Dec. 10 – Mt.

18: 12-14
Pagmamasid
Sa ating mga pamilya, mayroon tayong mga anak o kapatid na tinatawag na “black sheep.” Sila
yung mga taong suwail, wala nang ginawang tama sa buhay, at sila din ang pinapabayaan ng
pamilya
Paghahawi
Sa ebanghelyo, kay gandang isipin na hinihanap ang naliligaw na tupa. Kahit ang Diyos Ama,
ayaw niya “mawala isa man sa maliliit.” Na kahit ano mangyari, gagawin ng Diyos ang lahat
upang maibalik ang naliligaw, nawawala o suwail.
Pagtatabas
Kailangan natin matutunan ang kahalagahan ng isang pamilya. Ang pamilya, ayon kay Stitch,
ang lugar kung saan walang naiiwan, iniiwan, at iiwanan. Bukod sa mga kadugo, marami pa
tayong mga pamilya na ating kinakalakihan, tulad ng mga kaklase sa eskwelahan, mga kasama sa
simbahan, trabaho, atbp.
Pagsasaayos
Tandaan natin, may mga problema ang lahat ng tao. At kung hindi natin sila bibigyan ng
pagkakataon para ipahayag ang kanilang mga saloobin, hindi natin sila maiintindihan o
mauunawaan, at mananatili ang ating pagtingin sa kanila bilang isang “black sheep.” Hindi
lalago ang ating pakikipagugnayan sa kanila bilang isang pamilya. I-abot natin ang ating mga
kamay sa kanila, at ipakita natin sa kanila, na hindi sila nag-iisa at lagi silang may masasadalan
anuman ang mangyari
Pagdiriwang
Panginoon, biyayaan mo po kami na maging isang tunay na kapamilya para sa iba. Amen.

Dec. 11 – Mt. 11: 28-30

Pagmamasid
Mayroon po ba kayong kilala na galit sa mundo o akala mo pasan-pasan ang problema ng buong
daigdig? Di ba, ang sagwa, di sila ngumingiti, di mo makausap, at lahat ng sabihin nya, panay
pamumuna sa kapaligiran.
Paghahawi
Sa ebanghelyo, pinakita ni Hesus ang isang mabuting ehemplo, kung saan, kahit nahihirapan na
sya, kahit alam nyo na may nagaabang na panganib para sa kanya, kahit alam nya may kapalit
ang gagawin nyang kabutihan para sa atin, nanaig pa din ang pagpapakumbaba at pagmamahal
nya para sa tao
Pagtatabas
Higit sa mga problema bitbit natin sa ating buhay o sitwasyon kung nasaan tayo, huwag natin
kakalimutan ang mga ginawa ni Hesus para sa atin, ang pagpapakumbaba at pagmamahal. Hindi
nya ipinamukha sa atin kung gaano tayo kapalad sa kanya ginawa para sa atin, bagkus kusa nya
itong ibinigay para sa iba.
Pagsasaayos
Sa ating buhay, huwag natin masyadong dibdibin ang mga pagsubok at hamon na ibiibigay sa
atin. Inaanyayahan tayo ng ebanghelyo na hanapin ang mga magagandang bagay sa paligid natin.
Pagdiriwang
Maghanap ng mga pagagandang bagay sa paligid mo ngayon at magpasalamat sa Diyos
Dec. 13 – Mt. 11: 16-19
Pagmamasid
Mahilig ang mga pinoy sa mga salo-salo. Madalas, kung magsama-sama ang mga ito, laging may
lamesa na kabilang, kung hindi pagkain, mayroon naman alak na kasama. Sa lamesa umiikot ang
ating buhay, ditto nagkakatipon-tipon ang lahat.
Paghahawi
Sa ating kwento, natunghayan natin ang dalawang ugali na parehas piangdudahan ng tao. Una,
ang di pagkain at pag inom, tinawag nilang demonyo. Salamantalang, ang anak Diyos, na
kumain at uminom kasama natin, tinawag naman nilang matakaw at manginginom. Marahil,
hindi sa pag-inom at pag-kain natin nasusukat ang ating mga ginagawa, bagkus sa mga
mabubuting bagay na ibinibigay natin. Pagsasama-sama ang mensahe ng kwento, pagkakaibigan
at pagkakaisa.
Pagtatabas
Huwag natin tignan ang mga kasiyahan o salo-salo, sa pagkain at inumin na ating pagsasaluhan.
Tignan natin ito, bilang isang pamamaraan para magkasama-sama ang mga tao,
magkakwentuhan, at makilala ang isa’t isa
Pagsasaayos
Magandang hindi natin pansinin ang mga ibinibigay natin, huwag natin sukatin. Tulad ng sa
hapagkainan, hindi natin nililimitahan ang pwede kainin at kung sino lang ang pwede kumain,
bagkus, para sa lahat ang lahat ng pagkain.
Pagdiriwang
Panginoon, nawa’y makita namin ang kagandahan dulot ng lamesa, hindi lang upang palakasin
ang aming pangangatawan, ngunit pati na an gaming pagsasamahan. Amen.

