Patnubay para sa Masiglang Pakikibahagi sa Pagdiriwang ng Banal na Misa

9 Pebrero 2020 Ika-5 Linggo sa Karaniwang Panahon Taon A

Ang Alagad ni Hesukristo Bilang Asin at Ilaw

T
ayo ay nasa Ikalimang Linggo sa Karaniwang Panahon. Pinag-
ninilayan natin ang pangangaral ni Hesus sa Bundok. Taglay
nito ang mga patakaran at alituntunin ng Paghahari ng Diyos.
Ang asin na nagpapalasa at ang ilaw na tumatalo sa dilim ang buod ng
sipi ng ating Banal na Ebanghelyo. Ang bawat alagad ng Paghahari ng
Diyos ay dapat magsilbing asin sa sanlibutan at ilaw sa sandaigdigan. Sa
turo ni Papa San Paulo VI, nagiging asin ang Kristiyano at nagkakalasa
ang alagad sa pamamagitan ng taimtim na panalangin. Nagdadala rin
naman ng liwanag ang tagasunod ni Kristo sa pamamagitan ng kanyang
“mabubuting gawa” (Mateo 5:16b), na siyang magiging daan para lu-
walhatiin ang “Amang nasa langit” (Mateo 5:16c). Matulungan nawa
tayo sa pagdiriwang na ito ng Banal na Eukaristiya upang maging tunay
na asin at ilaw sa mundong ibabaw.

ngan ng iyong mga itinuturo. angking kapurihan. Panginoong

Pambungad
(Ipahahayag lamang kung walang
awiting nakahanda.)
HalinaÊt ating sambahin ang
Diyos na Poon natin. Lumuhod at
manalangin sa Manlilikhang butihin.
SiyaÊy Poong mahabagin.
Pagbati
P–Ang pagpapala ng ating Pa-
nginoong Hesukristong nagdadala
ng lasa sa buhay at liwanag sa daig-
dig, ang pag-ibig ng Diyos Ama,
at ang pakikipagkaisa ng Espiritu
Santo ay sumainyong lahat.
B–At sumaiyo rin!
Pagsisisi
P –Nagsasaya tayo sa Panginoong
Hesus na siyang nagtuturo sa atin
ng mga katangian ng mga alagad
ng Paghahari ng Diyos. Pagsisihan
natin ang kawalan ng pagtalima sa
mga itinuturo ni Kristo. (Tumigil
sandali.)
P –Para sa aming kawalan ng
pananampalataya sa karunu-
Panginoon, kaawaan mo kami!
B –Panginoon, kaawaan mo kami!
P –Para sa aming kahinaan ng
pag-asa sa iyong tulong upang
kami ay maging asin sa san-
libutan at ilaw sa sandaigdigan.
Kristo, kaawaan mo kami!
B –Kristo, kaawaan mo kami
P –Para sa aming kakulangan ng
pagmamahal sa iyo at sa mga
taong dapat naming dalhan ng
lasa at liwanag. Panginoon,
kaawaan mo kami!
B –Panginoon, kaawaan mo kami!
P – Kaawaan tayo ng makapang-
yarihang Diyos, patawarin tayo
sa ating mga kasalanan, at dalhin
tayo sa buhay na walang hanggan.
B –Amen!
Papuri
B – Papuri sa Diyos sa kaitaasan
at sa lupa’y kapayapaan sa mga
taong kinalulugdan niya. Pinupu-
ri ka namin, dinarangal ka namin,
sinasamba ka namin, ipinagbu-
bunyi ka namin, pinasasalamatan
ka namin dahil sa dakila mong
Diyos, Hari ng langit, Diyos
Amang makapangyarihan sa lahat.
Panginoong Hesukristo, Bug-
tong na Anak, Panginoong Diyos,
Kordero ng Diyos, Anak ng Ama.
Ikaw na nag-aalis ng mga kasala-
nan ng sanlibutan, maawa ka sa
amin. Ikaw na nag-aalis ng mga
kasalanan ng sanlibutan, tang-
gapin mo ang aming kahilingan.
