"Ang Pagkamaayo sa Tawo ug Ang

Pagkamahigugmaon sa Dios."
Angie S. Legaje
UU Kalumboyan
SOUTHERN DISTRICT

Maayong adlaw sa tanàn! Sa mga local pastors,

congregation officers, mga youth members, mga
bata, ug ingon usab mga visitors.
Mapasalamaton ko nga gihatagan kami ug
higayon aron makapaambit ug mensahe uban
kaninyo kàron.
Nagpasalamat usab kaayo ko ug dako sa
initiative sa atong UUCP administration nga
nagapadayon sa pagpahigayon niining UU
Ministerial Formation Training, a two year course
requirement for minister. Ilabi na sa mga officer in-
charged, nga mao gyud ang naga asikaso para sa
mga needs namong mga students. And usa ko sa
nahatagan ug chance nga makaapil sà maong
training. That is why naa ko dinhi kàron to give this
message , as part of the requirement in our History
subject.
Sa wala pa diay maka ila nako ako si Angie
Legaje from UUKalumboyan. I was elected as elder,
last October 2018. And serve as local church
administrator until now. And this is one of the
reason nga ni apil ko niining training tungod kay
gusto ko madugangan ang akong kahibalo sa
pagdumala, as officer of the church, ug gusto ko
madugangan pod ang akong kahibalo kabahin sa
atong pagtulon-ang Unitarian Universalist.
Ang akong mensahe, ako kining gi-ulohan "Ang
PAGKAMAAYO SA TAWO UG ANG
PAGKAMAHIGUGMAON SA DIOS". Basi sa history
nga na- acquire nako, mao pod ni ang topic nga
ma-share nako diha ninyo. "Ang Pagkamaayo sa
tawo ug ang PAGKAMAHIGUGMAON sa Dios". Kon
atong paminawon daw medyo daku daku nga topic.
Apan manghinaut ko nga makahatag ko ug gamay
nga pagpasabot kabahin niini. Sumala sa atong
pagbasa sa Kasulatan in Genesis Chapter 1:27-
31...diha nagsaysay kon giunsa pagbuhat sa Dios
ang creation o kalikupan. Ug nag hulagway sa duol
nga relasyon o kalambigitan sa Dios ug sa Tawo.
Mao ni ang una nga punto, nga kita nga mga tawo
adunay tiunay'ng bili ug pagkamaayo kay binuhat
man ta sa Dios, ug apil ta sa pagbuhat sa kalikupan
o creation.
Ikaduha, in Gen. 1:27;31 we are created in the
likeness of God and he declares nga maayo ang
iyang gipangbuhat. Ug kini nga mga panaysayon sa
biblia gi-suportahan kini sa Teologiya ni William
Ellery Channing nga usa kà theologian, ug pinaka
unang magwawali nga Unitarian sa America
niadtong ika 19 pa ka siglo, ....daw dugay na kaayo
nga history pero mas nihaum sa atong pagtulon-an
ang iyang mga panghunahuna ug Teolohiya.
Tungod sa iyang mensahe nga matod pa niya: "Our
Likeness to God"..., "Ang Pagkapareha nato sa
Dios" . Ang ideya mao nga kita "Kay binuhat man
nga susamà ang hulagway sa Dios, may katakus
usab Kita nga puloparehas sa Dios." Meaning, dili
ingon nga magpakadios tà, kondili susama nga
kamaayo sa Dios. So, daw lisod ba buhaton? Daw
lisod no? Ug daw lisod pod sabton Kay sa atong
hunahuna naa tay pagtuo nga layo kaayo ang Dios.
