Goal: Ang pagpasabot sa kahulugan sa kristohanong gugma ug ang pagtabang sa
katawhan pagbutang sa buhat niining kristohanong gugma diha sa ilang mga kinabuhi.
Halapad nga Pagpasabot
A.) Pasiuna 1. Ang paghigugma sa silingan uban sa paghigugma sa Dios, nagahulma sa kinauyokan sa kristohanong pagkinabuhi. Si Kristo nisumada sa tibuok balaod dinhi niining duha ka labing daku nga sugo. 2. Ang diha mag-uban gayod 1 Jn: 4:20 = kon may moingun, nahigugma ako sa Dios, apan nagdumot sa iyang isigkatawo, bakakon siya, kay unsaon man niya paghigugma sa Dios nga wala niya makita kon wala siya mahigugma sa iyang isigkatawo nga makita niya.
Busa klaro kaayo, walay gugma sa uban, walay kristiyano.
B.) Unsa ang kristohanong gugma nga dili.
1. Ang gugma dili lamang ang pagka-anaa sa maayong pagbati. a.) Sagad ang gugma gipakisama uban sa pagbati sa kaibog sa panglawas o sexual,o personal nga pagbati o ang kainit. b.) Apan ang pagbati mag-usab-usab man ug busa dili kini maoy basihan sa gugma. c.) Ang pagbati masunod sa tinuod nga gugma, apan ang gugma dili ipakisama sa mga pagbati. 2. Ang gugma dili kanunay motando o moingun “Oo” . a.) Ang pagtagad sa uban o ang butang sa uban nga una wala kini magpasabot nga dili kita mobalibad sa mga kahigayonan sa pag-alagad. = Usahay dili gayod ikaw kamahimo, usahay dili gayod mohimo bisan kon ikaw makahimo. b.) Aduna kita’y sayop nga hunahuna sa usa ka mahigugmaon nga tawo ipakisama nato siya sa usa ka mayo nga tawo kinsa naningkamot pagpahimuot sa tanan. 3. Ang gugma dili kini pagpanalipod. a.) Ang gugma usa ka tandugonon nga buluhaton. Unsa kaha kon budhian ako? Unsa kaha kon mamatay ang akong gihigugma? Ang gugma daw nagpahamtong sa usa ka tawo nga siya masakitan. = Busa ang gipanalipdan nga gugma naningkamot pagpanalipod sa kaugalingon batok sa kadaot. Ang paglikay sa kasakitan, kalisdanan ug pagsulay man mahimong kondisyon nga gibutang diha sa gugma. b.) Ang kristohanong gugma dili pasalig nga kini walay kasakitan. Apan ang kasakitan gilatas pinaagi sa kaakohan, ug ang samad gialimahan pinaagi sa pagpasaylo, pagdawatay ug uban pa.
4. Ang gugma wala mangita sa kaugalingon.
a.) Ang gitan-aw diha sa paghigugma dili ang atong kaugalingon kon dili ang uban. Pinaagi sa iyang kinaiyahan, ang kristohanong gugma andam sa pagdumili sa kaugalingon. b.) Kita ni-ila nga ang pagbutangbutang sa uban mahimong makabalda o makahasol alang kanato. 5. Ang gugma dili mamaniho o masniobra. a.) Ikaw momaniobra kon muhatag ka sa imong mga gugma isip usa ka ganti o imong kuhaon ang imong gugma isip ka kastigo. b.) Tungod sa pagkagamhanan sa gugma, ang katawhan sagad tintalon sa paggamit sa gugma niining paagiha. Apan kini mao ang usa ka gugma nga ang porma adunay kondisyon. C.) Busa unsa man diay ang kristohanong gugma? Unsa may gipasabot sa Dios sa gugma? 1. Ang tubag anaa sa Juan 15 a.) SI Jesus nisulti sa usa ka gugma nga may kadugtungan uban sa pagtuman sa kasugu-on sa Dios. Juan 15:9-10 = Nahigugma ako kaninyo ungin nga ang amahan nahigugma kanako: pabilin kamo sa akong gugma. Kon tumanon ninyo akong mga sugo magpabilin kamo sa akong gugma ingon nga ako nagtuman sa mga sugo sa akong amahan ug nagpabilin sa iyang gugma. = Wala gayoy kristohanong gugma kon walay katarong. Ang gugma dili gayod magkauyon sa pagpakasala. =Ang kasinatian sa kalibutan nipakita sa gugma nga nahimulag sa Dios, nahimong