Ikaw na naluluklok sa kanan ng
Ama, maawa ka sa amin. Sa-
pagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang
Kataas-taasan, kasama ng Espiritu
Santo sa kadakilaan ng Diyos
Ama. Amen!
Panalanging Pambungad
P–Ama naming makapangyari-
han, lagi mong lingapin at pat-
nubayan kaming mga kabilang sa
iyong angkan. Sa tanging pag-asa
naming ikaw ang nagbibigay
kami’y tangkilikin mo at laging
subaybayan sa pamamagitan ni
Hesukristo kasama ng Espiritu
Santo magpasawalang hanggan.
B –Amen!

Unang Pagbasa Isa 58:7-10
Ang ating sipi mula sa aklat ni
propeta Isaias ay nagtuturong ang
mapagkawanggawa ay malapit
sa Diyos at Kanyang inaalagaan
at dinirinig. Sa kanyang pagma-
mahal sa kapwa ay natagpuan
na niya ang daan ng pagpapala
at kaligtasan.
L – Pagpapahayag mula sa Aklat
ni Propeta Isaias
Ito ang ipinasasabi ng Pangi-
noon: „Ang mga nagugutom ay
inyong pakanin, patuluyin sa inyong
tahanan ang walang tirahan. Yaong
mga tao na halos hubad na ay inyong
paramtan, ang inyong pagtulong sa
mga kasama ay huwag tatalikdan.
At kung magkagayon, matutulad
kayo sa bukang-liwayway, hindi
maglalaoÊt gagaling ang inyong sugat
sa katawan, akoÊy laging sasainyo,
ililigtas kayo at iingatan kahit saang
lugar. Sa araw na iyon, diringgin
ng Poon ang dalangin ninyo, pag
kayoÊy tumawag, akoÊy tutugon
agad. Kung titigilan ninyo ang
pang-aalipin at pagsuway sa akin,
at ang masamang salitaÊy iiwasan,
kung ang nagugutom ay pakakanin
ninyo at tutulungan, ang kadilimang
bumabalot sa inyo ay magiging tila
liwanag sa katanghalian.‰
Ang Salita ng Diyos!
B – Salamat sa Diyos!
Salmong Tugunan Awit 112
B –Sa dilim ay may liwanag sa tao
na nahahabag!
* Ang taong matuwid, may bait at
habag, kahit sa madilim taglay ay
liwanag. Ang mapagpautang nagi-
ging mapalad, kung sa hanapbuhay
siyaÊy laging tapat. B.
* Hindi mabibigo ang taong matu-
wid, di malilimutan kahit isang saglit.
Anumang balitaÊy hindi siya takot,
matatag ang pusoÊt may tiwala sa
Diyos. B.
9 Pebrero 2020
* Wala siyang takot hindi nanga-
ngamba, alam na babagsak ang
kaaway niya. Mabait na lubha, lalo
sa mahirap, ang pagiging matÊwid ay
di nagwawakas, buong-karangalan
siyang itataas. B.
Ikalawang Pagbasa 1 Cor 2:1-5
Idinidiin ni San Pablo sa
mga Kristiyano ng Corinto ang
kahalagahan ni Kristo sa kanyang
buhay. Subalit hindi si Kristong
maluwalhati, kundi si Kristong
nakabayubay sa krus ang kanyang
ipinagmamalaki. Ang pagsunod
kay Kristo sa daan ng krus ang
kanyang hinahangad.
L – Pagpapahayag mula sa Unang
Sulat ni Apostol San Pablo sa
mga taga-Corinto
Mga kapatid: Nang akoÊy pumari-
yan, ipinahayag ko sa inyo ang lihim
na panukala ng Diyos, ngunit hindi
sa pamamagitan ng malalalim na pa-
nanalita o matataas na karunungan.