Di ba? ...sà atong traditionàl nga pagtoo?..
giaanad ta sa pagtoo nga ang Dios
kahadlokan...gamhanan ug mosilot sà tawo nga
makasasala pinaagi sa pagtambog ngadto sà
impierno...ug tungod sa pagpakasala ni Adan ug
Eva, kita usab makasasala na. Wala pa ta
gipanganak may sala na tang daan. Ug Mao kini
nga pagtoo ang nakapababa sa atong dignidad as
human o tawo. Kay niini nga pagtoo sa sinugdan
pa, giila na nato daan nga makasasala ang Tawo!
so naghatag kini ug negatibo nga resulta sa atong
mga kinabuhi. Usahay kon masayop ta o makasala
ta moingon ta dayon..unsaon man kay tawo lang
man ta...makasasala...so ni gawas na ang epekto
sa negatibo nga pagtoo sa pag ila sa dignidad sa
tawo, nawala na ang bili ug pagkahalangdon niini.
Ug nawala na ang value sa pagkamaayo sa tawo.
Imbes maayo nga kinaiya, nahimong makasasala
tungod sa makaingon ko sayop nga pagtoo nga
maoy gipatuohan kanato, ug sa atong mga
katigulangan. Ug gipaundayunan ra pud nato.
Apan ang atong mga katigulangan dili pod nato
tawon mabasul kày biktima pod sila nianang sayop
nga pagpatuo kanila. Ug salamat nga nahimo tang
miembro niining UUCP nga simbahan, nga
naghatag ug bili ug kahalangdon sa matag usa ka
tawo. Ug tungod usab nga naa kita niining
prinsipyo nga "gawasnon ug responsableng
pagpangita sa kamatuoran ug kahulugan sa maong
kamatuoran". Mao nga ato kining nasayran. Nga
kita nga mga tawo bisan sa atong
pagkamasinalaypon naay parte sa atong
pagkatawo ang tiunay nga PAGKAMAAYO. Ug
hinaut nga kini nga pagtuo maghatag ug kadasig sa
uban nga daw nawad-an na sa paglaum tungod sa
pagpakasala. Seguro wad-on na nato nang
panghunahuna nga "..ah! wa na tay mahimo ani
kay gipanganak ta nga pobre". Epekto na sa
negatibo nga pagtuo nga maoy unang nasilsil sa
atong hunahuna which is the original sin. Instead
ato ning e- divert into positive, to think nga puno
sa panalangin ang kalibutan sa pagbuhat niini sa
atong mahigugmaon nga Dios!..so dili ba buhong
ta sa panalangin?. Sa mga blessings nga gihimo ta
nga tinugyanan sa Dios..?so mao na sya. Kaya lang,
ang big question...Kon giunsa nato pagdumala ang
gitugyan kanàto nga kabtangan?
Si Rev.Toribio S. Quimada ang atong founder
niining UU nga pagtulon-an dinhi sa Pilipinas, base
on our UUCP history. Nga gikan sa iyang pagka
miembro sa Iglesia Universal de Kristo,
nanlimbasug siya nga maka-connect sa
Universalism faith. A faith that has a Universal
beliefs, malangkubon nga pagtuo. Mao ning
pagtoo sa pagkamahigugmaon sa Dios, ug
naghatag paglaum sa tanang tawo tungod nianang
Universal Salvation So, pinasahe nga pagtoo. Ug
mao pod ni nga pagtoo ang ginatamasa nato
karon I mean gina-enjoy nato karon. Tungod sa
mga supports nga atong nadawat, sama niining
scholarship, cash grant for church construction, ug
uban pa, daghan pang nagkalainlain nga mga
suporta dili lang financial. Manghinaut ko nga naka
feel ta niana, nga kana nga mga butang gikan sa
nag-awas nga mga panalangin sa atong
mahigugmaon nga Dios. Kay ingon niana ang atong
pag-ila ug pagtuo sa Dios, bisan sa iyang pagsugod
sa creation ingon gyud ana ka galanti ang atong
Dios nga gugma. Gipuno una niya ang kalibutan sa
tanang butang; lupa nga puno sa pananum ug mga
kahayupan, dagat nga napuno sa mga isda ug uban
pang lamang dagat para pagkaon sa tawo, naay
adlaw ug gabii para sa pagtrahaho ug pagpahuway
una gihimo ang tawo aron tugyanan niining tanan.