nagyodyod sa pagpaka sala. Pananglit (pakighilawas gawas sa kaminyoon) b.) Si Hesus piho kaayo mahitungod kon unsaon pag-higugma sa uban. Juan 15:12 = Kini mao ang akong sugo; paghigugmaay kamo ingon nga ako nahigugma kaninyo. = Wala kita tagai ug katungod sa pag-usab sa sugo ni Hesus. c.) Giunsa pahigugma ni Hesus? Juan 15:13 = Ang labing dakong gugma nga ikahatag sa usa ka tawo ngadto sa iyang mga higala mao ang pagpakamatay alang kanila. Pinaagi sa pag-antos sa kaugalingon nga gugma. = Dili lamang kini paghatag sa atong panahon, pagpahayag sa kaalam, pag-ampo alang sa uban, ug uban pa. Apan usa kini ka pagpakamatay alang sa uban. 2. Apan kadaghanan wala tawga sa tinuoray nga pagpakamatay alang sa uban, Nan unsaon man nato pagpuyo sa gugma diha sa praktikal nga inadlaw nga pagkinabuhi. a.) Ang tubag anaa sa Juan 13: 1-5 = Bisperas kadto sa pangolin sa pag-saylo. Nasayod si Hesus nga miabot na ang iyang takna sa biya niing kalibutana ug pag-adto sa amahan. Kanunay niyang gihigugma kadtong mga iya nga ania sa kalibutan, ug gihigugma niya sila hangtod sa katapusan. Samtang nanihapon si Hesus u gang iyang mga tinun-an, ang yawa mihulhog kang Judas, ang anak ni Simeon Escariate, sa pagbudhi kang Hesus. Nasayod siya nga gitug-yan kaniya sa amahan ang tanang gahom, ug nga siya gikan sa Dios ug moadto sa Dios. Busa mibiya si Hesus sa lamesa, gihukas niya iyang sapaw, ug nagbakus sa iyang tualya. Unya naghuwad siyag tubig sa planggana ug gihugasan niya ang tiil sa mga tinun-an, ug gipahiran sa tualya nga iyang gibakos. = Ang gibuhat ni Hesus mao ang labing talagsaon, kay kini mao ang gimbohaton sa labing ubos nga suluguon. b.) Busa, dili lamang ang pagkamatay sa krus maoy gihatag nga ehemplo ni Hesus. Iyang gipakita ang kristohanong gugma isip usa ka pag-alagad nga gugma. c.) Sa dihang nahuman na siya niingun si Hesus kanila nga buhata kinin sama sa akong gibuhat kaninyo. Juan 13:14-15 = Kon ako ang inyong Ginoo ug matutudlo naghugas sa inyong mga tiil, paghinugasay usab kamo sa inyong mga tiil. Naghatag ako kaninyog paning-ingnan aron inyong buhaton ang gibuhat ko kaninyo. = Taod-taod iya silang gisugo sa paghigugmaay sa usag-usa sumala sa iyang ehemplo. Juan 13-14 = Maghatag ako kaninyog bag-ong sugo: Maghigugmaay kamo, ingon nga ako nahigugma kaninyo, paghigugmaay usab kamo. d.) Ang kristohanong gugma mao ang usa ka pag-alagad nga may kaakohan. 3. Ug kinsa man ang imong silingan? Makapili kaba kinsa ang imong higugmaon? a.) Ang tubag anaa diha sa sambingay sa maayong samaritana. Lk. 10: 29-37 = Apan ang magtutudlo sa balaod buot ilhon nga husto siya, ug mao nga nangutana siya kang Hesus, kinsa ba diay ang akong isigkatawo? Si Hesus mitubag, may usa ka tawo nga milogsong gikan sa Jerusalem ngadto sa Jerico, ug gibanhigan siya sa mga tulisan. Gihoboan nila siya, gibun-og ug gibiyaan nga himatyon. Ug nahitabo nga may usa ka pari nga miagi niadtong dalana; sa pagkakita niya sa tawo, milabay lamang siya agi pikas daplin. Unya miagi usab ang usa ka levita, ug miduol siya ug mitan-aw sa tawo, unya misaylo lamang agi pikas daplin.Apan man usa ka samaryanhon nga mipanaw niadtong dalana nahiagi sa gitulisan, ug sa pagkakita niya sa tawo, nalooy siya. Miduol siya kaniya, ug gibubuan niyag lana ug bino ang iyang mga samad ug gibugkosan; unya gipasakay niya ang tawo sa iyang hayop ug gihatod ngadto sa usa ka