E N E R O 2 02 0

34567
DALAGKU SING LETRA NGA EDISYON

ANG ATON TUIGAN NGA TEKSTO SA 2020:

“Gani kadtui ninyo ang mga tawo . . .
kag tudlui ninyo sila agod mangin disipulo ko.
Bawtismuhi ninyo sila.”—MAT. 28:19.

TULUN-AN NGA MGA ARTIKULO SA:

MARSO 2 –ABRI L 5 , 2020
 TULUN-AN
NGA ARTIKULO 1

“Kadtui Ninyo ang mga Tawo

. . . kag Tudlui Ninyo Sila
Agod Mangin Disipulo Ko”
ANG ATON TUIGAN NGA TEKSTO SA 2020:
“Gani kadtui ninyo ang mga tawo . . . kag tudlui ninyo sila
agod mangin disipulo ko. Bawtismuhi ninyo sila.”—MAT. 28:19.

AMBAHANON 79
Tudlui Sila nga Magtindog sing Malig-on

ANG BINAGBINAGON SA SINI NGA ARTIKULO

Ginapalig-on kita sang aton tuigan nga teksto sa 2020 nga
‘tudluan ang mga tawo agod mangin disipulo sila.’ Dapat tu-
manon sang tanan nga alagad ni Jehova ini nga sugo. Paano
naton mapalig-on ang aton mga ginatudluan sang Biblia nga
mangin mga disipulo sang Cristo? Ipaathag sini nga artikulo
kon paano naton mabuligan ang aton mga ginatudluan sang
Biblia nga mangin suod pa gid kay Jehova. Binagbinagon
man naton kon paano magdesisyon kon bala padayunon pa
naton ang isa ka pagtuon ukon untaton na naton ini.
2
KAAGAHON sadto sang Nisan 16, 33 C.E. Nasubuan ang
pila ka babayi nga mga alagad sang Dios sang nagkad-
to sila sa lulubngan ni Ginuong Jesucristo, nga ginlu-
bong duha ka adlaw na ang nagligad. Nagkadto sila para
butangan sang mahamot nga mga tanom kag mahamot
nga mga lana ang bangkay ni Jesus. Pero pag-abot nila sa
lulubngan, nakibot sila nga wala na ang iya bangkay!
Ginsugiran sang anghel ang mga babayi nga nabanhaw
na si Jesus kag ginsilingan sila: “Mauna sia sa inyo sa
Galilea. Makita ninyo sia didto.”—Mat. 28:1-7; Luc. 23:56;
24:10.
2 Paghalin sang mga babayi sa lulubngan, ginpalapitan
sila ni Jesus kag ginsugo sila: “Lakat kamo, sugiri ninyo ang
akon mga utod agod magkadto sila sa Galilea, kag didto ma-
kita nila ako.” (Mat. 28:10) Amo ini ang una nga tion nga
ginsugo ni Jesus nga magtipon ang iya mga disipulo pagka-
tapos sia mabanhaw, kag magahatag sia sa ila sang impor-
tante gid nga mga instruksion.

SIN-O ANG GINSUGO NI JESUS?

3 Basaha ang Mateo 28:16-20. Sang nakigkita si Jesus sa
iya mga disipulo, ginsugid niya ang importante nga hiliku-
ton nga ila pagahimuon sadto nga tion, nga amo man ang
ginahimo naton subong. Nagsiling si Jesus: “Gani kadtui
ninyo ang mga tawo sa tanan nga pungsod kag tudlui ninyo

1-2. Ano ang ginsiling sang anghel sa mga babayi nga nagkadto sa
lulubngan ni Jesus, kag ano ang ginsugo ni Jesus sa ila?
3-4. Ngaa masiling naton nga indi lang sa mga apostoles ginhatag
ang sugo sa Mateo 28:19, 20? (Tan-awa ang piktyur sa kober.)

ENERO 2020 3
sila agod mangin disipulo ko. . . . Tudlui ninyo sila nga
tumanon ang tanan nga ginsugo ko sa inyo.”
4Gusto ni Jesus nga magbantala ang tanan niya nga su-
mulunod. Indi lang ang iya 11 ka matutom nga mga aposto-
les ang ginsugo niya. Ngaa sigurado kita sa sini? Sang gin-
hatag ni Jesus ang sugo nga tudluan ang mga tawo para
mangin disipulo sila, indi lang ang mga apostoles ang ara
sa bukid sa Galilea. Ngaa masiling naton ini? Dumduma
nga nagsiling ang anghel sa mga babayi: “Makita ninyo
sia [sa Galilea].” Gani posible gid nga ara man ang matutom
nga mga babayi. Isa pa, nagsiling man si apostol Pablo nga
“nagpakita [si Jesus] sa kapin sa 500 ka kauturan sa isa ka
higayon.” (1 Cor. 15:6) Diin nagtipon ini nga mga kauturan?
May mga rason kita nga magpati nga ang ginapatuhu-
5

yan ni Pablo amo ang pagtipon sang mga disipulo sa Gali-

lea nga ginsambit sa Mateo kapitulo 28. Ano ini nga mga
rason? Una, taga-Galilea ang kalabanan sang mga disipulo
ni Jesus. Gani mas madali magtipon ang madamo nga tawo
sa isa ka bukid sa Galilea sangsa isa ka balay sa Jerusalem.
Ikaduha, nakigkita na si Jesus sa iya 11 ka apostoles sa
isa ka balay sa Jerusalem pagkatapos sia mabanhaw. Kon
gusto ni Jesus nga mga apostoles lang ang hatagan sang
instruksion nga magbantala kag magtudlo, puede niya ini
himuon sa Jerusalem imbes nga pakadtuon pa sila kag ang
mga babayi kag ang iban pa sa Galilea para makigkita sa iya.
—Luc. 24:33, 36.

5. Ngaa nagapati kita nga ang ginapatuhuyan sang 1 Corinto 15:6

amo ang pagtipon sang mga disipulo sa Galilea nga ginsambit sa
Mateo kapitulo 28?

4 ANG LALANTAWAN
 6 Binagbinaga ang ikatlo nga rason. Indi lang ang mga
Cristiano sadto nga tion ang ginsugo ni Jesus nga mag-
tudlo sa mga tawo para mangin disipulo sila. Ngaa ma-
siling naton ini? Sang ginhatag ni Jesus ang mga ins-
truksion sa iya mga sumulunod, amo ini ang katapusan
niya nga ginsiling: “Kaupod ninyo ako sa tanan nga tion
tubtob sa hingapusan sang sistema sang mga butang.”
(Mat. 28:20) Gintuman gid ni Jesus ang iya ginsiling kay
madamo subong ang nagatudlo sa mga tawo para mangin
disipulo sila. Makalilipay gid nga kada tuig, halos 300,000
ang nagapabawtismo bilang mga Saksi ni Jehova kag mga
disipulo ni Jesucristo!
7 Madamo sang nagatuon sang Biblia ang nagauswag
kag nagapabawtismo. Pero may pila nga nagatuon sang
Biblia ang daw indi pa makadesisyon nga mangin disipu-
lo. Nanamian sila magtuon, pero wala sila nagauswag para
magpabawtismo. Kon may ginatudluan ka sang Biblia, si-
gurado gid nga gusto mo sia buligan nga iaplikar ang iya
natun-an kag mangin disipulo sang Cristo. Binagbinagon
sa sini nga artikulo kon paano naton mabuligan ang aton
ginatudluan nga palanggaon si Jehova kag mag-uswag.
Ngaa dapat naton ini binagbinagon? Bangod posible nga
dapat kita magdesisyon kon bala padayunon pa naton ang
isa ka pagtuon ukon untaton na naton ini.

6. Suno sa Mateo 28:20, ngaa dapat tumanon asta subong ang

sugo nga magtudlo sa mga tawo para mangin disipulo sila, kag
ngaa masiling naton nga ginatuman ini nga sugo subong?
7. Ano ang binagbinagon naton, kag ngaa?

ENERO 2020 5
 BULIGI ANG IMO GINATUDLUAN
NGA PALANGGAON SI JEHOVA
8Gusto ni Jehova nga alagdon sia sang mga tawo bangod
palangga nila sia. Gani dapat naton buligan ang aton mga
ginatudluan nga mahangpan nga nagaulikid si Jehova sa ila
kag palangga gid niya sila. Gusto naton nga makilala nila si
Jehova bilang “amay sang mga wala sing amay kag manug-
pangapin sang mga balo nga babayi.” (Sal. 68:5) Kon ma-
hangpan nila nga palangga sila sang Dios, posible gid nga
palanggaon man nila sia. Mahimo nga nabudlayan ang iban
sa ila nga tamdon si Jehova bilang mahigugmaon nga Amay
bangod wala sila ginpalangga sang ila mismo amay. (2 Tim.
3:1, 3) Gani itudlo sa ila ang dalayawon nga mga kinaiya ni
Jehova samtang nagatuon kamo. Buligi sila nga mahangpan
nga gusto sang aton mahigugmaon nga Dios nga mabuhi
sila sing wala sing katapusan, kag handa sia sa pagbulig sa
ila. Ano pa ang dapat naton himuon?
Gamita ang mga libro nga “Ano ang Ginatudlo sang Biblia
9

sa Aton?” kag “Kon Paano Magpabilin sa Gugma sang Dios.”

Ginhimo ini nga mga libro para mabuligan naton ang aton
mga ginatudluan nga palanggaon si Jehova. Halimbawa, gi-
nabinagbinag sa kapitulo 1 sang Ginatudlo sa Aton nga libro
ang sabat sa sini nga mga pamangkot: Nagaulikid bala ang
Dios sa aton ukon mapintas sia?, Ano ang ginabatyag sang
Dios sa pag-antos sang mga tawo?, kag Posible ka bala ma-

8. Ngaa mabudlay kon kaisa ang pagbulig sa aton mga ginatudlu-

an nga palanggaon si Jehova?
9-10. Ano nga mga libro ang dapat naton gamiton sa pagtudlo
sang Biblia sa iban, kag ngaa?

6 ANG LALANTAWAN
ngin abyan ni Jehova? Ang Magpabilin sa Gugma sang Dios
nga libro magabulig naman sa aton ginatudluan nga ma-
hangpan nga kon iaplikar niya ang mga prinsipio sa Biblia,
mangin malipayon sia kag magasuod pa gid sia kay Jehova.
Dapat ka maghanda sa tagsa ninyo nga pagtuon para mabi-
nagbinag mo sing maayo ang mga punto nga makabulig gid
sa iya, bisan pa nagamit mo na ini nga mga libro sa iban.
10 Ano ang himuon mo kon ang topiko nga ginapamang-
kot sang imo ginatudluan wala sa mga publikasyon nga ma-
kita sa aton Mga Gamit sa Pagpanudlo, pero ginabinagbi-
nag ini sa iban nga publikasyon? Puede mo sia palig-unon
nga personal niya nga basahon ini nga publikasyon para
makapadayon kamo sa pagtuon sa Ginatudlo sa Aton nga lib-
ro ukon sa Magpabilin sa Gugma sang Dios nga libro.
11 Sugdi ang pagtuon paagi sa pangamuyo. Sa masami, ma-
ayo gid kon mangamuyo na kita sa aton pagtuon mga pila
pa lang ka semana nga regular na kita nga nagatuon. Ma-
ngamuyo kita sa umpisa kag pagkatapos sang pagtuon. Da-
pat naton ipaathag sa aton ginatudluan nga mahangpan
lang naton ang Pulong sang Dios paagi sa bulig sang espi-
ritu sang Dios. Ginagamit sang pila ka kauturan ang Santia-
go 1:5 para ipaathag sa ila ginatudluan kon ngaa nagapa-
ngamuyo kita kon nagatuon. Nagasiling ini: “Kon may isa
sa inyo nga kulang sang kaalam, padayon sia nga magpanga-
yo sa Dios.” Dayon ginapamangkot nila ang ila ginatudluan,
“Paano kita makapangayo sang kaalam sa Dios?” Mahimo
gid nga magasabat sia nga dapat kita mangamuyo sa Dios.

11. San-o naton sugdan nga mangamuyo sa pagtuon, kag paano

naton ipaathag sa aton ginatudluan nga importante ini?

