Professional Documents
Culture Documents
Xorijiy Tillarni Oqitishda Axborot Kommunikatsion Texnologiyalari Yordamida Oliy Talim Talabalari Tinglab Tushunish Malakalarini Rivojlantirish
Xorijiy Tillarni Oqitishda Axborot Kommunikatsion Texnologiyalari Yordamida Oliy Talim Talabalari Tinglab Tushunish Malakalarini Rivojlantirish
TA'LIM VAZIRLIGI
Qo‘lyozma huquqida
UDK
Toshkent – 2016
KIRISH
Mavzuning dolzarbligi. Bugungi kunda yoshlarni yuksak ma'naviyatli,
ijtimoiy-siyosiy hayotda doimo o‘z mustaqil fikriga ega, kasb-hunar mahoratini
egallagan shaxs sifatida shakllantirish eng dolzarb, yurtimizning bugungi va ertangi
hayotini belgilab beruvchi muhim masala hisoblanadi. Shaxsni shakllantirish keng
qamrovli tushuncha hisoblanib, unda bevosita ta'lim va tarbiya masalalari ham o‘rin
olgan.
Respublikamizda yetuk malakali mutaxassislar tayyorlashga yo‘naltirilgan
ta'lim tizimi ana shunday barkamol shaxsni tarbiyalashni o‘z oldiga maqsad qilib
qo‘ygan “Kadrlar tayyorlash milliy dasturi”, “Ta'lim to‘g‘risida”gi qonun ta'limda
olib borilayotgan ishlarning bosh mezoni hisoblanadi. Bu mezon asosida
takomillashtirilgan, zamon talablariga javob bera oladigan dasturlar, o‘quv
darsliklari yaratilmoqda. Ta'lim muassasalari, xususan, maktablar qayta
rekonstruksiya qilinib, zamonaviy andozalar darajasiga tenglashtirilmoqda. Ana shu
asosda ta'lim jarayoni ham bevosita shakllantirilib uning samaradorligini oshirishga
ahamiyat berilmoqda.
Ta’lim tizimini zamon talablariga javob bеradigan darajaga kеltirishni hamda
ilm-fan, maorif borasida tub burilishlar yasashni o‘z oldimizga vazifa qilib
qo‘yganmiz. Shu vazifalarni amalga oshirishdagi ishlarda chеt tili o‘qitishning
yangicha yo‘l-usullarini ishlab chiqishni ham taqozo etadi. Nеgaki, butun jahon
sivilizatsiyasi bilan tanishish, ular bilan hamkor hamnafas bo‘lish uchun eng asosiy
aloqa vositasi — chеt tillarini mukammal o‘rganishimiz talab etiladi.
O’zbekiston Respublikasi mustaqillikka erishganidan so’ng xorijiy tillarni,
xususan, ingliz tilini o’qitish va o’rganish ijtimoiy ehtiyojga aylandi va davlat
siyosati darajasiga ko’tarildi. Fan va texnika jadal sur'atlar bilan rivojlanayotgan,
axborot oqimlari kengayib borayotgan bu davrda chet tillarini o’qitish tizimini qayta
ko‘rib chiqish va uni takomillashtirishga ehtiyoj tug‘ildi. Chet tillarini mukammal
egallash va axborot kommunikatsiya vositalaridan keng foydalanish bugungi
kunning eng dolzarb vazifalaridan biriga aylandi.
Bu borada Prezidentimiz I.A.Karimovning quyidagi fikrlari nihoyatda
o’rinlidir: “Hozirgi paytda xorijiy tillarni o’rganish va o’rgatishga yurtimizda katta
ahamiyat berilmoqda. Bu ham, albatta, bejiz emas. Bugun jahon hamjamiyatidan
o’ziga munosib o’rin egallashga intilayotgan mamlakatimiz uchun, chet ellik
sheriklarimiz bilan hamjihatlikda, hamkorlikda o’z buyuk kelajagini qurayotgan
xalqimizga xorijiy tillarni mukammal bilishning ahamiyatini baholashning hojati
yo’qdir” [Karimov, 2002].
O‘zbekiston Respublikasi Prezidentining “O‘zbekiston Respublikasining
jamoat ta'lim axborot tarmog‘ini tashkil etish to‘g‘risida” 2005-yil 28-sentyabrdagi
PQ-191-sonli Qarori, O‘zbekiston Respublikasi Vazirlar Mahkamasining 2002-yil
6-iyundagi “Kompyuterlashtirishni yanada rivojlantirish va axborot-
kommunikatsiya texnologiyalarini joriy etish chora-tadbirlari to‘g‘risida”gi 200-
sonli, 2006-yil 16 fevraldagi “Pedagog kadrlarni qayta tayyorlash va ularning
malakasini oshirish tizimini yanada takomillashtirish to‘g‘risida”gi 25-sonli
qarorlarning qabul qilinishi, 2012-yil 23-24-aprel kunlari Xalq ta’limi vazirligining
ta’lim-tarbiya jarayoniga axborot-kommunikatsiya texnologiyalarini joriy etish
bo’limi tomonidan o’tqazilgan trening mashg’ulotlari ta'lim jarayoniga zamonaviy
axborot texnologiyalarini joriy etishga davlat siyosatining ustuvor yo‘nalishi sifatida
e'tibor qaratilayotganidan dalolatdir.
Axborot kommunikatsiya vositalaridan hamda umumjahon axborot tizimidan
keng miqyosda foydalanish o’z-o’zidan chet tillarini yaxshi bilishni taqozo etadi.
Shu bois prezidentimizning 2010-yil 12-dekabrda qabul qilingan qarori
mamlakatimizda chet tillarini o’qitish tizimini tubdan isloh qilishga olib keldi.
