GRADES 1 to 12 School Malungon National High School Grade Level 12

DETAILED LESSON Teacher Diana B. Montefalcon Learning Area G12_DLP10

PLAN Teaching Dates and Time Quarter
dsd

I. OBJECTIVES
A. Content Standards

B. Performance Standards

C. Learning Competencies / Objectives 1. Natutukoy ang mga sosyal at sikolohikal na epekto ng mapanganib na droga ( dangerous drugs).
Write the LC code for each 2. Nailalahad ang mga hakbang sa pamumuhay na ligtas sa mapanganib na droga ( dangerous drugs).
 Sosyal at Sikolohikal na Epekto ng Mapanganib na Droga ( Dangerous Drugs)
II. CONTENT
 Mga Hakbang sa Pamumuhay na Ligtas sa Mapanganib na Droga( Dangerous Drugs)
III. LEARNING RESOURCES
A. References
1. Teacher’sGuide pages
2. Learner’s Materials pages
3. Textbook pages
4. Additional Materials from Learning
Resource (LR)portal
https://recovergateway.org, July 31, 2018
B. Other Learning Resources
National Council on Alcoholism and Drug Dependence, Inc. (NCADD)
Reviewing Previous Lesson

#Ibahagi Mo, Karanasan Mo

Establishing a purpose for the lesson
Panuto:
1. Ibigay ang sumusunod na tanong.
a. Nakaranas ka na bang magkasakit tulad lagnat, ubo, sipon o sakit ng tiyan?
b. Nakainom ka na ba ng gamot para sa mga katulad ng nabanggit na sakit? Naibsan ba ang iyong pakiramdam?
c. Naranasan mo na bang uminom ng gamot na nakalaan para sa ibang karamdaman? Ano ang nangyari?
2. Tumawag ng isa o dalawang boluntaryong mag-aaral upang ibahagi ang kanilang karanasan.
3. Maglaan ng 3-5 minuto sa gawaing ito.

Page 1 of 8
 Sabihin: Batay sa mga napakinggan nating pahayag ng inyong mga kamag-aral, napagtanto nating kapag tayo ay gumagamit ng tamang gamot
sa tamang karamdaman, kaakibat nito ang pagbuti ng ating pakiramdam. Sa kabilang banda, kapag ginamit natin ang isang gamot sa maling
karamdaman at maling paraan, magkakaroon ito ng hindi magandang epekto. Sa pagkakataong ito ay magbibigay ako ng isang pagsasanay
hinggil sa panibago nating paksa.

Pagsasanay 1
Presenting Examples/Instances of the new
lesson and Developing mastery
Panuto:
1. Pangkatin ang klase sa tatlo.
2. Hayaan ang bawat pangkat na pumili ng kanilang lider na siyang mangunguna sa gawain, tagapag-ulat na magpapaliwanag ng
awtput at kalihim na magtatala ng sagot ng bawat miyembro.
3. Ibigay ang mga gawaing nakatalaga sa bawat pangkat.
4. Tawagin ang tagapag-ulat ng bawat pangkat upang ilahad sa klase ang kanilang gawa.
5. Maglaan ng 10 minuto para sa gawaing ito.

Mga Gawain: Ibigay ang mga sumusunod na gawain at ilahad nang malinaw ang mga panuto sa bawat pagsasanay.

Unang Pangkat. Word List

1. Gumawa ng “word list” na nagpapakita ng epekto ng mapanganib na droga( dangerous drugs) sa aspetong sosyal.
2. Huwag limitahan ang sarili sa pagtatala ng mga salita.
3. Lahat ng kasapi ng pangkat ay magkakaroon ng kontribusiyon sa nasabing gawain.
4. Sa pamamagitan ng lider ay pagdedesisyonan kung ano ang mga salitang itatala at ilalahad sa klase.
5. Ipaliwanag nang maiksi ngunit tiyak ang bawat sagot.

Pangalawang Pangkat. Pagguhit

1. Gumuhit ng isang larawan ng taong gumagamit ng mapanganib na droga( dangerous drugs).
2. Tiyaking sa larawan ay makikita ang reaksiyon ng mukha na kung saan ay nasasalamin ang sikolohikal na epekto ng mapanganib na
droga . Gumamit ng “bubble thought” upang mas maipahayag ang ideya.
3. Ipaliwanag ang bawat epektong nasasalamin sa larawang iginuhit.

Ikatlong Pangkat. Dayagram

1. Mag-isip ng mga paraan upang mamuhay nang ligtas sa mapanganib na droga( dangerous drugs).
2. Talakayin ang mga ideyang naiambag ng bawat kasapi at gumawa ng pangkabuoang ideya.
3. Gamit ang dayagram, ilahad at ipaliwanag ang mga ideyang naitala.