Perfect creation! Ang mga panalangin sà Dios anaa
nang daan ug tungod ana buhong unta ang atong
kahimtang sa pagkinabuhi.! Apan Wala mahitabo ,
Kày ang atong gusto usahay nga magpatawhay
lang ta. Ganahan ta ug mga instant blessings. So
niini nga bahin since nagtuo man ta nga kita may
katakus nianang puloparehas sa Dios. Kay gihimo
man ta sumala sa iyang dagway. Siguro pwede
gyud ta maningkamot nga dili na ta mahimong
hataganan ra sige. Kondili makakat on ta sa
paghatag. Kay mao na ang usa sa mga kinaiya sa
Dios nga gugma.
Ug mao usab kini nga mga kinaiya ang gihimong
basehan sa mga Unitarians ug mga Universalists sa
America aron mahimo silang usa ka grupo nga mao
kining UUA Unitarian Universalist Association
niadtong 1793 nga nahimo usab tang miembro
niadtong June 19,1985 as UUCP. Ang pagtoo nga;
alang sa mga Unitarians: " Ang tawo maayo ra
kaayo ug dili siya angay nga silotan sa Dios," ug
Ang pagtoo sa mga Universalists: "nga ang Dios
mahigugmaon ug maayo ra kaayo ug nga dili
makahimo sa pagsilot sa tawo pinaagi sa
pagtambog niini ngadto sa impierno". Kining duha
ka grupo pareho ang mga panghunahuna sa
pagtoo sa pagkamaayo sa Tawo ug sa
PAGKAMAHIGUGMAON sa Dios. Mao nga
nagkauyon sila nga mahimong usa ka grupo kay
tungod nga pareho ang ilang ingnon ta mga
tumong ug katuyuan. So, kay kita nakighiusa man
niining maong tumong sà UU nga pagtoo. Kay
member na man ta ani as UUCP. Kinahanglàn
maningkamot usab ta nga makakat-on sa kinàiya
bilang usa ka UU. Unsaon man? Usa niana ang
pagkat-on sa atong history, o sa atong kasaysayan,
ilabi na ang kasaysayan sa atong pagtulon-ang UU
dili lang dinhi sa Pilipinas kondili lakip na sa ubang
nasud hain kini nagsukad. Ug dili lang nato
limitahan ang atong pagtuon. Kanang "self study"
useful kaayo na basta sa responsible nga pamaagi,
matod pa sa atong ika-5 nga prinsipyo. "Free and
responsible search for truth and meaning". Kung
maglibog ug naay dili masabtan duolon nato ang
atong mga local pastors o mga local Theologian
kay kini sila mas layo layo na ni ug naabot sa ilang
pagtuon. Sama sa gibuhat ni Rev. Toribio Quimada,
naningkamot nga makita niya ang Universalism
faith.
Lastly, manghinaut ko nga aduna tay na kat-
unan bisan gàmay lang sa atong paghisgot niining
gamayng history background sa Unitarian
Universalist nga pagtuo: nga mao kining pagtoo sa
"Pagkamaayo sa tawo ug sa
PAGKAMAHIGUGMAON sa Dios". Hinaut nga dili
na kita atong pagtoo nga ang Tawo makasasala! Ug
ang Dios muhukom pinaagi sa silot! Instead
PAGKAMAAYO NA SA TAWO UG
PAGKAMAHIGUGMAON NA SA DIOS maoy atong
ibutang sa atong mga hunahuna ug kasingkasing.
To be a Unitariàn Universalist member is openning
our heart and mind. Let's spread love! And e- share
nato ang kaanindot sa pagtulon-ang Unitarian
Universalism.
 Remember! Man is good, and God is Love!
God loves us all! We will love one another, and we
will all be saved. And these are the words we must
to proclaim! Amen!