Hozirgi kunda davr taqazosi, mamlakatimizning tez suratlar bilan rivojlanayotgani,
chet mamlakatlar bilan hamkorlik aloqalarining kuchayishi chet tillarini va AKT
vositalarini mukammal o’rganishni davlat ahamiyati darajasidagi masalalaridan
biriga aylantirdi. Chunki mustaqil respublikamizning jahon maydonida obrosi oshib,
tashqi aloqalar, madaniy va iqtisodiy munosabatlar rivojlanib borayotgan bir davrda
xorijiy tillarni o’rganish bu tillarda og’zaki va yozma muloqotni amalga oshirish
hamda erkin fikr almashish kompetensiyalarini shakllantirish va rivojlantirishga
yordam beradi [Hakimova, 2016].
Ma'lumki, oliy ta’lim muassasalarida ingliz tilini o’qitish o’ziga xos
xususiyatga ega bo’lib, maxsus o’quv dasturi va o’qitish metodikasini qo’llashni
taqazo etadi. Mavjud tizim shuni ko’rsatadiki, bugungi kunda ingliz tilini o’qitishda
nutq faoliyaitining har to’rtala turini ya’ni o’qish, yozish, gapirish va tinglashni
o’rgatish muhim ahamiyat kasb etadi. Ingliz tilida nutq faoliyati turlarini xususan
tinglab tushunishni o’rgatish samarasi bir qancha omillarga: darslarni to‘g‘ri tashkil
eta olish, dars jarayonida axborot-kommunikatsiya texnologiyalaridan to‘g‘ri va
unumli foydalana olish hamda talabalarga jonli muloqot muhitini yaratib berishga
bog’liq. Mazkur masalalarni hal etish uchun umumiy o’rta ta’lim tizimi va mazmuni
yangilandi, ya’ni I-IX sinflarda o’qitiladigan fanlar bo’yicha uzviylashtirilgan
Davlat ta’lim standarti (DTS), o’quv dasturlari ishlab chiqildi va amaliyotga joriy
etildi. Ta’lim – tarbiya jarayonida ilg’or pedagogik va axborot texnologiyalaridan
foydalanish samaradorligini oshirish maqsadida zamonaviy o’quv uslubiy
majmualar yaratildi [Hodjayev, 2016]. Biroq bu borada hali ko‘pgina muammolar
o‘z yechimini topmagan. Bunday muammolar sirasiga mashg’ulotlarda axborot-
kommunikatsiya vositalarini qo‘llash yuzasidan ko‘pgina o‘qituvchilarda hali ham
ko‘nikmalarning shakllanmaganligida, ba'zi holatlarda esa, to‘g‘ri foydalana
olmaganligida, talabalarning ana shunday darslarga yetarlicha tayyor emasligi,
bunday mashg’ulotlarni bir qator muammolarning yechimi (o‘quvchilarni ijodiy
fikrlash, mustaqil fikrlashi, ularning faolligini oshirish masalalari) sifatida ko‘ra
olmasliklarini kiritib o‘tishimiz mumkin.
Ana shu masalalar bilan yaqindan tanishish va ularning yechimlarini izlab
topishga qaratilgan ushbu magistrlik dissertasiyamizni “Xorijiy tillarni o’qitishda
axborot kommunikatsion texnologiyalari yordamida oliy ta’lim talabalari tinglab
tushunish malakalarini rivojlantirish” deb nomladik.
Muhokama qilinayotgan mavzuning dolzarbligi, bir tomondan uning ijtimoiy
ahamiyati bilan belgilansa, ikkinchi tomondan, mazkur muammo bo’yicha
hozirgacha nufuzli ilmiy-pedagogik tadqiqotlar olib borilmaganligidadir. Bundan
tashqari, hozirgacha talabalarning ingliz tilida tinglab tushunish kompetensiyalarini
SEFR darajasiga olib chiqish alohida tadqiq etilmaganligi yechimning kechiktirib
bo’lmas muammo ekanligini ko’rsatadi.
Mavzu bo’yicha adabiyotlar tahlili Inliz tilida tinglab tushunishni o’rgatish
muammolari xorijiy mamlakatlar olimlari (E. Peterson, S. D.Krashen, D. G.Oblinger
& J. L. Oblinger, P.Sharma, B. Barrett, P.Y. Madadov, I.A. Zimnyaya va boshqalar),
O’zbekistonda I. Yoqubov, J. Jalolov, O’. Xoshimov, G. T. Mahkamova, T. Q.
Sattarov kabi metodist-olimlar tomonidan nutq faoliyatining bir turi sifatida tadqiq
qilingan, o’qitishning o’ziga xos xususiyatlari o’rganib chiqilgan.
Yoqubov va Jalolov chet tili o’qitish metodikasiga oid kitoblarida ushbu
muammoni nazariy jihatdan keng yoritib bergan, tinglab tushunishga nutq
faoliyatining muhim turi sifatida qarab, uning xususiyatlari, o’qitishdagi
qiyinchiliklar, mehanizimlari haqida keng ma’lumot berishgan. Shuningdek, tinglab
tushunishni o’rgatishga doir mashqlar tizimini ham ishlab chiqqanlar. Biroq ushbu
tizimda zamonaviy AKT vositalaridan foydalanish imkoniyatlari xususida to’xtalib
o’tilmagan.
Chet til o’qitish metodikasida og’zaki nutqni, ya’ni gapirish va tinglab tushunish
faoliyatini o’rgatishga doir bir talay ilmiy-tadqiqot ishlari olib borilgan. Jumladan,
I.A. Zimnyaya, A.P. Lebedova, L.M. Sizova, E.I. Passov, V.I. Andriyanova, N.I.
Jinkin, A.A. Leontev, T.V. Ryabova, A.A. Alxazishvili, S.A. Butyugina, B.Ya.
Lebedinskaya, O.I. Moskalskaya, G.M. Uayzer, A.D. Klimentenko, Z.M. Tsvetkova
va hokazolarning ishlarini bunga misol qilib keltirib o’tish mumkin. Ushbu tadqiqot
ishlarida turli o’quv yurtlarida ingliz tilida og’zaki nutq (gapirish va tinglab
tushunish)ga qo’yiladigan dasturiy talablar, uning tilshunoslik (lingvistik) va
ruhshunoslik (psixologik) asoslari, dialog va monologni o’rgatish, nutqiy faoliyatni
reproduktiv hamda retseptiv egallashga doir masalalar tadqiq etilgan. Shuningdek,
og’zaki nutqni o’rganishdan ko’zda tutilgan maqsad, hamda og’zaki nutq malakalarini
shakllantirish uchun vazifalar belgilab berilgan, ingliz tili o’qitishning turli bosqich
va tashkiliy qismlarida tavsiya etilgan.
