pinaagi sa us aka kasabutan nga sinaksihan sa
mga sakop sa kristohanong katilingban nga pinanguluhan sa pari.

13
Pinaagi sa sakramento sa kaminyoon ang managti-ayon mo-ambit sa
tahas nga gihatag kanila sa Diyos- ang pagpatunghay sa
kinabuhi. Ug tungud niini, uban sa ilang tim-os nga gugma ug
paghintagay sa kaugalingon, ilang ipakatawo an bag-ong kinabuhi (
ang ilang mga anak) ug magtukod sila ug usa ka banay nga maoy
sukaranan sa katilingban- ang pamilya.

7.Ang Sakramento sa Orden

Kitang tanan, isip mga binunyagan, mi ambit sa pagkapari si

Kristo, kinsa mao ang mga Pangulong Pari, adunay duha ka klase
ang pagkapari

Katilingbanong Pagkapari (Common Priesthood)- pinaagi niini,

“common priesthood” (katilingbanong pagkapari) sa tanang
binunyagan, naka-ambit kita kang kristo sa ang pagka-propeta,
pagka-hari, ug pagka-pari.

Paninugyanan nga Pagkapari (ministerial priesthood)- pinaagi

niini, kadtong gi-ordinahan diha sa sakramento sa pagkapari
gitawag sa pagsangyaw sa pulong sa Ginoo, pagdumala ug pagsaulog
sa mga sakramento, ug mangulo ug malig-on sa Kristohanang
katilingban.

Kita nga wala ordinahi, naka ambit kita sa pagkapari ni kristo

human kita bunyagi Gitawag kini sa iningles ug “Common
Priesthhood” o pagkapari sa tanang binunyagan. Human kita
bunyagi, gitahasan kita ni Kristo sa tulo ka misyon:

A. Pagka-propeta- kini nagpasabot nga atong isangyaw nga

Hesukristo mao ang atong Ginoo ug Manunubos. Siya ang atong
Magbalantay, ang Dalan, Kamatuoran ug Kinabuhi.

B. Pagka-pari- kini nagpasabot nga kita adunay misyon sa

pagsantos ug paggiya sa atong isigka-magtoo sa ngadto
sailing pagpaningkamot pagpuyo ug kinabuhing balaan.

C. Pagka-Hari- Kini nagpasabot ug pagpangalagad. Ang us aka

Kristiyanno kinahanglan moalagad sa tanan ilabi na gayud sa
mga kabus, dinaug-daug, sinalikway, ug mga nilupigan. Mao
nga diha sa atong pagpuyo, kinahanglan gayud kita mo-alagad
ug motabang sa atong silingan ug isigkatawo.

14
Dunay tulo ka matang ang pag-alagad sa mga gi-ordenahan:

1.Mga Obispo- isip mga sumusunod sa mga apostoles, nagadawat sa

kapuno sa sakramento sa Orden sa Pagka-pari, aron maoy mobarug sa
ngalan si Kristo ug mo dumala, isip labaw’ng magbalantay sa
ilang panon.

2.Mga Pari- maoy kaabag sa mga Obispo, sa pagsaulog sa Santos nga

Misa, pagwali ug pagpasaylo sa sala diha sa sakramento sa
pakighiuli.

3.Mga Diyakono- ang ilang dakong tahas mao ang pagwali sa pulong
sa Diyos ug pag-alagad sa katawhan pinaagi sa mga buhat sa
kalooy. (Cf. NCDP no. 386)

Kita naka-ambit sa pagkapari ni Hesukristo human kita bunyagi.

Kini gitawag na “Priesthood of all the Baptize”

Human kita bunyagi, nakadawat kita ug tulo ka misyon ni Kristo;

1.Pagka-propeta -Masangyawon

2.Pagka-pari - Maampo-on/ Pagkabalaanon

3.Pagka-hari -Maalagaron

15