PROPOSTAS AULAS 3 ANOS

25-26-27 MARZO

HOLA FAMILIAS!
TENDO EN CONTA QUE OS DÍAS SEN COLE ALÓNGANSE, APORTAMOS UNHAS NOVAS
PROPOSTAS QUE PODEDES FACER COAS E COS PEQUES NESTA SEMANA, SEMPRE DE FORMA
VOLUNTARIA. SABEMOS QUE, CADA UN/UNHA DE VÓS TENDES SITUACIÓNS LABORAIS E
PERSOAIS DIFERENTES, E QUE NON É DOADO AXUSTARNOS AOS MATERIAIS QUE PODADES
TER POR CASA, POR ISO, SON IDEAS QUE INTENTAMOS QUE TODOS/AS PODADES FACER EN
CALQUERA MOMENTO DO DÍA.
NON SE TRATA TAMPOUCO DE FACER TODO, NIN DE PENSAR QUE ESTANSE A PERDER
CONTIDOS CURRICULARES, POIS NESTES MOMENTOS, A APRENDIZAXE VERDADEIRA ESTÁ
NO VIVIDO EN CADA MOMENTO.
ESPERAMOS QUE GOCEDES E APRENDADES MOITO XUNTOS/AS.

MOITO ÁNIMO! ESTADES A FACELO MOI BEN.

UNHA APERTA ENORME.

LAURA E ASUN
1. GRAFOMOTRICIDADE E ATENCIÓN
CALQUERA ACTIVIDADE MANIPULATIVA DESTAS CARACTERÍSTICAS PREPARA
AOS NENOS/AS PARA A APRENDIZAXE FUTURA DA LECTOESCRITURA.

PODEDES EMPREGAR DIVERSOS MATERIAIS QUE TEÑADES POR CASA

(BOTÓNS, PEDRIÑAS, GARABANZOS, PALIÑOS…) E PODEDES FACELA EN
SOPORTES INDIVIDUAIS OU, COMO SE REFLEXA NA IMAXE, EN SOPORTES
MÁIS AMPLOS E CON MÁIS TRAZOS.
2. O ESQUEMA CORPORAL
PODEDES PRIMEIRO RECORDAR E/OU APRENDER O SEGUINTE XOGO RIMADO
DE TAMARA CHUVAROVSKY, QUE LLES ENCANTA! FACÉDEO PRIMEIRO A ELES
E LOGO QUE ELES O FAGAN A ALGÚN IRMÁ OU FAMILIAR…
https://www.youtube.com/watch?v=HQpi5VFaj1w

DESPOIS, INVITÁMOSVOS A QUE, CON

DIFERENTES ELEMENTOS E NUN
SOPORTE FIXO, ELABOREN CARAS OU
CORPOS, SEMPRE VERBALIZANDO AS
PARTES E ANIMANDO E GUIANDO PARA
QUE COMPLETEN SE LLE FALTA ALGO.

3. CREAMOS E EXPERIMENTAMOS
FACEMOS PLASTILINA CASEIRA E DIVERTÍMONOS CREANDO CON ELA
DIFERENTES ELEMENTOS (LETRAS, COMIDA, FORMAS XEOMÉTRICAS
BÁSICAS…). NESTA PÁXINA WEB HAI MÁIS RECETAS
https://www.pequeocio.com/9-recetas-de-plastilina-casera/
4. MOTRICIDADE FINA E COORDINACIÓN ÓCULO-MANUAL
PODEN FACER TRASVASES DE DIFENTE TIPO, APOIADOS CON PINZAS DA
ROUPA OU DA COCIÑA OU MESMO CREADAS CON PALIÑOS E TAPÓNS.

5. LETRAS E LAND ART

UN LAND ART É UNHA CREACIÓN ARTÍSTICA CON ELEMENTOS DO MEDIO
NATURAL. INVITÁMOSVOS A RECADAR ELEMENTOS COMO FOLLAS, FLORES,
PEDRIÑAS, PAUS… E SE NON NOS É POSIBLE NON VOS PREOCUPEDES!
PODEMOS REALIZALO TAMÉN CON COUSIÑAS QUE ATOPEMOS POLA CASA:
XOGUETES, PEZAS DE CONSTRUCIÓN, CORES…

PODEMOS XOGAR DE DIFERENTES MANEIRAS E SEMPRE ADAPTÁNDONOS AO

NIVEL DE CADA NENO/A:
1. - REALIZAR AS LETRAS DO NOSO NOME. (PODEDES ESCRIBIRLLE O
NOME EN MAIÚSCULAS EN GRANDE E QUE CREE POR ENRIBA, OU
DEIXAR LIBREMENTE QUE VAIAN FORMANDO AS LETRAS).
2. CREAR ALGUNHA LETRA INICIAL DO NOME DALGÚN COMPAÑEIRO/A DA
CLASE, QUE RECOÑEZAN.
3. - ELABORAR CREACIÓNS LIBRES, REAIS OU ABSTRACTAS.