Ushbu tadqiqotlar hozirgi kunda ham o’z ilmiy qimmatini yo’qotganicha yo’q.
Biroq bugungi kunning talabi mazkur faoliyat turini nutq faoliyatining asosiy
komponenti sifatida o’rganish, til o’rganuvchilarda tinglab tushunish
kompetensiyasini shakllantirish orqali ingliz tilini o’rgatishga doir masalalarni
zamonaviy metodika talablari nuqtai nazardan ko’rib chiqishni taqazo etmoqda.
Tadqiqot ishining maqsadi axborot kommunikatsiya texnologiyalari
vositasida talabalarning ingliz tilida tinglab tushunish kompetensiyalarini
rivojlantirishning samarali texnologiyasini ishlab chiqishdan iborat.
Ushbu maqsaddan kelib chiqib tadqiqot ishining vazifalari sifatida
quydagilar belgilanadi.
- tinglab tushunish kompetensiyasi nutq kompetensiyalarini shakllantirishning
muhim omili ekanligini asoslab berish;
- talabalarning tinglab tushunish malakalarini CEFR darajasiga olib chiqish
muammolarini o’rganib chiqish;
- talabalarning tinglab tushunish kompetensiyalarini rivojlantirishda axborot
kommunikatsiya texnologiyalarining imkoniyatlarini aniqlash;
- muammoning amaliyotdagi holatini o‘rganish asosida mavzuning dolzarb
pedagogik muammo ekanligini asoslash;
- talabalarda ingliz tilida tinglab tushunish kompetensiyalarini shakllantirishda
axborot kommunikatsiya texnologiyalaridan foydalanishning samarali
shakllari va metodlarini ishlab chiqish va ularni tajriba–sinovdan o‘tkazish.
Tadqiqot ishining obyekti axborot kommunikatsiya texnologiyalari
vositasida talabalarning tinglab tushunish malakalarini rivojlantirish jarayoni.
Tadqiqot ishining predmeti axborot kommunikatsiya texnologiyalari
vositasida talabalarning ingliz tilida tinglab tushunish malakalarini
rivojlantirishning mazmuni, imkoniyatlari, usul va metodlari.
Tadqiqot ishining ilmiy farazi: Agar ingliz tilini o’qitishda:
- talabalarning tinglab tushunish kompetensiyalarini shakllantirishda axborot
kommunikatsiya texnologiyalaridan foydalanishning samarali shakl, usul va
metodlari aniqlansa;
- tinglab tushunish kompetensiyasiga nutq faoliyatining muhim omili sifatida
qaralsa;
- talabalarning ingliz tilidagi tinglab tushunish kompetensiyasini
shakllantirishda axborot kommunikatsion vositalarinig o’rni katta ekanligi
asoslab berilsa;
- talabalarning ingliz tilida tinglab tushunish kompetensiyalarini
rivojlantirishda axborot kommunikatsiya texnologiyalarini qo‘llashga doir
tavsiyalar amaliyotga tadbiq etilsa, talabalarning ingliz tilidagi nutqini
shakllantirish samarali bo’ladi.
Magistrlik dissertasiyasining ilmiy tadqiqot metodlari: ilmiy-pedagogik
adabiyotlarni xronologik tahlil qilish, oliy ta’lim bosqichida o‘quv jarayonini
kuzatish, suhbat, so’rovnoma, qiyoslash, pedagogik tajriba-sinov, nmateriallar va
natijalarini qiyosiy va statistik tahlil qilish.
Tadqiqot ishining ilmiy yangiligi:
- chet tillarini o’rganishda tinglab tushunish kompetensiaysi nutqiy
faoliyatning rivojlantirishning muhim omili ekanligi asoslandi;
- OTM larda ingliz tilini o’rgatishda tinglab tushunishni shakllantirishning
mavjud holati va muammolari aniqlandi;
- talabalarning ingliz tilidagi nutqni tinglab tushunishlarida axborot
kommunikatsiya vositalarining ahamiyati asoslandi va ular vositasida tinglab
tushunishni rivojlantirishning samarali usullari, vositalari ishlab chiqildi va
amaliy tavsiyalar berildi.
Tadqiqot materiali: chet tillarini samarali o’rganishga doir ilmiy-metodik
tadqiqot ishlari, darsliklar va dasturlar, ilmiy maqolalar, ingliz tilini o’qitish jarayoni
uchun ishlab chiqilgan topshiriqlar tizimi, so’rovnoma tahlillari, tajriba - sinov.
Tadqiqot natijalarining nazariy ahamiyati: tadqiqot ishi natijalari
talabalarning ingliz tilida tinglab tushunish kompetensiyalarini rivojlantirishda
axborot kommunikatsiya texnologiyalaridan foydalanishga metodikasiga oid
qo’llanmalar ishlab chiqishda qo’llanilishi mumkin.
Tadqiqot natijalarining amaliy ahamiyati: talabalarning ingliz tilida
tinglab tushunish malakalarini rivojlantirishda tavsiya etilgan topshiriqlar tizimi va
dars texnologiyasidan samarali foydalanish mumkin.
Tadqiqot natijalarining e’lon qilinganligi: tadqiqot ishi yuzasidan 3 ta
maqola chop etildi:
1. AKT vositalari yordamida talabalarning tinglab tushunish malakalarini
rivojlantirish//Zamonaviy tilshunoslik, adabiyotshunoslik,
tarjimashunoslik va xorijiy tillar o’qitish muammolari, V ilmiy-amaliy
konferensiyasi materiallari, 4-may 2016-yil, - Toshkent, O’zDJTU, 144-
bet
2. Tinglab tushunish kompetensiyasi ingliz tilida nutqiy kompetensiyalarni
shakllantirishning ilk bosqichi sifatida//Zamonaviy tilshunoslik,
adabiyotshunoslik, tarjimashunoslik va xorijiy tillar o’qitish muammolari,
V ilmiy-amaliy konferensiyasi materiallari, 4-may 2016-yil, - Toshkent,
O’zDJTU, 521- bet
Magistrlik dissertasiyasining tuzilishi: Tadqiqot ishi kirish, 3 ta bob, 5 ta
bo‘lim, umumiy xulosa, foydalanilgan adabiyotlar ro‘yxati va ilovadan iborat.