Ipinasiya kong wala akong ipa-
ngangaral sa inyo kundi si Hesukristo
na ipinako sa krus. Kaya mahina,
takot, at nanginginig akong humarap
sa inyo. Sa pananalita at panga-
ngaral koÊy hindi ko kayo inakit ng
matatamis na pangungusap batay
sa karunungan ng tao, kundi sa
pamamagitan ng patotoo ng Espiritu
at ng kapangyarihan ng Diyos.
KayaÊt hindi sa karunungan ng
tao kundi sa kapangyarihan ng Diyos
nababatay ang inyong pananalig
kay Kristo.
Ang Salita ng Diyos!
B – Salamat sa Diyos!
Aleluya Jn 8:12
B –Aleluya! Aleluya!
Sinabi ni Hesukristo:
“Ako ay ilaw ng mundo
at buhay ng alagad ko.”
Aleluya! Aleluya!
Mabuting Balita Mt 5:13-16
Ang ating pagbasa ay na-
katuon sa dalawang mahalagang
bagay sa buhay, ang asin at ang
ilaw. Napakahirap ng buhay na
walang lasa at nababalot ng dilim.
Ang asin ang nagpapasarap sa
buhay at nagliligtas sa kabulukan.
Ang ilaw ang nagtuturo sa dapat
gawin at puntahan sa buhay. Ito
ang hinahangad ni Hesus na
mangyari sa kanyang mga alagad.
P – Ang Mabuting Balita ng Pangi-
noon ayon kay San Mateo
B – Papuri sa iyo, Panginoon!
Noong panahong iyon, sinabi
ni Hesus sa kanyang mga alagad:
„KayoÊy asin sa sanlibutan. Kung
mawalan ng alat ang asin, paano pang
mapapanauli ang alat nito? Wala na
itong kabuluhan, kayaÊt itinatapon na
lamang at niyayapakan ng mga tao.
KayoÊy ilaw sa sanlibutan. Hindi
maitatago ang isang lunsod na na-
katayo sa ibabaw ng burol. Walang
nagsisindi ng ilaw at naglalagay
nito sa ilalim ng takalan. Sa halip ay
inilalagay ito sa talagang patungan
upang matanglawan ang lahat ng
nasa bahay. Gayon din naman, dapat
ninyong paliwanagin ang inyong ilaw
sa harapan ng mga tao, upang makita
nila ang inyong mabubuting gawa,
at papurihan ang inyong Amang
nasa langit.‰
Ang Mabuting Balita ng Pa-
nginoon!
B – Pinupuri ka namin, Pangi-
noong Hesukristo!
Homiliya
Sumasampalataya
B – Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng Diyos,
Panginoon nating lahat. Nagka-
tawang-tao siya lalang ng Espiritu
Santo, ipinanganak ni Santa Ma-
riang Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
Nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto at
huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng nanga-
matay na tao at sa buhay na walang
hanggan. Amen!
Panalangin ng Bayan
P–Tayo ay nagagalak sa pagda-
dala ni Hesus ng lasa at liwanag
sa ating buhay. Tumalima tayo
sa pangangaral ni Hesus at ating
sambitin:
B –Diyos na mapagpala, dinggin
Mo ang aming panalangin!
* Para sa mga namumuno sa
Simbahan, upang sila ay maging
tunay na asin sa daigdig at ilaw
sa sanlibutan, manalangin tayo sa
Panginoon! B.
* Para sa lahat ng mga Kristi-
yano sa mundong ibabaw, upang
sa taong ito ng Ekumenismo ay
mahanap nila ang landas tungo sa
pagkakaisa sa pagdadala ng lasa
at sa pagsasaboy ng liwanag sa
buhay ng lahat, manalangin tayo
sa Panginoon! B.
* Para sa mga namumuno sa
ating bansa, upang magkaisa sila
sa pagtataguyod ng pagtutulungan
at ng kaayusan sa ating bayan sa
mga panahon ng pananalanta ng
kalikasan, manalangin tayo sa
Panginoon! B.
* Para sa mga taong nagsisikap
tumulong sa mga nahihirapan da-
hil sa pagsabog ng Bulkang Taal,
upang sila’y maging tunay na asin
sa daigdig at ilaw sa sanlibutan,
manalangin tayo sa Panginoon!
