GAWAIN PARA SA PAKSANG ARALIN – LESSON PLAN 2

Gawain para sa Unang Araw na Talakayan: Pangkatang Gawain

Unang Bahagi

Unang Gawain:
- Bawat grupo ay magdala ng isang halimbawang larawan ng kalakalan.
- Ibigay ang kaisipang isinasaad sa larawang dala.
- Ipaliwanag kung bakit ganoong kaisipan ang inyong nabuo.

Ikalawang Pangkatang Gawain:

- Pangkat 1 - Ibigay ang kahulugan ng pamagat ng tekstong lunsaran at nais
ipahiwatig nito. “Industriya at Pangangalakal”

- Pangkat 2 - Gumawa ng Cycle Map

Panuto: Ipaliwanag ang bawat yugtong nappaloob sa cycle map.

pabrika

pagluluwas

namimili

negosyante
tindahan

- Pangkat 3 - Pagbubuo sa Tsart

Buuin ang bawat hanay ayon sa hinihingi nito.

Prosesong Bagong Produktong

Produktong Papatapon Na Maaaring Isagawa Mapakikinabangan

1. lata
2. bote
3. plastic na bote ng
miniral water
4. lumang telepono
directory

Page 1
 - Pangkat 4 - Data Retrieval Chart

Punan ng datos ang bawat hanay

Rehiyon Lokasyon Produkto

1.
2.
3.
4.
5.

Basahin ang tekstong lunsaran.

Industriya at Pangangalakal

Isa sa pinakamahalagang bahagi ng bansa ang sector ng industriya. Ito ang batayan ng
pag-unlad ng mga pangkabuhayang gawain at palitan ng mga produkto sa loob at labas ng bansa.
Maunlad ang bansang may malakas na industriya at aktibong ekonomiya.

Nahahati sa tatlong uri ang mga gawaing pangkabuhayan – ang industriyang primarya,
sekundarya at tersaryo.

Tumutukoy ang indutriyang primarya sa mga gawaing nagmumula sa pagpapaunlad ng

pagmimina at paggugubat na nagmumula sa paglinang ng mga likas-yamang lupa at tubig.

Sa kabilang dako naman ang industriyang sekundarya ay tumutugon sa mga gawaing

pagpoproseso ng mga primaryang produkto sa pamamagitan ng pagpoproseso ng mga hilaw na
sangkap o materyales gaya ng paggawa ng unan o tela mula sa kapok. Higit na mahal ang unan
na gawa sa kapok kaysa ibang materyales. Matagal at matibay din ito. Papel mula sa puno, lubid
mula sa abaka, langis mula sa niyog atbp.

Naglilingkod naman sa industruyang primarya at sekundarya ang industriyang tersaryo

tulad ng transportasyon, komunikasyon at iba pang pampublikong paglilingkod. Magpadali at
magpagaan ng Gawain ang hangad nito.

Nauuri ang industriya sa tatlo ayon sa uri ng gawain, kabuuang ari-arian at bilang ng mga
manggagawa ito ang:

1. Maliliit na Indutriya – ang industriyang nakatuon sa produksyon at may kabuuang ari-

arian mula sa P5 milyon hanggang P51 milyon at may 5 hanggang 99 na
manggagawa.

2. Katamtamang Laking Industriya – ito ang mga industriyang tumutukoy sa paggawa at

paglilingkod na may mga kawaning espesyalisado sa kanilang mga Gawain at naka-
pagpoprodyus ng mga kalakal sa pamamagitan ng makabagong makinarya at
teknolohiya. May kabuuang ari-ariang mula sa P51 hanggang P54 na milyon at ang
bilang ng manggagawa’y mula 10 hanggang 199.

3. Malaking Industriya – tumutukoy ito sa paggawa at paglilingkod pang-industriya na

may malaking puhunan at espesyalisadong kawani at masalimuot na istruktura ng
pangasiwaan. Mayroon itong kabuuang ari-ariang higit sa P54 na milyon at 200 o
higit pang manggagawa.
Page 2
Cont. Tekstong Lunsaran

Maliit man o katamtaman ang laki ng industriya, kabahagi ang mga ito sa pagsulong ng
bansa. Mahalaga ang papel na ginagampanan nito sa kabuhayang pambansa kaya naman
kinikilala ng pamahalaan ang kanilang kahalagahan. Bilang pagsuporta isinabatas ang Batas
Republika Blg. 6977 o ang Magna Carta for Small and Medium Scale Enterprises. Layunin ng
batas na ito na mapalago ang maliliit at katamtamang laki ng industriya sa pamamagitan ng
pagpapautang ng pamahalaan, pagsasanay sa mga manggagawa at pagtuturo sa pagpapatakbo ng
industriya at iba pang magkakaugnay na Gawain partikular sa pook-rural at sektor ng agrikultura.