Birinchi bob “Tinglab tushunish talabalar nutqiy kompetensiyalarini
rivojlantirish muhim omili sifatida” deb nomlanib, unda tinglab tushunishning ingliz
tilini o’qitishdagi ahamiyati va o’rni, talabalarning tinglab tushunish
kompetensiyalarini CEFR darajasiga olib chiqish muammolari nazariy jihatdan
yoritib berilgan.
Ikkinchi bob “Talabalarning ingliz tilidagi axborotlarni tinglab tushunish
malakalarini rivojlantirishda AKT vositalaridan samarali foydalanish metodikasi”
da amaliy ahamiyatga ega bo’lib, unda talabalarning ingliz tilidagi axborotlarni
tinglab tushunish malakalarini rivojlantirishda AKT vositalarining o’rni va
imkoniyatlari, ulardan samarali foydalanish metodikasi ishlab chiqildi.
Uchinchi bob “Talabalarning ingliz tilidagi tinglab tushunish malakalarini
rivojlantirishda AKT vositalaridan samarali foydalanish metodikasi yuzasidan
o’tkazilgan tajriba – sinov natijalari” da tadqiqot yuzasidan o’tkazilgan so’rovnoma
natijalari yoritildi, AKT vositalari yordamida talabalarning ingliz tilida tinglab
tushunish kompetensiyalarini rivojlantirish yuzasidan ishlab chiqilgan samarali
usullar va topshiriqlar tizimi tajriba sinovidan o’tkazildi, natijalar statistik tahlil
qilindi.
Umumiy xulolasalarda tadqiqot ishi bo’yicha olib borilgan ishlar asosida
kelingan ilmiy nazariy xulosalar va tavsiyalar berildi.
I BOB. TINGLAB TUSHUNISH TALABALAR NUTQIY
KOMPETENSIYALARINI RIVOJLANTIRISHNING MUHIM OMILI
SIFATIDA
TINGLAB
GAPIRISH O`QISH YOZISH
TUSHUNISH
Demak, xorijiy til ta’limida o’quvchi-talabalarning nutqiy kompetensiyalarini
rivojlantirishda tinglab tushunish va so’zlash malakalari yetakchi o’rinda turadi.
Chet tillarini o’rganish, avvalo, o’rganilayotgan tilni tinglash va tushunishga harakat
qilishdan boshlanadi. Kommunikatsiya jarayonida, odatda, kommunikantlardan biri
gapiradi, ikkinchisi esa tinglaydi. Demak, gapirish va tinglab tushunish jarayonlari
bir birini taqazo qiladi, to’ldiradi, mustahkamlaydi va hatto bir-birini nazorat qilib
turish vazifasini ham bajaradi. Tinglash jarayonida nutqni tushunish tinglovchiga
o’z bilimi darajasini aniqlab olish imkoniyatini ham beradi. Ayni paytda gapirish
jarayoni ham hamkorning tinglab tushunishi va munosabat bildirishiga asoslanadi.
Demak, chet tilini o’rganishda og’zaki nutq malakasiga ega bo’lish tinglab tushunish
va so’zlash ko’nikmalarini uzviy bog’liq tarzda o’rganishni talab etadi. Bu
ko’pchilik olimlar, metodistlar, pedagoglar tomonidan tan olingan bo’lib, ularning
tadqiqotlarida chet tillarini o’zlashtirishda, xususan, tilni sof holda, asliyatida tinglab
tushunishdan boshlanishi qayd etiladi [Madadov, 2014].
O’tgan vaqt davomida tinglab tushunish malakalarini rivojlantirish unchalik
e’tibor berilmagan hamda ushbu nutq faoliyati turiga passiv va ratseptiv nutq
faoliyati sifatida baho berilgan. Tadqiqotchi olimlar keyinchalik tinglab tushunish
malakalarini shakllantirish va rivojlantirish chet tillarini o’rgatishda muhim
ahamiyat kasb etishini anglab yetishdi va u kommunikatsiya jarayonida muhim rol
o’ynashini isbotlab berishdi [Krashen, 1982]. Til o’rgatishni O’zbekiston sharoitida
1- sinfdan boshlab tashkil etilishi va bunda o’quvchilarga tinglab tushunish va
gapirish mashqlari yordamida ingliz tili o’qitilishi ushbu tadqiqotlarning amaldagi
isboti desak noto’g’ri bo’lmaydi.
Ko’rinadiki, hozirgi kunda tinglab tushunish nutqiy faoliyati birlamchi
yetakchi omillardan biriga aylandi va gapirish faoliyati bilan yonma-yon
qo’yilmoqda. Nutqiy faoliyatning aynan shu ikki turi yuqorida qayd etilganidek,
ma’lumot olish va ma’lumot berish vazifalarini amalga oshirishga xizmat qiladi.
biroq bu o’rinda nutqiy faoliaytning ikki subyekti – tinglovchi va so’zlovchi nutqiy
darajasi talaffuzi, nutq tempi, nutqning asliyatga yaqinligi kabi subyektiv va
obyektiv omillar ham mavjudligini unutmaslik kerak.
Tinglab tushunish - audirovaniye murakkab nutq faoliyati sanaladi [Yoqubov,
2011].