B.
* Para sa ating lahat na nag-
kakatipon sa Eukaristiyang
ito, upang lumakas ang ating
pananabik na maging tunay na
asin at ilaw para sa mga taong
nakapaligid sa atin, manalangin
tayo sa Panginoon! B.
* Tahimik nating ipanalangin
ang ating mga sariling kahilingan.
(Tumigil sandali.)
Manalangin tayo! B.
P–Ama naming mapagpala,
isinugo Mo ang Iyong Anak
upang turuan kami ng landas sa
pagiging tunay na mga alagad ng
Iyong Paghahari. Puspusin Mo
kami ng Banal na Espiritu at nang
aming magampanan nang maayos
ang aming mga tungkulin bilang
mga alagad ng Iyong Anak na si
Hesukristong aming Panginoon.
B –Amen!
P – Manalangin kayo . . .
B – Tanggapin nawa ng Pangi-
noon itong paghahain sa iyong
mga kamay sa kapurihan niya at
karangalan, sa ating kapakina-
bangan at sa buong Sambayanan
niyang banal.
Panalangin ukol sa mga Alay
P –Ama naming Lumikha, ang
pagkai’t inuming narito ay iyong
ginawa upang mapalakas kaming
mga mahihina. Ipagkaloob mong
ito ay aming mapagsaluhan bilang
pakikinabang sa buhay mong
pangmagpakailan man sa pama-
magitan ni Hesukristo kasama ng
Espiritu Santo magpasawalang
hanggan.
B –Amen!
Prepasyo I
P – Sumainyo ang Panginoon!
B – At sumaiyo rin!
P – Itaas sa Diyos ang inyong puso
at diwa!
B – Itinaas na namin sa Pangi-
noon!
P – Pasalamatan natin ang Pangi-
noong ating Diyos!
B – Marapat na siya ay pasala-
matan!
P– Ama naming makapang-
yarihan, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
Sa dakilang pagtubos niya sa
amin ang kasalana’t kamatayang
aming pasanin ay binalikat niya
upang kami’y palayain at mai-
tampok sa iyong luningning.
Siya ang nagtanghal sa amin
bilang liping hinirang, pari at
haring lingkod sa iyong kamaha-
lan. Mula sa kadiliman, kami’y
iyong tinawag upang makasapit
sa iyong liwanag bilang iyong
angkang may tungkuling magla-
had ng iyong dakilang pag-ibig
sa lahat.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B –Santo, santo, santo Pangi-
noong Diyos ng mga hukbo.
Napupuno ang langit at lupa
ng kadakilaan mo. Osana sa
kaitaasan!
Pinagpala ang naparirito sa
ngalan ng Panginoon. Osana sa
kaitaasan!
Pagbubunyi
B–Sa krus mo at pagkabuhay
kami’y natubos mong tunay,
Poong Hesus naming mahal,
iligtas mo kaming tanan ngayon
at magpakailanman.
B – Ama Namin . . .
P – Hinihiling namin . . .
B – Sapagkat iyo ang kaharian at
ang kapangyarihan at ang kapu-
rihan magpakailanman! Amen!
Paanyaya sa Kapayapaan
Paghahati-hati sa Tinapay
B – Kordero ng Diyos . . .
Paanyaya sa Pakikinabang
P – Ito ang Kordero ng Diyos na
nag-aalis ng mga kasalanan ng
sanlibutan. Mapalad ang mga
inaanyayahan sa kanyang piging.
B – Panginoon, hindi ako kara-
pat-dapat na magpatuloy sa iyo
ngunit sa isang salita mo lamang
ay gagaling na ako.
Antipona ng Pakikinabang
(Ipahahayag lamang kung walang
awiting nakahanda.)
Ang DÊyos ay pasalamatan sa pag-
ibig nÊya sa tanan. PagkaiÊt inuming
tunay na may dulot kasiyahan ang
sa atiÊy kanyang bigay.