Dec. 14 – Mt. 17: 9a, 10-13

Pagmamasid
Sa ating paglalakad sa tabi, sa simabahan, sa palengke, o papasok ng eskwelahan, lagi tayong
may makikita na taong nangangailangan, matandang tatawid ng kalsada, taong nahihirapan sa
kanilang bitbit, o yung mga taong walang makain
Paghahawi
Sa kwento, natunghayan natin kung paaano di napansin o pinansin ng mga tao si Elias at si
Hesus. Hindi lang di pinansin, pinahirapan pa nila.
Pagtatabas
Kaya naman, ang hamon ng ebanghelyo, paano ba natin mapapansin si Hesus sa ating buhay?
Magandang balikan natin, na tayo, bilang tao, ay ginawa ng Diyos ayon sa kanyang larawan.
Ibig-sabihin, nasa atin ang Diyos, gayun din naman sa ating kapwa. Mayroong mumuniting
Kristo sa bawat isa. Respeto, isang malaking regalo na pwede natin ibigay sa iba, ngunit
nakakaligtaan natin gawin.
Pagsasaayos
Huwag natin balewalain ang presensya ng iba sa ating buhay. Sa simpleng pag-ngiti,
pangungumsta sa kanila, pagtapik sa kanilang mga balikat, sa palagay ko, malaking bagay na
yun para sa isa. Hindi natin alam kung ano ang epekto ng mga ginagaawa natin para sa iba.
Pagdiriwang
Sa mga mumunitng ginagawa natin, andoon ang Diyos.
Dec. 16 – Mt. 21: 23-27
Pagmamasid
Sa mga organisasyon na kinabibilangan natin, madalas tayo makakita ng mga taong nagtatanong
sa pamamalakad ng pinuno o ng lupon na nagsasaayos ng grupo. Kadalasan, kung sino pa mga
makukulit, bihira magpakita sa mga pagpupulong, yung mga pasaway, sila pa yung mga
nagtatanong
Paghahawi
Sa kwento, natunghayan natin kung paano tinanong si Hesus. At agad namang sinagot ni Hesus,
kung saan wala man lang ni isa ang nakasagot sa tanong kung saan nagmumula ang
kapangyarihan ni Juan magbinyag. May mga naisip sila, ngunit alam nilang di sapat ang sagot
nila sa tanong ni Hesus
Pagtatabas
Sa ating buhay, may mga bagay kung saan mas nakikita natin kung ano ang ginagawa ng iba
kaysa sa mga kailangan natin gawin. Nakakalimutan natin ang gampanin natin kung saan tayo
tinawag ng Diyos. Madalas pa, nawawalan tayo ng focus sa ating mga ginagawa.
Pagsasaayos
Gawin natin an gating mga gampanin ng buong puso. Huwag natin masyadong pag-aksayahan
ng panahon ang mga bagay na magpapababa ng ating loob para tugunan ang ating mga
responsibilidad na ibingay sa atin ng Diyos. Imbis na mamuna ng iba, gawing isang mabuting
ehemplo para sa iba
Pagdiriwang
Ngayon araw, i-alay natin ang ating mga gagawin sa Diyos.