Tinglab tushunish mashg’uloti to’g’ri va samarali bo’lishi uchun o’quvchi-
talabalarda, eng avvalo, ingliz tili talaffuzi, fonetikasi haqida chuqur bilimga ega
bo’lishlari lozim. Ya’ni, harflarning to’g’ri talaffuzi, so’zlarning kundalik nutqda
bir-biriga bog’lanib ketishi, unlilarning qisqa va cho’ziq talaffuz qilinishi,
assimilatsiya qoidasi, urg’uning to’g’ri ishlatilishi haqidagi bilimlari o’quvchi va
talabani tinglab tushuninsh mashg’ulotini yaxshi o’zlashtirishlariga asos bo’ladi va
yordam beradi. Tinglab tushunishda boshqa til materialini o’rgatishdagi kabi leksika
80% emas, matndagi nutq imkoni 90-100% ma’lum bo’lishi lozim. Asosiy maqsad
yangi leksikani kiritish emas, o’zlashtirilgan leksikalarni nutqda ishlatilishini tinglab
tushuna olishdir [Meyer, 1989].
Tinglab tushunish darslaridagi eng katta muammolardan biri o’qituvchilarning
til tizimini o’rgatishga berilib ketib, uni nutqda qo’llashni orqaga surishidir. Til
sistemasiga oid bilimlar deganda lug’at boyligi va so’zlarni gapda to’g’ri tartibda
ishlatish, ularni to’g’ri talffuz qilishga oid bilimlar nazarda tutiladi. Til sistemasini
nutqda qo’llash deganda esa bilimlarni ma’noni anglash va anglatish uchun qo’llash
nazarda tutiladi Richards, 1990.
Tinglab tushunish nutq faoliyatining asosiy turlaridan biri sanalib, u bilishga
intilishning bir ko’rinishidir. Tinglab tushunish uchun bir nechta psixofiziologik
mehanizmlar xizmat qiladi. Yoqubovning fikricha, nutqni tinglash qobiliyati, diqqat,
uzoq muddatli xotira va qisqa muddatli xotira, oldindan faraz qilish, hamda fikrlash
tinglab tushunishning asosiy mehanizmlaridir [Yoqubov, 2011].
Nutqni tinglash qobiliyati quyidagi komponentlardan iborat:
A) fonematik tinglash qobiliyati,
B) fonetik tinglash qobiliyati,
C) intonatsion tinglash qobiliyati.
Fonematik tinglash qobiliyati fonemalarning fonologik ya’ni ma’no ajratuvchi
xususiyatlarini farqlash uchun xizmat qiladi. Fonetik tinglash qobiliyati esa nutq
tovushlarining fonetik xususiyatini farqlash uchun xizmat qiladi, ya’ni ma’no
ajratmaydigan nutq tovushlarini to’g’ri tinglay olish qobiliyati deganidir. Intonatsion
tinglash qobiliyati jumla va gaplardagi ohangni to’g’ri ilg’ay olish uchun xizmat
qiladi. Ushbu qobiliyat turi ham yuqoridagilari kabi muhim ahamiyat kasb etadi.
Shuningdek, tinglab tushunish jarayonida diqqat ham muhim o’ringa ega. Chet
tilidagi nutqni to’g’ri tushunish uchun tinglovch xotiri jam qilib, nutq shakli va
mazmunini tushunishi lozim. Talabalarni tinglab tushunishga o’rgatish nutqning
mazmun va shaklini teng idrok qilish ko`nikma va malakalarini shakllanishi va
rivojlanishida o’z ifodasini topadi. Bunday ko`nikma va malakalar maxsus mashqlar
tizimi yordamida shakllantiriladi va rivojlantiriladi. Bunda dastlab, shaklga e’tibor
beriladigan mashqlar bilan tanishtirilsa, keyinchalik mazmunni tushunishni
o’rgatuvchi mashqlardan foydalaniladi [Scarbrough, 2009].
Nutqni tinglab tushunish chegaralangan vaqt sharoitida sodir bo’ladi. Tinglab
tushunish mexanizmlarining eng muhimlaridan biri hisoblangan xotira ikki turdan
iborat a) uzoq muddatli b) qisqa muddatli (operativ) xotira. Uzoq muddatli xotirada
kishining barcha sohaga oid bilimlari saqlanadi. Tinglab tushunish jarayonida
fonema va so’zlarni tanib olish, jumla tuzilishi va ma’nosini tushunish uzoq
muddatli xotiraga bog’liq.
Qisqa muddatli xotira bevosita muomala jarayonida idrok obyekti sifatida
ketma-ket sodir bo’lgan akustik signallarni esda saqlash uchun xizmat qiladi
[Jalolov, 2012].
Signallarning ketma-ketligi analiz va sintez jarayonini murakkablashtiradi.
So’zni tanlab olish uchun tinglovchi so’zdagi tovushlar ketma-ketligini eslab qolishi
kerak. Bu vazifani qisqa muddatli xotira bajaradi, ya’ni operativ xotira endigina
qabul qilingan nutq birliklari, so’zlar, jumla, bir necha jumla, bir butun xabar,
axborotni tinglovchi tushunib yetgunicha saqlanadi.
Har bir nutq faoliyatini o’rgatishda ma’lum qiyinchiliklar mavjud. Albatta,
ushbu qiyinchiliklar shu nutq faoliyati turi xususiyatlaridan kelib chiqadi. Tinglab
tushunishga o’rgatishda ushbu qiyinchiliklar bilan oldindan tanish bo’lish o’qitish
metodikasini ishlab chiqishni muvaffaqiyatini ta’minlaydi hamda o’qitish
samadorligini oshiradi.
Metodist-olim T. Sattarov oliy ta’lim muassasalarida tinglab tushunishni
o’rgatishning lingvistik va psixologik xususiyatlarini o’rganib chiqqan va tinglab
tushunish qiyinchiliklarini quyidagi omillarga bog’lagan:
1. Tinglovchining individual yosh xususiyatlari;
2. Idrok qilish sur’ati;
3. Sharoit;
4. Tezlik;
5. Ma’lumot miqdori, hajmi;
6. Idrok qilish tayanchlari;
7. Toliqish Sattarov, 2001.
Yoqubov I. tinglab tushunishga muhim nutq faoliyati turi sifatida baho bergan
va tinglab tushunishni o’qitishda 3 turdagi qiyinchiliklarni ta’kidlab o’tgan:
1. Ekstralingvistik
2. Lingvistik
3. Psixologik Yoqubov, 2011.
Ekstralingvistik qiyinchiliklar quyidagilar:
- tinglanilayotgan nutqning mehanikligi, ya’ni mehanik qurilma
yordamida qo’yib eshittirilishi;
- nutqning tembri, tezligitinglanilayotgan sharoit, vaziyat;
- talabaning diqqati;
- nutqning necha marta tinglanilishi;
- tinglab tushunish jarayonida tayanch vositalar, mazmunli rasmlarning
bo’lishi va boshqa shu kabi omillar.