Page 2 of 8
 Estruktura ng Dayagram

Gabay na mga Tanong:

1. Anong masasabi ninyo sa tatlong pangkatang gawain?

2. Ano ang mga kaisipang nais ipahiwatig ng pagsasanay?
3. Sa paanong paraan nakaaapekto ang ipinagbabawal na gamot partikular sa aspetong sosyal at sikolohikal?
Making Generalizations and Abstraction 4. May mga posibleng paraan ba upang mamuhay nang ligtas sa ipinagbabawal na gamot?
about the lesson
Sabihin: Hindi lingid sa ating kaalaman na masama ang dulot ng ipinagbabawal na gamot. Ngunit, masasabi nating maraming maaaring gawin
upang hindi tayo maging kabilang sa taong inyong iginuhit. Maaaring iba-iba ang paraan na puwede nating gamitin depende sa sariling konsepto
at paniniwala upang makaiwas sa ganitong kalagayan.

5. Batay sa iyong sariling pananaw at ideya, paano mamuhay nang ligtas sa ipinagbabawal na gamot?

Page 3 of 8
 Sabihin: Ating natukoy ang mga masasamang epekto ng mapanganib na droga ( dangerous drugs) sa sosyal at sikolohikal na aspeto. Nakita
n’yo rin ang magiging kahihinatnan ninyo sa pamamagitan ng pagsusuri sa larawang inyong ginuhit. Ngunit hindi natatapos ang lahat sa
ganoong sitwasyon. Narito ang mga epekto ng mapanganib na droga ( dangerous drugs) at mga hakbang sa pamumuhay nang matiwasay at
ligtas sa kapahamakan na dulot nito.

Talakayin ang mga sumusunod:

Sosyal at Sikolohikal na Epekto ng Mapanganib na Droga ( Dangerous Drugs)

1. Pagkakaroon ng “paranoia” at pagiging bayolente

2. Pagiging agresibo
3. Pagkakaroon ng halusinasyon
4. Humahantong sa adiksiyon
5. Pabigla-biglang reaksiyon o desisyon
6. Kawalan ng kontrol sa sarili
7. Depresiyon
8. Mabilis madistorbo
9. Nagiging interesado sa mapanganib at mabibigat na bagay
10. Pagiging iresponsable at kawalan ng konsentrasiyon

Mga Hakbang sa Pamumuhay na Ligtas sa Mapanganib na Droga

1. Linangin ang integridad at katapatan.

2. Maghanap ng mabisa at makatotohanang solusyon sa suliranin.
3. Magtrabaho upang maabot ang pangarap.
4. Iwasan ang mga sitwasyong makapapahamak o makapagtutulak sa paggamit ng mapanganib na droga ( dangerous drugs).
5. Hanapin at isapuso ang tunay na kaligayahan.

Teksto: Napariwarang Kaibigan

Additional Activities for Application or
Remediation
Ang aking kaibigan ay tutok sa aming pag-aaral. Matataas ang markang nakukuha at halos memoryado ang aming aralin. Lahat ng proyekto
at takdang-aralin ay naipapasa sa takdang oras. Mabilis at aktibo sa pagtatala sa kuwaderno ng mahahalagang impormasyong sinasabi ng guro.
Mabait at tahimik sa aming silid-aralan. Marami rin siyang kaibigan at nabibigyang payo sa tuwing may suliranin ang ibang kalapit na kaibigan.

Page 4 of 8
Masipag siya sa loob ng bahay at hindi na kailangang pagsabihan pa sa mga dapat gawin. Tinutulungan niya ang mga kapatid sa mga aralin at
parating pinapayuhang mag-aral nang mabuti. Tunay siyang huwarang kaibigan.
Ngunit lumipas ang panahon, tila yata nagbago ang lahat sa aking kaibigan. Nagsimula lamang iyon nang siya ay nalulong sa paggamit ng
ipinagbabawal na gamot. Naging mababa ang kaniyang marka at halos hindi makasagot sa aming pagsusulit. Madalas siyang lumiliban sa klase
at halos hindi na namin nakikita at nakakausap. Sa pagtitipon-tipon naming magkakaibigan, napansin naming siya ay wala sa sarili at madalas
patingin-tingin kahit saan. Hindi na siya nakasasakay sa aming mga biruan at kadalasang madaling magalit kapag tinutukso. Dagdag pa riyan,
nakalilimutan niya ang nakabinbin na trabaho sa kanilang bahay. Parating walang sinaing. Tuyo ang lalagyan ng tubig. Madalas niyang
pinapagalitan ang kaniyang kapatid sa tuwing humihingi ng tulong sa aralin, minumura at pinagsasabihan ng hindi maganda. Hinahampas ang
kapatid sa tuwing hindi agad nito nakukuha ang panutong kaniyang ibinigay. Sadyang iba na talaga ang aking kaibigan. Nais ko siyang tulungan
ngunit sa ngayon ay hindi ko pa alam kung papaano.