ENERO 2020 7
 Tudlui ang nagatuon kon paano mangamuyo. Pasaliga
12

sia nga gusto ni Jehova pamatian ang iya sinsero nga mga
pangamuyo. Ipaathag sa iya nga kon nagapangamuyo kita,
puede naton isugid kay Jehova ang tanan naton nga gina-
batyag, pati ang mga butang nga indi naton masugid sa iban
nga tawo. Ang matuod, kabalo si Jehova sang aton mga gi-
nahunahuna. (Basaha ang Salmo 139:2-4.) Palig-unon man
naton ang aton ginatudluan nga mangamuyo sa Dios para
buligan sia nga mabag-o ang iya sala nga panghunahuna kag
mauntatan ang iya malain nga ginahimo. Halimbawa, basi
medyo madugay na nga nagatuon ang aton ginatudluan
pero nanamian sia gihapon sa isa ka selebrasyon nga indi
dapat selebrahon sang mga Cristiano. Kabalo sia nga sala
ini, pero may pila ka butang sa sini nga selebrasyon nga na-
namian niya gihapon. Palig-una sia nga isugid kay Jehova
ang iya ginabatyag kag mangamuyo nga buligan sia nga hi-
gugmaon lang ang ginahigugma sang Dios.—Sal. 97:10.
Agdaha dayon ang imo ginatudluan sang Biblia nga mag-
13

tambong sa mga miting. Ang iya mabatian kag makita sa

Cristianong mga miting makapalig-on sa iya nga alagaron
si Jehova kag makabulig sa iya nga mag-uswag. Ipakita ang
video nga Ano ang Ginahimo sa Kingdom Hall? kag hagara sia
nga mag-upod sa imo. Buligi sia nga makatambong. Maka-
bulig man kon lainlain nga mga utod ang iupod mo sa inyo

12. Paano mo gamiton ang Salmo 139:2-4 para palig-unon ang imo
ginatudluan nga mangamuyo sing sinsero kay Jehova?
13. (a) Ngaa dapat naton agdahon dayon ang aton mga ginatudlu-
an nga magtambong sa mga miting? (b) Paano naton sila mabuli-
gan nga indi mahuya kon magtambong sila sa Kingdom Hall?

8 ANG LALANTAWAN
pagtuon. Paagi sa sini, madamo na sang kakilala sa kongre-
gasyon ang imo ginatudluan kag mahimo nga indi na sia ma-
huya kon magtambong sia sa aton mga miting.

BULIGI ANG IMO GINATUDLUAN NGA MAG-USWAG

14 Dapat naton buligan ang aton ginatudluan sang Biblia
nga mag-uswag. (Efe. 4:13) Mahimo nga interesado ang isa
sa mga benepisyo nga mabaton niya sa pagtuon sang Biblia
amo nga nagsugot sia nga magtuon. Pero samtang nagatu-
bo ang iya gugma kay Jehova, mahimo gid nga hunahuna-
on na niya kon paano sia makabulig sa iban, pati na sa mga
kauturan sa kongregasyon. (Mat. 22:37-39) Sa husto nga
tion, isugid sa iya nga makabulig sia sa hilikuton sang Gin-
harian paagi sa pag-amot sing kuarta, kag isa ini ka pribi-
lehiyo.
15 Tudlui ang nagatuon sang Biblia kon ano ang dapat hi-
muon kon may problema sia. Halimbawa, ibutang ta nga isa
na ka indi bawtismado nga manugbantala ang imo ginatud-
luan, kag ginsugiran ka niya nga naglain ang iya buot sa
isa ka utod sa kongregasyon. Imbes nga isiling sa iya kon
sin-o ang husto ukon sin-o ang may sala, ipaathag sa iya ang
ginasiling sang Biblia nga dapat niya himuon. Puede niya
patawaron ang utod kag kalimtan na lang ini ukon istorya-
hon niya ang utod sing mainayuhon kag mahigugmaon kay
gusto niya nga mag-ayuhay sila. (Ipaanggid ang Mateo

14. Ano ang magapalig-on sa aton ginatudluan nga magbulig sa

iban?
15. Paano naton mabuligan ang aton ginatudluan sang Biblia nga
himuon ang husto kon may problema sia?

ENERO 2020 9
Gusto naton buligan ang aton mga ginatudluan
para mangin disipulo sila sang Cristo
Paano kita mangin epektibo sa pagtudlo sa mga tawo
para mangin disipulo sila?

Untati ang pagtudlo

sa tawo nga wala gid
nagauswag
(Tan-awa ang parapo 20)

10
 Agdaha ang imo
ginatudluan nga
magtambong
sa mga miting
(Tan-awa ang parapo 13)

Sugdi ang pagtuon

paagi sa pangamuyo
(Tan-awa ang parapo 11)

Tudlui ang nagatuon

kon ano ang dapat
himuon kon may
Mahimo nga may iban pa sa inyo problema sia
teritoryo nga nagapangamuyo (Tan-awa ang parapo 15)
nga buligan sila
(Tan-awa ang parapo 20)
18:15.) Buligi sia nga maghanda sa iya ihambal. Tudlui sia
kon paano gamiton ang JW Library˙ nga app, ang Giya sa
Pagtuon Para sa mga Saksi ni Jehova, kag ang jw.org˙ sa pag-
research para mabal-an niya ang puede himuon sa sini
nga sitwasyon. Kon matun-an niya kon paano masolbar
ang mga problema sa iya kaangtanan sa iban antes sia
mabawtismuhan, mahimo gid nga mangin maayo ang iya
kaangtanan sa mga kauturan sa kongregasyon kon mabaw-
tismuhan na sia.
16 Hagara ang iban nga kauturan nga updan ka sa imo gi-
natudluan, kag hagara man ang manugtatap sang sirkito kon
magduaw sia sa inyo kongregasyon. Ngaa? Makabulig man sa
imo ginatudluan ang iban nga manugbantala. Halimbawa,
ibutang ta nga pila na ka beses nga gintinguhaan sang
imo ginatudluan nga mag-untat sa pagpanigarilyo, pero
nagpanigarilyo sia gihapon. Upda ang isa ka Saksi nga na-
gapanigarilyo sang una pero nauntat niya ini pagligad sang
madamo nga beses niya nga pagtinguha. Mahimo nga ma-
kahatag sia sang laygay nga makabulig sa imo ginatudluan.
Kon medyo nahuya ka magtudlo nga kaupod ang utod nga
may madamo na nga eksperiensia sa pagtudlo, pangabaya
sia nga sia lang anay ang magdumala sa pagtuon. Kon ha-
garon mo ang iban nga updan ka sa imo ginatudluan sang
Biblia, may matun-an sia sa ila mga eksperiensia. Dumdu-
ma nga dapat naton buligan ang aton ginatudluan nga mag-
uswag.

16. Ngaa maayo kon hagaron mo ang iban nga manugbantala nga
updan ka sa imo ginatudluan?

12 ANG LALANTAWAN
 DAPAT MO BALA UNTATON
ANG INYO PAGTUON?
17 Kon wala nagahimo sang pagbag-o sa iya kabuhi ang
imo ginatudluan sang Biblia, maabot ang tion nga dapat mo
pamangkuton ang imo kaugalingon, ‘Dapat ko bala untaton
ang amon pagtuon?’ Antes ka magdesisyon, dapat mo anay
binagbinagon ang iya ikasarang. Madasig mag-uswag ang
iban, pero ang iban indi. Pamangkuta ang imo kaugalingon:
‘Nagauswag bala ang akon ginatudluan suno sa iya masara-
ngan?’ ‘ “Ginatuman” ukon ginaaplikar na bala niya ang iya
natun-an?’ (Mat. 28:20) Mahimo nga nagakinahanglan sang
malawig nga tion ang aton ginatudluan para mangin disipu-
lo sia, pero dapat amat-amat sia nga maghimo sang mga
pagbag-o sa iya kabuhi.
18 Ano ang himuon naton kon madugay na nga nagatuon
ang isa pero wala niya ginaaplikar ang iya natun-an? Binag-
binaga ini nga halimbawa: Natapos na sang imo ginatudlu-
an nga tun-an ang Ginatudlo sa Aton nga libro kag ayhan na-
gatuon na kamo sa Magpabilin sa Gugma sang Dios nga libro,
pero wala pa gid sia makatambong sa miting sang kongre-
gasyon, kag bisan sa Memoryal! Masami sia nagasiling nga
indi anay kamo magtuon bangod sang indi man importan-
te nga mga rason. Kon amo sini ang imo ginatudluan, dapat
mo sia istoryahon sing prangka.1

1 Tan-awa ang video nga Pag-untat sa Wala Nagauswag nga mga

Ginatun-an sa Biblia sa JW Broadcasting˙.

17-18. Ano ang dapat mo binagbinagon antes ka magdesisyon kon

bala dapat mo untaton ang inyo pagtuon?

ENERO 2020 13
 Dapat naton pauswagon
ang aton paagi sang
pagtudlo sa mga tawo
para mangin disipulo sila
kag buligan sila nga
magpabawtismo
(Tan-awa ang parapo 21)

19 Puede mo sia pamangkuton, ‘Sa banta mo, ano ang gi-

nahimo sang mga Saksi ni Jehova nga mabudlayan ka gid
nga himuon?’ Basi isiling niya, ‘Gusto ko magtuon sang Bib-
lia, pero indi lang ako mag-Saksi!’ Kon amo ini ang iya pa-
nimuot bisan pa madugay na sia nga nagatuon, basi dapat
mo na untaton ang inyo pagtuon. Pero basi subong pa lang
isugid sang imo ginatudluan kon ngaa wala sia nagauswag.
Halimbawa, basi pamatyag niya mabudlayan gid sia mag-
bantala. Kon mabal-an mo ang iya ginabatyag, mas madali
mo sia nga mabuligan.
20Makapasubo nga ang iban sa aton ginatudluan nangin
pareho sang mga Israelinhon sang panahon ni Ezequiel.
Amo ini ang ginsiling ni Jehova kay Ezequiel parte sa ila:
“Para sa ila daw kaangay ka lang sang manug-amba sing

19. Ano ang puede mo isiling sa isa nga wala nagaaplikar sa iya na-
tun-an sa Biblia, kag ano ang dapat mo binagbinagon?
20. Paano kita mabuligan sang Binuhatan 13:48 sa pagdesisyon
kon bala padayunon pa naton ang isa ka pagtuon ukon untaton na
naton ini?

14 ANG LALANTAWAN
ambahanon sa gugma, nga maayo mag-amba kag magtokar
sing de-kuerdas nga instrumento. Magapamati sila sa imo
isiling, apang wala sing isa sa ila nga magahimo sini.” (Ezeq.
33:32) Mahimo nga mabudlay ang paghambal sa aton gina-
tudluan nga untaton na naton ang aton pagtuon. Pero “ma-
lip-ot na lang ang tion nga nabilin.” (1 Cor. 7:29) Mas
maayo nga untaton na naton ang pagtudlo sa wala gid na-
gauswag. Dapat naton pangitaon ang tawo nga matuod gid
nga “may husto nga panimuot sa pagtigayon sing kabuhi
nga wala sing katapusan.”—Basaha ang Binuhatan 13:48.
21 Buligan kita sang aton tuigan nga teksto sa 2020 nga
hunahunaon kon paano pa kita mag-uswag sa pagtudlo sa
mga tawo para mangin disipulo sila. Nalakip ini sa ginsiling
ni Jesus sa isa ka importante nga pagtilipon sa bukid sa
Galilea: “Gani kadtui ninyo ang mga tawo . . . kag tudlui nin-
yo sila agod mangin disipulo ko. Bawtismuhi ninyo sila.”
—Mat. 28:19.

21. Ano ang aton tuigan nga teksto sa 2020, kag ngaa nagakaigo ini?

MADUMDUMAN MO BALA?
˛ Ngaa dapat naton ˛ Paano naton mabu- ˛ Ano ang dapat na-
buligan ang aton ligan ang aton mga ton binagbinagon
mga ginatudluan ginatudluan para antes kita magde-
sang Biblia nga pa- mangin disipulo sisyon kon bala
langgaon si Jehova, sila sang Cristo? untaton na naton
kag paano naton ang isa ka pagtuon
ini himuon? sa Biblia?

AMBAHANON 70
Pangitaa ang mga Tawo nga Takus
TULUN-AN
NGA ARTIKULO 2

Puede Ka Mangin
“Nagapabakod nga
Bulig” sa Iban
“Sila . . . ang akon mga masigkamanugpangabudlay
para sa Ginharian sang Dios, kag nagapabakod
nga bulig sa akon.”—COL. 4:11, footnote.