Lingvistik qiyinchiliklar tilga oid qiyinchiliklar bo’lib Rogova G. bunday
qiyinchiliklarni 3 turini izohlab beradi:
- fonetik qiyinchiliklar ya’ni bir-biriga yaqin tovushlarni tinglab tushunish va
farqlashda uchrovchi qiyinchiliklar;
- leksik qiyinchiliklar ya’ni bir-biriga talaffuzi yaqin so’zlarni tinglab tushunish
bilan bog’liq qiyinchiliklar;
- grammatik qiyinchililar, ya’ni grammatik qoidalar bilan bog’liq bo’lgan
qiyinchiliklar (ingliz tili analitik til ekanligidan kelib chiqadi) Rogova,
1983.
Psixologik qiyinchiliklar o’rganuvchining individual xususiyatlari bilan
bog’liqdir. Psixologik nuqtai nazardan nutqni tinglab tushunishda
o’rganuvchilarning xotirasi muhim rol o’ynaydi. Nutq tinglanganda, undagi
ma’lumot xotirada saqlab qolinsa, uni qaytadan tinglashga shart emas va
topshiroqlarni bajarish ham bir muncha osonlashadi.
Metodist Jalolov J. tinglab tushunish qiyinchiliklarini quyidagicha tasniflaydi:
- tilga oid qiyinchiliklar (ma’nosi har xil, talaffuzi o’zshash so’zlar);
- mazmunga oid qiyinchiliklar;
- nutqni idrok qilish shart-sharoitlari bilan bog’liq qiyinchiliklar;
- tilshunoslik nuqtai nazaridan sodir bo’ladigan qiyinchiliklar
- audiomatn tuzilishiga oid qiyinchiliklar Jalolov, 1996.
Ushbu qiyinchiliklarni oldini olish uchun tinglab tushunish uchun tog’ri
audiomatn tanlanishi lozim bo’ladi. Bizning fikrimizcha, audiomatn tanlashda
quyidagi talablarga amal qilish kerak:
- matn g’oyaviy-tarbiyaviy qimmatga ega bo’lishi;
- o’quvchilarning yoshiga, ularning o’z ona tilidagi va chet tilidagi nutq
tajribasiga mos tushishi;
- o’quvchida qiziqish uyg’otadigan masalani yoritishi;
- mantiqan to’g’ri qurilishi;
- nutqning turli shakllarini qamrab olishi;
- qo’shimcha axborot elementlarining ko’p bo’lmasligi.
Oliy o’quv yurtlarida ingliz tili o’qitishning amaliy maqsadlaridan biri og’zaki
nutqni o’rgatishdir. Mazkur o’quv yurtlarining dasturiy talablariga binoan,
o’quvchilar ingliz tilida og’zaki axborot berish, suhbatlasha olish va o’rganilgan
mavzuga bog’liq ingliz tilidagi nutqni tinglab tushuna olish malakalarini egallashlari
talab etiladi.
Tinglab tushunish jarayonining quyidagi bosqichlari mavjud:
- yuzaki tushunish
- umumiy tushunish
- to’liq tushunish
- tanqidiy tushunish Mirolyubov, I.V.Rashmonov, V.S.Sutlin.
Oliy ta’limda talabalar har bir bosqichdagi matnni tinglab tushuna olishlari
lozim bo’ladi.
Amaliy ingliz tilida tinglab tushunish ustida ishlash, o’rgatish alohida fan
sifatida o’qitilmaydi. Aksincha, amaliy darslarda talabalarni tinglab tushunishga
o’rgatib boriladi. Bizningcha, amaliy ingliz tilida tinglab tushunish ustida ishlash
metodikasi yuqorida biz keltirib o’tgan xususiyat, qiyinchilik va dastur talablarini
hisobga olgan holda ishlab chiqiladi. Bunda, talabalarning bilimi, qabul qilish
tezligi, yosh xususiyatlari kabilar hisobga olinadi.
Arakin V.D. amaliy ingliz tilida tinglab tushunishni 2 kurslar uchun
metodikasini ishlab chiqqan. Uningcha tinglab tushunish ikkinchi kursda
quyidagicha olib boriladi:
- dastlabki tinglash. Bunda talabalar mazmunni tushunishlari va
o’qituvchi savoliga javob berishlari kerak bo’ladi;
- ikkinchi marta tinglash. Topshiriqlarni bajarish uchun tinglash;
- uchinchi marta tinglash. Mazmunni muhokama qilish uchun tinglab
tushunish uchun tinglash (Arakin, 1976).
Domashnev A. I. va boshqalar tinglab tushunish ustida ishlashni 2 bosqichga
bo’ladilar:
- tinglab tushunishni o’rgatish (I, II kurslarda)
- tinglab tushunishni mukamallashtirish (III, IV kurslarda) Domashnev,
1983.
Ularning fikricha, I, II kurslarda tinglab tushunishni o’rgatish 2 ta davrni o’z
ichiga oladi: tayyorgarlik va asosiy davrlar.
Birinchi tayyorgarlik davrida talabalarning tinglab qabul qilishlariga e;tibor
qaratiladi. Bunda umumiy mazmunni tushunish bilan bir qatorda talabalarda ma’lum
bir leksik, grammatik qiyinchiliklar yo’qotiladi.
Asosiy davrda esa, talabalar mustaqil fikrlash va xulosa qilishga o’rgatiladi.
