Bakuna kontra polio, itinurok na sa mga sanggol sa lungsod ng Caloocan
Isinulat ni: Mary Ann Cuba
Ayon sa datos ay matapos halos dalawang dekada na itinala na pagiging
polio free ang Pilipinas . Isang kaso muli ng polio ang naitala sa bansa.
Ang sakit na polio ay nakakahawa dahil karaniwan itong umaatake sa
nervous system o sa utak ng isang tao. Kadalasan ay kabataan ang nakakakuha ng ganitong sakit. Nakukuha ang sakit na ito kapag nahahawakan ang dumi o feces ng taong mayroon nang sakit na polio.
Ang polio ay hindi mabilis gumaling at kapag nagkaroon ng komplikasyon
ay maaaring lumala pa ito at humantong sa pagiging paralytic polio o maparalisa ang isang pasyente . Maaari itong ikamatay ng biktima, ngunit ang ating pamahalaan ay nagsagawa ng bakuna para sa mga sanggol upang hindi sila dapuan ng sakit.
Isa na rito ang lungsod Caloocan na nagsagawa ng polio vaccination para sa
mga sanggol na nasa dalawang buwang gulang , apat na buwan, anim hanggang labing walong buwan at apat hanggang anim na taong gulang. Mahalaga ang pagpapabakuna ng mga bata upang malayo sila sa sakit at upang mapanatiling maayos ang kanilang kalusugan.
Ang polio ay nakamamatay at isang nakalulumpong sakit na nakukuha sa
karumihan ng paligid. Ayon sa Department of Health o (DOH) ay meroon na silang plano upang mapanatiling ligtas sa polio ang Metro Manila. Kabilang sa mga planong ito ang pagbabantay sa kalagayan ng mga bata edad limang taong gulang pababa at payuloy na pinagtitibay ang kampanya kontra polio.
Kailangan na maging handa ang lahat at maging responsable sa ating
kalusugan upang maiwasan ang mga ganitong sakit, hindi lamang ang gobyerno ang kailangan kumilos kundi lahat tayo. Patuloy nating isagawa ang paglilinis ng kapaligiran upang maiwasan ang kaso ng polio at maiwasan ang paglaganap nito sa ating bansa. Ang kalinisan at seguridad ang dapat unahin at pagtuunan ng pansin.