AMBAHANON 90
Palig-una ang Isa kag Isa

ANG BINAGBINAGON SA SINI NGA ARTIKULO

Naeksperiensiahan ni apostol Pablo ang madamo nga ka-
budlayan. Sa sini nga mga tion, ginbuligan sia sang pila
niya ka kauturan. Binagbinagon naton ang tatlo ka kinaiya
nga ginpakita sini nga mga kauturan sa pagbulig sa iban.
Binagbinagon man naton kon paano naton sila mailog.
16
SA BILOG nga kalibutan, madamo nga alagad ni Jehova
ang nabalaka ukon nasubuan bangod sang ila mabud-
lay nga mga sitwasyon. Natalupangdan mo bala ini sa
inyo kongregasyon? Ang pila ka kauturan may malala nga
balatian ukon napatyan sang pinalangga. Nasubuan gid
ang iban bangod nag-untat sa pag-alagad kay Jehova ang
miembro sang ila pamilya ukon ang ila suod nga abyan.
Ang iban naman nakaeksperiensia sang kalamidad. Tanan
sila nagakinahanglan sang bulig kag paumpaw. Paano na-
ton sila mabuligan?
2 Madamo nga beses nga nabutang sa katalagman ang ka-
buhi ni apostol Pablo. (2 Cor. 11:23-28) May ginbatas man
sia nga “tunok sa unod,” nga posible isa ka balatian. (2 Cor.
12:7) Nasubuan man sia sang ginbayaan sia ni Demas, nga
kaupod niya anay sa pag-alagad, “bangod ginhigugma [ni
Demas] ini nga sistema sang mga butang.” (2 Tim. 4:10) Si
Pablo isa ka maisog nga hinaplas nga Cristiano nga pirme
nagabulig sa iban, pero nagaluya man ang iya buot kon ka-
isa.—Roma 9:1, 2.
3 Nakabaton sang bulig si Pablo. Paano? Sigurado gid nga
gingamit ni Jehova ang Iya balaan nga espiritu para paba-
kuron sia. (2 Cor. 4:7; Fil. 4:13) Gingamit man ni Jehova
ang iban nga Cristiano para buligan si Pablo. Nagsiling
si Pablo nga ang pila niya ka masigkamanugpangabudlay

1. Ano nga mabudlay nga mga sitwasyon ang naeksperiensiahan

sang madamo nga matutom nga mga alagad ni Jehova?
2. Ngaa kinahanglan ni apostol Pablo ang bulig kon kaisa?
3. Paano ginbuligan ni Jehova si Pablo?

ENERO 2020 17
‘naghatag sing daku nga lugpay’ sa iya. (Col. 4:11) Nalakip
sa iya ginsambit sanday Aristarco, Tiquico, kag Marcos.
Ginpabakod nila si Pablo kag ginbuligan sia nga magbatas.
Ano nga mga kinaiya ang ginpakita sining tatlo ka Cristia-
no amo nga nabuligan nila sia? Paano naton mailog ang ila
maayo nga halimbawa para mabuligan kag mapabakod na-
ton ang isa kag isa?

MAINUNUNGON PAREHO KAY ARISTARCO

4 Nangin mainunungon nga abyan ni Pablo si Aristarco,
isa ka Cristiano nga taga-Tesalonica, nga sakop sang Mace-
donia. Una nga ginsambit si Aristarco sa Biblia sang gindu-
aw ni Pablo ang Efeso sa iya ikatlo nga paglakbay bilang mis-
yonero. Sang gin-updan ni Aristarco si Pablo, gindakop sia
sang nagginamo nga mga tawo. (Binu. 19:29) Sang ginbuy-
an sia sang ulihi, wala sia nalagyo para mahilway sa katalag-
man. Gin-unungan niya si Pablo. Pila ka bulan sang ulihi,
gin-updan gihapon ni Aristarco si Pablo sa Gresya, bisan pa
gusto patyon si Pablo sang iya mga kaaway. (Binu. 20:2-4)
Sang mga 58 C.E. sang gindala sa Roma si Pablo nga isa ka
bilanggo, gin-updan sia ni Aristarco sa malawig nga paglak-
bay, kag magkaupod sila sang naguba ang barko nga ila gi-
nasakyan. (Binu. 27:1, 2, 41) Posible nga sang didto na sila
sa Roma, may tion nga nabilanggo man sia kaupod ni Pab-
lo. (Col. 4:10) Sigurado gid nga napabakod kag napalig-on
si Pablo sang iya mainunungon nga abyan!

4. Paano ginpakita ni Aristarco nga mainunungon sia nga abyan ni

Pablo?

18 ANG LALANTAWAN
 Mailog naton si Aristarco
kon unungan naton
ang aton mga kauturan
sa “tion sang kalisdanan”
(Tan-awa ang parapo 4-5)

5 Mailog naton si Aristarco kon unungan naton ang aton

mga kauturan sa tanan nga tion, bisan sa “tion sang kalis-
danan.” (Basaha ang Hulubaton 17:17.) Mahimo nga kina-
hanglan gihapon sang aton utod ang bulig bisan pa natapos
na ang iya problema. Amo ini ang natabo sa isa ka sister nga
si Frances.1 Napatay ang iya mga ginikanan bangod sa kan-
ser, una ang iya amay, dayon ang iya iloy pagligad sang tat-
lo ka bulan. Nagsiling sia: “Maapektuhan kita sang mabud-
lay nga mga pagtilaw sa malawig nga tion. Nagapasalamat
gid ako sa akon mainunungon nga mga abyan kay kabalo

1 Gin-islan ang pila ka ngalan sa sini nga artikulo.

5. Suno sa Hulubaton 17:17, paano kita mangin mainunungon nga

abyan?

ENERO 2020 19
sila nga nasubuan ako gihapon, bisan pa madugay na nga
napatay ang akon mga ginikanan.”
6 Nagasakripisyo ang mainunungon nga mga abyan para
mabuligan ang ila mga kauturan. Halimbawa, ginsilingan
sang doktor ang brother nga si Peter nga may malala sia nga
balatian nga ikamatay niya. Ang iya asawa nga si Kathryn
nagsiling: “Kaupod namon nga nagkadto sa doktor ang
isa ka mag-asawa nga kakongregasyon namon sang mabal-
an namon ang balatian ni Peter. Sadto mismo nga tion, nag-
desisyon sila nga buligan kami sa amon mabudlay nga sit-
wasyon, kag ara gid sila pirme kon kinahanglan namon
sila.” Makapabakod gid sa aton ang matuod nga mga ab-
yan nga makabulig sa aton para mabatas naton ang mga
pagtilaw!

MASALIGAN PAREHO KAY TIQUICO

7 Nangin masaligan gid nga abyan ni Pablo si Tiquico,
isa ka Cristiano nga taga-distrito sang Asia, nga sakop sang
Roma. (Binu. 20:4) Sang mga 55 C.E., gin-organisar ni Pab-
lo ang pagpangolekta sang kuarta para buligan ang mga
Cristiano sa Judea, kag mahimo nga ginpabulig niya si Ti-
quico sa sining importante nga asaynment. (2 Cor. 8:18-20)
Sang ulihi, sang ginbilanggo si Pablo sa una nga tion, na-
ngin mensahero niya si Tiquico. Gindala niya ang mga su-
lat ni Pablo kag ang iya mga mensahe nga nagapalig-on sa
mga kongregasyon sa Asia.—Col. 4:7-9.

6. Ano ang himuon naton kon mainunungon kita?

7-8. Suno sa Colosas 4:7-9, paano ginpakita ni Tiquico nga masa-
ligan sia?

20 ANG LALANTAWAN
 Pareho kay Tiquico, puede kita
mangin abyan nga masaligan
sang aton mga kauturan
kon may problema sila
(Tan-awa ang parapo 7-9)

8 Sa pagligad sang tion, masaligan gihapon ni Pablo ang

iya abyan nga si Tiquico. (Tito 3:12) Indi pareho kay Tiqui-
co ang iban nga Cristiano sadto. Sang mga 65 C.E., sa ika-
duha nga pagbilanggo kay Pablo, nagsulat sia nga madamo
nga Cristiano sa probinsia sang Asia ang indi gusto makig-
upod sa iya, posible bangod nahadlok sila sa mga nagapa-
matok. (2 Tim. 1:15) Pero masaligan ni Pablo si Tiquico kag
ginhatagan niya sia sang isa pa ka asaynment. (2 Tim. 4:12)
Sigurado gid nga nalipay si Pablo nga may maayo sia nga
abyan pareho kay Tiquico.
9 Mailog naton si Tiquico kon mangin abyan kita nga ma-
saligan sang iban. Halimbawa, wala lang kita nagapromisa
nga buligan ang aton mga kauturan, kundi may ginahimo

9. Paano naton mailog si Tiquico?

ENERO 2020 21
gid kita para mabuligan sila. (Mat. 5:37; Luc. 16:10) Mapa-
bakod gid ang mga nagakinahanglan sang bulig kon kabalo
sila nga buligan naton sila. Ang isa ka utod nagsiling,
“Kalmado ka kag wala nabalaka kay kabalo ka nga tumanon
gid sang tawo nga nagpromisa ang ginsiling niya nga buli-
gan ka.”
10 Masami nga mapabakod ang mga may problema ukon
ang mga nasubuan kon isugid nila sa isa ka masaligan nga
abyan ang ila ginabatyag. (Basaha ang Hulubaton 18:24.)
Nasubuan gid si Bijay sang na-disfellowship ang iya bata nga
lalaki. Nagsiling sia, “Gusto ko isugid sa isa nga masaligan
ko ang akon ginabatyag.” Bangod sang sala nga nahimo ni
Carlos, ginkuha ang iya ginapabaloran nga pribilehiyo sa
kongregasyon. Nagsiling sia nga gusto niya isugid ang iya
ginabatyag sa masaligan nga mga tawo nga indi magapaka-
lain sa iya. Nagpalapit sia sa mga gulang, kag ginbuligan
nila sia sa iya problema. Napaumpawan man sia kay kabalo
sia nga indi pag-isugid sang mga gulang sa iban ang ginsi-
ling niya sa ila.
11Dapat mangin mapinasensiahon ang isa ka masaligan
nga abyan. Sang ginbayaan si Zhanna sang iya bana, napa-
umpawan sia sang ginsugid niya sa iya suod nga mga abyan
ang iya ginabatyag. Nagsiling sia, “Mapinasensiahon sila
nga nagapamati sa akon, bisan pa daw sulitsulit ang akon
mga ginahambal.” Mangin maayo ka man nga abyan kon pa-
matian mo sing maayo ang imo abyan.

10. Suno sa Hulubaton 18:24, sin-o ang makapabakod sa mga may

problema ukon sa mga nasubuan?
11. Paano naton mapakita nga masaligan kita nga abyan?

22 ANG LALANTAWAN
 HANDA SA PAG-ALAGAD SA IBAN
PAREHO KAY MARCOS
12 Si Marcos isa ka Judiyo nga Cristiano nga taga-Jerusa-
lem. Ang iya pakaisa nga si Bernabe isa ka kilala nga mis-
yonero. (Col. 4:10) Mahimo gid nga manggaranon ang pa-
milya ni Marcos, pero ang kuarta kag mga pagkabutang indi
ang pinakaimportante sa iya kabuhi. Sa bilog niya nga ka-
buhi, ginpakita niya nga handa sia sa pag-alagad sa iban.
Nalipay gid sia sa paghimo sini. Halimbawa, madamo nga
beses nga nag-alagad sia kaupod ni apostol Pablo kag ni
apostol Pedro samtang ginahimo nila ang ila mga responsi-
bilidad. Posible nga si Marcos ang nag-atipan sang ila mga
kinahanglanon pareho sang pagkaon kag dalayunan. (Binu.
13:2-5; 1 Ped. 5:13) Nagsiling si Pablo nga si Marcos isa
sa iya “mga masigkamanugpangabudlay para sa Ginharian
sang Dios” kag “nagapabakod nga bulig” sa iya.—Col. 4:
10, 11, footnote.
13 Nangin suod nga abyan ni Pablo si Marcos. Halimbawa,
sang mga 65 C.E., sa katapusan nga pagbilanggo kay Pablo
sa Roma, ginsulat niya ang iya ikaduha nga sulat kay Timo-
teo. Sa iya sulat, ginpangabay niya si Timoteo nga magkad-
to sa Roma kag updon si Marcos. (2 Tim. 4:11) Ginpabaloran
ni Pablo ang matutom nga pag-alagad ni Marcos sang una
amo nga ginpangabay niya nga updan sia ni Marcos sa sining
mabudlay nga sitwasyon. Ginbuligan ni Marcos si Pablo,

12. Sin-o si Marcos, kag paano niya ginpakita nga handa sia sa
pag-alagad sa iban?
13. Ano ang ginasiling sang 2 Timoteo 4:11 nga nagapakita nga
ginpabaloran ni Pablo ang matutom nga pag-alagad ni Marcos?

ENERO 2020 23
 Nakabatas si Pablo bangod sang
ginpakita nga kaayo ni Marcos;
mabuligan man naton ang aton
mga kauturan sa tion
sang kalamidad
(Tan-awa ang parapo 12-14)

ayhan paagi sa pagdala sa iya sang pagkaon ukon mga gamit

para sa iya pagsulat. Bangod sang bulig kag pagpalig-on nga
nabaton ni Pablo, nakabatas sia asta sa iya kamatayon.
14 Basaha ang Mateo 7:12. Kon ara kita sa mabudlay nga
sitwasyon, nagapasalamat gid kita sa mga nagabulig sa
aton. “Madamo sa mga ginahimo naton adlaw-adlaw ang
daw indi na naton mahimo kon may problema kita,” siling
ni Ryan, nga hinali lang nga napatyan sang amay bangod
sang aksidente. “Makapabakod gid kon may maghatag sang
bulig, bisan pa daw gamay lang ini.”
15 Kon nagaulikid kita sa aton mga kauturan kag talu-
pangdon naton ang ila kahimtangan, posible gid nga maka-
kita kita sang mga paagi para mabuligan sila. Halimbawa,

14-15. Ano ang ginatudlo sa aton sang Mateo 7:12 parte sa pagbu-
lig sa iban?