Yoqubov I. amaliy ingliz tilida tinglab tushunish metodikasini 3 bosqichda
tashkillashni tavsiya etadi Yoqubov, 2011:
- tayyorgarlik bosqichi
- mikromatnni tinglab tushunish bosqichi
- asosiy bosqich, ya’ni murakkabroq matnni tinglab tushunish va shunga
oid mashqlarni bajarish bosqichi.
Bizningcha, tinglab tushunish mashg’uloti uch qismga bo’lib o’tilishi
maqsadga muvofiq bo’ladi:
Matnni tinglashdan oldingi jarayon (pre-listening). Bunda quyidagi
qoidalarga amal qilinsa tinglab tushunish samaradorligi oshadi:
- avvalo o’quvchilarga tuli texnik apparatlar orqali fonogrammadan
eshittiriladigan matnning barcha so’zlarini tushunish shart emasligi ta’kidlab
o’tiladi.
- o’quvchilar eshitadigan matnni tushunishlariga ishonch hosil qilinadi. Buning
uchun ular qaysi ma’lumotga e’tibor qaratishini ta’kidlab o’tish lozim.
- o’quvchilarning mavzu borasidagi boshlang’ich bilimlarini tekshirish uchun
ikki yoki uchta savol berib ko’rish lozim.
- o’quvchining qaysi so’zning tarjimasini bilmasligini oldindan tahmin qilib
ularni eslatib o’tish lozim.
- oldindan eshittiralidigan nutq mavzusida boshqotirma mashg’ulotini
o’tkazish ularni mavzuga fikrini jamlashga yordam beradi.
- juda uzun nutq tanlanmaslik lozim. Zarur bo’lsa ba’zida to’xtab
o’quvchilardan eshitganlarini tekshirish maqsadida savollar berish kerak.
Matnni tinglatish jarayoni (while listening) da quyidagilar e’tibor qaratiladi:
- avvalo mavzu haqida umumiy tushunchaga ega bo’lishlari uchun
fonagrammadagi nutq bir marta eshittiriladi, so’ng alohida detallarni tushunish
uchun qaytadan eshittiriladi.
- o’quvchilarga eshitgan malumotlarini, joy nomlarini, ismlarni yozib
qo’yishlarini vazifa qilib berish kerak.
- turli savollar berish va ularga matndan javob topish kabi topshiriq berish
o’quvchilarni eshittirilayotgan matnga yanada diqqat qilishlariga majbur qiladi.
- o’quvchilarga matnni qayta qo’yib berish juda muhim. Ayniqsa, ular
tushunishga qiynaladigan qismlarini takror qo’yib berish juda muhim.
Matnni tinglatgandan keyingi jarayon (post-listening). Bunda:
- talabalarga o’zlarining yozib olgan ma’lumotlarini guruhda yoki juftlikda
boshqalarniki bilan solishtirish topshirig’ini berish mumkin.
- talabalarga savollar berib ular eshitgan matnni detallar bilan eslashga undash
lozim.
- savollar berib talaba-o’quvchilarga matnni qayta eshittirib savolga javomni
eshitganda “stop” deyish mashg’ulotini o’tkazish mumkin. O’quvchilarni
guruhlarga bo’lib ularga o’zaro matn yuzasidan savollar tuzish topshirig’ini berish
mumkin.
- mashg’ulot so’ngida o’quvchilarga uchratgan yangi so’zlarini daftarga qayd
qilib qo’yishlarini topshirish lozim.
Ta’kidlab o’tish lozimki, tinglab tushunishni o’rgatishda mashqlar ham muhim
o’rin tutadi. Gapirish, o’qish, yozuv nutq faoliyatlari ustida ishlash uchun mashqlar
turli manbalarda juda ham ko’plab topiladi. Lekin tinglab tushunishni o’rgatuvchi
samarali mashqlar tizimi mukammal emas Yoqubov, 2011. Hozirgi kunda tinglab
tushunishga o’rgatishda 2 turdagi mashqlar taklif qilinadi:
- tayyorlov mashqlari
- nutq mashqlari.
Rogova G. tayyorlov mashqlarini drill exercises, nutq mashqlarini esa speech
exercises deb nomlagan Rogova 1983.
Tayyorlov mashqlari til materiallari ustida ishlash, ya’ni fonetik, leksik,
grammatik mashqlarni o’z ichiga oladi. Nutq mashqlari esa fahmlashni, farqlashni,
xulosa qilishni o’rgatadi. Nutq mashqlari ko’proq ahamiyat kasb etadi. Chunki
tinglab tushunishni o’rgatishdan maqsad ham talabalarni gapirishga, muloqotga
kirishishga tayyorlashdir.
Warm-up: Begin the lesson with practical Students should follow the
(10 min) tasks. T’ instructions
Distribute handout 1
Ask students to be ready to
listen and answer the question
on the handout.
N the names of people and
cities and spell correctly.
Tell them to listen carefully.
Play the track 1.
Remind your students that they
Activity 1 need to listen to the whole Students should be wary
Appendix (2) extract carefully once through of choosing an answer
before choosing their answers; simply because it
that they should not assume too contains words and
soon that they have heard the phrases heard on the
correct answer. recording.
Remind them that because the
two questions each have a They should read
diffrent focus, information through the questions
relevant to the answers could before they listen and
come from diffrent parts of the think about what they
recording, so they may not be are being asked to listen
able to answer the questions ‘in for. This could be the
sequence’ as they would in a speaker’s purpose,
longer text. attitudes and opinions,
the gist of an argument,
or perhaps whether or
not the speakers agree
about a certain point
under discussion.
T evaluates Ss.
Jadval 2. Ikkinchi dars texnologiyasi
Lesson technology
Lesson 2
Warm-up: Begin the lesson with practical Students should follow the
(10 min) tasks. T’ instructions
Distribute handout
(Appendixes, Tasks 1-4)
Ask students to be ready to
listen and answer the question
on the handout.
Tell them to listen carefully.
Play the track 1.