Pagsusuri ng Teksto

Panuto:
1. Pangkatin ang klase sa tatlo.
2. Hayaan ang kasapi ng bawat pangkat na pumili ng kanilang lider, tagapagtala, at taga-ulat.
3. Ibigay at ipabasa ang teksto.
4. Ibigay ang mga katanungan at gawaing magiging basehan ng bawat pangkat.
5. Tawagin ang tagapag-ulat ng bawat pangkat upang ilahad sa klase ang kanilang kasagutan.
6. Maglaan ng 15 minuto para sa pagsasanay na ito.

Unang Pangkat. Sagutin ang mga sumusunod na katanungan. Isulat ang kasagutan sa manila paper at ipaskil sa pisara.

1. Ano ang relasyon ng tagapagsalaysay sa pangunahing tauhan sa kuwento?

Posibleng Kasagutan: Ang pangunahing tauhan at tagapagsalaysay ay matalik na magkaibigan.

2. Paano isinalarawan ng tagapagsalaysay ang pangunahing tauhan?

Posibleng Kasagutan: Isinalarawan ng tagapagsalaysay ang pangunahing tauhan bilang isang matalino, mabait, masipag at huwarang
kaibigan.

3. Ano ang damdamin ng tagapagsalaysay?

Posibleng Kasagutan: Ang tagapagsalaysay ay nalulungkot para sa sinapit ng kaibigan. Ipinakita niya rin ang labis na pag-aalala sa
sitwasyon ng kaibigan

4. Ano ang naging isyu o suliranin sa tekstong ito?

Page 5 of 8
 Posibleng Kasagutan: Ang pangunahing isyu o suliranin sa teksto ay ang masamang naidudulot ng mapanganib na droga( dangerous
drugs) sa tao. Naaapektuhan nito ang kilos, pakikitungo, at kinaugalian ng isang indibiduwal.

5. Ano ang naging hamon sa tagapagsalaysay ng kalagayang nailahad?

Posibleng kasagutan: Ang naging hamon sa tagapagsalaysay ay kung paano niya matutulungan ang kaibigan nang sa gayon ay maiwasan
nito ang mapanganib na droga ( dangerous drugs) at mamuhay nang matiwasay.

Pangalawang Pangkat. Batay sa tekstong ibinigay, tukuyin ang mga epekto ng mapanganib na droga ( dangerous drugs) sa sosyal at sikolohikal
na aspeto. Ipaliwanag ang naging kasagutan sa harap ng klase. Patunayan ito sa pamamagitan ng pagtukoy sa bahagi ng sitwasyong malinaw
na nagsasaad nito. Gamitin ang ibinigay na pormat. Isulat ang mga kasagutan sa manila paper at ipaskil sa pisara. Ipaliwanag sa klase.

Epektong Sosyal Epektong Sikolohikal Patunay

Ikatlong Pangkat: Bilang kaibigan, bumuo ng isang payo na nagpapakita ng hakbang sa pamumuhay nang ligtas sa mapanganib na droga (
dangerous drugs). Ipakita ito sa pamamagitan ng timeline. Mag-isip ng sariling disenyo ng timeline upang mailahad ang ideya. Isulat sa manila
paper ang awtput at ipaskil sa pisara. Ipaliwanag ito sa klase.

IV. AGREEMENT
V. REMARKS
VI. REFLECTION

A. No.of learners who earned 80% in the evaluation.

B. No.of learners who require additional activities for remediation who

scored below 80%.
C. Did the remedial lessons work? No.of learners who have caught up
with the lesson.

D. No.of learners who continue to require remediation

E. Which of my teaching strategiesworked well?Why did these work?

F. What difficulties did I encounter which my principal or supervisor can

help me solve?

Page 6 of 8
 G. What innovation or localized materials did I use/discover which I wish to
share with other teachers?

Prepared by: Edited by:

DIANA B. MONTEFALCON MICHELLE C. MEJIA PAUL ALVIN D. FACELO SCHUBERT ANTHONY C. SIALONGO
Malungon national High School Cainta Senior High School Baler Stand Alone SHS EPS, SDO - Antique
Region XII Region IV-A Region III

JEFFRIE F. DITABLAN
Cainta Senior High School
Region IV-A

Supervised:

ERNANI OFRENEO JAIME

Supervising Education Program Specialist
BLD-TLD, DepEd Central Office

Page 7 of 8
Page 8 of 8