24 ANG LALANTAWAN
pareho sang ginsambit kaina, nagdesisyon ang mag-asawa
nga buligan sanday Peter kag Kathryn, kag gin-asikaso sang
asawa ang tanan nga iskedyul sa pagpabulong. Bangod indi
na nila masarangan magmaneho, naghimo sang iskedyul
ang asawa para makabulosbulos ang nagboluntaryo nga
mga kauturan sa ila kongregasyon sa pagdul-ong kag pag-
sugat sa ila. Nakabulig bala ini? Si Kathryn nagsiling, “Daw
nagmag-an ang amon ginapas-an.” Dumduma pirme nga
mapabakod mo gid ang iban bisan sa simple lang nga paagi
sang pagbulig sa ila.
16 Sigurado gid nga masako nga Cristiano ang disipulo
nga si Marcos nga nagkabuhi sang panahon ni Jesus. May
mabug-at sia nga mga asaynment sa pag-alagad, kag lakip
sa sini ang pagsulat sang Ebanghelyo ni Marcos. Pero may
tion man si Marcos sa pagbulig kay Pablo, kag kabalo si Pab-
lo nga mapangabay niya si Marcos nga buligan sia. Amo
man sini ang nabatyagan ni Angela. Sang ginpatay ang
isa ka miembro sang iya pamilya, nagpasalamat gid sia sa
mga handa magbulig sa iya. “Mahapos magpalapit sa mga
abyan nga gusto gid magbulig,” siling niya. “Wala sila naga-
duhaduha sa pagbulig.” Mahimo kita mamangkot, ‘Kila-
la bala ako nga handa magbulig sa akon mga kauturan?’

DETERMINADO NGA MAGBULIG SA IBAN

17 Madamo sang kauturan nga nagakinahanglan sang

16. Ano ang importante naton nga matun-an sa halimbawa ni

Marcos parte sa pagbulig sa iban?
17. Kon pamalandungan naton ang 2 Corinto 1:3, 4, paano kita sini
mapalig-on nga magbulig sa iban?

ENERO 2020 25
bulig. Para mabuligan sila, puede naton sundon ang ginhi-
mo sang iban sa pagbulig sa aton. Si Nino, isa ka sister nga
napatyan sang lola, nagsiling: “Puede kita gamiton ni Jeho-
va para mapabakod ang iban kon hatagan naton sia sang ka-
higayunan.” (Basaha ang 2 Corinto 1:3, 4.) Si Frances, nga
ginsambit kaina, nagsiling: “Matuod ang ginasiling sang
2 Corinto 1:4. Puede naton gamiton sa pagpalig-on sa iban
ang ginpalig-on sa aton.”
18 Dapat kita mangita sang mga paagi sa pagbulig sa iban
bisan pa daw nagaduhaduha kita. Halimbawa, basi indi kita
kabalo kon ano ang isiling ukon himuon sa isa nga ara sa
mabudlay nga sitwasyon. Nadumduman pa sang gulang
nga si Paul ang pagtinguha sang iban para mapaumpawan
sia sang napatay ang iya amay. “Nakita ko nga nagapalibog
man sila kon paano ako istoryahon,” siling niya. “Indi sila
kabalo kon ano ang isiling sa akon. Pero ginpasalamatan ko
sila gihapon kay gusto nila ako paumpawan kag buligan.”
Sang naeksperiensiahan sang brother nga si Tajon ang ma-
baskog nga linog, nagsiling sia: “Sa tuod lang, indi ko
na madumduman ang tanan nga mensahe nga ginpada-
la sa akon sang mga tawo pagkatapos sang linog, pero
madumduman ko nga nagaulikid gid sila kag ginsigurado
nila nga wala ako maano.” Makabulig gid kita sa iban kon
ipakita naton nga nagaulikid kita sa ila.
19 Bangod malapit na ang katapusan sini nga sistema, ma-
galain pa gid ang kahimtangan sa kalibutan kag magabud-

18. (a) Ngaa daw nagaduhaduha ang iban sa pagbulig? (b) Paano
kita makabulig gid sa iban? Maghatag sing halimbawa.
19. Ngaa dapat kita mangin “nagapabakod nga bulig” sa iban?

26 ANG LALANTAWAN
lay pa gid ang kabuhi. (2 Tim. 3:13) Padayon man kita nga
magakinahanglan sang bulig bangod indi kita perpekto kag
pirme kita makasala. Ang isa sa mga rason nga nakabatas si
apostol Pablo kag nakapabilin nga matutom asta sa iya ka-
matayon amo nga ginbuligan sia sang iya mga kauturan.
Gani kabay pa nga mangin mainunungon kita pareho kay
Aristarco, masaligan pareho kay Tiquico, kag handa sa pag-
alagad sa iban pareho kay Marcos. Kon ipakita naton ini
nga mga kinaiya, mabuligan naton ang aton mga kauturan
nga padayon nga mag-alagad sing matutom kay Jehova.
—1 Tes. 3:2, 3.


MGA PIKTYUR Pahina 19: Magkaupod sanday Aristarco kag Pablo
sang naguba ang barko nga ila ginasakyan. Pahina 21: Ginsaligan
si Tiquico sa pagdala sang mga sulat ni Pablo sa mga kongregasyon.
Pahina 24: Ginbuligan ni Marcos si Pablo paagi sa paghatag sang iya
mga kinahanglanon.

PAANO MO MABULIGAN ANG IBAN PAREHO SANG GINHIMO NI . . .

˛ Aristarco? ˛ Tiquico? ˛ Marcos?

AMBAHANON 111
Mga Rason sa Pagkalipay
 TULUN-AN
NGA ARTIKULO 3

Importante Gid Ikaw

kay Jehova nga Imo Dios!
“Gindumdom niya kita sang indi maayo
ang aton kahimtangan.”—SAL. 136:23.

AMBAHANON 33
Itugyan ang Imo Lulan kay Jehova

ANG BINAGBINAGON SA SINI NGA ARTIKULO

May naeksperiensiahan ka bala sa imo kabuhi nga bangod
sini pamatyag mo wala ka na sing pulos? Ipahanumdom
sa imo sini nga artikulo nga importante gid ikaw kay Je-
hova. Binagbinagon sa sini kon ano ang himuon mo para
magbatyag ka nga may pulos ka gihapon bisan ano pa
ang matabo sa imo kabuhi.
28
BINAGBINAGA ining tatlo ka halimbawa: Ginsilingan sang
doktor ang isa ka pamatan-on nga utod nga may malala
sia nga balatian nga magapaluya sa iya. Ginpahalin sa tra-
baho ang mapisan nga utod nga sobra na 50 anyos, kag
indi sia makakita sang bag-o nga obra bisan ano pa niya
nga pagtinguha. Indi na mahimo sang matutom nga tigu-
lang nga utod ang masarangan niya himuon sang una sa
pag-alagad kay Jehova.
2 Kon may problema ka nga pareho sa sini, mahimo nga
batyagon mo nga wala ka na sing mahimo nga maayo. Ma-
himo nga madula ang imo kalipay, magbatyag ka nga wala
sing pulos, kag maapektuhan ang imo kaangtanan sa iban.
3 Pareho sa pagtamod ni Satanas ang pagtamod sang ka-
libutan sa kabuhi sang tawo. Para kay Satanas, daw wala
sing pulos ang mga tawo. Mapintas sia kay ginsilingan niya
si Eva nga mangin hilway sia kuno kon indi niya pagtuma-
non ang Dios bisan pa kabalo si Satanas nga magaresul-
ta ini sa kamatayon. Kontrolado gid niya ang komersio,
pulitika, kag relihion sa sini nga kalibutan. Gani madamo
nga negosyante, pulitiko, kag lider sang relihion ang wala
man nagarespeto sa kabuhi kag dignidad sang tawo.
4 Gusto ni Jehova nga mabal-an naton nga may pulos
gid kita, kag ginabuligan niya kita kon makaeksperiensia

1-2. Ano nga mga sitwasyon ang naeksperiensiahan sang madamo

nga alagad ni Jehova, kag ano ang posible nga epekto sini sa ila?
3. Paano ginatamod ni Satanas kag sang mga naimpluwensiahan
niya ang kabuhi sang tawo?
4. Ano ang binagbinagon naton sa sini nga artikulo?

ENERO 2020 29
kita sang mga sitwasyon nga makapabatyag sa aton nga
wala kita sing pulos. (Sal. 136:23; Roma 12:3) Binagbina-
gon sa sini nga artikulo kon paano kita ginabuligan ni
Jehova sa masunod nga mga sitwasyon: (1) Kon naga-
balatian kita, (2) kon nagapamigado kita, kag (3) kon
magbatyag kita nga daw wala na kita sing mahimo sa pag-
alagad kay Jehova bangod tigulang na kita. Pero tun-an
anay naton kon ngaa makasalig kita nga ginapabaloran ni
Jehova ang kada isa sa aton.

IMPORTANTE KITA KAY JEHOVA

5 Bisan pa gintuga kita halin sa yab-ok sang duta, wala
kita ginatamod ni Jehova nga indi importante. (Gen. 2:7)
Binagbinaga ang pila sa mga rason kon ngaa masiling na-
ton nga ginapabaloran kita ni Jehova. Gintuga niya ang
mga tawo nga may ikasarang nga ilugon ang iya mga kina-
iya. (Gen. 1:27) Bangod sini, ginhimo niya kita nga labaw
sangsa iban pa niya nga gintuga sa duta, kag gintugyan
niya sa aton ang duta kag ang mga kasapatan.—Sal. 8:4-8.
6 Bisan sa tapos magpakasala si Adan, padayon nga gin-
pabaloran ni Jehova ang mga tawo. Importante gid kita sa
iya amo nga ginhatag niya ang iya pinalangga nga Anak
nga si Jesus para mangin gawad sa aton mga sala. (1 Juan
4:9, 10) Paagi sa sini nga gawad, banhawon ni Jehova ang
“mga matarong kag mga indi matarong” nga napatay ba-

5. Ngaa masiling mo nga ginapabaloran ni Jehova ang mga tawo?

6. Ano ang isa pa ka rason kon ngaa masiling naton nga ginapaba-
loran ni Jehova ang indi perpekto nga mga tawo?

30 ANG LALANTAWAN
ngod sang sala ni Adan. (Binu. 24:15) Ginapakita sang iya
Pulong nga hamili kita sa iya bisan pa nagabalatian kita,
nagapamigado, ukon tigulang na.—Binu. 10:34, 35.
7 May iban pa nga rason kon ngaa nagapati kita nga gi-
napabaloran kita ni Jehova. Ginbuyok niya kita palapit sa
iya kag nakita niya kon paano naton ginbaton ang maa-
yong balita. (Juan 6:44) Samtang nagapalapit kita kay Je-
hova, nagapalapit pa gid sia sa aton. (Sant. 4:8) Naggamit
man si Jehova sang tion kag nagpanikasog sia para tudlu-
an kita, kag pamatuod ini nga importante kita sa iya. Ka-
balo sia kon ano ang aton mga kinaiya kag kon paano
naton ini mapauswag. Kag ginadisiplina niya kita kay pa-
langga niya kita. (Hulu. 3:11, 12) Nagapamatuod gid ini
nga ginapabaloran kita ni Jehova!
8 Gintamod sang iban si Hari David nga wala sing pulos,
pero kabalo sia nga palangga kag ginbuligan sia ni Jeho-
va. Bangod sini, nangin husto ang pagtamod ni David sa
iya sitwasyon kag nabatas niya ini. (2 Sam. 16:5-7) Kon na-
subuan kita ukon may mga problema, mabuligan kita ni
Jehova para mangin husto ang aton pagtamod kag masa-
rangan naton ang bisan ano nga kabudlayan. (Basaha ang
Salmo 18:27-29.) Paagi sa bulig ni Jehova, indi madu-
la ang aton kalipay sa pag-alagad sa iya. (Roma 8:31)
Binagbinagon naman naton ang tatlo ka sitwasyon nga

7. Ano pa ang mga rason kon ngaa nagapati ang mga alagad sang
Dios nga ginapabaloran sila ni Jehova?
8. Paano makabulig ang ginasiling sang Salmo 18:27-29 para ma-
ngin husto ang pagtamod naton sa aton mga problema?

ENERO 2020 31
kinahanglan naton dumdumon nga palangga kag ginapa-
baloran kita ni Jehova.

