1

CELEBRATION : 2019 NUTRITION MONTH

THEME : “KUMAIN NANG WASTO AT MAGING AKTIBO… PUSH NATIN ‘TO!”
EVENT : POEM INTERPRETATIVE READING (PASUNDAYAG SA HILIGAYNON
PANGNUTRISYON) GRADES 1 - 3
SCHOOL : ERAMS-WEST

MAKATALANGHAGA NGA KASEROLA NI NANAY

Indi ninyo akon pagkadlawan

Kun kamo ang sugiran –

Makatalanghaga ang Kaserola ni Nanay,

Nagapungko sa dapog, nagapangilay.

II

“Ano?” tiyabaw ni Bentot nga daw kuritot.

Daw indi magdako, permanente nga putot.

“Tikal!” singhal ni Boyet nga daw pahabok.

Sa indi magdugay siya malupok!

III

“Indi sila magpati nga ako makatalanghaga?

Ang langka kag kadyos nga sa akon ginalaga,

Kag ang utan nga sa sulod nakon nagasaot,

Magahatag kalipay, indi magsalimuot.”

 2

IV

Panalambiton sang makatalanghaga nga Kaserola,

Ang ginalutuan ni Nanay sang pagkaon puno nutrina.

Maayong nutrisyon nagakalipay nga matagaan

Sang masanag nga buasdamlag mga kabataan.

Gintawag sang makatalanghaga nga Kaserola

Sila ni Bentot kag Boyet nga nagatamod sa Kutsara.

“Ano sina ang iya ginasandok?

Sa malnutrisyon indi kamo magmusdok?”

VI

Ang Kutsara nagsugpon, nagapaninghawak –

“Ay! Para inyo palaabuton indi mawasak,

Indi lang magkaon sang ginaluto kay Misis Kaserola,

Kamo mag ehersisyo man dira sa plasa.”

VII

Daw malalis pa ang Kuritot kag ang Pahabok,

Ang higante nga Kalaha nagngurob nga daw malupok –

“Lupad kamo, inyo mga damgo lab-uton,

Sa ibabaw sang panganod mga bitu-on kuwa-on. “

 3

VIII

“Kag paano?” Nangyam-id ang puti nga Kuring.

Ang dalunggan sang Kalaha daw matagring.

Nagpaathag ang Sapatos nga nakabugtaw,

“Mag-ehersisyo, mag-jogging, maghataw!”

IX

Kag akon gin-atubang ang puti nga Kuring.

“Ngiyaw! Ngiyaw!” dayon niya bagting!

Pamati sa akon, “Indi lang isda, indi lang magtulog,

Para sa bubon sang masakit indi mahulog.”

“Amo ina ang dapat himuon sang tanan,

Amo ina ang kinahanglan sang kabataan.”

Ang laygay sang makatalanghaga nga kaserola,

Ang reyna sang nutrisyon sa bug-os nga dakbanwa.