Arté Kaodien

Acareta tentang saoreng pandaki ghunong se andik nyama andre, se amakna aghi odi’
dâri parjuangan se e kalakoni. Parak sabbhân bâkto dâlem odi’na èangghuy kalabân nakluk
aghi nong-ghunong se marojun tèngghi, pèra’ ghàbày ngabâs pemandangan sèkemma sè
palèng bhâghus. Sajân tèngghi ghunong sè è takluk aghi, sajân bhâghus pemandangan sè è
kaollè. Saèngghâ è sèttong bâkto, Andre motosaghi jhâ’ adakiâ sèttong ghunong sè cè’
tengghina. Andre arassa jhâ’ arua ghunong sè palèng tèngghi sè pernah è adhâbhi. Dâlem
atèna andre bâdâ katako’an, hal sè ampo dâteng dâlem atèna sabbhân a onghâ’â sèttong
ghunong. Padâna biasa kia, Andre nyoba’ matennang atèna.

Dhilâ arassa cokop tenang, Andre molaè alangka aghi sokona, salangka
salangka. Adaki ghunong bhâkal aberri’ bannyak tantangan kalabân sangu sabàdâna.

Tak karassa, Andre lah dàpa’ saparapat dâri ghunong rua. Andre ngabâs sakejjhâ’ ka
budi, jhâlân sè lah è lèbâthi. Dâlâm pèkkèrra, Andre akarettek, "Ah, ghik jhâu. Sambi teros
alangka aghi sokona. Sampe’ langkah sokona kodhu ambu capo’ bâdâ olar sè ajhâlân è
adâ’na. Sakejjha’ Andre ghipo, sampe’ tagher buruâ. Tapè, sakunik ghuli bhâdhânna, nyadar
aghi olar ru ka kabâdâ’ân Andre è eddh’na. Olar rua ngabâs Andre se ghik nyoba’ ghâbây
tenang, pas marena katenangan Andre akherra aghâbây olar rua ajhâlan polè.

Andre a lanjut aghi parjhâlânanna kalabâ krèna sangu se ghik bâdâ. Katennangan
capo’ olar ghellâ’ tagher aghâbây Andre kaelangan tenaga. satiyaAndre lah depa’ e posisi
tenga dâri ghunong rua. Dhilâ Andre sadar ka posisina, bâdâkatako’an mo’dul pole dâri
dâlàm atèna. Cèk jhau bân cèk terjhâlla parjhâlânan e e lèbâthi, bhân sè ghik è jhâlâni
na. Etambâ sanguna sè karè sakjuni’. Andre tako’ bhâkal matè e tenga jhâlân. Sakejjhâ’ pole
Andre toju’bân ngompolaghi semangat, abâli ka motivasina. Dhilâ lah yakin, Andre alangka
polè. Andre molaè bisa nangalè pemandangan se ce’ bhagussâ tapè ghik bureng.

Depa’na Andre ka tello parapat dâri ghunong rua. Bâdâ pemandangan sè

nako’è bannyak lang tolangnga manossa e dissa’. Sè paleng tade’ omor bâkto adaki ghunong
rua. Andre langsong mukkak sanguna pas takerjhât. Karè roti sasebâ’ edisa’. Andre mekker
demma demma, tako’ matè se ekapekker. Tapè dhile ngabâs ka bâbâ, Andre saddhâr, la cè’
jhâuna. Dhilâ ngabâ sakalèlèngnga, Andre molae ngabâs pemandangan sè andre ta’ pernah
nangalè, tapè ghik bureng. Bân dhile ngabâs ka attas Andre saddhâr, karè bârâmpa langka
agghi’. Roti rua nlangsung e pabi’, pas Andre motos aghi a dakiye ghunong rua sampek
depa’.

Langka sokona Andre terros aghântèan, tekka’ lah takbisa è kacaca polè. Andre
pagghun usaha, tekka’ labu bârâmpa kalè.nai’, nai’, bân terros nai’. Sampe’ Andre nangalè
lapangan tanah datar, pas Andre labu polè. Labu pas tak bisa jhâghâ polè. Andre nyobak
mokka’ mata pas nangale pemandangan sè ce’ bhâghussâ kalabân cè’ jellassa. Kabhaghusan
dhunnya e bâbâ rua. Bârna bârni se è asèllaghi kalabân harmonis kalabân alam. Andre dâpa’ e
konc’na ghunong. Ghunong rua lah takluk. Andre ngucap sokkor, kalabân pasrah nyerrah
aghi bhâdhânna, nyerraaghi kakasoanna dâ’ sè kobâsa. Andre tadâ’ omor. Matè dâlem
kapuasan odi’. Matè dâlem artè ajuang aghina odi’na kalabân bârna bârni kaodi’en. Tanah
ghunong dâddhi salèmot kalabân tedung lanjhângnga. Eidelways kalabân hiasan bân bâto
ghunong kaangghuy pattokka.

Aria ghambhârân kaodi’en se insyallah kodhuna bulâ bân panjennengngan

kaollè. Pagghun usaha, yakin ka tojjhuân odi’, parcajâ jhâ’ dâri sabbhân parjuangan pastè
bâdâ hasèl. Saèngghâ kaulâ bân panjennengngan bisa ngarghai odi’ bulâ bân
panjhennengngan, bân sajân parcajâ jhâ sè Kobâsa paste bâdâ e odikna dhila sdhâjâ. Sè
bhâkal ngarghâi sbbhân usaha dâlem odi’ bulâ bân panjhennengngan sesuai arghâ se la è tanto
aghi. Sampe’ akherra bulâ bân panjennengngan ondhur dâri dhunnya kalabân ka puasan
odi’, bân sè utama kaluwessan sè saongghuna.
 Artè Kaodi’ân

Oleh : Fahmizar Trisno Aji

XII MIPA 6