KON NAGABALATIAN KITA

9 Bangod sang aton balatian, mahimo kita magbatyag
nga wala na kita sing mahimo para sa iban. Mahimo nga
mahuya kita kon makita sang mga tawo nga may balatian
kita ukon nagasalig na lang kita sa bulig sang iban. Bisan
pa kon wala kabalo ang iban nga may balatian kita, basi
magbatyag kita gihapon sang kahuya kay indi na naton
mahimo ang masarangan naton himuon sang una. Gina-
palig-on kita ni Jehova bisan pa amo sini ang aton kahim-
tangan. Paano?
10 Kon nagabalatian kita, mapalig-on kita sang “maayo
nga pulong.” (Basaha ang Hulubaton 12:25.) Paagi sa
Biblia, madamo sang ginsiling si Jehova nga nagapaha-
numdom sa aton nga importante kita sa iya bisan pa na-
gabalatian kita. (Sal. 31:19; 41:3) Kon basahon naton ang
Pulong sang Dios kag sulitsulit naton ini nga himuon, bu-
ligan kita ni Jehova nga masarangan ang aton mga gina-
kabalak-an bangod sang aton balatian.
11 Binagbinaga ang eksperiensia ni Jorge. Nagbalatian
sia sang pamatan-on pa sia, kag madasig ini nga naglala

9. Paano naton mahimo tamdon ang aton kaugalingon kon naga-

balatian kita?
10. Suno sa Hulubaton 12:25, ano ang makabulig sa aton kon na-
gabalatian kita?
11. Paano ginbuligan ni Jehova ang isa ka utod?

32 ANG LALANTAWAN
 Kon basahon naton ang Pulong ni Jehova, mabuligan kita sini nga
masarangan ang aton mga ginakabalak-an bangod sang aton balatian
(Tan-awa ang parapo 9-12)

amo nga nagbatyag sia nga wala na sia sing pulos. “Nagul-
pihan gid ako sa nangin resulta sang akon balatian kag sa
nabatyagan ko nga kahuya kay ginatulok ako sang mga
tawo bangod sini,” siling ni Jorge. “Naglala ang akon ba-
latian kag ginpamensar ko ang epekto sini sa akon kabu-
hi. Grabe gid ang akon kasubo kag nagpakiluoy ako kay
Jehova nga buligan niya ako.” Paano sia ginbuligan ni Je-
hova? “Bangod indi ako makakonsentrar, nagabasa ako
sang pila lang ka bersikulo sa Salmo nga nagapakita sang
pag-ulikid ni Jehova sa iya mga alagad. Ginasulitsulit ko
ENERO 2020 33
ini basa kada adlaw, kag nagapalig-on ini sa akon. Sang
ulihi, natalupangdan sang iban nga pirme na ako nagayu-
hum. Nagsiling pa gani sila nga napalig-on sila bangod ma-
lipayon ako. Nakita ko nga ginsabat ni Jehova ang akon
mga pangamuyo! Ginbuligan niya ako nga bag-uhon ang
akon pagtamod sa akon kaugalingon. Ginhunahuna ko ang
ginasiling sang iya Pulong kon paano niya ako ginatamod
bisan pa may balatian ako.”
12Kon nagabalatian ka, makasalig ka nga kabalo si Je-
hova sang imo ginabatyag. Mangamuyo sa iya nga buligan
ka para mangin husto ang imo pagtamod sa imo sitwas-
yon. Dayon basaha sa Biblia ang makapalig-on nga men-
sahe nga ginpasulat ni Jehova para sa imo. Pamalandungi
ang mga teksto nga nagapakita nga ginapabaloran gid ni
Jehova ang iya mga alagad. Kon himuon mo ini, makita
mo nga maayo si Jehova sa tanan nga matutom nga naga-
alagad sa iya.—Sal. 84:11.

KON NAGAPAMIGADO KITA

13 Gusto sang tanan nga ulo sang pamilya nga maaman
ang mga kinahanglanon sang ila pamilya. Pero mahimo
madulaan sang trabaho ang isa ka utod, bisan pa wala sia
sang nahimo nga sala. Kag basi indi gid sia makakita sang
bag-o nga obra bisan ano pa niya nga pagtinguha. Bangod
sini, mahimo sia magbatyag nga wala sia sing pulos. Paano

12. Kon nagabalatian ka, paano mo mabaton ang bulig ni Jehova?

13. Ano ang mahimo batyagon sang isa ka ulo sang pamilya kon
madulaan sia sang trabaho?

34 ANG LALANTAWAN
makabulig sa iya ang paghunahuna sa mga promisa ni
Jehova?
14 Ginatuman gid ni Jehova ang iya mga promisa. (Jos.
21:45; 23:14) Ginahimo niya ini bangod sang pila ka rason.
Una, may epekto ini sa iya ngalan, ukon reputasyon. Nag-
promisa si Jehova nga atipanon niya ang iya matutom nga
mga alagad, kag para sa iya obligado sia nga tumanon ini.
(Sal. 31:1-3) Isa pa, kabalo si Jehova nga masubuan gid
kita kon indi niya pag-atipanon ang mga miembro sang iya
pamilya. Nagapromisa sia nga ihatag niya ang aton mga ki-
nahanglanon para padayon kita nga mabuhi kag matutom
nga mag-alagad sa iya, kag wala sang makapugong sa iya
para tumanon ini nga promisa!—Mat. 6:30-33; 24:45.
15 Kon dumdumon naton kon ngaa ginatuman ni Jeho-
va ang iya mga promisa, makasalig kita nga magabulig sia
kon nagapamigado kita. Binagbinaga ang natabo sa mga
Cristiano sang unang siglo. Sang ginhingabot ang kongre-
gasyon sa Jerusalem, “nag-alaplaag ang tanan nga disipu-
lo . . . luwas sa mga apostoles.” (Binu. 8:1) Hunahunaa ang
resulta sini. Namigado gid sila! Posible nga nadulaan sang
balay kag palangabuhian ang mga Cristiano. Pero wala sila
ginpabay-an ni Jehova, kag wala man nadula ang ila kali-
pay. (Binu. 8:4; Heb. 13:5, 6; Sant. 1:2, 3) Ginbuligan ni
Jehova ining matutom nga mga Cristiano, kag buligan
man niya kita.—Basaha ang Salmo 37:18, 19.

14. Ngaa ginatuman ni Jehova ang iya mga promisa?

15. (a) Ano nga kabudlayan ang naeksperiensiahan sang mga Cris-
tiano sang unang siglo? (b) Ano ang ginapasalig sa aton sang Sal-
mo 37:18, 19?

ENERO 2020 35
 KON NABUDLAYAN KITA
BANGOD TIGULANG NA KITA
16 Kon tigulang na kita, mahimo kita magbatyag nga diu-
tay na lang ang mahatag naton kay Jehova. Mahimo nga
ginkabalak-an man ini ni Hari David sang tigulang na sia.
(Sal. 71:9) Paano kita mabuligan ni Jehova?
17Binagbinaga ang eksperiensia sang sister nga si
Jheri. Gin-agda sia sa isa ka paghanas nga himuon sa
Kingdom Hall parte sa pagmentinar sa mga bilding nga
ginagamit sa pag-alagad kay Jehova. Pero indi niya gus-
to magkadto. Nagsiling sia: “Tigulang na ako, balo pa,
kag wala ako sang ikasarang para magamit ako ni Jeho-
va. Wala ako sing mabulig.” Sang gab-i antes himuon ang
paghanas, nangamuyo sia kay Jehova kag ginsugid niya
ang iya ginabatyag. Sang nag-abot sia sa Kingdom Hall
pagkadason nga adlaw, nagapalibog sia gihapon kon da-
pat gid sia mag-upod sa paghanas. Sa tion sang pagha-
nas, ginpaathag sang isa ka humalambal nga ang aton pi-
nakaimportante nga ikasarang amo ang aton kahanda
nga magpatudlo kay Jehova. Nagsiling si Jheri: “Napen-
saran ko, ‘May amo ako sini nga ikasarang!’ Naghibi ako
kay nahangpan ko nga ginsabat ni Jehova ang akon pa-
ngamuyo. Ginapasalig niya ako nga may mahatag gid ako
kag handa sia nga tudluan ako!” Nadumduman pa ni
Jheri: “Sang nagkadto ako sa paghanas, ginakulbaan

16. Ngaa mahimo kita magbatyag nga wala na ginapabaloran ni

Jehova ang aton pagsimba sa iya?
17. Ano ang matun-an naton sa eksperiensia ni Jheri?

36 ANG LALANTAWAN
 Kon nabudlayan kita makakita sang obra,
makabulig sa aton ang pagdumdom nga nagapromisa
si Jehova nga ihatag niya ang aton mga kinahanglanon
(Tan-awa ang parapo 13-15)

ako, naluyahan sang buot, kag masubo. Pero pagkatapos

sang paghanas, may kompiansa na ako, napalig-on, kag
nagabatyag nga may mabulig gid ako!”
Bisan tigulang na kita, makasalig kita gihapon nga
18

may mahimo pa kita para kay Jehova. (Sal. 92:12-15)

18. Paano ginapakita sang Biblia nga ginapabaloran gihapon ni Je-

hova ang aton pagsimba bisan tigulang na kita?

ENERO 2020 37
 Kon hunahunaon naton ang aton masarangan himuon
bisan tigulang na kita, makasalig kita nga ginapabaloran kita
ni Jehova kag ang aton matutom nga pag-alagad sa iya
(Tan-awa ang parapo 16-18)

Gintudlo ni Jesus nga bisan pa diutay na lang ang mahi-

mo naton kag para sa aton daw indi ini salapakon, ginapa-
baloran ni Jehova ang bisan ano nga masarangan naton
himuon sa pag-alagad sa iya. (Luc. 21:2-4) Gani hunahu-
naa lang ang masarangan mo himuon. Halimbawa, masu-
giran mo ang iban parte kay Jehova, makapangamuyo
ka para sa imo mga kauturan, kag mapalig-on mo ang
iban nga mangin matutom. Ginhatagan ka ni Jehova sang
38 ANG LALANTAWAN
pribilehiyo nga magpangabudlay kaupod niya, indi bangod
sang mahimo mo, kundi bangod handa ka sa pagtuman sa
iya.—1 Cor. 3:5-9.
19 Nagapasalamat gid kita nga nagasimba kita kay Jeho-
va, ang Dios nga nagapabalor gid sa mga nagaalagad sa
iya! Gintuga niya kita para himuon ang iya kabubut-on,
kag ang pagsimba sa iya amo ang nagapahalipay sa aton.
(Bug. 4:11) Bisan pa tamdon kita sang kalibutan nga wala
sing pulos, wala kita ginakahuya ni Jehova. (Heb. 11:16,
38) Kon maluyahan kita sang buot bangod sang bala-
tian, kapigaduhon, ukon katigulangon, dumdumon naton
nga wala gid sang makapugong para mabaton naton ang
gugma sang aton Amay sa langit.—Basaha ang Roma
8:38, 39.

19. Ano ang ginapasalig sa aton sang Roma 8:38, 39?

PAANO GINAPAKITA NI JEHOVA NGA IMPORTANTE KITA

SA IYA BISAN PA . . .
˛ nagabalatian ˛ nagapamigado ˛ nabudlayan kita
kita? kita? bangod tigulang
na kita?

AMBAHANON 30
Akon Amay, Akon Dios, kag Abyan
TULUN-AN
NGA ARTIKULO 4

“Ang Espiritu Mismo

Nagahatag sing Pamatuod”
“Ang espiritu mismo nagahatag sing pamatuod sa aton
espiritu nga kita mga anak sang Dios.”—ROMA 8:16.

AMBAHANON 25
Ginapanag-iyahan sang Dios

ANG BINAGBINAGON SA SINI NGA ARTIKULO

Sugod sang Pentecostes 33 C.E., ginhatagan ni Jehova
sang dalayawon nga paglaum ang pila ka Cristiano nga
maggahom kaupod ang iya Anak sa langit. Pero paano
mabal-an sini nga mga Cristiano nga ginpili sila nga ma-
gabaton sini nga pribilehiyo? Ano ang nagakatabo kon
ginpili ang isa? Sabton sa sini nga artikulo ining maka-
pahunahuna nga mga pamangkot. Ginbase ini sa isa ka
artikulo sa Enero 2016 nga Ang Lalantawan.
40
 Sang Pentecostes, ginhatagan ni Jehova ang mga 120 ka Cristiano
sang iya balaan nga espiritu sa tumalagsahon nga paagi
(Tan-awa ang parapo 1-2)

DOMINGO sang aga sadto, tuig sang 33 C.E., kag adlaw

sang Pentecostes. Nagtipon ang mga 120 ka disipulo sa
kuarto sa ibabaw sang isa ka balay sa Jerusalem. (Binu.
1:13-15; 2:1) Pila ka adlaw antes sini, ginsilingan sila ni Je-
sus nga indi maghalin sa Jerusalem bangod makabaton
sila sang pinasahi nga regalo. (Binu. 1:4, 5) Ano dayon ang
natabo?
2“Sa hinali lang, may gahod halin sa langit nga daw na-
gahagunos nga huyop sang hangin.” Nabatian ini sa bug-
os nga balay. Dayon, “ang mga dila nga daw kalayo”

1-2. Ano ang tumalagsahon nga natabo sang adlaw sang Pente-
costes sang 33 C.E.?