Panalangin Pagkapakinabang
P–Ama naming mapagmahal,
sa pagkai’t inuming pagkakaisa
ang ibinibigay, kami’y niloob
mong makapakinabang. Kaisa ni
Kristo kami nawa’y makapamuhay
upang makapamunga nang may
kagalakan para sa kapakanan ng
aming kapwa tao sa sanlibutan
sa pamamagitan niya kasama ng
Espiritu Santo magpasawalang
hanggan.
B–Amen!
P –Sumainyo ang Panginoon.
B –At sumaiyo rin!
P –Pagpalain kayo ng makapang-
yarihang Diyos: Ama, Anak,
at Espiritu Santo.
B –Amen!
P –Humayo kayo sa kapayapaan
upang mahali’t paglingkuran
ang Panginoon.
B–Salamat sa Diyos!
Ika-5 Linggo sa Karaniwang Panahon (A)
 Munting Katesismo sa Taon ng Ekumenismo
(P. René T. Lagaya, SDB)
ANG NAPAPANSIN LAMANG KAPAG NAWAWALA
Pambungad: May mga bagay na hindi natin pinahaha-
lagahan hanggang hindi sila mawala. Kapag wala
na ang mga ito ay saka lamang natin nauunawaang
mahalaga pala sila sa atin. Ito marahil ang dahilan
kaya may mga taong naghahangad na mamatay. Ang
pakiramdam nila’y walang nagpapahalaga sa kanila.
Baka nga naman kapag namatay na sila ay saka sila
mabibigyan ng halaga ng kanilang mag-anak.
Pagpapalalim: Ang asin sa pagkain at ang ilaw sa
bahay ay ganyan din. Hindi natin pinapansing may asin
sa ating kinakain hanggang makakain tayo ng matabang
at maisip na hindi pala ito nalagyan ng asin. Hindi rin
natin pinapansin ang ilaw hanggang sa mawala ang
ilaw sa gabi at masadlak tayo sa pusikit na kadiliman.
Pagbasa: Mateo 5:13-16.
Buod: Ang unang tinutukoy ni Hesus sa asin ay ang
Bayan ng Israel. Ito ay itinuturo niyang mawawalan ng
alat kapag hindi nila tinupad ang kanilang pakay na
magbigay-lasa sa sangkatauhan sa pamamagitan ng
pagtanggap sa Mesias at ng pagpapakilala sa Taga-
pagligtas ng sanlibutan. Ang buong pamayanan ng
kanyang mga alagad, ang Bagong Bayan ng Diyos, ay
binabalaan din ni Hesus na mag-ingat na hindi mawalan
ng alat. Mangyayari ito kung hindi na nila maipakilala
si Hesus sa mga tao dahil kulang na kulang na sila sa
pakikipag-ugnayan sa kanya sa panalangin.
Maraming gamit ang asin sa Banal na Kasulatan:
[1] upang magbigay-lasa sa pagkain (tingnan, Job 6:6);
[2] upang ipantimpla sa mga alay sa templo (tingnan,
Lev 2:13; Ez 16:4, 43:24); [3] upang linisin ang bukal ng
tubig sa Jerico (tingnan, 2 Ha 2:19-22); [4] upang isumpa
ang buong lunsod ng Siquem (tingnan, Huk 9:45); [5]
upang maging pataba sa lupa (tingnan, Lu 14:35). Dahil
dito, para kay Mateo, ang mga alagad, bilang asin sa
sanlibutan, ay mahalaga sa pang-araw-araw na buhay
ng mga tao. Kung hindi nila ito magagampanan, sila ay
ipagtatabuyan at itatapon ng sangkatauhan.