abotanan. Ug iyang gialimahan siya. Sa pagka-ugma mihatag siyag duha ka denario ngadto sa tig-atiman sa abotanan ug mitugon, galma siya nga inig balik ko dinhi bayran ko ikaw sa imong magasto. Ug si Hesus mitapos pag-ingon, “karon kinsa man niining tulo sa imong hunahuna ang nagpakita nga isig katawo sa gitulisan? Ang magtutudlo sa balaod mitubagg, kadtong naluoy kaniya. Si Hesus miingun, “Busa lakaw ug buhata ang sama sa iyang gibuhat”. = Ang Judio nagdumot sa mga samaritana, kinsa nakigminyo uban sa mga hentil. Busa pagtimaan kini o dalaygon nga buhat sa usa ka Samaritan ang pagtabang sa Judio kinsa gitulis ug gibun-og. b.) Ang pagtulon-an alang kanato: Ang tanang tawo nga nagkinahanglan sa imong panabang mao sila ang imong mga silingan. D.) Unsaon man nato paghigugma sa inadlaw nga kinabuhi? 1.) Ang mailhang gawi sa kristohanong gugma. 1 Cor. 13: 4-7 = Ang gugma mapailubon ug maloloy-on; Ang gugma dili masinahon ni tigpasikat o garboso; Ang gugma dili bastos o hakog o suk- anon; Ang gugma dili madinumtanon; Ang gugma dili malipay sa daotan, kon dili sa kamatuoran. Ang gugma mapailubon, matinuohon, malaumon ug molahotay gayod. a.) Pailob, dili masuko; makahimong mohatag ug lugway alang sa mga kasaypanan sa uban. b.) Mangiluy-anon: walay hunahuna sa panag-away, kon dili adunay postura ug pagpanulti nga makapalig-on ug makapadasig. c.) Dili masinahan; ang kaibog unsay anaa sa uban o ang pagbaton ug kasina sa uban nga anaay kabtangan nga ikaw wala. d.) Dili hambogiro; mapaubsanon, dili maghunahuna sa imong kaugalingon kamahinungdanon. e.) Dili Bastos; nagatahod ug nagpasidungog sa uban. f.) Wala mangita sa kaugalingon, wala magtan-aw sa pagkab-ot sa imong katungod, apan nagtan-aw sa imong katungdanan. g.) Dili sapoton; makahimong makadala sa iyang pagbati o gibati. h.) Dili manimalos; dili motanom ug kalagot o kahiubos. i.) Dili malipay sa dautan, kanunay nangita sa kaayohan sa uban, bisan sa iyang kaaway. j.) Nalipay sa kamatuoran, nagsulti sa kamatuoran ngadto sa uban. k.) Mapailobon; makadawat ug mga insult, pagdagmal, kapakyasan, sa walay hunahuna sa pagpanimalos; adunay pagpugong sa kaugalingon. l.) Mosalig; motuo sa pinakamaayo mahitungod sa ubang tawo. m.) Paglaum; maka-agwanta sa bisan unsang butang, dili sa bahala lang paghunahuna kon dili uban diha sa madaugon nga kalig-on o kaisog. n.) Molahutay gayod; adunay positibo nga panglantaw sa kinabuhi ug sa mga suliran; makapabilin nga malipayon ug malinawon ubos sa bisan unsa nga kahimtang. 2.) Basaha ang texto sa imong kaugalingong apan, ilisi ang pulong “gugma” sa pulong “Ako” E.) Panghinapos = conclusion 1.) Ang kristohanong gugma usa kini ka sugo, ug kini mahinungdanon sa kristianismo.
a.) Atong nakita kon unsa kini nga dili (isaysay0)
b.) Atong nakita kon unsa man kini (sumadaha) c.) Ato usab nga nakita ang nagkalainlaing gawi nga ma-angkon kon kini gipuy-an. 2.) Kon ni-abot sa imong hunahuna nga ang kristohanong gugma lisod kaayo o gani dili mahimo (imposible) nan, insakto ka. a.) Kon mao kana ang kinaiyahan sa gugma u gang atong tawhanon nga limitasyon, kon tawhanon lang nga paningkamot kini mapakyas. Dili gayod mahimo kini kon wala ang Diosnong panabang. b.) Apan siya nga nagmando kanato sa paghigugma nagahatag usab kanato sa gahum sa pag-higugma. Aron moaghat kita sa paghigugma, ang Dios nagahimo kanato nga templo sa Espirito Santo.