ENERO 2020 41
nagtungtong sa ulo sang mga disipulo, kag “napuno sila
tanan sing balaan nga espiritu.” (Binu. 2:2-4) Sa sining
tumalagsahon nga paagi, ginhatagan sila ni Jehova sang
iya balaan nga espiritu. (Binu. 1:8) Sila ang una nga gin-
haplasan sang balaan nga espiritu1 kag ginhatagan sang
paglaum nga maggahom kaupod ni Jesus sa langit.

ANO ANG NAGAKATABO

KON MANGIN HINAPLAS ANG ISA?
3 Kon isa ikaw sa mga disipulo nga nagtipon sang Pen-
tecostes sa kuarto sa ibabaw sang isa ka balay, indi mo gid
ini malipatan. Nagtungtong sa imo ulo ang dila nga daw
kalayo, kag nakahambal ka sang iban nga lenguahe! (Binu.
2:5-12) Sigurado ka gid nga ginhaplasan ka sang balaan
nga espiritu. Pero ang tanan bala nga ginhaplasan sang
balaan nga espiritu nakabaton sini sa tumalagsahon nga
paagi kag sa pareho nga tion sang ila kabuhi? Indi. Ngaa?
4 Binagbinagon naton kon san-o mahimo mangin hinap-

1 DUGANG NGA PAATHAG: Ginhaplasan sang balaan nga espiritu: Gi-

nagamit ni Jehova ang iya balaan nga espiritu sa pagpili sa tawo nga
magagahom kaupod ni Jesus sa langit. Paagi sa espiritu sang Dios, na-
gapromisa sia sa sini nga tawo para sa palaabuton, ukon nagahatag
sia sang “isa ka pauna nga garantiya.” (Efe. 1:13, 14) Ang ginpili nga
mga Cristiano makasiling nga ang balaan nga espiritu “nagahatag sing
pamatuod” sa ila nga sa langit ang ila paglaum.—Roma 8:16.

3. Ngaa sigurado gid ang mga nagtipon sang Pentecostes nga gin-
haplasan sila sang balaan nga espiritu?
4. Ginhaplasan bala ang tanan nga hinaplas sang unang siglo sa
pareho nga tion sang ila kabuhi? Ipaathag.

42 ANG LALANTAWAN
las ang isa. Indi lang ang mga 120 ka Cristiano ang ginhap-
lasan sang balaan nga espiritu sang Pentecostes, 33 C.E.
Sang ulihi sa sina man nga adlaw, mga 3,000 pa ang na-
kabaton man sang balaan nga espiritu. Ginhaplasan sila
sang ginbawtismuhan sila. (Binu. 2:37, 38, 41) Pero sang
masunod nga mga tuig, indi tanan sang hinaplas nga mga
Cristiano ang ginhaplasan sang ginbawtismuhan sila. Gin-
haplasan sang balaan nga espiritu ang mga Samaritano
pagligad pa sang pila ka tion sa tapos sila mabawtismuhan.
(Binu. 8:14-17) Kag tumalagsahon ang paghaplas kay Cor-
nelio kag sa iya panimalay kay natabo ini antes pa sila gin-
bawtismuhan.—Binu. 10:44-48.
5 Binagbinagon man naton ang nagakatabo kon ang isa
ginhaplasan sang balaan nga espiritu. Sa primero, may
pila ka hinaplas ang daw indi makapati nga ginpili sila ni
Jehova. Nagapalibog sila, ‘Ngaa ginpili ako sang Dios?’
Pero mahimo nga indi amo sini ang ginabatyag sang iban.
Ano man ang ginabatyag sang isa, ginpaathag ni apostol
Pablo ang nagakatabo sa tanan nga hinaplas: “Sang nag-
tuo kamo, ginpat-inan1 kamo paagi sa iya sang ginsaad
nga balaan nga espiritu, nga isa ka pauna nga garantiya
sang aton palanublion.” (Efe. 1:13, 14; footnote) Gani

1 DUGANG NGA PAATHAG: Pat-in. Mangin permanente lang ini nga

pagpat-in sa isa ka matutom antes sia mapatay ukon antes magsugod
ang dakung kapipit-an.—Efe. 4:30; Bug. 7:2-4; tan-awa ang “Mga Pa-
mangkot Gikan sa mga Bumalasa” sa Abril 2016 nga Ang Lalantawan.

5. Suno sa 2 Corinto 1:21, 22, ano ang nagakatabo kon ang isa gin-
haplasan sang balaan nga espiritu?

ENERO 2020 43
ginagamit ni Jehova ang iya balaan nga espiritu para ma-
ngin maathag gid sa sini nga mga Cristiano nga ginpili
niya sila. Sa sini nga paagi, ang balaan nga espiritu isa ka
“garantiya” ukon promisa nga nagapasalig sa ila nga may
paglaum sila nga mabuhi sing wala sing katapusan sa la-
ngit, indi sa duta.—Basaha ang 2 Corinto 1:21, 22.
6 Kon ginhaplasan ang isa ka Cristiano, sigurado na bala
sia nga mapalangit? Indi. Sigurado sia nga ginpili sia nga
mabuhi sa langit. Pero dapat niya dumdumon ini nga lay-
gay: “Mga kauturan, himua gid ninyo ang inyo bug-os nga
masarangan agod mapat-od ninyo ang pagtawag kag pag-
pili sa inyo, kay kon padayon ninyo ini nga ginahimo, indi
gid kamo mapaslawan.” (2 Ped. 1:10) Gani bisan pa ginpi-
li ang isa ka hinaplas nga Cristiano nga mabuhi sa langit,
mabaton lamang niya ang iya padya kon mangin matutom
sia.—Fil. 3:12-14; Heb. 3:1; Bug. 2:10.

PAANO MABAL-AN SANG ISA

KON HINAPLAS SIA?
7 Pero paano mabal-an sang isa nga gin-agda sia sa la-
ngit? Maathag ang sabat sa ginsiling ni Pablo sa mga taga-
Roma nga “ginpili agod mangin mga balaan.” Nagsiling sia
sa ila: “Ang espiritu sang Dios wala nagahimo sa aton nga
mangin mga ulipon kag mahadlok kita liwat, kundi paagi
sa sini nga espiritu ginaadoptar kita subong mga anak, kag

6. Ano ang dapat himuon sang isa ka hinaplas nga Cristiano para
mabaton niya ang iya padya sa langit?
7. Paano mabal-an sang mga hinaplas nga gin-agda sila sa langit?

44 ANG LALANTAWAN
ini nga espiritu nagapahulag sa aton sa pagsinggit: ‘Abba,
Amay!’ Ang espiritu mismo nagahatag sing pamatuod sa
aton espiritu nga kita mga anak sang Dios.” (Roma 1:7;
8:15, 16) Gani paagi sa balaan nga espiritu sang Dios, na-
ngin maathag sa mga hinaplas nga gin-agda sila sa langit.
—1 Tes. 2:12.
8 Ginsigurado gid ni Jehova nga indi magduhaduha
ang mga gin-agda niya nga mabuhi sa langit. (Basaha
ang 1 Juan 2:20, 27.) Matuod, kinahanglan tudluan ni
Jehova ang hinaplas nga mga Cristiano paagi sa kongre-
gasyon pareho man sa iban. Pero indi na kinahanglan
nga pamatud-an sang iban nga hinaplas sila. Gingamit ni
Jehova ang pinakagamhanan nga puersa sa uniberso,
ang iya balaan nga espiritu, para mangin maathag gid sa
ila nga hinaplas sila!

‘NABUN-AG SILA LIWAT’

9 Mahimo nga mabudlay sa kalabanan nga alagad sang
Dios subong nga mahangpan ang nagakatabo sa isa kon
ginhaplasan sia sang Dios. Normal lang ini bangod wala
sila ginhaplasan. Gintuga sang Dios ang mga tawo para
mabuhi sing wala sing katapusan sa duta, indi sa langit.
(Gen. 1:28; Sal. 37:29) Pero may ginpili si Jehova para
mabuhi sa langit. Kon ginhaplasan niya sila, ginabag-o

8. Suno sa 1 Juan 2:20, 27, ngaa indi na kinahanglan sang hinap-

las nga mga Cristiano ang pamatuod sang iban nga hinaplas sila?
9. Suno sa Efeso 1:18, ano nga pagbag-o ang naeksperiensiahan
sang isa ka hinaplas?

ENERO 2020 45
gid niya ang ila paglaum kag panghunahuna amo nga
nagalaum na sila nga mabuhi sa langit.—Basaha ang
Efeso 1:18.
10 Ang ginhaplasan sang balaan nga espiritu nga mga
Cristiano ‘nabun-ag liwat,’ ukon ‘nabun-ag halin sa iba-
baw.’1 Ginsiling man ni Jesus nga imposible nga ipaathag
sing bug-os sa isa nga indi hinaplas ang nabatyagan sang
isa nga ‘nabun-ag liwat,’ ukon “nabun-ag paagi sa espiri-
tu.”—Juan 3:3-8; footnote.
11Paano nagabag-o ang panghunahuna sang hinaplas
nga mga Cristiano? Antes ginhaplasan ni Jehova ini nga
mga Cristiano, nagalaum gid sila nga mabuhi sing wala
sing katapusan sa duta. Ginapaabot gid nila ang tion nga
dulaon ni Jehova ang tanan nga kalautan kag himuon
nga paraiso ang duta. Mahimo nga ginahanduraw na nila
nga makaupod liwat ang miembro sang ila pamilya ukon
ang ila abyan nga napatay. Pero sang ginhaplasan sila,
nagbag-o ang ila panghunahuna. Ngaa? Indi ini bangod
natak-an na sila sa kabuhi sa duta. Nagbag-o ang ila han-
dum indi bangod sang depresyon ukon grabe nga prob-
lema. Indi buot silingon nga hinali lang sila nga nagbat-
yag nga makatalaka ang kabuhi nga wala sing katapusan

1 Para sa dugang nga paathag parte sa kahulugan sang “mabun-ag li-

wat,” tan-awa ang Abril 1, 2009, nga Ang Lalantawan, p. 3-12.

10. Ano ang buot silingon kon ang isa “mabun-ag liwat”? (Tan-awa
man ang footnote.)
11. Paano nagabag-o ang panghunahuna sang isa ka hinaplas?

46 ANG LALANTAWAN
sa duta. Sa baylo, gingamit ni Jehova ang iya balaan
nga espiritu para bag-uhon ang ila panghunahuna kag
paglaum.
12 Mahimo man magbatyag ang isa ka hinaplas nga indi
sia takus sa sining hamili nga pribilehiyo. Pero wala gid
sia nagaduhaduha nga ginpili sia ni Jehova. Nalipay
gid sia kag nagapasalamat kon ginahunahuna niya ang
iya paglaum nga mabuhi sa langit.—Basaha ang 1 Ped-
ro 1:3, 4.
13 Buot silingon bala sini nga gusto mapatay sang mga
hinaplas? Ginsabat ni apostol Pablo ini nga pamangkot.
Ginpaanggid niya sa tolda ang ila lawas kag nagsiling:
“Ang matuod, kita nga yari sa sini nga tolda nagauga-
yong, nga ginabug-atan. Indi man naton luyag nga uba-
hon ini, kundi luyag naton nga isuklob ang isa, agod ang
mamalatyon mabuslan sang kabuhi.” (2 Cor. 5:4) Wala
natak-an ini nga mga Cristiano sa kabuhi sa duta, kag
indi nila gusto nga mapatay dayon. Sa baylo, nalipay gid
sila mabuhi kag gusto nila nga mag-alagad kay Jehova
kada adlaw upod sang ila pamilya kag mga abyan. Pero,
ano man ang ila ginahimo, pirme nila ginadumdom ang
ila dalayawon nga paglaum sa palaabuton.—1 Cor. 15:53;
2 Ped. 1:4; 1 Juan 3:2, 3; Bug. 20:6.

12. Suno sa 1 Pedro 1:3, 4, ano ang ginabatyag sang hinaplas nga
mga Cristiano parte sa ila paglaum?
13. Paano ginatamod sang mga hinaplas ang ila kabuhi diri sa
duta?