Ang ganitong pamamaraa’y nakatutulong sa pagkakaloob ng hanapbuhay sa maraming

mamamayan at pagpapangkat-pangkat ng industriya sa iba’t ibang rehiyon. Magsikap tayo at
magtulung-tulong sa pagpapaunlad n gating bansa. Tayo lamang ang makatutulong sa pag-angat
ng ating ekonomiya.

Ikalawang Bahagi:

Pagpapalalim ng Kaalaman - Pangkatang Gawain

( matapos na mabasa ang tekstong lunsaran)

Pangkat 1 - Double Bubble Map

Pantulong
na kaisipan

Pangunahing
kaisipan kaisipan kaisipan

Page 3
 Pangkat 2 - Circle Map

Mga patunay

Mga pahayag
na nagsasaad
ng katotohanan

Pangkat 3 - Chart Grid

Hilaw na Produkto Proseso Mga Produkto

1. bulak pinipino Tela, unan
2. balat ng hayop
3. niyog
4. puno
5. ginto
6. tubo

Pangkat 4 - Pagpili ng mga bahaging nagpapahayag ng opinyon

( sa lunsaran kunin ang mga pahayag na naglalahad ng opinyon.
Magbigay lamng ng 5 )

Page 4
Ikatlong bahagi - Gawaing Pang-indibidwal

Basahin ang teksto:

ANG PAGTITINGI SA PILIPINAS

Gumaganap ng mahahalagang papel sa pagsulong ng ekonomiya ng bansa ang mga

tindahang nagtitingi. Ito ang nakapagtataka sa tagagawa kung anong produkto at kung gaano
karami ang kailangang gawin. Ito ang may tuwirang ugnayan sa mga konsyumer o mamimili.
Natutugunan nito ang mga produktong ninanais ng mga mamimili. Ito rin ang nakapagsasabi sa
mga prodyuser kung ano ang mga produktong mabili o matumal.

May ilang uri ng tindahang nagtitingi, may tindahang pangkalahatan na nagbibili ng lahat
ng uri ng kalakal at tindahang espesyal na nagbibili ng mga natatanging kalakal.

Ang department store ay isang uri na nahahati sa iba’t ibang dibisyon o departamento.
Nasa isang gusali ang mga departamento at ito ay nasa ilalim ng isang pangasiwaan.

Ang chain store ay pangkat ng mga magtitinging tindahan na nasa pagmamay-ari at

pamamahala ng isang tao, pamilya o dili kaya’y grupo.

Ang korporasyon na may malaking puhunan ay nakapagpapatayo ng sangay sa iba’t

ibang panig ng bansa alinsunod sa ipinag-uutos ng tanggapang sentral. Malaki ang empleyo ng
mga ganitong tindahan.

Ang mail-order house ay nagbibili ng produkto sa pamamagitan ng koreo. Mahigpit ang

patakarang pinaiiral ditto upang di mabiktima kapwa ang nagbibili at bumibili.

Ang tindahang sari-sari ay pangkaraniwang uri ng tindahang nagtitingi. Kadalasan itong

makikita sa mataong lugar ng isang pamayanan. Nagsisilbi ito sa mga pangangailangan ng
karaniwang pamilyang Pilipino.

Magtingi ang karaniwang hanapbuhay ng halos lahat ng mga dayuhan noon sa ating mga
bansa lalung-lalo na ang mga Tsino. Nilagdaan ni Pangulong Magsaysay noong ika-25 ng Hulyo
1954, ang batas sa pagsasabansa ng kalakalang tingi upang mabigyan ng pagkakataon ang mga
Pilipino na makalahok sa malawakang kalakalang ito.

Basahin ang panuto:

Sagutin ang sumusunod na mga katanungan at gawin ang hinihingi dito. Isulat sa buong papel
ang sagot.

1. Suriin at sabihin ang uri ng tekstong binasa at ibigay ang mga patunay nito.
2. Magbigay ng mga pangungusap na nakaaapekto sa sariling damdamin at mga bagong
kaalamang natutuhan batay sa teksto.
3. Magbigay ng mga pangungusap na may iba’t ibang panaguri (tigdadalawa)
a. pangngalan
b. pandiwa
c. pawatas
d. panghalip
e. pang-uri

Page 5