Professional Documents
Culture Documents
L o W A
L o W A
Soltero
Idawat-idawat ang kamot mo nga tuo
Para sa imu inday mangyamano
Magapakilala sa imo sing maayo
Kay ang akon kurason sa imo inday gakalayo
Soltero
Sa akon pag-abot langkoy pamalayi
Kay sa imu, kag sa imu ginikanan ako magaserbi
Kay ang akon katuyuan sinsiro ini
Tungod sang gugma ko sa imo nga pwerti
Dalaga
Bisan ikaw nonoy magaluhod-luhod
Sa pwertahan sang amon sulod
Balhason ka lang tagatuhod
Si inday indi magpatandog
Soltero
Ikaw akon piliton kay ikaw akon nahamut-an
Nga nagapangindi sang akong ginatugyan
Kabay pa imo batunon kag mahamut-an
Yaring soltero nga wala sang nubya nga iban
Dalaga
Nagatinapik-tapik ang bunga sang kakaw
Halin sa duta pakadto sa langit
Ang gugma mo nonoy kung indi himpit
Indi ka gid ni katilaw sining gugma nga mainit
Soltero
Pito ka bukid akon ginlakbay
Leon kag Tigre ang akon kaaway
Wala ko baliya ang akon kabudlay
Para lang ikaw akon makita inday
Dalaga
Bisan ano nonoy pagatangkason
Sang binaritang sansalon
Ikaw pagalungkubon
Kay ikaw ang naluyagan nakon
Soltero
Malayo nga lugar akon naagyan
Madamo nga bulak ang akon gin-agyan
Sakop sang awrora subong man sa sidlangan
Para lang makita ang pinalangga ko sa dughan
Dalaga
Balhas mo nonoy akon inspirasyon
Kung nga-a higugma mo sa akon ginbaton
Tanan nga sakripisyo tungkarun
Mapakita lang sa imo akon hibubut-on