ENERO 2020 47
Gingamit ni Jehova ang iya balaan nga
espiritu para buligan sanday Abraham,
Sara, David, kag Juan nga Manugbaw-
tismo nga makahimo sang gamhanan
nga mga buhat, pero wala niya gingamit
ini nga espiritu para hatagan sila sang
paglaum nga mabuhi sa langit
(Tan-awa ang parapo 15-16)
 GINPILI KA BALA NI JEHOVA
NGA ISA KA HINAPLAS?
14 Basi nagapalibog ka kon bala ginhaplasan ka sang ba-
laan nga espiritu. Pamalandungi ining importante nga
mga pamangkot: Handum mo gid bala nga himuon ang ka-
bubut-on ni Jehova? Tumalagsahon bala ang imo kakugi
sa ministeryo? Nanamian ka bala magtuon sa Pulong sang
Dios kag mabal-an ang “madalom nga mga butang sang
Dios”? (1 Cor. 2:10) Masiling mo bala nga ginapakamaayo
gid ni Jehova ang imo pagbantala? Nagabatyag ka bala nga
responsibilidad mo gid nga buligan ang iban sa espiri-
tuwal? May nakita ka bala nga pamatuod nga ginbuligan
ka ni Jehova? Kon huo ang imo sabat sa sini nga mga pa-
mangkot, nagapamatuod bala ini nga gin-agda ka sa la-
ngit? Wala. Ngaa? Bangod mahimo ini batyagon sang ta-
nan nga alagad sang Dios, hinaplas man sila ukon indi. Kag
mabuligan ni Jehova ang tanan niya nga alagad paagi sa
balaan nga espiritu, ano man ang ila paglaum. Ang matu-
od, kon indi ka sigurado kon bala ginhaplasan ka sang ba-
laan nga espiritu, pamatuod ini nga indi ka hinaplas. Ang
mga ginpili ni Jehova wala nagapalibog kon bala hinaplas
sila ukon indi! Sigurado sila!
15Sa Biblia, may madamo nga halimbawa sang mga
tawo nga may pagtuo nga nakabaton sang balaan nga

14. Ano nga mga kahimtangan ang wala nagapamatuod nga gin-
haplasan sang balaan nga espiritu ang isa?
15. Ngaa masiling naton nga indi tanan nga nakabaton sang espi-
ritu sang Dios ang ginpili nga mabuhi sa langit?

ENERO 2020 49
espiritu, pero wala sila ginhatagan sang paglaum nga
mabuhi sa langit. Si David gintuytuyan sang balaan nga
espiritu. (1 Sam. 16:13) Ginbuligan sia sini para mahang-
pan ang madalom nga mga butang parte kay Jehova kag
gintuytuyan sia sini sa pagsulat sang pila ka bahin sang
Biblia. (Mar. 12:36) Pero ginsiling ni apostol Pedro nga
si David “wala magkayab sa langit.” (Binu. 2:34) Si Juan
nga Manugbawtismo ‘napuno sing balaan nga espiritu.’
(Luc. 1:13-16) Nagsiling si Jesus nga wala sing tawo nga
labaw pa kay Juan, pero nagsiling man sia nga si Juan
indi magagahom sa Ginharian sa langit. (Mat. 11:10, 11)
Gingamit ni Jehova ang iya balaan nga espiritu para bu-
ligan sila nga makahimo sang gamhanan nga mga buhat,
pero wala niya gingamit ini nga espiritu para pilion sila
nga mabuhi sa langit. Nagakahulugan bala ini nga indi
sila pareho katutom sa mga ginpili nga magagahom sa la-
ngit? Wala. Nagakahulugan lang ini nga banhawon sila
ni Jehova para mabuhi sa Paraiso nga duta.—Juan 5:
28, 29; Binu. 24:15.
16Ang kalabanan nga alagad sang Dios sa duta subong
wala ginhatagan sang paglaum nga mabuhi sa langit. Pa-
reho kanday Abraham, Sara, David, Juan nga Manugbaw-
tismo, kag sang iban pa nga mga lalaki kag babayi sang pa-
nahon sang Biblia, may paglaum sila nga mabuhi sing wala
sing katapusan sa duta kon maggahom na ang Ginharian
sang Dios sa ila.—Heb. 11:10.

16. Ano ang paglaum sang kalabanan nga alagad sang Dios su-
bong?

50 ANG LALANTAWAN
 Bangod kaupod pa naton ang pila ka hinaplas subong,
17

posible nga may mga pamangkot kita. (Bug. 12:17) Halim-

bawa, paano dapat tamdon sang mga hinaplas ang ila ka-
ugalingon? Kon may utod sa inyo kongregasyon nga mag-
kaon sang tinapay kag mag-inom sang alak sa tion sang
Memoryal, paano mo sia dapat tamdon? Ano abi kon pa-
dayon nga nagadamo ang nagasiling nga hinaplas sila? Da-
pat ka bala mabalaka sa sini? Sabton naton ini nga mga
pamangkot sa masunod nga artikulo.

17. Ano nga mga pamangkot ang binagbinagon naton sa masunod

nga artikulo?


PIKTYUR Pahina 48: Bisan pa napriso kita bangod sang aton pagtuo
ukon hilway kita sa pagbantala kag sa pagtudlo sang kamatuoran, may
paglaum kita nga mabuhi sing wala sing katapusan sa duta kon magga-
hom na ang Ginharian sang Dios sa aton.

ANO ANG IMO SABAT?

˛ Paano mabal-an ˛ Ano nga pagbag-o ˛ Paano ginatamod
sang isa kon ang naeksperien- sang mga hinap-
hinaplas sia? siahan sang isa ka las ang ila kabuhi
hinaplas? diri sa duta?

AMBAHANON 27
Pagpahayag sa mga Anak sang Dios
 TULUN-AN
NGA ARTIKULO 5

Maupod Kami sa Inyo

“Luyag namon nga mag-upod sa inyo,
kay nabatian namon nga kaupod ninyo
ang Dios.”—ZAC. 8:23.

AMBAHANON 26
Ginhimo Ninyo Ini Para sa Akon

ANG BINAGBINAGON SA SINI NGA ARTIKULO

Sa sini nga tuig, selebrahon ang Memoryal sang kama-
tayon sang Cristo sa Martes, Abril 7. Paano naton dapat
tamdon ang nagakaon sang tinapay kag nagainom sang
alak sa tion sang Memoryal? Dapat bala kita mabalaka
kon padayon sila nga nagadamo? Sabton ini nga mga
pamangkot sa sini nga artikulo, nga ginbase sa isa ka
artikulo sa Enero 2016 nga Ang Lalantawan.
52
 Ginakabig sang iban nga mga karnero (“napulo ka tawo”)
nga kadungganan nga simbahon si Jehova
kaupod ang mga hinaplas (“isa ka Judiyo”)
(Tan-awa ang parapo 1-2)

NAGTAGNA si Jehova parte sa aton tion subong: “Napu-

lo ka tawo halin sa tanan nga lenguahe sang mga pungsod
ang magauyat sa bayo sang isa ka Judiyo kag magasiling:
‘Luyag namon nga mag-upod sa inyo, kay nabatian namon
nga kaupod ninyo ang Dios.’ ” (Zac. 8:23) Ang “Judiyo”
sa sini nga tagna nagarepresentar sa mga ginhaplasan

1. Ano ang ginsiling ni Jehova nga mahanabo sa aton tion subong?

ENERO 2020 53
sang Dios sang balaan nga espiritu. Ginatawag man sila
nga “Israel sang Dios.” (Gal. 6:16) Ang “napulo ka tawo”
nagarepresentar sa mga may paglaum nga mabuhi sing
wala sing katapusan sa duta. Kabalo sila nga ginapakama-
ayo ni Jehova ang mga hinaplas kag ginakabig nila nga ka-
dungganan nga simbahon sia kaupod ini nga mga hinaplas.
2 Bisan pa indi posible mabal-an ang ngalan sang tanan
nga hinaplas sa duta subong,1 ang mga may paglaum nga
mabuhi sing wala sing katapusan sa duta puede “mag-
upod” sa mga hinaplas. Paano? Ginsiling sang Biblia nga
ang “napulo ka tawo” “magauyat sa bayo sang isa ka
Judiyo kag magasiling: ‘Luyag namon nga mag-upod sa
inyo, kay nabatian namon nga kaupod ninyo ang Dios.’ ”
Ginsambit sang Biblia ang isa ka Judiyo. Pero indi lang isa
ang ginapatuhuyan sang tinaga nga “inyo” kag “ninyo.”
Buot silingon sini nga ini nga Judiyo indi lang isa ka tawo
kundi nagarepresentar ini sa mga hinaplas bilang isa ka
grupo. Ang mga indi hinaplas nagaalagad kay Jehova ka-
upod ang mga hinaplas. Pero wala nila ginatamod nga ila
lider ang mga hinaplas, kay kabalo sila nga si Jesus ang
ila Lider.—Mat. 23:10.
3Bangod may mga hinaplas pa nga kaupod naton su-
bong, mahimo mamangkot ang iban: (1) Paano dapat tam-

1 Suno sa Salmo 87:5, 6, mahimo ipahibalo sang Dios sa palaabuton

ang mga ngalan sang tanan nga magagahom kaupod ni Jesus sa langit.
—Roma 8:19.

2. Paano ‘magaupod’ sa mga hinaplas ang “napulo ka tawo”?

3. Ano nga mga pamangkot ang sabton sa sini nga artikulo?

54 ANG LALANTAWAN
don sang mga hinaplas ang ila kaugalingon? (2) Paano na-
ton dapat tamdon ang mga nagakaon sang tinapay kag na-
gainom sang alak sa tion sang Memoryal? (3) Dapat bala
kita mabalaka kon nagadamo sila? Sabton sa sini nga ar-
tikulo ini nga mga pamangkot.

PAANO DAPAT TAMDON SANG MGA HINAPLAS

ANG ILA KAUGALINGON?
4 Dapat binagbinagon sing maayo sang mga hinaplas
ang paandam sa 1 Corinto 11:27-29. (Basaha.) Paano ma-
ngin “indi takus” sa pagkaon sang tinapay kag pag-inom
sang alak ang isa ka hinaplas sa tion sang Memoryal? Indi
sia takus kon nagkaon sia sang tinapay kag nag-inom sang
alak pero wala niya gintuman ang mga kasuguan ni Jeho-
va. (Heb. 6:4-6; 10:26-29) Nahangpan sang mga hinaplas
nga dapat padayon sila nga mangin matutom para maba-
ton nila “ang padya, ang langitnon nga pagtawag sang
Dios paagi kay Cristo Jesus.”—Fil. 3:13-16.
5 Ginabuligan sang balaan nga espiritu ni Jehova ang
iya mga alagad para mangin mapainubuson sila, indi bu-
galon. (Efe. 4:1-3; Col. 3:10, 12) Gani wala ginahunahuna
sang mga hinaplas nga mas maayo sila sangsa iban. Wala
sila nagasiling nga mas madamo ang balaan nga espiritu
nga ginahatag ni Jehova sa mga hinaplas sangsa iban niya

4. Ano ang paandam sa 1 Corinto 11:27-29 nga dapat binagbina-

gon sing maayo sang mga hinaplas, kag ngaa?
5. Paano dapat tamdon sang hinaplas nga mga Cristiano ang ila
kaugalingon?

ENERO 2020 55
nga alagad. Wala nila ginahunahuna nga mas nahangpan
nila ang mga kamatuoran sa Biblia sangsa iban. Kag wala
gid sila nagahambal sa iban nga hinaplas man sila kag da-
pat man sila magkaon sang tinapay kag mag-inom sang
alak sa tion sang Memoryal. Mapainubuson nila nga gina-
baton nga si Jehova lang ang nagapili sang mga tawo nga
mabuhi sa langit.
6 Para sa mga hinaplas, isa ka kadungganan nga ginpili
sila nga mabuhi sa langit, pero wala nila ginapaabot nga
hatagan sila sang iban sang pinasahi nga atension. (Fil.
2:2, 3) Kabalo man sila nga sang ginpili sila ni Jehova nga
mga hinaplas, wala niya ini ginpahibalo sa iban. Gani wala
natingala ang isa ka hinaplas kon indi dayon magpati ang
iban nga ginhaplasan sia. Kabalo sia nga ang Biblia nagsi-
ling nga indi kita dapat magpati dayon sa isa nga naga-
hambal nga ginhatagan sia sang Dios sang pinasahi nga
responsibilidad. (Bug. 2:2) Indi gusto sang isa ka hinaplas
nga Cristiano nga hatagan sia sang mga tawo sang sobra
nga atension, gani wala niya ginapanugidsugid nga hinap-
las sia. Kag wala gid niya ini ginapabugal sa iban.—Basaha
ang 1 Corinto 4:7, 8.
7 Wala nagabatyag ang hinaplas nga mga Cristiano nga
dapat lang sila makig-upod sa pareho nila nga mga hinap-
las, nga daw miembro sila sang pinasahi nga grupo. Wala
nila ginapangita ang iban pa nga hinaplas para hambalan

6. Suno sa 1 Corinto 4:7, 8, paano dapat maggawi ang hinaplas

nga mga Cristiano?
7. Ano ang indi dapat paghimuon sang mga hinaplas, kag ngaa?

56 ANG LALANTAWAN
nila ang paghaplas sa ila ukon para magtuon sang Biblia
bilang mga grupo. (Gal. 1:15-17) Kon himuon ini sang mga
hinaplas, indi mahiusa ang kongregasyon kag wala sila na-
gapagiya sa balaan nga espiritu. Nagabulig ang balaan
nga espiritu sa katawhan sang Dios para may paghidait
sila kag paghiusa.—Roma 16:17, 18.

