Pag-ampo

Tan-awa usab Amen; Pagpalandong; Pagsimba; Pangayo

Usa ka matinahuron nga pagpakigsulti sa Dios sa panahon diin ang usa ka tawo naghatag og mga
pasalamat ug nangayo og mga panalangin. Ang mga pag-ampo gitumong ngadto sa Langitnon nga
Amahan diha sa ngalan ni Jesukristo. Mga pag-ampo mahimo nga ipamulong nga kusog o sa hilum.
Ang mga hunahuna sa usa ka tawo mahimo usab nga usa ka pag-ampo kon sila gitumong ngadto sa
Ginoo. Ang awit sa mga matarung mahimo nga usa ka pag-ampo ngadto sa Dios (D&P 25:12).

Ang katuyoan sa pag-ampo dili sa pag-usab sa kabubut-on sa Dios, apan sa pagsiguro sa atong mga
kaugalingon ug alang sa uban sa mga panalangin nga ang Dios andam sa paghatag, apan nga kita
kinahanglan mangayo sa ingon aron makabaton.

Kita mag-ampo sa atong Amahan diha sa ngalan ni Kristo (Juan 14:13–14; 16:23–24). Kita sa
pagkatinuod makahimo sa pag-ampo diha sa ngalan ni Kristo kon ang atong mga tinguha mao ang
mga tinguha ni Kristo (Juan 15:7; D&P 46:30). Kita dayon mangayo og mga butang nga mga matarung
ug niadto nga mahimo alang sa Dios nga itugyan (3 Ne. 18:20). Pipila sa mga pag-ampo nagpabilin
nga wala matubag tungod kay sila sa bisan unsa nga paagi wala magpaila sa tinguha ni Kristo apan
nagagikan hinoon gikan sa pagkahakog sa tawo (San. 4:3; D&P 46:9). Sa pagkatinuod, kon kita
mangayo sa Dios sa mga butang nga dili matarung kini mosumbalik ngadto sa atong panghimaraut
(D&P 88:65).

Unya ang mga tawo misugod sa pagtawag diha sa ngalan sa Ginoo, Gen. 4:26.

Diha sa dapit sa altar, si Abraham mitawag sa ngalan sa Ginoo, Gen. 13:4.

Ang sulugoon ni Abraham nag-ampo alang sa panabang sa pagpangita og asawa alang ni Isaac, Gen.
24:10–19.

Ang Dios dili buot nga ako makasala batok sa Ginoo diha sa paghunong sa pag-ampo alang kanimo, 1
Sam. 12:23.

Ang Ginoo nakadungog sa pag-ampo sa mga matarung, Prov. 15:29.

Ikaw makakita kanako, kon ikaw mangita kanako uban sa imong tibuok kasingkasing, Jer. 29:12–13.

Pag-ampo alang kanila nga nagtamay kanimo, Mat. 5:44 (Luc. 6:28; 3 Ne. 12:44).

Pag-ampo ngadto sa Amahan diha sa tago, Mat. 6:5–8 (3 Ne. 13:5–8).

Sama niini nga paagi kamo mag-ampo, Mat. 6:9–13 (Luc. 11:2; 3 Ne. 13:9).

Pangayo ug kini ihatag nganha kanimo, Mat. 7:7 (3 Ne. 14:7; D&P 4:7; 6:5; 66:9).

Si Jesus misaka sa bukid ug didto nag-ampo, Mat. 14:23.

Pagbantay ug pag-ampo, aron ikaw dili makasulod ngadto sa pagtintal, Mat. 26:41 (Mar. 14:38; 3 Ne.
18:15–18; D&P 31:12).

Ipahimo kaniya nga mangayo diha sa hugot nga pagtuo, nga walay pagduha-duha, San. 1:5–6 (D&P
42:68; 46:7).

Ang kinasingkasing nga pag-ampo sa matarung nga tawo makatabang kaayo, San. 5:16.

Patalinghug ngadto sa Espiritu nga nagtudlo sa usa ka tawo sa pag-ampo, 2 Ne. 32:8–9.

Ako mituaw ngadto kaniya sa gamhanan nga pag-ampo, Enos 1:4.

Ako nagpuasa ug nag-ampo sa daghan nga mga adlaw, Alma 5:45–46 (Alma 26:22).

Sila mihatag sa ilang mga kaugalingon sa daghan nga mga pag-ampo, ug pagpuasa, Alma 17:3.

Kamo nakahinumdom ba unsa ang giingon ni Zenos mahitungod sa pag-ampo o pagsimba? Alma
33:3.

Magpaubos sa inyong mga kaugalingon, ug padayon sa pag-ampo, Alma 34:18–27.

Pagpakigtambag uban sa Ginoo sa imong tanan nga mga buluhaton, Alma 37:37.

Ikaw kinahanglan gayud nga mag-ampo kanunay ngadto sa Amahan sa akong ngalan, 3 Ne. 18:19–
20.

Pag-ampo uban sa inyong mga banay, 3 Ne. 18:21.

Si Jesus nag-ampo ngadto sa Amahan, 3 Ne. 19:31–34 (Juan 17; 3 Ne. 18:16).

Siya nagsugo kanila nga sila dili gayud mohunong sa pag-ampo diha sa ilang mga kasingkasing, 3 Ne.
20:1.

Kon siya mag-ampo ug dili sa tinuod nga katuyoan sa kasingkasing, kini dili makahatag kaniya og
kaayohan, Moro. 7:6–9.

Ayaw pangayo nianang wala nimo kinahanglana, D&P 8:10.

Pag-ampo kanunay aron ikaw magmadaugon, D&P 10:5.

Ako nagsugo kaninyo nga kamo kinahanglan mag-ampo sa kusog ug usab diha sa imong
kasingkasing, D&P 19:28.

Ang Espiritu ihatag nganha kaninyo pinaagi sa pag-ampo diha sa hugot nga pagtuo, D&P 42:14.
Lakaw ngadto sa balay nga alampoan ug ihalad ang inyong mga sakramento, D&P 59:9 (Mat. 21:13).

Mga ginikanan kinahanglan motudlo sa ilang mga anak sa pag-ampo, D&P 68:28.

Ang Ginoo nga ilang Dios dugay sa pagtubag ngadto sa ilang mga pag-ampo, D&P 101:7–8 (Mosiah
21:15).

Magpaubos kamo; ug ang Ginoo nga inyong Dios mohatag kaninyo sa tubag sa inyong mga pag-
ampo, D&P 112:10.

Si Adan gisugo sa pagtawag sa Dios sa ngalan sa Anak, Moises 5:8.

Ang Amahan ug Anak nagpakita ngadto ni Joseph Smith agi og tubag sa iyang pag-ampo, JS—K 1:11–
20.

Feedback