好高興大家今晚抽空黎到出席呢個音樂會，亦都好多謝 bauhinia musik

haus 提供咁精緻既場地比我地。其實與其話呢個係一個 recital,我更認為

呢個係一個音樂分享會。事源我地呢個組合比較稀有，搭左隻 viola 而
唔係 cello,係一開始既時候我地都諗緊，究竟有咩曲目係比我地呢個樂
器組合既呢？而當我地一做 research 既時候，就發現原來有好多明明好
靚但被人忽略左既作品係寫比小提琴，中提琴及鋼琴既組合。我地認
為呢 d 作品實在好應該搬出黎比多 d 人欣賞，因此今晚我地既選曲除左
以 romance 為主，更係一個冷門既 programme。

Program 大致分兩部分，首先我同 Hilary 分別會有 solo 曲目，然後就會

係我地既重頭戲 chamber music。值得留意既係最後一首曲目 bruch 8
pieces for violin viola and piano,根據作曲家本意，呢 8 首曲目係每首都可
以獨立存在既藝術品，而佢本人強烈唔建議係同一個 concert 一次過拉
晒 8 首。每首曲都好似一個獨立既故事，但每個故事之間係有關聯可
以組成一個更大既故事。好似玩七巧板咁演奏者可以自己決定演奏邊
幾首，去組成唔同既故事。我地遵循作曲家本意，今晚只演奏第 1 至 4
首，除左純粹因為順序，更因為我地認為第 1 至 4 首剛剛好組成一個起
承轉合。我地都好希望個故事會有續集，係未來會演奏埋第 5 至 8 首。
同埋帶比大家更多我地發挖到被忽略左既好音樂。

提提大家請記得關上手提電話及任何發聲裝置，演奏其間請忽錄影或
攝影，多謝各位合作。最後希望大家 enjoy。