PAANO DAPAT TAMDON ANG MGA HINAPLAS?

8 Paano naton dapat tamdon ang aton mga kauturan nga
hinaplas? Sala gid nga pakataason ang isa ka tawo, bisan
pa isa sia ka hinaplas nga utod sang Cristo. (Mat. 23:8-12)
Ginapalig-on kita sang Biblia nga ‘ilugon ang pagtuo’ sang
mga gulang, pero wala ini nagasugo sa aton nga himuon
nga lider ang tawo. (Heb. 13:7) Matuod, nagasiling ang
Biblia nga ang iban sa ila “takus padunggan sing doble.”
Pero takus sila padunggan bangod “nagadumala [sila] sa
maayo nga paagi” kag “nagapangabudlay sing lakas sa
paghambal kag pagpanudlo tuhoy sa pulong,” indi bangod
hinaplas sila. (1 Tim. 5:17) Mahimo nga masaw-ahan ang
mga hinaplas kon hatagan naton sila sang sobra nga pag-
dayaw kag atension.1 Ang malain pa gid, basi ginapa-
lig-on na naton sila nga mangin bugalon. (Roma 12:3)
Indi gid naton gusto nga kita ang mangin kabangdanan

1 Tan-awa ang kahon nga “Ang Gugma ‘Wala Nagagawi sing Indi Naga-
kaigo’ ” sa Enero 2016 nga Ang Lalantawan.

8. Ngaa dapat gid ikaw maghalong kon paano mo tamdon ang na-
gakaon sang tinapay kag nagainom sang alak sa tion sang Memor-
yal? (Tan-awa man ang footnote.)

ENERO 2020 57
 Indi naton pagtamdon
nga daw mga artista
ang mga hinaplas
ukon ang iban pa
nga nagapanguna
nga mga utod
(Tan-awa ang parapo 8)

nga makasala ang isa ka hinaplas nga utod sang Cristo!

—Luc. 17:2.
9 Paano naton mapakita nga ginarespeto naton ang gin-
pili ni Jehova nga mga hinaplas? Indi kita dapat mamang-
kot sa ila kon paano sila nangin hinaplas. Personal ini nga
butang, kag wala kita sing kinamatarong nga hibaluon ini.
(1 Tes. 4:11; 2 Tes. 3:11) Indi man kita maghunahuna nga
hinaplas man ang ila bana ukon asawa, mga ginikanan,
ukon iban pa nga miembro sang ila pamilya. Wala ginapa-
nubli sa pamilya ang paglaum nga mabuhi sa langit. Gina-
hatag ini sang Dios. (1 Tes. 2:12) Indi man kita mamang-
kot sang makasakit sa balatyagon sang iban. Halimbawa,

9. Paano naton mapakita nga ginarespeto naton ang hinaplas nga

mga Cristiano?

58 ANG LALANTAWAN
indi kita dapat mamangkot sa asawa sang hinaplas nga
utod kon ano ang iya ginabatyag kay indi na niya mangin
kaupod ang iya bana nga mabuhi sing wala sing katapusan
sa duta sa palaabuton. Makasigurado kita nga sa bag-ong
kalibutan, ‘ihatag ni Jehova ang handum sang tagsa ka
buhi nga butang.’—Sal. 145:16.
10 Maamligan man kita kon wala naton ginatamod nga
mas importante ang mga hinaplas sangsa iban. Ngaa? Ang
Biblia nagasiling nga mahimo indi magpabilin nga matu-
tom ang pila ka hinaplas. (Mat. 25:10-12; 2 Ped. 2:20, 21)
Pero kon likawan naton ang ‘pagdayaw sa iban,’ indi gid
kita magasunod sa ila, bisan hinaplas pa sila ukon pro-
minente ukon madugay na nga nagaalagad kay Jehova.
(Jud. 16, footnote) Gani kon indi sila magpabilin nga ma-
tutom ukon magbiya sila sa kongregasyon, indi magaluya
ang aton pagtuo kay Jehova kag indi kita magauntat sa
pag-alagad sa iya.

DAPAT BALA KITA MABALAKA

SA ILA KADAMUON?
11Sa madamo nga tinuig, nagadiutay ang nagakaon sang
tinapay kag nagainom sang alak sa tion sang Memoryal.
Pero sang nagligad lang nga mga tinuig, nagadamo sila
kada tuig. Dapat bala kita mabalaka sa sini? Indi. Binag-
binagon naton ang pila ka rason kon ngaa.

10. Ngaa maamligan kita kon likawan naton ang ‘pagdayaw sa

iban’?
11. Ano ang masiling mo sa kadamuon sang nagakaon sang tina-
pay kag nagainom sang alak sa tion sang Memoryal?

ENERO 2020 59
 12“Kilala ni Jehova ang mga ginapanag-iyahan niya.”
(2 Tim. 2:19) Indi pareho kay Jehova, indi mabal-an sang
mga utod nga nagaisip sang nagakaon sang tinapay kag
nagainom sang alak sa tion sang Memoryal kon sin-o ang
matuod nga hinaplas. Gani lakip sa maisip ang sayop nga
naghunahuna nga hinaplas sila. Halimbawa, may pila nga

12. Ngaa indi kita dapat mabalaka sa kadamuon sang nagakaon

sang tinapay kag nagainom sang alak sa tion sang Memoryal?

Paano naton dapat tamdon ang nagakaon sang tinapay kag nagainom
sang alak sa tion sang Memoryal?
(Tan-awa ang parapo 14)
nagsugod sa pagkaon sa tinapay kag pag-inom sa alak
pero nag-untat sang ulihi. Ang iban mahimo may prob-
lema sa hunahuna ukon sa emosyon amo nga nagapati
sila nga magagahom sila upod sang Cristo sa langit. Gani
wala kita kabalo kon pila gid ang nabilin nga mga hinap-
las sa duta.
13 May mga hinaplas sa madamo nga bahin sang duta
kon mag-abot na si Jesus para dalhon sila sa langit. (Mat.
24:31) Ginasiling sang Biblia nga diutay na lang ang mga
hinaplas nga mabilin sa duta sa katapusan nga mga
adlaw. (Bug. 12:17) Pero wala ini nagasiling kon pila sa
ila ang ari pa sa duta kon magsugod ang dakung kapi-
pit-an.
14Si Jehova ang nagadesisyon kon san-o niya pilion ang
mga hinaplas. (Roma 8:28-30) Ginsugdan ni Jehova ang
pagpili sa mga hinaplas pagkatapos mabanhaw si Jesus.
Sang unang siglo, mahimo gid nga hinaplas ang tanan nga
Cristiano. Pagkasunod nga mga tinuig, ang kalabanan nga
nagapangangkon nga mga Cristiano indi matuod nga na-
gasunod sa Cristo. Pero may pila ka matuod nga mga Cris-
tiano nga ginpili ni Jehova nga mga hinaplas. Pareho sila
sang trigo nga nagtubo dungan sa hilamon sa ilustrasyon
ni Jesus. (Mat. 13:24-30) Sa katapusan nga mga adlaw,
padayon nga ginapili ni Jehova ang mangin miembro sang

13. Ginasiling bala sang Biblia kon pila ang hinaplas nga ari pa sa
duta kon magsugod ang dakung kapipit-an?
14. Ano ang matun-an naton sa Roma 9:11, 16 parte sa pagpili sa
mga hinaplas?

ENERO 2020 61
144,000.1 Gani kon magdesisyon ang Dios nga pilion ang
pila sa ila antes mag-abot ang katapusan, indi gid na-
ton pagduhaduhaan ang iya kaalam. (Basaha ang Roma
9:11, 16.)2 Dapat kita maghalong para indi kita mangin pa-
reho sang mga mamumugon sa ilustrasyon ni Jesus. Nag-
reklamo sila sa ginhimo sang ila agalon sa mga pinakauli-
hi nga nag-obra.—Mat. 20:8-15.
15 Indi tanan sang may paglaum nga mabuhi sa langit ang
miembro sang “matutom kag mainandamon nga ulipon.”
(Basaha ang Mateo 24:45-47.) Pareho sang unang siglo,
pila lang ka utod nga lalaki ang ginagamit ni Jehova kag
ni Jesus sa pagpakaon, ukon sa pagtudlo, sa madamo su-
bong. Pila lang ka hinaplas nga Cristiano sang unang sig-
lo ang gingamit sa pagsulat sang Cristianong Griegong Ka-
sulatan. Subong, pila lang ka hinaplas nga Cristiano ang
may responsibilidad sa paghatag sa katawhan sang Dios
sang “pagkaon sa nagakaigo nga tion.”
16 Ano ang natun-an naton sa sini nga artikulo? Nagde-
sisyon si Jehova nga hatagan sang kabuhi nga wala sing
katapusan sa duta ang kalabanan sa iya katawhan kag sang

1 Bisan pa ginasiling sang Binuhatan 2:33 nga ginabubo ang balaan nga
espiritu paagi kay Jesus, si Jehova amo ang nagapili sa indibiduwal.
2 Para sa dugang nga impormasyon, tan-awa ang “Mga Pamangkot
Gikan sa mga Bumalasa” sa Mayo 1, 2007, nga Ang Lalantawan.

15. Ang tanan bala nga hinaplas miembro sang “matutom kag
mainandamon nga ulipon” nga ginsambit sa Mateo 24:45-47? Ipa-
athag.
16. Ano ang natun-an mo sa sini nga artikulo?

62 ANG LALANTAWAN
kabuhi sa langit ang pila nga magagahom kaupod ni Je-
sus. Nagahatag sang padya si Jehova sa tanan niya nga
katawhan, nga ginarepresentar sang “Judiyo” kag sang
“napulo ka tawo.” Pareho lang nga kasuguan ang ginapa-
tuman niya sa aton kag gusto niya nga mangin matutom
kita. Dapat kita tanan mangin mapainubuson. Dapat kita
tanan mahiusa sa pag-alagad sa iya. Kag dapat kita tanan
magbuligay para may paghidait sa kongregasyon. Samtang
nagapalapit na kita sa katapusan, padayon kita tanan nga
mag-alagad kay Jehova kag magsunod sa Cristo bilang
“isa ka panong.”—Juan 10:16.


PIKTYUR Pahina 58: Imadyina nga ginapalibutan sang mga tawo ang
isa ka representante sang ulong talatapan kag ang iya asawa sa isa ka
kombension kag ginapiktyuran sila. Indi gid ini pagpakita sang respeto!

MAPAATHAG MO BALA?
˛ Paano dapat ˛ Paano dapat ˛ Ngaa indi kita dapat
tamdon sang tamdon sang mabalaka kon nagada-
mga hinaplas iban ang mga mo ang mga nagakaon
ang ila kauga- hinaplas? sang tinapay kag naga-
lingon? inom sang alak sa tion
sang Memoryal?

AMBAHANON 34
Mag-alagad nga May Integridad
34567 January 2020
Vol. 141, No. 2 HILIGAYNON


Tulun-an nga Artikulo 1: Marso 2-8 2
“Kadtui Ninyo ang mga Tawo . . . kag Tudlui Ninyo Sila
Agod Mangin Disipulo Ko”

Tulun-an nga Artikulo 2: Marso 9-15 16
Puede Ka Mangin “Nagapabakod nga Bulig” sa Iban

Tulun-an nga Artikulo 3: Marso 16-22 28
Importante Gid Ikaw kay Jehova nga Imo Dios!

Tulun-an nga Artikulo 4: Marso 23-29 40
“Ang Espiritu Mismo Nagahatag
sing Pamatuod”

Tulun-an nga Artikulo 5: Marso 30–Abril 5 52
Maupod Kami sa Inyo

PIKTYUR SA KOBER:
Pagkatapos mabanhaw si Jesus, nakigkita sia sa mga apostoles kag sa iban pa
sa Galilea, kag ginsugo niya sila nga ‘kadtuan ang mga tawo kag tudluan sila
agod mangin disipulo niya sila’ (Tan-awa ang tulun-an nga artikulo 1, parapo 3-4)

Ini nga magasin wala ginabaligya. Ginagamit ini subong bahin

sang bug-os kalibutan nga hilikuton sa pagtudlo sang Biblia nga
ginasuportahan sang boluntaryo nga mga donasyon. Kon gusto
Kadtui ang jw.org ˙
mo maghatag sing donasyon, palihug kadtui ang donate.jw.org. nga website, ukon
Luwas kon tuhay ang ginapakita, ang mga kinutlo sa Biblia naghalin
sa Bag-ong Kalibutan nga Badbad sang Balaan nga Kasulatan.
i-scan ang code

s
The Watchtower (ISSN 0043-1087) January 2020 is published by Watch-
tower Bible and Tract Society of New York, Inc.; Harold L. Corkern, Pres-
wlp20.01-HV

ident; Mark L. Questell, Secretary-Treasurer; 1000 Red Mills Road, Wallkill,

NY 12589-3299. ˘ 2019 Watch Tower Bible and Tract Society of Pennsylva-
190930

nia. Printed in Japan.