16-20 soat 11-15 soat 6-10 soat 3-5 soat 1-2 soat 1 soatdan kam Foydalanmaydi
Demak, ushbu guruhlarda jami 27 nafar talaba bo’lib, ularning aksariyat qismi
ingliz tilini yaxshi baholarga o’zlashtirishadi va ulardan 7 nafari faqat a’lo baholarga
o’qishlarini bilib oldik. Afsuski, talabalar orasida ingliz tilini qoniqarli darajada
biladiganlari ham bor.
Tadqiqot materiallari va foydalanilgan AKT vositalari
Tadqiqotimiz davomida turli o’quv materiallari: tarqatma savol va testlar,
doska, talabalar o’zlashtirish darajalari qayd etib borish uchun yon daftarcha hamda
tajriba-sinov darslari mobaynida AKT vositalaridan DVD, kompyuter, ovoz
ko’targich, qo’l telefoni hamda universitet radiouzelidan foydalandik.
Tajriba-sinov quyidagi bosqichlarda o’tkazildi:
1-aniqlovchi bosqich
Mazkur bosqichda eksperiment ishtirokchilarini CEFR ning C1 darajasiga
asosida tuzilgan testlar yordamida dastlabki bilim darajalarini aniqlab oldik. Bunda,
har bir talabaga jami 30 ta savoldan iborat tinglab tushunish mashqlar kitobchasi
tarqatildi (1-ilova). Ularga topshiriqlar sharti tushuntirilib, test bajarishlari uchun 35
minut vaqt ajratilganligi aytib o’tildi. Yana shuiningdek, ularga to’g’ri javoblar soni
18 tadan (60%) oshsa, ularning tinglab tushunish darajalari C1 bilan baholanishi
tushuntirildi.
Quyida talabalarning ko’rsatgan natijalari bilan tanishamiz (Jadval 11).
Jadval 11. Dastlabki test (Pre-test) natijalari
To’g’ri javoblar soni Foiz
N Talabalar ismi Guruhi 1- 2- 3- 4- Jami ko’rsatkichi
Jadvaldan ko’rinadiki, eng past ko’rsatkich 23%, eng yuqori ko’rsatkich 63%,
va eng ko’p olingan bal esa 43%. Hamda tinglab tushunish malakasi C1 darajasidagi
talabalar soni 3 ta.
Ikkala guruh talabalarining dastlabki bilim darajalarini o’rtacha miqdorini
aniqlash uchun natijalar o’rta arifmetik qiymati quyidagi formula asosida hisoblandi:
ΣΧ
Χ = −−−−−
Ν
Bu formulada X – natijalarning o’rtacha ko’rsatkichi, Σ X – barcha mallarning
foiz ko’rsatkichlardagi yig’indisi, N – talabalar soni. Demak, talabalarning umumiy
soni 27, qo’shilgan natijalar 1078 % bo’lsa, unda
O’rtacha arifmetik qiymat= 1078:27~40%
Natijalardan ma’lum bo’ldiki, talabalarning CEFR C1 darajasi bo’yicha
o’zlashtirishlar o’rtacha 40% ni tashkil etadi.
2- shakllantiruvchi bosqich
Ushbu bosqich eksperimentning asosiy qismi bo’lib, unda talabalar bilan 2 oy
(fevral, mart) davomida yuqorida tavsiya etilgan dars texnologiyasi asosida darsdan
tashqari mashg’ulotlar olib borildi.
3- tasdiqlovchi bosqich
Ikki oylik mashg’ulotlardan so’ng tavsiya etilgan mashqlar tizimi samarasini
aniqlash maqsadida yakuniy test (Post-test) o’tkazildi. Bunda talabalarning
mashg’ulotlardan keyingi o’zlashtirgan bilimlari CEFR C1 darajasi asosida tuzilgan
testlar yordamida baholandi (3-ilova).
Talabalar har biri bir baldan beruvchi 30 ta ingliz tilida tinglab tushunish test
topshiriqlarini bajarishdi. 13-jadvalda 401 va 402-guruh talabalarining yakuniy
nazorat testida olgan natijalari ko’rsatiladi.
Jadval 13. Yakuniy test (Post-test) natijalari
Talabalar ismi Guruhi To’g’ri javoblar soni Foiz
№ 1- 2- 3- 4- Jami ko’rsatkichi
Yakuniy 47 50 23 73
100%
90%
80%
70%
60%
50%
40% Dastlabki
30% Yakuniy
20%
10%
0%
Gistogrammadan ko’rish mumkinki, talabalarning tinglab tushunish darajalari
AKT vositalaridan foydalanib o’tilgan tinglab tushunish mashg’ulotlaridan keyin
biroz o’sgan. Misol uchun, Jumasheva (33-50%) hamda Bekmirzayevaning (40-
50%) ikki oy davomida C1 darajadagi test topshiriqlarni bajarish malakalari sezilarli
darajada yaxshilangan. Shuningdek, Nurxanov eng yuqori natijaga (73%) erishib o’z
bilimini yanada mustahkamlab olgan. Afsuski, talabalar orasida tinglab tushunish
malakalari mashg’ulotlar davomida o’zgarmagan (Abdurazzoqova), yoki, dastlabki
natijalarga qaraganda pastroq natijalarga erishgan (Tulyaganova) talabalar ham
bo’ldi.
Diagramma 3. 402-guruh talabalari dastlabki va yakuniy nazorat
ko’rsatkichlari
100%
90%
80%
70%
60%
50%
40% Dastlabki
30% Yakuniy
20%
10%
0%
Amaliy tavsiyalar
1. Tadqiqot ishida tavsiya qilingan topshiriqlar tizmidan ingliz tili darslarida va
o’quv qo’llanmalar tuzishda foydalanish mumkin.
2. So’rovnoma tahlillari hozirgi obyektiv holatni ko’rsatgani bois, kelgusida ingliz
tili mashg’ulotlarini rejalashtirishda talabalarning xohish-istaklarini ham
e’tiborga olish maqsadiga muvofiq.
3. Talabalar subyektiv shaxslarning emas, asliyatdagi sof inglizcha nutqni tinglash
va o’z talaffuzlarini shunga moslashtirishlari uchun ingliz tili darslarida AKT
vositalaridan imkon boricha kengroq foydalanish kerak.