Ang buong kalipunan ng mga alagad ni Hesus ay
para rin namang ilaw sa sanlibutan. Pagkatapos masin-
dihan ang ilaw ay hindi ito dapat itago, o ilagay sa ilalim
ng higaan, o takluban ng takalan o ng banga. Parang
nais pigilan ng mga katunggali ni Hesus ang kanyang
pagsasaboy ng liwanag sa pamamagitan ng kanyang
Don Bosco Compound, A. Arnaiz Ave. cor. Chino Roces Ave., Makati, Metro Manila
Postal Address: P.O. Box 1820, MCPO, 1258 Makati, Metro Manila, Philippines
WORD & LIFE Tel. Nos. 8894-5401; 8894-5402; 8892-2169 • Telefax: 8894-5241 • Website: www.wordandlife.org
PUBLICATIONS • E-mail: marketing@wordandlife.org; wordandlifepublications@gmail.com • FB: Word & Life Publications
• Editorial Team: Fr. S. Putzu, Fr. R. Lagaya, C. Valmonte, V. David, J. Domingo, A. Vergara, D. Daguio
• Illustrations: A. Sarmiento, B. Cleofe • Marketing: Fr. B. Nolasco, J. Feliciano • Circulation: R. Saldua
pangangaral ng Mabuting Balita. Idinidiin ni Hesus na
ito ay hindi mangyayari. Lahat ng tao ay dapat maliwa-
nagan ng ilaw ng pangangaral ng kanyang mga alagad.
Ang bahay ng mga Hudyo ay karaniwang may
iisang silid lamang. Sapat na ang isang ilawan sa gitna
nito upang lumiwanag ang buong bahay. Oo nga’t ang
Bagong Bayan ng Diyos, na binubuo ng lahat ng mga
alagad ni Hesus, ang siyang ilaw ng sanlibutan. Ngunit
ang bawa’t isang alagad ay nagtataglay din ng sapat
na liwanag upang tanglawan ang isang sambahayan.
Ang ilaw na binabanggit ay walang iba kundi ang
mabubuting gawa ng mga alagad ni Hesus. Ang
mabubuting gawa ay di lamang ang pagtupad sa 613
utos ng Batas na nasasaad sa Lumang Tipan. Ang
mabubuting gawa ay ang kabuuan ng buhay Kristiyano,
at ito ay ang pagbibigay katuparan sa Panayam sa
Bundok ni Hesus.
Ang isang alagad ni Hesus ay hindi dapat lumantad
sa madla at ipagmalaki ang kanyang kahalagahan. Siya
ay dapat tahimik lamang sa kanyang paggawa nang
mabuti. Ito ang nagbibigay ng lasa at kasarapan sa bu-
hay ng mga taong nakakasalamuha niya sa araw-araw.
Ito ang tumatanglaw sa mga tao, lalung-lalo na sa mga
sandali ng kadiliman, sa mga oras ng kalungkutan, at
sa mga araw ng pighati at kabiguan.
Pagsasabuhay: Ang pagiging asin sa sangkatauhan at
ilaw sa sanlibutan ay di kayang gawin ng alagad nang
nag-iisa. Ang pagtuturo ni Hesus hinggil sa asin at ilaw
ay patungkol sa buong kalipunan ng kanyang mga
alagad. Kalakip ng pagsisikap na maging malasang
asin at maliwanag na ilaw sa sanlibutan ay ang pagka-
kaisa ng mga alagad at ang pagbuo ng isang bayang
nagtutulungan at nagdadamayan. Kaya ang lahat ng
mga Kristiyano ay dapat talagang magkaisa upang
makapagdala ng lasa at liwanag sa buhay ng lahat.
Pagdiriwang: Ama naming makapangyarihan at mapag
mahal, isugo Mo sa amin ang Iyong Espiritung Banal
upang maisabuhay namin ang itinuro ng Iyong Anak.
Magampanan nawa namin ang aming tungkuling ma-
ging asin sa sangkatauhan sa pamamagitan ng aming
taimtim na panalangin. Magawa nawa namin ang
aming tungkuling maging liwanag sa sandaigdigan sa
pamamagitan ng aming mabubuting gawa. Sa lahat ng
bagay ay kilalanin nawa kaming mga tunay na alagad ng
Iyong Anak na si Hesukristong aming Panginoon. Amen!